Өчигдөр Шинэ Зеландын наран шарлагын газарт усанд сэлж байсан эрэгтэй аварга загасанд бариулж амиа алдсан хэрэг гарсан талаар “CNN” мэдээлжээ.

 

    Өчигдөр Шинэ Зеландын наран шарлагын газарт усанд сэлж байсан эрэгтэй аварга загасанд бариулж амиа алдсан хэрэг гарсан талаар “CNN” мэдээлжээ.

    Хохирогч 40 настай эрэгтэй байсан байна. Тэрбээр Аукланд хотын төвөөс 25 км зайд орших “Муривай” наран шарлагын газрын далайн эргээс 200 орчим метрт сэлж байжээ. Тэр үед түүнлүү 3-4 метр хэмжээтэй аварга загас дайрчээ.

    Ойролцоо нь загасчилж байсан гэрчүүд “Бид түүнийг эргэлдэж байхыг анзаарахад усанд хаа сайгүй цус болсон байсан” гэжээ. Тэдний мэдүүлснээр эрэгтэй амьгүй болсны дараа хоёр ч аварга загас нэмэгдэн ирж түүний цогцсоос идсэн байна.

    Цагдаа нар болон аврах ажилчид хэрэг явдлыг анзаарангуут хийлдэг завиар хөвөн очоод аварга загаснууд руу буудсан байна. Хэдий араатнуудыг үргээж чадсан ч эрэгтэй аль хэдийн нас барсан байжээ.

    Энэ хэрэг болсны дараа тус наран шарлагын газрыг хаасан байна.