МҮЭХ-оос ард
иргэдэд хандан хэд хэдэн асуудлаар мэдээлэл хийлээ. Шатахуун импортлогч
компаниуд бинзений үнийг гурван өдрийн өмнөөс буулгаж 1680 төгрөгт хүргэсэн. Гэтэл
энэ нь зөвхөн эмэгтэйчүүдийн баярын өдрийг тохиолдуулан зарласан урамшуулал
байсан бөгөөд 11-ны өдрөөс дахин 30 төгрөгөөр нэмнэ гэж шатахуун импортлогч компаниуд нь мэдэгдээд
байгаа. Хэрвээ бинзен одоо байгаа үнэнээсээ давж нэмэгдэх юм бол МҮЭХ-оос дахин
тэмцэнэ гэдгээ санууллаа. Тиймээс “Шатахууны үнээ битгий нэмээч” гэсэн саналыг
ҮЭ-ээс гаргаад байна. Хэрвээ нэмэхээр бол хуулиа баримталж, төлөөллийн байгууллагатай нь
ярилцаж байж нэмэхийг мөн санал болгож байна. Мөн ҮЭХ-оос энэ сарын 14-ны өдөр
хэвлэлийн хурал зарлаж хувийн хэвшлийнхэний цалинг нэмүүлэх арга хэмжээ авах
болсон талаараа мэдэгдэх юм байна. Өнөөдөр гуравдугаар сарын 12-ны өдөр.
Одоогийн байдлаар бинзений үнэ өсөөгүй хуучин хэвээрээ байна. МҮЭХ-ны ерөнхийлөгч С.Ганбаатар: Иргэдийн эрх ашгийг хамгаалахаар ОССК-тай гэрээ байгуулсан.
- Өргөн хэрэглээний бараа бүтээгдэхүүний үнэ буурсангүй танай байгууллага энэ тал дээр ямар нэгэн арга хэмжээг үргэлжлүүлэн авах уу ?
- Дахиад л бид энэ талаараа ярина. Буулгахын төлөө тэмцэнэ. Хамгийн гол нь судалгаа шинжилгээтэй ажиллах хэрэгтэй байна. Хэрэглэгчийн төлөөх хоёр үндэсний байгууллага байна. Түүний нэгэнтэй нь манайх их ойр ажиллаж байна. Нөгөө нь тэр бүр харилцаа холбоо тогтоож чадахгүй байна. Тэр нэг хамтардаг газартайгаа хамт үнийг барих, хавчих, худалдан авалтаараа хэсэгчилж боомилъё гэсэн уриалга гаргаад байна. Өөрөөр хэлбэл, импортлогч, үйлдвэрлэгчдийн зүгээс хүнсний барааны үнийг буулгахгүй бол арай хямдыг нь худалдан авч хүнсний барааг нь муудтал худалдаж авахгүй байх юм.
- Жилийн 6 хувийн хүүтэй байрны асуудал дээр орон сууц санхүүжилтын корпорацитай хамтарч ажиллаж байгаа юу ?
- ОССК-тай үйлдвэрчний эвлэл гэрээ хийсэн. Барилгын компаниуд маш их нугалаа гаргаж байгаа. 30%-ийг түрүүлж авах ч юм уу. Энэ болгон дээр үйлдвэрчин та нарыг төлөөлж тэдэнтэй заргалдаж эрхийг тань хамгаална. Хоёрдугаарт банкиуд энэ ажил дээр маш их ашиг олж авдаг. Хүнд суртал гаргадаг. Үүн дээр та бүгдийг өмгөөлж үйлдвэрчний эвлэл ОССК-тай хамтарч ажиллахаар болсон.
Т.Энхэлээ
