Өчигдөр МАН-ын удирдах зөвлөлийн гишүүд
шөнийн 12 цаг хүртэл хуралджээ. Энэ хурлаар хамтарсан Засгийн газраас албан
ёсоор гарсан АН-ын сайд нарын оронд хэнийг тавих талаар нухацтай ярилцаж,
ширүүн маргаан өрнөсөн гэж эх сурвалж бидэнд мэдээллээ. Өчигдөр МАН-ын удирдах зөвлөлийн гишүүд
шөнийн 12 цаг хүртэл хуралджээ. Энэ хурлаар хамтарсан Засгийн газраас албан
ёсоор гарсан АН-ын сайд нарын оронд хэнийг тавих талаар нухацтай ярилцаж,
ширүүн маргаан өрнөсөн гэж эх сурвалж бидэнд мэдээллээ. МАН-ын дарга
С.Батболдын шинээр томилох сайд нарын суудалд УИХ-ын гишүүдээс биш, гаднаас
томилох саналтай байсан ч ширүүн эсэргүүцэлтэй тулгарчээ. МАН-ын УИХ-дахь
бүлгийн гишүүд түүний саналыг эрс эсэргүүцэж “Биднийг ажлаа хийж чадахгүй гэж
бодоод байна уу? Сонгогдоод гараад ирсэн гишүүдийг ингэж басч болж байгаа юм
уу?” хэмээн ихэд уурссан байна. МАН-ын дарга гаднаас сайд нарыг томилох
саналтай байгаа нь УИХ-ын гишүүдэд итгэхгүй байгаагийн илрэл гэсэн үгийг олон
гишүүд хурлын үеэр хэлж байжээ. Хэрэв Засгийн газрын гишүүдийг гаднаас томилвол
Засгийн газар нь өөрөө тогтворгүй байдалд орно хэмээн тэд үзэж байгаа аж.
Тиймээс өчигдөр орой шөнө дөл болтол ярилцсаны эцэст шинээр томилогдох зургаан
сайдын гурвыг гаднаас, гурвыг нь УИХ-ын гишүүдээс, тодруулбал тавь, тавин хувиар
сонгохоор болсон байна.
УИХ-ын гишүүдээс шинээр томилогдох сайд
нарын жагсаалтанд дараах гишүүдийн нэр орж байна. Батлан хамгаалахын сайдын
суудалд Л.Болдын оронд Ж.Энхбаярыг томилно хэмээн эртнээс ярьж байснаараа
тохирчээ. Мөн БОАЖ-ын сайд Л.Гансүхийн оронд Д.Оюунхоролыг тавихаар болсон
байна. Дотроосоо сонгож байгаа гурав дахь яамны сайдыг ЗТБХБ-ын яам гэж оноосон
ч одоогоор хэн гэдэг гишүүнийг тавихаа нарийн тохироогүй байгаа юм.
Харин гаднаас сонгогдох сайд нарыг хүлээж
авах яамдад ЭМЯ, ГХЯ, Сангийн яам орж байна. Эрүүл мэндийн сайдаар тус яамны
төрийн нарийн бичгийн даргаар ажиллаж байгаа Н.Хүрэлбаатарыг, Гадаад харилцааны
сайдаар мөн тус яамны төрийн нарийн бичгийн дарга Д.Цогтбаатарыг ажиллуулахаар
болжээ. Харин Сангийн сайдын суудалд хоёр хувилбар яригджээ. Нэгд, Гадаад
харилцааны сайдаар ажиллаж буй Г.Занданшатарыг томилох. Хоёрт, Д.Цогтбаатарыг
Засгийн газрын хэрэг эрхлэх газрын даргаар томилоод Ч.Хүрэлбаатарыг Сангийн
сайд болгох тухай хэлэлцсэн байна.
Өчигдөр оройн МАН-ын удирдах зөвлөлийн хуралдаанаар дэд сайд,
агентлагийн дарга нарын томилгоог ярилцаж амжаагүй тул дараагийн хурлаар
хэлэлцэхээр болоод таржээ.
Б.Баяр
