Өчигдрийн байдлаар иргэд, аж ахуйн нэгж байгууллагаас нийт 13644 мэдээлэл ирж бүртгэгдсэн байна. Үүнд 101,105 дугаар-852, 102 дугаарт-5944, 103 дугаарт-6848 хандалт ирсэн байна. Үүнээс зам тээврийн 365, түргэн тусламжийн 895, гал түймэр, гамшгаас хамгаалахын 13, гэмт хэргийн шинжтэй зөрчлийн 2006 дуудлагыг авч шийдвэрлэжээ.

Түүнчлэн 1 дүгээр сарын 30-наас 2 дугаар сарын 3-ны өдрүүдэд цагдаагийн байгууллагад иргэд, аж ахуйн нэгж байгууллагаас гэмт хэрэг, зөрчлийн 5870 дуудлага, мэдээлэл шалгагдаж, гэмт хэргийн шинжтэй 113 үйлдлийг бүртгэн холбогдох нэгжүүд шалгаж, 96 хэргийн эзэн холбогдогчийг илрүүлжээ. Нийслэлд бусдын биед гэмтэл учруулах 2, хулгайлах 23, танхайрах 16, хүчиндэх 1, булаах 1, зам тээврийн хэрэг 43, осол 73 гарч 52 хүн гэмтсэн байна хэмээн ЦЕГ-ын Мэдээлэл, шуурхай удирдлагын төвөөс мэдээллээ.