Монгол улсын хөдөлмөрийн баатар, гавьяат тамирчин М.Уранцэцэгийн санаачилга, хамтын төслөөр эхлүүлж буй “Хөдөлмөр” хотхон Баянзүрх дүүрэгт сүндэрлэнэ.

Энэхүү төслөө түүний 16 жилийн хөдөлмөрийг ард түмэн, төр үнэлсний тэмдэг “Хөдөлмөрийн Баатар” хэмээх цолоо бэлгэдэн нэрийджээ.

Төсөл нь  БЗД-ийн 39 дүгээр хороонд 16 давхар, 9 блок барилга буюу 1080 айлын орон сууц байх ба энэ долоо хоногт барилгын ажил эхэлнэ гэдгийг борлуулалтын албанаас мэдэгдлээ. Мөн талбайн тавь орчим хувьд хүүхдийн тоглоомын талбай, ногоон байгууламж, 120 хүүхдийн цэцэрлэг барихаар төлөвлөөд байгаа юм байна.

Энэхүү төслийн гол онцлог нь залуу гэр бүл, залуус болон тамирчдыг дэмжиж, түрээсийн байрнаас өөрийн байртай болох боломж, уян хатан нөхцөлийг эн тэргүүнд тавьжээ. Түүнчлэн шаардлага хангасан 108 айлыг хүүгүй, урьдчилгаагүй нөхцөлөөр гурван жилийн хугацаатай төлбөрийн гэрээ байгуулан оруулна гэв.

Тухайлбал, залуу гэр бүл, байр түрээслэн амьдардаг залуус, тамирчдад боломж олгох зорилготой аж.  Уг төслийн гүйцэтгэгчээр "Сүмбэр Цамхаг" ХХК ажиллана.  

М.ДЭВЭЭЖАРГАЛ