Монголын дизайнеруудын холбооноос жил бүр зохион байгуулдаг “Гоёл 2012″ наадам маргааш эхлэх гэж байна. Энэ жилийн наадамд 22 дизайнер, 700 гаруй загварын товчоо бүтээлээ толилуулах аж. Мөн Сингапур, ОХУ, БНХАУ улсаас зохион бүтээгчид өрсөлдөнө. Тиймээс “Гоёл 2012″ наадмыг олон улсын хэмжээний загварын шоу болно хэмээн хүмүүс ярьцгааж байна.  Энэ удаагийн “Гоёл” наадмыг дэлхийн алдарт  “Fashion TV” бүтэн сарын турш дэлхий нийтээр цацахаар болжээ.  Энэ жилийн “Гоёл” наадмаас  Монголын 13 дахь топ модель тодорч, шилдэг дизайнерууд шалгарах юм. 2001 оноос эхлэн топ модель хэмээх өргөмжлөлийг гардуулдаг болсон билээ. Харин энэ жилийн “топ” хэн байх талаар олны сонирхолыг татсан таамаг өрнөөд байна. Тухайлбал, загвар өмсөгч, мисс  Ч.Содтуяагийн хайртай шавь Х.Бадамгэрэл, загварын тайзны хүчтэй бүсгүйчүүдийн нэг О.Пүрэвдулам, “Тусгай салаа” киноны Номин гээд хэд хэдэн бүсгүйн нэр дээгүүр байр эзлээд байгаа гэнэ. Наадмын шилдгүүдийг нь арванхоёрдугаар сарын 15-нд Соёлын төв өргөөнд тодруулах юм байна. Одоогоор шүүгчдийн нэрс нууц байгаа бөгөөд гадаадаас загварын мэргэжилтнүүд ирж шүүх юм байна.