Улаанбаатар хотод ойрын өдрүүдэд бороо их орсноос үүдэн үерийн хэмжээ ихэссээр байна. Онцгой байдлын ерөнхий газраас үерийн голомтод ажиллаж байгаа ажилтан, алба хаагчдад зориулж дараах зөвлөмжүүдийг хүргэлээ.

• Хувийн иж бүрдэл хамгаалах хувцсыг бүрэн өмсөх (комбинзон, усны гутал, нүдний шил, бээлий, малгай, амны хаалт…гм)
• Голомтод ажилласны дараа хамгаалах хувцасны бохирдсон хэсэгт аль болох хүрэхгүйгээр бээлийтэй гараар гадагш нь хуйлах маягаар тайлан бохирын уутанд хийх.
• Голомтод ажилласны дараа гарыг сайтар угаан спиртэн суурьтай уусмалаар халдваргүйтгэх.
• Ажиллах хугацаандаа гар, арьс салстаа гэмтээхгүй байх, гэмтсэн тохиолдолд эмчид яаралтай хандах.
• Ажлын үеэр аль болох тамхи татахгүй, бохирдсон гарыг ам, хамар, арьс салстад хүргэхгүй байх.
• Гараа сайтар савандаж угаах, спиртэн суурьтай гар ариутгагч, нойтон салфетик хэрэглэх.
• Гэртээ ормогц гутлын улыг 1%-ийн хлорамин, хлор агуулсан уусмалаар норгосон алчуурт арчин тайлж, гэрийн шаахай өмсөх.
• Гадуур хувцсыг гадаа нар салхинд тавих, угааж индүүдэх.
• Илчлэг сайтай витаминлэг хоол, хүнс хэрэглэх.
• Ажил, амралтын дэглэмийг зохицуулж, хэт ядрахгүй байхыг зөвлөж байна.