АН-ын дарга Н.Алтанхуягийн оронд тэргүүн шадар сайдаар УИХ-ын гишүүн С.Баярыг ажиллуулна гэж яригдаж байсан ч МАН-ын дарга У.Хүрэлсүхийг томилохоор болоод байгаа. Бид энэ томилгооны тухайд өнгөрсөн 24 цагт хэрэглэгчдийнхээ дунд санал асуулга явуулсан юм. “У.Хүрэлсүх тэргүүн шадар сайд болохыг та дэмжиж байна уу?” гэсэн санал асуулгад нийт 714 хүн оролцож, саналаа өгсөн байна. Тэдгээрээс олонхи нь буюу 57,5  хувь /410 хүн/ нь “Үгүй, ийм албан тушаал угаас хэрэггүй” гэсэн хариултыг бөглөжээ. Харин “Тийм, яг тохирох улаантан”, “Үгүй, С.Баяр хамаагүй дээр” гэсэн саналыг  адилхан 16,8 хувийг /тус бүр 119 хүн/ эзлэв. Мөн “Мэдэхгүй, надад хамаагүй” гэж 63 хүн үзэл бодлоо илэрхийлсэн. Дээрх санал асуулгын дүнгээс харахад www.24tsag.mn сайтын  хэрэглэгчдийн олонхи нь Засгийн газарт тэргүүн шадар сайдын орон тоо угаас байх хэрэггүй гэж үзэж байна. Бид санал асуулгын талбартаа “Шинээр томилогдож байгаа сайд нарыг та хэрхэн үнэлж байна вэ?” гэсэн асуулт тавьсан байгаа. Өөрийн үзэл бодлоо бидэнтэй хуваалцана уу.

Б.Баяр