Ардчилсан хувьсгалыг өрнүүлэхэд хувь нэмрээ оруулж, зүтгэж явсан Т.Оюунчимэг болон түүний гэр бүлд ардчилсан ерөнхийлөгч доромжлонгуй хандсан тухай өнөөдөр мэдээллээ. 2010 оны 12 дугаар сарын 7-ны өдөр ерөнхийлөгчийн зарлигаар түүнд Хөдөлмөрийн гавьяаны улаан тугийн одон олгосон байна. Мөн 2009 оны зарлигаар нөхөрт нь Урлагийн гавьяат зүтгэлтэн одон олгох байж. Гэвч одонгуудыг буцааж өгөх болсон гэнэ. Учир нь түүний нөхөр Р.Доржбатыг амьсгал хурааж, ажил явдал нь үргэлжилж байхад одонг авчирч өгчээ. Ингэхдээ ерөнхийлөгчийн албаны төлөөлөгч биш жирийн ажил явдалд оролцох хүнээр дамжуулан хүргүүлсэн нь доромжлох мэт явдал байжээ. Т.Оюунчимэг “Амьгүй болчихсон хүнд шагнал гардуулна гэдэг чинь юу гэсэн үг вэ? Шагнал гэдэг чинь ингэтлээ утгаа алдчихсан юм уу?” гэж хоолой зангируулан хэллээ. Замын хүнээр дайж явуулсан одон медалийг нь би аваачиж өгөхгүй шуудангаар л явуулчихна гэдгээ мэдэгдсэн юм.

     Т.Оюунчимэгийн гэр бүл 1990-ээд оны ардчиллын үйл хэрэгт гар бие оролцон, зүтгэж явсан байна. Түүний нөхөр Үндэсний радиод ажиллаж, олон түмэндээ танигдсан хүн байсан бол өөрөө эрдэм шинжилгээний ажилтан байжээ. Социализмын сүүл үед уг албан тушаалд байхдаа ардчиллын залуус буюу тухайн үеийн “дайснуудыг” дэмжиж, өөрийгөө болон гэр бүлээ зольж явсан гэнэ. Түүнээс хойш албан ажлаа хүлээлгэн өгч, Э.Бат-Үүл гишүүний туслах, Ардчилсан намын нарийн бичиг зэрэг албан тушаал хашиж явсаар 1996 онд гадаад оронд амьдрахаар гэр бүлээрээ явсан юм байна. 12 жил гадаадад амьдарч байгаад эх орондоо ирээд гурван сар болж байгаа. Одоо тэрээр одон медальд үнэхээр дургүйцэх болсон байна.