Олон улсын Хүний эрхийн өдрийг тохиолдуулж Хятадад хоригдож байгаа өвөрмонголын улс төрийн тэмцэгчдийг суллахыг шаардсан жагсаал МУИС-ын хоёр дугаар байрны урд боллоо. Энд 30 гаруй хүн цугласан ч өвөрмонголчуудын эрхийн төлөө тэмцэгчдийн хувьд дэвшил гэж үзэж байлаа. Зохион байгуулагч “Дэлхийн монголчуудын өв сангийн холбоо” болон бусад дэмжигчид Хятадын ЭСЯ-ны өмнө жагсаал хийх хүсэлт гаргасан ч үүнийг хууль зөрчсөн үйлдэл хэмээн зөвшөөрөөгүй. Тиймээс тус улсын ЭСЯ-тай хамгийн ойр талбай болох Оюутны талбайд үгээ хэлэхээр болсон аж.
Өнөөдөр Япон, АНУ гээд дэлхийн 10 гаруй оронд амьдарч байгаа монголчууд нэгэн зэрэг жагсаж байгаа юм. Энэ оны тав дугаар сард бэлчээрээ хамгаалах гэсэн өвөрмонгол иргэн Зоригтыг хятад жолооч зэрлэгээр хөнөөсөн. Үүнийг эсэргүүцэж, жагсаж байж хэрэгтэнд цаазын ял оногдуулсан ч нийт өвөрмонгол хүмүүсийн хувьд байдал дээрдэхгүй хэвээр байгаа юм. Эрхээ хамгаалж тэмцсэн олон арван хүнийг хорьж, зарим нь сураггүй алга болсон. Батзангаа гэдэг тэмцэгч Монгол улсаас улс төрийн орогнол хүсч эхнэр хүүхэдтэйгээ ирсэн ч Монголын Засгийн газар Хятад руу буцаасан аж. Тэрбээр тэндэхийн шоронд хоригдоод даруй гурван жил болж байна. Мөн Хадаа гэгч тэмцэгч эмэгтэй олон хүний адил сураггүй алга болсон гэж үзэж байсан ч түүний зодуулж, тамлуулсан зургийг хүний эрхийн байгууллагууд нийтэд ил болгосон юм.
Уг жагсаалыг зохион байгуулагчдын нэг Г.Арслантай ярилцлаа.
"Шударга иргэдийн фронт"-ын тэргүүн Г.Арслан: Бид удахгүй Хятадын ЭСЯ-ны урд жагсдаг болно
- Дэлхийн олон оронд монголчууд жагсаж байна. Тэднийг нэгтгэсэн нэг байгууллага, холбоо байгаа юу?
- Энэ жагсаал яг нэг хүн удирдаж зохион байгуулаагүй. Бид интернетээр, фэйсбүүк хуудсаар холбогдож ийм жагсаал зохион байгуулж байгаа. Дэлхийн өнцөг булан бүрт олон монголчууд амьдарч байгаа шүү дээ. 1990 оноос хойш мянга гаран өвөрмонгол хүн Монгол улсад ирсэн байдгаас 900 гаруйг нь янз бүрийн шалтгаанаар Хятад руу буцаачихсан байдаг. Үлдсэн зуу орчим хүнийг буцаах гэж янз бүрээр оролдож байна.
- Хүний амь нас, амьдралын тухай яригдаж байхад өнөөдөр гуч гаран хүн л ирлээ. Энэ хангаллтай гэж үү?
- Аливаа юм багаасаа эхэлдэг юм. Битгийн яараарай. Яарвал даарна гэдэг юм. Монголчууд нойрноосоо сэрсэн цагт бид Хятадын ЭСЯ-ны өмнө жагсдаг болно. Долоон сарын нэгнээс болоод жагсвал, үгээ хэлвэл ингэдэг юм байна гээд дотроо хүмүүс айдас хүйдэстэй болчихсон байна шүү дээ. Харин энэ хэмжээний хүн ирж байгаа нь сайн байхгүй юу. Өнөөдөр гучин хүн, маргааш дөчин хүн, удахгүй дөрвөн зуун хүн ах дүүсээ хамгаалж жагсдаг болно. Бидэнд энэ Оюутны талбай дээр жагсах зөвшөөрөл өгч байгаа нь ч бас нэг дэвшил. Хүмүүс айгаад ирэхгүй байна шүү дээ.
