Ардчилсан намын “Олон нийттэй харилцах бодлого хариуцсан Нарийн бичгийн дарга Г.Лхагвадорж мэдээлэл өглөө. 

Тэрбээр: "Ерөнхий сайд Н.Учрал сонгогдохдоо “Би үнэнээ хэлдэг УИХ-ын дарга, МАН-ын дарга байна. Ард түмнээсээ болж, бүтэхгүй байгаа асуудлыг нуухгүй” гэж хэлсэн. Тиймээс хариуцлага тооцох ёстой албан тушаалтнуудад хариуцлага тооцооч.

Ерөнхий сайд зургаадугаар сарын эхээр “2026 оны 12 сар хүртэл шатахууны үнийг нэмэгдүүлэхгүй” гэж салбарын сайдтай хамтран мэдэгдэж байсан. Гэтэл өнөөдөр шатахууны үнэ хамгийн багадаа 250 төгрөгөөр нэмэгдээд байна. Цаашид шатахууны нийлүүлэлт тасалдах, үүнийг дагаад үнэ дахин өсөх эрсдэлтэй.

Ингэснээр инфляц өсөж, өргөн хэрэглээний бараа, үйлчилгээний үнэ нэмэгдэн, иргэдийн амьжиргаанд сөргөөр нөлөөлөх нь тодорхой. Иймд олон нийтэд өгсөн амлалт, мэдээлэл нь бодит нөхцөл байдлаас зөрсөн учраас холбогдох албан тушаалтнуудад хариуцлага тооцох ёстой. Энэ бол ганц хүний асуудал биш, нийт улс орны бодлого, засаглал, иргэн бүрийн амьдралтай шууд холбоотой асуудал юм" гэв.