Өчигдөр бороотой, цаг агаарын байдал тааруу байсан. Тэгвэл ийм өдрүүдэд манай замын хөдөлгөөний ачаалал эрс нэмэгдэж, хөдөлгөөн удааширдаг. Учир нь хальтиргаа гулгаа, үзэгдэх орчин муу болдог тул жолооч нар дор бүрнээ анхаарал сэрэмжтэй явдаг. Тэгвэл өчигдөр Халдвартын уулзвар дээр оройн 18.00 цагийн үед үүргээ гүйцэтгээд зогсож байсан замын цагдааг дайрсан ноцтой хэрэг гарлаа. Одоогоор мөргүүлж гэмтсэн цагдаагийн биеийн байдал хэр байгаа нь тодорхойгүй байна.