БНХАУ-руу эмэгтэйчүүдийг худалдсан Д.Сэлэнгийн гэм буруутай эсэхийг өнөөдөр Сүхбаатар дүүргийн шүүхэд 14.00 цагаас хэлэлцэх байсан ч улсын яллагч ирээгүй гэх шалтгаанаар энэ сарын 19-ныг хүртэл хойшиллоо. Түүнийг Эрүүгийн хуулийн тусгай ангийн 124.2-т зааснаар буюу биеэ үнэлэх газар байгуулсан, санхүүжүүлсэн, түүнчлэн биеэ үнэлэхэд зуучилсан, биеэ үнэлэхийг байнга зохион байгуулсан, тээврийн хэрэгсэл, орон байр, бусад зүйлээр үйлчилсэн гэх үндэслэлээр буруутгаж байгаа. Гэвч тэрээр өөрийгөө гэм буруугүй хэмээн үзэж байгаа юм. Энэ талаар түүнээс цөөн асуултад хариулт авлаа.
-Та түрүүн өөрийгөө гэм буруугүй гэлээ?
-Угаасаа би энэ хэргийг хийгээгүй. Гэхдээ эцсийн шийдвэрийг шүүх гаргана. Тиймээс шүүх хурал дээр уулзая. Одоохондоо би ямар нэгэн юм яримааргүй байна.
-Тэгээд яагаад шүүхийн танхимд зогсож байна вэ?
-Харин би өөрөө ч ойлгохгүй байна. Хохирогч эмэгтэй л Замын-Үүдээс баригдаад ирсэн гэсэн. Тэгээд л над руу буруугаа чихээд байх шиг байна.
-Та хохирогчийг яаж таньдаг юм бэ?
-Миний найз Д.Гантуяа гэж охин байгаа.
-Найз тань хэдэн настай юм бэ?
-Одоо 24 настай.
Б.Чимэг
