Башкирын нийслэл Уфа хотын лалын шашны “Ихлас” сүмийн ном айлдагч Мухаммад-хазрат Галлямов өчигдөр Улаанбаатар хотын лалын сүмд Аллах бурханыг магтсан ном тавив. Тэрбээр уг номыг татар хэл дээр уншжээ. Ламбугай уул нь манайд “Өнөөдөр” сонины шугамаар ондоо зорилготой ирсэн боловч нэг сумаар хоёр туулай буудахаар шийдэж ийнхүү шашин номын ажлаа хажуугаар нь амжуулж авсан гэнэ. Сүмийн хувраг, шавь нар түүнийг мөн Улаанбаатар болон орон нутгийн үзүүштэй гаруудаар бүтэн өдөр авч явж баярлуулжээ. Монголын лалын байгууллагуудын нийгэмлэгийн тэргүүн Х.Батырбек түүнийг ирэх жил Улаанбаатарт ашиглалтад орох лалын шинэ сүмийн нээлтэд ирж оролцохыг урьсан байна.