Дэлхийн хэмжээнд тоо­цогдох, үндэсний цэцэрлэгт хүрээлэнг бий болгох ту­хай шийдвэр 2009 онд нийс­лэлийн удирдлагууд гаргаж байсан. Энэ ажлын хүрээнд Үндэсний цэцэрлэгт хүрээ­лэнгийн бүтээн байгуулалт эх­лэн, тодорхой хэсгийг ашиг­лалтад оруулаад байгаа. Тус цэцэрлэгт хүрээлэнг то­хи­жуулах, иргэдийн сэт­гэлд нийцсэн, олон улсын стандартын дагуу бүтээн байгуулалт хийх аж.

Харин бүтээн байгуу­лалтын зарим ажлаас шалт­гаалан түр хугацаагаар ир­гэдэд үйлчлэхгүй болжээ. Учир нь тус талбайд 300 автомашины зогсоол, 2.6 километр тойрог бүхий гүйлтийн болон дугуйн за­мыг барих ажил эхэлсэн нь иргэдийг гэмтээж бол­зошгүй гэж үзжээ. Бүтээн байгуулалтын ажил ирэх арванхоёрдугаар сарын 1-н гэхэд дуусч, үйл ажиллагаа хэвийн үргэлжлэх юм байна.

Цэцэрлэгт хүрээлэнгийн бүтээн байгуулалтын тал дээр зарим улс оронтой хамт­­ран ажиллах, харилцан туршлага солилцсоор ирсэн аж. Тухайлбал, 1.6 га талбайг Сөүл хотын нэрэмжит болгон тохижуулж байна. Хөх хоттой хамтран ажиллах санамж бичигт гарын үсэг зурснаар цэцэрлэгжүүлэлт, усжуулалтын систем зэрэгт хамтран ажиллах, туршлага солилцохоор төлөвлөжээ.