Швед, Швейцарь, Бельгийн вант улсад ажиллаж амьдарч байгаа монголчуудын сар шинийн хөтөлбөрт дуучин Уянгыг урилгаар дуулуулахаар болжээ. Иймд дуучин сар шинийн баярыг Европт угтах гэнэ. Энэ томоохон ажлын хүрээнд Бельгийн вант улсуудад суугаа монголчуудын Шагайн харвааны клубын нээлт давхар болох бөгөөд нээлтэнд мөн уран бүтээлч маань ая дуугаа өргөх юм.

Харийн улсад ажиллаж амьдарч байгаа элэг нэгт монголчууддаа сэтгэлийн бэлэг болгож ая дуугаа өргөхөөс гадна Европын хотуудад оперын чиглэлээр уулзалт хийх төлөвлөгөө түүний ажлын нэг хэсэгт багтжээ. Дуурийн эх орон Италид суралцаж Монголын нэрийг дэлхийн тавцанд гаргасан дуучин маань хэдхэн хоногийн дараа Европыг зорих гэж байна. Харин эх орондоо буцаж ирсний дараа 2 ч удаагийн тоглолтыг төлөвлөөд байгаа бөгөөд дуурийн театрын 60 жилийн ойг угтсан ажлууд ар араасаа төлөвлөгдсөн байгаа тухайгаа хэлж байлаа.

Т.Хулан