МАХН-ын дарга Н.Энхбаярын хүү УИХ-ын сонгуульд жагсаалтаар хоёрт бичигдсэн ч гишүүн болж чадаагүй. Тиймээс түүнийг сайд, дэд сайд, бүр болохгүй гэхэд нэг агентлагийн дарга болно гэх хардлага яриа гарсаар байгаа. Э.Батшугарыг хамгийн сүүлд намын нэрсийн жагсаалтаар Ц.Оюунбаатарын өмнүүр орж УИХ-ын гишүүний тангарга өргөнө гэж таамаглаж байсан. Харин өнөөдөр Н.Энхбаярын хүүг Монголбанкны дэд ерөнхийлөгч болно гэсэн мэдээлэл тарж эхэллээ. Өнөөдөр 12 цагт эхлэх УИХ-ын чуулганаар Монголбанкны дэд ерөнхийлөгчийг томилох асуудлыг хэлэлцэх юм. 25 настай түүнийг ийм албан тушаалд хэрэв томилох нь үнэн бол УИХ-ын гишүүдийн хооронд нэлээн зөрчил үүсэх магадлалтай. Учир нь энэ алба бол туршлага шаарддаг тун чухал ажил. Одоо Монголбанкны ерөнхийлөгч болсон өмнөх дэд ерөнхийлөгч Н.Золжаргалтай  харьцуулахад түүний намтар нимгэн юм.