Өнгөрсөн түүхэндээ маш их дарлуулж байсантай холбоотой байх. Бас бүх хөгжил Грекээс гаралтай гэж үздэг. Би ч Чингис хаан гэж хэлэхэд грек гаралтай гэдгийг нь нотолж чадаж байсан шүү. Ингээд бид дараа дараагийн өрөөнүүд рүү ороод л, гараад л явлаа. Артур бид хоёрын хэн нь ч ийм төрлийн хямд сексэнд сонирхолгүй байсан ч янз бүрийн үндэстний охидыг харах нь аятайхан санагдаж байв. Тэнд минут тутамд хүмүүс орж гарах юм, гадаад, дотоод, баян, ядуу, хөгшин, залуу... Янз бүрийн хүмүүс хүлээлгэнд дараагийн охиныг харах гэж хүлээсээр. Нэг хаалга руу ортол зуучлагч эмээ “За, албани охин байна, нэр нь...” гээд зарлалаа. Артурын царай шууд хувьсхийгээд явчихав. Тэрбээр нутгийнхаа охиныг хараад өрөвдсөн үү, шууд л гарахаар болов. Албаничууд лалын шашинтай тул охиддоо жигтэйхэн харам. Тэр үеэс хойш мань эрийн дуу нь цөөрлөө. Надад ч гэсэн “Сууж байтал монгол гэж хэлүүлээд монгол охин гараад ирвэл яах бол” гэсэн бодол төрж байна. Би дотроо лал шашинтнуудаас дутахааргүй монгол охидоо харамладаг. Гэхдээ тэдний сонголтыг хүндэлдэг л дээ. Үнэхээр юм сурч, хийх насандаа өөрийгөө зүгээр л эдлэл мэт үнэлж байгаа зарим охидыг хараад өрөвдөх сэтгэл төрдөг.

   Гэхдээ надад хүний амьдралыг шүүмжлэх, заах эрх байхгүй! Хүн бүр өөрийн амьдралаар амьдарч байгаа шүү дээ. Ийнхүү бид хоёр үзвэрээ өндөрлөхөөр шийдээд гэрийн зүг явав. Европчууд угаасаа секст нэлээд чөлөөтэй ханддаг. Биеэ үнэлэх нь бусад ажилтай адил хувь хүний асуудал гэж үздэг юм. Гаднын дарамт шахалтгүй өөрийн хүслээр хийж, ариун цэвэр, эрүүл мэндийн баталгаатай ажиллаж байгаа бол хуулиар зөвшөөрч байгаа юм. Жуулчлал хөгжсөн улсууд секс туризм зохион байгуулж, улсын төсөвтөө маш их мөнгө хуримтлуулдаг. Манайд биеэ үнэлэх асуудал сүүлийн үед нэлээд сөхөгдөж, гадаадынханд биеэ үнэлсэн охидыг цээрлүүлнэ гэж зарлаад байгаа билээ. Гэхдээ гэртээ хоолгүй, хувцасны мөнгөгүй болоод арга ядсандаа биеэ үнэлж байгаа бүсгүйг зэмлээд яах билээ. Хориглоод хоолыг нь аваад өгөх чадалтай бол одоо яахав. Үнэхээр Монголд амьдрал хэцүү байгаа шүү дээ. Цаанаа аав, ээж, эмээ, өвөөгөө тэжээх гэж зүтгэж байгаа тэдгээр бүсгүйчүүдийг өрөвдөж байна. Харин ажиллах, амьдрах, сурах бололцоог нь хангах тал дээр илүү анхаарах хэрэгтэй байх. Бид монгол охидоо хамгаалах хэрэгтэй. Муу замаар оруулахгүйн тулд туслах хэрэгтэй. Сайн төрийн бодлого явуулж, залуучуудаа илүү хариуцлагатай болгож байж энэ бэрхшээлийг арилгах болно. Тэгэхээс биш, өөрөө өөдлөөгүй байж хүний амьдралыг зааж, дарамтлахыг би дэмжихгүй байна. Бас хайр дурлалаар гаднын хүнтэй үерхвэл бас шийтгэнэ гээд зүтгээд байх нь зөв үү? Хувь хүн хэнтэй үерхэх нь бусдын хэрэг мөн үү? Би монгол хүн гэхээр заавал монгол хүнтэй байх ёстой биш шүү дээ. Гагцхүү ёс заншлаа хамгаалж хойч үедээ үлдээж л байвал боллоо. Монгол, хятад, америк гэсэн цусны бүлэгтэй хүнтэй өнөөг хүртэл таараагүй байна. Монгол хүний генд mix хийх хэрэгтэй гэж би хувьдаа боддог. Том нүүдэл хийхээ больсон цагаас хойш бидний генийн хөгжил зогссон байх гэж үздэг. Та бүхэн энэ тал дээр өөрийн саналаа бичээрэй.