Чингэлтэй дүүргийн IV хороонд байрлах  “Миний дөт” өөртөө үйлчлэх дэлгүүрт өнгөрсөн шөнө 22.00 цагийн орчимд 28-30 насны үл таних эрэгтэй хийн гар буугаар хоёр удаа хий буудан касснаас бэлэн мөнгө дээрэмдэхийг завдсан байна.

Уг хэргийг Чингэлтэй дүүргийн цагдаагийн I хэлтэс шалгаж байгаа юм байна. Түүнчлэн Баянгол дүүргийн XI хороонд байрлах  “Мотел” зочид буудлын саун массажны газарт иргэн Н нь үйлчлүүлж байгаад 1.5 сая төгрөг, S-4  гар утас алдагдсан байна. Хэргийг тус дүүргийн цагдаагийн I хэлтэс шалгаж байгаа юм байна.  Сүүлийн үед халаасны хулгай их байгааг цагдаагийн байгууллагаас анхааруулж байна.