"Од" эмэгтэйчүүдийг бид үргэлж сайхан царай, ганган хээнцэр байхыг нь хардаг. Тэгвэл энэ удаад дуучид, загвар өмсөгчид, жүжигчид гээд л олны танил эмэгтэйчүүд "од" болж олонд танигдахаасаа өмнө ямар царайтай байсан болоод тэдгээрийн будаагүй төрхийг дэлгэж байна.

    Хөвсгөлийн Мөрөн хотод төрж, ажил амьдралынхаа гарааг эхэлсэн дуучин С.Наран бол Монголйн поп дива дуучдын нэг. Чадалтай хоолой, эршүүд төрхөөр нь түүнийг уншигч та бүхэн андахгүй биз ээ. Ганцаарааа юманд зүтгэнэ гэдэг амаргүй. Дуучин маань хөдөөнөөс ирчихээд хотын амьдралд дасах, дуугаа бичүүлэх, айлын хажуу өрөө хөлслөх мөнгө олохын тулд бааранд дуулах зэргээр мөнхийн л тэмцэлтэй явсан гэдэг. Олсон мөнгөөрөө идэж уух, хувцаслах гээд эмэгтэй хүний хэрэглээ барагдахгүй.  Ганцаараа хотод орж ирсэн түүнийг түшээд авах продюсер байгаагүй гэдэг. Мөн хотод байр сууриа олохын тулд найз нөхдийнхөөрөө ганц хоёр сараар байдаг байжээ. Ийм амьдралаас одоогийн алдарт хүрсэн поп дива маань будаагүй байхдаа ямаршуу хүүхэн юм бол оо?

     Хүн уг нь бурханы бүтээл юм гэнэлээ. Гэвч бурханы энэ бүтээлийг ч гэсэн засаж, сайжруулж байх ёстой гэдгийг Монголд хамгийн тод томруунаар харуулсан хүн бол топ модель Урнаа. Германд загвар өмсч байсан энэ бүсгүй Монголын хамгийн өндөр үнэтэй загвар өмсөгчдийн тоонд зүй ёсоор ордог. Нэг хэсэг Пунцагбалжир агсны хүү П.Энхмөнхтэй хамт амьдарч, байнга дуулиан шуугиан тарьж байсан топ моделиас найз залуу нь салахдаа “Би Урнаа шиг мөнгө л үрэхээс өөр юм мэддэггүй хүүхэнтэй хамт амьдарч чадахгүй” гэж сэтгүүлчидэд ам алдаж байсан удаатай. Үнэхээр ч топ модель бүсгүй өөрийнхөө гоо сайханд мөнгийг харамгүй зарцуулж, бас гоо сайхны ямар ч хагалгаанд орохоос айдаггүй, эрсдэл хүлээж чаддаг нэгэн. Нүд, хөмсөг, уруулаас эхлээд хөх, бөгсөө хүртэл янзлуулж, эрүүгээ тайруулж байсан Урнааг олон охид бүсгүйчүүд дуурайж, нэг хэсэг Монголд нүдэндээ давхраа хийлгэх, нүүрнийхээ арьсыг татуулах, хамраа өндөрлүүлэх их аян өрнөж байсан гэхэд болно. Гэхдээ хэн ч түүн шиг эрүүнийхээ ясыг тайруулах зориг гаргаж чадаагүй юм. Хамгийн урт хөлтэй модель гэгддэг тэрээр хамгийн олон засвар хийлгэсэн гэдэг гуншиг мөн өөртөө авсан билээ.  Хагалгааны дараа сайхан харагдах болсон Урнаа будаггүй байхдаа хэр өөр харагдахыг  эндээс харж болно.

    Урлагийн алтан тайзтай амьдралаа холбосон цагаасаа өөрийн гэсэн өнгө төрхтэй  басхүү манлайлагч нь байж чадсан бүсгүй бол МУГЖ Б.Сарантуяа. Тэрбээр чанартай  уран бүтээл хийхийг урьтал болгохын  зэрэгцээ хувийн амьдралаа ч эр хүний оролцоогүйгээр сайн авч яваа нэгэн. Үргэлж урлагийн алтан тайзаа хүндэтгэн фэнүүдийнхээ өмнө дэгжин үзэгддэг зууны манлай  дуучны будаггүй төрх, будагтайгаасаа хэр ялгаатай бол...