Хөвсгөл аймгийн Цагаан Уул суманд 2025 оны 09 дүгээр сарын 03-ны өдөр тарваган тахал өвчний тохиолдол бүртгэгдэж, өвчтөн тус аймгийн нэгдсэн эмнэлэгт хэвтэн эмчлүүлж байна.

Аймгийн онцгой комисс, ЗӨСТ, ЭМГ, НЭ зэрэг мэргэжлийн байгууллагууд холбогдох хариу арга хэмжээг зохион байгуулж нөхцөл байдлыг хянан ажиллаж байна. Одоогоор аймгийн онцгой комиссын шийдвэрээр тус аймагт орох, гарах хөдөлгөөнийг 10 хоногийн хугацаанд хааж хөл хорио тогтоосон.

ЭМЯ, ЗӨСҮТ-өөс тус аймагт бүртгэгдсэн тарваган тахлын хариу арга хэмжээний нөхцөл байдалд мэргэжил арга зүйгээр ханган ажиллаж байна. Иргэд та бүхэн эрсдэлт зан үйлээс ангид байж тарваган тахал өвчнөөс сэргийлнэ үү гэж Эрүүл мэндийн яамнаас мэдээллээ.