Гандантэгчинлэн хийдээс зарласан хэвлэлийн бага хурал яг одоо болж байна. Монголын бурхны шашныг гурван сар тэргүүлсэн есдүгээр Богд Жавзундамба шинийн найман буюу өнөөдөр өглөө нас эцэслэсэнтэй холбогдуулан хурлыг зохион байгуулсан юм. Өнөөдрийн хуралд Гандан хийдийн тэргүүн Д.Чойжамц болон бусад шашны төлөөллүүд хүрэлцэн ирсэн байна. Харин Богдын нас нөгчсөнтэй холбогдуулан ажиллах хэсгийг ахалж байгаа БСШУ-ны сайд Ё.Отгонбаяр ирээгүй байна. Тэд Богдын оршуулах ёслол болон цаашдын бурхны шашны асуудлаар мэдээлэл хийж байгаа юм.

   Дашрамд сонирхуулахад есдүгээр Богдыг 1932 онд Түвдээс тодруулсан хэдий ч манай улсын улс төр, нийгмийн амьдралаас шалтгаалан ирж чадахгүй байсан юм. Гэсэн ч өнгөрсөн онд Монгол улсын иргэн болж, харьяаллаа солиулжээ. Түүнийг нас нөгчсөнөөс хойш Богдын дараагийн дүрийг тодруулан залах болно.