Ялтан солилцох гэрээгээр ирсэн эгч дүүс болох Б.Норжмаа, Б.Цэвэлмаа нарыг УКТЭ-ийн мэдрэлийн тасагт хэвтүүлсэн талаар эх сурвалж мэдээллээ.

Ялтан солилцох гэрээгээр ирсэн эгч дүүс болох Б.Норжмаа, Б.Цэвэлмаа нарыг УКТЭ-ийн мэдрэлийн тасагт хэвтүүлсэн талаар эх сурвалж мэдээллээ. Учир нь тэдний биеийн байдал эрс муудаж, дүү нь байнга хятадаар ярьж, уйлж, эцэг эхээ танихгүй байгаа аж. Тэд 2008 онд Улаанбаатараас БНХАУ-руу зорчихдоо нэгэн үл таних Өвөрмонгол иргэний захиалгаар мансууруулах төрлийн бодис тээвэрлэж явсныг Эрээний боомтын гаалийн байцаагч нар илрүүлж хятадын цагдаа нарт хүлээлгэн өгсөн байна. Тус бодисыг шалгахад каннабисын төрлийн бодис болох нь тогтоогдож, тус улсын Ардын шүүхээс 15-20 жилийн хорих ял авсан юм. Тус шоронд байхдаа эгч дүүсийн биеийн байдал муудаж, эмчийн хяналтад ороод байсан. Харин нутагтаа ирснийхээ дараа ШШГЕГ-ын харьяа 407 дугаар анги буюу эмэгтэйчүүдийн хориход хоригдож, эмчийн хяналтад байсан юм.
Б.Чимэг