Ирэх 26-нд тохиож буй Бүгд Найрамдах Улсыг тунхаглаж, Анхдугаар Үндсэн хууль баталсны 100 жилийн ойг угтан БНСУ дахь Элчин сайд С.Сүхболд Сөүл дэх Хангүг Гадаад судлалын Их сургуулийн Монгол хэлний тэнхимийн оюутнуудад лекц уншив. Анхдугаар Үндсэн хууль баталсны 100 жилийн ойг тохиолдуулан Үндсэн хуулиа эрхэмлэн дээдлэх үзэл санааг иргэдэд тайлбарлан таниулах зорилгоор суугаа орны буюу БНСУ дахь их, дээд сургуульд суралцагч монгол оюутнуудад зориулан цуврал лекц ч зохион байгуулах аж. Хангүг Гадаад судлалын Их сургууль нь Монгол хэлний мэргэжилтэн бэлтгэдэг цөөхөн сургуулийн нэг.
Энэ Монгол хэлний тэнхимд 110 орчим солонгос оюутан монгол хэл, соёлыг шимтэн суралцаж байна. Монголыг сонирхон судлагч оюутнуудад Анхдугаар Үндсэн хуулийн түүхэн ач холбогдлыг танилцуулан Монгол Улс болон БНСУ-ын хооронд 1990 онд дипломат харилцаа тогтоосноос 35 жилийн ой 2025 онд тохиохтой холбоотой мэдээллүүдийг өгчээ.
сонирхсон асуултад хариулж, сурлагын амжилт үзүүлсэн шилдэг оюутнуудад өргөмжлөл гардуулав. Уулзалтын дараа Элчин сайд С.Сүхболд Хангүг Гадаад судлалын Их сургуулийн Санхүү, гадаад харилцаа хариуцсан дэд захирал Ким Минь Жон-той уулзаж, Гадаад харилцааны яамны залуу дипломатуудыг богино, дунд хугацааны сургалтад хамруулах, төрийн дээд, өндөр түвшинд орчуулга хийдэг дипломатуудад зориулсан хамтарсан сургалтын хөтөлбөр хэрэгжүүлэх боломжийн талаар санал солилцжээ.
