Д.Нацагдоржийн нэрэмжит Улаанбаатар хотын нийтийн төв номын сангаар 2011 онд уншигчид 152526 удаа үйлчлүүлсэн тоон мэдээг үйлчилгээний програмаар тооцож гаргажээ. Нийслэл хот 1.2 сая хүн амтай хэдий ч 1.4 хувь буюу 17410 хүн л номын сангаар үйлчлүүлсэн байна. Өөрөөр хэлбэл, 17 мянган хүн нийтдээ152526 удаа номын сангаар үйлчлүүлсэн гэсэн үг юм. Мөн эдгээр хүнийг дотор нь дахин задлаад үзвэл 100-аас дээш удаа буюу хамгийн идэвхтэй үйлчлүүлсэн 46 хүн байгаа юм. Харин 365 хоногт нэг л удаа ирж үйлчлүүлсэн 3385 хүн байгааг тооцож гаргажээ. Уншигчдаас 3-5 удаа ирж, үйлчлүүлсэн хүн хамгийн их буюу 4180 байна.

   Өнгөрсөн онд 9647 хүн шинээр бүртгүүлсэн гэнэ. Харин 4796 хүн хуучин бүртгэлээ сунгуулсан байгаа бол эдгээрээс нийтдээ 33 136 700 төгрөгийн орлого төвлөрүүлжээ. Мөн 288 хүн ямар нэгэн төлбөр, хураамжгүйгээр бүртгүүлсэн мэдээлэлтэй байна.