- Та айхгүй байна уу?
-Би юунаасаа айх юм бэ? Ямар хууль зөрчиж, хулгай хийсэн биш. Жинхэнэ хулгайч нар нь тэр саарал ордонд сууж байгаа шүү дээ. Би гэмт хэрэг хийгээгүй болохоор айх зүйл байхгүй ээ.
Өнөөдөр Япон, АНУ гээд дэлхийн 10 гаруй оронд амьдарч байгаа монголчууд нэгэн зэрэг жагсаж байгаа юм. Энэ оны тав дугаар сард бэлчээрээ хамгаалах гэсэн өвөрмонгол иргэн Зоригтыг хятад жолооч зэрлэгээр хөнөөсөн. Үүнийг эсэргүүцэж, жагсаж байж хэрэгтэнд цаазын ял оногдуулсан ч нийт өвөрмонгол хүмүүсийн хувьд байдал дээрдэхгүй хэвээр байгаа юм. Эрхээ хамгаалж тэмцсэн олон арван хүнийг хорьж, зарим нь сураггүй алга болсон. Батзангаа гэдэг тэмцэгч Монгол улсаас улс төрийн орогнол хүсч эхнэр хүүхэдтэйгээ ирсэн ч Монголын Засгийн газар Хятад руу буцаасан аж. Тэрбээр тэндэхийн шоронд хоригдоод даруй гурван жил болж байна. Мөн Хадаа гэгч тэмцэгч эмэгтэй олон хүний адил сураггүй алга болсон гэж үзэж байсан ч түүний зодуулж, тамлуулсан зургийг хүний эрхийн байгууллагууд нийтэд ил болгосон юм.
Уг жагсаалыг зохион байгуулагчдын нэг Г.Арслантай ярилцлаа.
"Шударга иргэдийн фронт"-ын тэргүүн Г.Арслан: Бид удахгүй Хятадын ЭСЯ-ны урд жагсдаг болно
- Дэлхийн олон оронд монголчууд жагсаж байна. Тэднийг нэгтгэсэн нэг байгууллага, холбоо байгаа юу?
- Энэ жагсаал яг нэг хүн удирдаж зохион байгуулаагүй. Бид интернетээр, фэйсбүүк хуудсаар холбогдож ийм жагсаал зохион байгуулж байгаа. Дэлхийн өнцөг булан бүрт олон монголчууд амьдарч байгаа шүү дээ. 1990 оноос хойш мянга гаран өвөрмонгол хүн Монгол улсад ирсэн байдгаас 900 гаруйг нь янз бүрийн шалтгаанаар Хятад руу буцаачихсан байдаг. Үлдсэн зуу орчим хүнийг буцаах гэж янз бүрээр оролдож байна.
- Хүний амь нас, амьдралын тухай яригдаж байхад өнөөдөр гуч гаран хүн л ирлээ. Энэ хангаллтай гэж үү?
- Аливаа юм багаасаа эхэлдэг юм. Битгийн яараарай. Яарвал даарна гэдэг юм. Монголчууд нойрноосоо сэрсэн цагт бид Хятадын ЭСЯ-ны өмнө жагсдаг болно. Долоон сарын нэгнээс болоод жагсвал, үгээ хэлвэл ингэдэг юм байна гээд дотроо хүмүүс айдас хүйдэстэй болчихсон байна шүү дээ. Харин энэ хэмжээний хүн ирж байгаа нь сайн байхгүй юу. Өнөөдөр гучин хүн, маргааш дөчин хүн, удахгүй дөрвөн зуун хүн ах дүүсээ хамгаалж жагсдаг болно. Бидэнд энэ Оюутны талбай дээр жагсах зөвшөөрөл өгч байгаа нь ч бас нэг дэвшил. Хүмүүс айгаад ирэхгүй байна шүү дээ.
- Та айхгүй байна уу?
-Би юунаасаа айх юм бэ? Ямар хууль зөрчиж, хулгай хийсэн биш. Жинхэнэ хулгайч нар нь тэр саарал ордонд сууж байгаа шүү дээ. Би гэмт хэрэг хийгээгүй болохоор айх зүйл байхгүй ээ.
Б.Баяр
