Бүгд Найрамдах Казахстан Улсын Засгийн газрын тэтгэлгээр тус улсад бакалавр, магистрын хөтөлбөрт суралцуулах сонгон шалгаруулалт зарлагдлаа.

Бүртгэлийн хугацаа 2025 оны 4 дүгээр сарын 02-ны өдрөөс 4 дүгээр сарын 25-ны өдрийн 10:00 цаг хүртэл цахимаар явагдана.

Дараах жагсаалтад байх сургуулиудаас сонгох шаардлагатай.

Сургуулийн нэрс.pdf   Мөн ЭНЭ холбоосоор хандан, хэрэглэгчийн эрх үүсгэн нэвтэрч, цахим өргөдлийг бөглөх, илгээх гарын авлагатай танилцан, өргөдлийг бөглөж илгээнэ. Өргөдөлд дурдсан дараах баримт бичиг тус бүрийг PDF /1 файлын хэмжээ 5Mb-аас ихгүй байх/ хэлбэрээр “баримт бичиг” хэсэгт хавсаргана.

Бакалаврын сургалтад бүртгүүлэх иргэд Англи хэл дээрх өргөдлийн маягтыг Англи хэл дээр анкет.pdf татаж авна уу. Орос хэл дээрх өргөдлийн маягтыг Орос хэл дээр анкет.pdf татаж авна уу.

Магистр, докторын сургалтад бүртгүүлэх иргэд Англи хэл дээрх өргөдлийн маягтыг Англи хэл дээр анкет.pdf  татаж авна уу. Орос хэл дээрх өргөдлийн маягтыг Орос хэл дээр анкет.pdf татаж авна уу.

Жич: Онлайн бүртгэлийн хугацаа дуусахаас өмнө бүртгүүлсэн баримт бичгийг ИЛГЭЭХ товчин дээр дарж баталгаажуулахыг анхаарна уу.

Бүртгэл дуусах цаг дөхөх тусам системийн ачаалал ихэсдэг тул эрт бүртгүүлэхийг зөвлөж байна. Бүртгэлийн системтэй холбоотой асуултыг ажлын өдөр 09.00-17.00 цагт 7012-0939 дугаараас лавлана уу.

Бүртгэлээс хоцорсон иргэдийг нэмж бүртгэх боломжгүй тул та тогтоосон хугацаанд бүртгүүлнэ үү.

Жич: Цахим бүртгэлийн системд үнэн, зөв баримт бичгийг байршуулах шаардлагатай. Баримт бичгийг хуурамчаар үйлдсэн тохиолдолд тэтгэлгийн эрхийг хасна.