Гэмтэл, согог судлалын үндэсний төвийн зарим эмч нар өнөөдөр жагсаал хийж, шинэ дарга Ц.Энхбаярыг огцруулахыг шаардсан. Тэд энэ шаардлагыг удаа дараа хүргүүлж байгаа ч үр дүнд хүрэхгүй байсан юм. Тэгвэл дөнгөж сая Эрүүл мэндийн сайд Н.Удвалын шийдвэрээр нууц санал хураалт явуулахаар болжээ. Тодруулбал ГССҮТ-ийн захирлаар томилогдоод байгаа Ц.Энхбаярыг ажиллуулах хүсэлтэй байгаа эсэх талаар нийт ажилчдаас санал авах юм байна. Тиймээс Ц.Энхбаяр ажилчдын олонхийн саналыг авч чадахгүй бол уг албан тушаалаас огцрох болоод байна.