Өвөрхангай аймгийн Прокурорын газар Монгол Улсын Дээд шүүхийн Ерөнхий шүүгч Хууль зүй, Дотоод хэргийн сайд, Улсын Ерөнхий Прокурорын хамтарсан захирамж, тушаалын хэрэгжилтийг судалжээ.

Хамтарсан захирамж тушаалын 1-3, 5-8 дахь заалтууд зохих ёсоор хэрэгжиж байгаа бөгөөд 4 дэх заалт /Анхан болон давж заалдах шатны шүүхийн шийдвэр нь илтэд хууль зөрчсөн, мэргэжлийн алдаа гаргасан шүүгчид шүүхээс, эрүүгийн хэргийн нэмэлт ажиллагаа хийлгүүлэхээр хэрэг бүртгэлт, мөрдөн байцаалтанд буцаасан тохиолдолд прокурорт, прокуророос эрүүгийн хэргийг эрүүгийн байцаан шийтгэх хуулийг ноцтой зөрчсөн бүрдэл дутуу хангасан зэрэг үндэслэлээр буцаасан тухай бүрт зөрчлийн байдлыг харгалзан хэрэг бүртгэгч, мөрдөн байцаагч нарт тус тус хариуцлага тооцож байсугай/-ын хэрэгжилт харилцан адилгүй хэрэгжиж байна гэж үзсэн байна.

Давж заалдах шатны шүүхээс нэмэлт ажиллагаа хийлгэхээр буцаасан буюу эцэслэн шийдвэрлээгүй хэрэгт гомдол гаргах, эсэргүүцэл бичих боломжгүйгээс шүүх хэргийг хэрэгт цугларсан нотлох баримтын хүрээнд шийдвэрлэх боломжтой байхад, өөрийн эрх хэмжээний хүрээнд хүчингүй болгох нотлох баримтаас хасч тооцох боломжтой, эсвэл шүүхийн шатанд гүйцэтгэх боломжтой хэргийг заавал нэмэлт ажиллагаа хийлгэхээр үндэслэлгүйгээр буцаадаг, энэ хэргийг хуульд заагаагүй эсвэл өөр өөр үндэслэлээр удаа дараа буцааж, хэргийн оролцогчдыг чирэгдүүлдэг тохиолдол гарсаар байгаа гэж үзжээ.

Шүүхээс нэмэлт ажиллагаа хийлгэхээр буцсан хэргийг улсын яллагчын алдаанд тооцсон тохиолдол бүрт прокуроруудад хариуцлага тооцож байгаа боловч шүүхийн шийдвэр нь илтэд хууль зөрчсөн, мэргэжлийн алдаа гаргасан шүүгчид хариуцлага тооцсон, тооцуулахаар зохих газарт нь хандсан тохиолдол гараагүй байх тул хамтарсан захирамж, тушаалыг хангуулж ажиллах талаар тодорхой арга хэмжээ авахыг хүсч Шүүхийн Ерөнхий Зөвлөлийн дарга Н.Лүндэндоржид албан бичиг хүргүүлсэн байна.