Хошин урлагийн салбараас төрсөн отгон Гавьяат Ариунболд өчигдөр цолны найраа нижгэр хийжээ. Улаанбаатар ресторанд болсон түүний цолны найранд урлаг соёлынхон тэр дундаа хошин урлагийн үе үеийн төлөөллүүд хүрэлцэн ирсэн аж. Тэр бүр нэг дор чуулаад байдаггүй хошин урлаг хэмээх их айлын отгон Гавьяатын найранд алтан үеийнхэн нь болох Гавьяат жүжигчин Б.Батзаяа, Л.Чаминчулуун, Б.Туяа, “тогдгор” Д.Галсантогтох, Д.Жагдаг нараас эхлэн драмын урлагийн акулууд болох Гавьяат жүжигчин Г.Мягмарнаран, З.Жарантав, Ардын жүжигчин П.Цэрэндавга, Д.Мэндбаяр, хошин урлагийн “Шинэ үе”, “Х-Түц”, “Маск”, “Шилдэг өнгө” хамтлагууд, Суурь, Чапи, Хүрлээ, Лхагваа, Гавьяат жүжигчин, поп дива Б.Сарантуяа, Ш.Алтанцэцэг, хөтлөгч Анууш, Ч.Ичинхорлоо, Д.Цовоо, “Хурд”, “Extacy” зэрэг урлагийнхан хүрэлцэн очжээ.