Улаанбаатар хотыг бүрхээд байгаа мананг сар хиртэлтээс болсон, агаарын бохирдлоос үүдсэн гэх зэргээр олон янзаар тайлбарлаж байгаа юм. Тэгвэл манай хөрш Хятадад ч бас өнгөрсөн долоо хоногт манайх шиг манан хучсан өдрүүд үргэлжилжээ. Тэд манагийн шалтгааныг мөн агаарын бохирдолтой холбож тайлбарлаж байгаа юм. Хүний эрүүл мэнд, ялангуяа уушгинд сөрөг нөлөөтэй тул зарим хүн амны хаалт зүүж явжээ. Энэ үеэр мөн нислэгүүдийг цуцалж, жолооч нарт болгоомжтой явахыг сануулжээ байсан аж. Хятадын зүүн хэсэг буюу Өвөрмонголын Ордост энэ жил цочир хүйтэрч байгаатай холбоотойгоор хүйтэн агаарын урсгал орж ирсэн нь үүнд нөлөөлсөн ч гэж орон нутгийн хэвлэлүүд бичиж байна.
 Өнөөдөр Бээжин хотын манан харьцангуй багассан байгаа ч тэр нь агаарын урсгалаар Монголд ирсэн байх магадлалтай гэсэн таамаг яригдаж байна. Хятадын нийслэл Бээжин хотын нэгэн худалдааны өндөр цамхагаас тус хотын их сургуулийн зургийг дөрвөн өдөр дараалан яг нэг байрлалаас авчээ.