Үүсээд буй нөхцөл байдлын талаар Гандантэгчилэн хийдийн хамт олон мэдээлэл хийлээ. Энэ үеэр гавж Б.Чойжилсүрэн дараах мэдээллийг өглөө. 

Тэрбээр "Нөхцөл байдал шалгалтын хэмжээнд явж байна. Энэ талаар Монголчууд их бухимдаж, сөрөг сэтгэгдлүүд их ирж байна. Ийм асуудал буддын шашинд байдаггүй зүйл. Би 1990 оноос хойш Гандантэгчэнлин хийдэд шавилан сууж, өдийг хүртэл явж байна. Энэ хугацаанд ийм асуудал нэг ч удаа гарч байсангүй. Энэ асуудалд төрийн албан хаагчид хүртэл байр сууриа илэрхийлж, болчимгүй үйлдлийг гаргаж байна. Энэ бол байж болохгүй зүйл.

Бурханы шашны сахил санваар, дэг жаяг гэж бий. Олон төрлийн сахилууд байгаа. Хамгийн доод хэмжээний сахилд эхнэртэй байж болно хэмээн заасан байдаг.

Үүнд эхнэрээсээ өөр эмэгтэйтэй бэлгийн харилцаанд орж болохгүй гэсэн байдаг. Эрэгтэй хүнтэй бүр байж болохгүй. Хэрвээ байгаа бол энэ нь гаж үзэгдэл гэсэн үг. Үүнийг Бурхан багш 2500 жилийн өмнөөс номлож ирсэн. Тангараг өргөөд аль чадахаараа сахиад явж байгаа. Иймд нийт лам нарыг харлуулж байгаа нь байж болохгүй. Бид хүсэл тачаалыг хорихын тухайд явдаг" гэв.

Д.Батчулуун