1. Эмэгтэй зохиолч, эмэгтэй ерөнхий найруулагч, эмэгтэй гол дүртэй Монголын анхны түүхэн уран сайхны кино.2. Зүүнгарын хаант улс, ойрад монголын түүх соёл, Манжийн дарлалын эсрэг монголчуудын баатарлаг тэмцлийн түүхийг хөндсөн дэлгэцийн анхны бүтээл.
3. 1989 онд нээлтээ хийсэн “Мандухай цэцэн” киноны дараа бүтээж буй хоёр дахь домогт хатны тухай кино
4. Кино зохиолыг “Домогт Ану хатан” романаас сэдэвлэн бичсэн. Уг роман нь 2011 оны үндэсний бестселлерийн жагсаалтыг тэргүүлсэн.
5. Монголын түүхэн 33 том тулалдааны нэг Зуун модны байлдааныг үзүүлснээрээ онцлог.
6. Ану хатны дүрийг бүтээсэн жүжигчин Д.Отгонжаргал морин дээрээс нум сумаар харвах, газраас сум шүүрэх зэрэг хүнд үзүүлбэрүүдийг орлон тоглогчгүйгээр гүйцэтгэжээ.
7. Ану хатны дүрийг бүтээсэн дуучин Д.Отгонжаргал охин Э.Мөнгөншагайн хамт ээж, охин болж тоглосон. 4 настай Мөнгөншагай Галдан хааны хайрт гүнж Юмчихайн бага насны дүрд тоглосон юм.
8. Киноны ерөнхий продюсер Д.Болдхуяг, зохиолч Б.Шүүдэрцэцэг нарын дунд охин Б.Анима Ану хатны бага насанд, отгон охин Б.Анхилмаа Галдан бошгитын Юмчихай гүнжийн дунд насны дүрд тус тус тогложээ.
9. МУГЖ Г.Равдан, хүү Р.Баттогтохын хамт тоглосон бол, ерөнхий найруулагч Т.Алтантуяагийн нөхөр В.Агар нэгдүгээр найруулагчаар ажиллажээ.10. Ану хатны байлдааны хуяг дуулга, алтан титэм, сэнтий, исэр ор зэргийг эртний хатдын хувцас гоёлд ихээхэн хэрэглэдэг байсан тогосоор чимэглэжээ.
11. Ану хатан киноны туршид 3 янзын хуяг дуулга, арав гаруй дээл өмссөн.
12. Ану хатан, Галдан бошгит хаан хоёр ордныхоо тоглоомын өргөөнд 3 хүүхэдтэйгээ оньсон тоглоомоор наадаж буйг үзүүлсэн нь манай кино урлагт монголчуудын оюуны энэхүү гайхамшигт бүтээлийг үзүүлсэн анхны тохиолдол болжээ.
13. “Ану хатан” кинонд Галдан хаан, Сэнгэ хунтайж, Юм-Агас хатан, Ану хатны унтлагын тасалгаа, Лхас дахь тахилын сүм, шүтээний өргөө, номын өргөө, тоглоомын тасалгаа, ордны гал тогоо, Төрийн их ёслолын танхим, Очирт цэцэн ханы их өргөө, доройтон буурсан үеийн гэр, Цөхүр увшийн хуйвалдааны гэр, хуримын болон хээрийн асар, Энх-Амгалан хааны усны өрөө, агуй зэрэг 24 байгууламж барьж ашиглажээ.
14. Уг кинонд Ану хатны бага нас, Юмчихай гүнжийн 4, 10, 18 нас, Бум гүнжийн 2, 16 нас , хаан хүү Сэвдэнбалжирын 8, 25 нас зэрэг үеийг үзүүлж, дүр тус бүрд янз бүрийн насны 2-3 хүн тогложээ.
15. Юм-Агас хатны дүрд тоглосон МУГЖ С.Сарантуяа кино бүтээж байх үеэр АЖ цол хүртсэнээр кино групп Г.Мягмарнаран, С.Сарантуяа нарын 2 АЖ, Г.Равдан, Ж.Оюундарь нарын 2 МУГЖ цолтонтой болжээ.
16. Кино групп 2011 оны 8-р сард байгуулагдсанаас хойш уран бүтээлчдийн гэр бүлд 6 хүүхэд шинээр мэндэлжээ. “Ану хатан” киноны уран бүтээлчдийн нялхсын салхийг жүжигчин Бэкэ буюу Л.Билэгжаргалын охин Ундарга хагалж байжээ.
17. Киноны хээрийн зураг авалтыг Тэрэлжийн “тэнгэрийн элч” жуулчны бааз, Төв аймгийн Алтанбулаг сум, Төв аймгийн Эрдэнэ суман дахь “13-р зуун” бааз, Цонжин болдогийн Элстэй, Баянгийн ам, Өвөрхангай аймгийн нутаг Элсэн тасархай, Жаргалантын сангийн аж ахуйн орчмын тариан талбай зэрэг 7 газарт авчээ.18. Уг киноны нийт 5 удаагийн натурын зураг авалтын үеэр 5 үхэр, 5 хонь, 1 гахай, 1 ямаа хүнсэнд хэрэглэсэн гэнэ.
19. Зуун модны тулалдааныг үзүүлэхдээ ойн, усны, их талын гэж 3 хувааж, Туул гол дээгүүр гар аргаар агаарын зам татсан зэрэг нь манай түүхэн киноны байлдааны зураг авалтын түүхэнд байгаагүй сонирхолтой шийдэл юм.
20. Усны тулалдааны зургийг авахдаа Туул голын Баянгийн амны усан доогуур зураг авсан нь Монголын кино урлаг дахь анхны усан дорхи зураг авалт юм.
21. “Ану хатан” нь төрийн дэмжлэг, гадаадын хөрөнгө оруулалтгүйгээр бүтээсэн Монголын анхны түүхэн уран сайхны кино юм.
23. Киноны жүжигчид, арын алба, олны хэсэг, байлдаан, гэрээт ажилчид нийлээд 500 гаруй хүн энэ уран бүтээлд гар бие оролцсон байна.
24. “Ану хатан” кинонд Ану хатны ээж Доржравдан хатны шивэгчин Үзмээгийн дүр бүтээсэн залуу жүжигчин Б.Оюун-Эрдэнэ охин төрүүлж Ану нэр хайрласан нь уран бүтээлчдийн дундаас төрсөн хоёр дахь Ану юм.
24tsag.mn
Сэтгэгдэл (23)