Улаанбаатар хотын хэмжээнд 12-р сарын 08-ны өдрийн 05:00 цагаас 12-р сарын 09-ний өдрийн 05:00 цагийн хооронд иргэд, байгууллагаас Нийт 4149, удаа холбогдсоноос, гэмт хэрэг 169, зөрчлийн 1203, Зам тээврийн ослын 355, мэдээлэл шалгахад, гэмт хэргийн шинжтэй 88-н үйлдэл бүртгэгдсэнийг холбогдох нэгжүүд шалгаж байна.

Гуйлга гуйж байгаад бусдын анхаарлыг сарниулж эд зүйлсийг нь хулгайлдаг байсан 14 настай , 16 настай Б гэгч хүүхдүүдийг цагдаагийн байгууллагаас шалгаж илрүүлжээ. Тэрбээр өчигдөр гэхэд СБД-8 “Венди бейкери” түргэн хоолны газраас иргэн М-ийн гар утсыг хулгайлжээ. Тэд хулгай хийхдээ түүнээс мөнгө гуйж байгаад анхаарлыг нь сарниулан хулгайлсан байна. Мөн Сүхбаатар дүүргийн 3 дугаар хороо “UB” кебаб түргэн хоолны газарт гар утсаа хулгайд алдлаа шалгаж өгнө үү” гэсэн өргөдлийг иргэн 51 настай М цагдаагийн байгууллагад өгчээ. Өргөдлийн дагуу шалгаад үзэхэд дээрх хоёр хүүхэд мөн л анхаарлыг нь сарниулж мөнгө гуйж байгаад хулгайлсныг шуурхай эрэн сурвалжилж илрүүлэн дүүргийн цагдаагийн хэлтсээс шалгаж эхэлжээ.

Тухайлбал:СХД-ийн нутаг Ханын материалын 91 –р цэцэрлэгийн хойд замд H.Porter маркийн авто машины жолооч Д нь T.Sprinter маркийн авто машинтай мөргөлдөж зорчигч 05 настай эрэгтэй Д нарын 3 хүн гэмтсэн.
СХД-ийн нутаг Энхтайваны өргөн чөлөө Саппорогийн үйлчилгээний төвийн урд замд Сутай буянт ХХК-ны Daewoo BS-106 маркийн авто машины жолооч Н нь явган зорчигч 25 настай эмэгтэй Ш-г мөргөж гэмтээсэн.

2015 оны 12 дугаар сарын 08-ны өдөр Улаанбаатар хотын Замын цагдаагийн газрын ЖШУХ дээр нийт 358 дуудлага мэдээ мэдээлэл хүлээн авснаас зам тээврийн ослын 285 дуудлага бүртгэгдсэн байна. Үүнээс ХАБАЖЭГХэрэг 16 бүртгэгдэж 21 хүн хүнд хөнгөн гэмтсэн үүнээс жолооч-0, явган зорчигч-8, зорчигч-1. Хүүхэд зам тээврийн осолд өртсөн 6 үүнээс сургуулийн өмнөх насны 1, сургуулийн насны 5, согтууруулах ундааны зүйл хэрэглэсэн үедээ хөдөлгөөнд оролцож осолд өртсөн жолооч 2, явган зорчигч 1. Согтуугаар тээврийн хэрэгсэл жолоодсон 64 жолоочийг журамлан гарч болзошгүй осол хэргээс урьдчилан сэргийлсэн.

Улаанбаатар хот ундны усны менежментийн чиглэлээр Будапешт хоттой хамтран ажиллана

Мэдээ, мэдээлэл Цаг үеийн мэдээ

2015-12-09 09:41:20
Монгол, Унгар Улс хооронд Дипломат харилцаа тогтоосны 65 жилийн ойн хүрээнд Нийслэлийн Засаг дарга бөгөөд Улаанбаатар хотын захирагч Э.Бат-Үүл Унгар Улсын нийслэл Будапешт хотын дарга Иштван Тарлосын урилгаар 2015 оны 12 дугаар сарын 06-08-ны өдрүүдэд тус хотод ажлын айлчлал хийж байна.
Айлчлалын үеэр Будапешт хотын захирагч Иштван Тарлостой уулзаж, хоёр хотын хамтын ажиллагааны санамж бичгийг шинэчлэн байгууллаа. Тус санамж бичгийн хүрээнд хоёр хот цаашид хотын ногоон төлөвлөлт, хүйтэнд тэсвэртэй мод шилжүүлэн суулгах, ундны ус цэвэршүүлэх зэрэг асуудлаар туршлага судалж, хамтран ажиллах, Монгол-Унгарын Засгийн газар хоорондын хамтарсан комиссын хуралдаанаар хэлэлцэж тохиролцсоны дагуу Биокомбинат орчмыг 2030 он хүртэлх Ерөнхий төлөвлөгөөний үзэл баримтлалд нийцүүлэн мал аж ахуйд түшиглэсэн дагуул хот болгон хөгжүүлэхэд хамтран ажиллах /тухайлбал, мах боловсруулах стандартыг сайжруулахад хамтран ажиллаж, мах, махан бүтээгдэхүүн экспортлох боломжийг нэмэгдүүлнэ/, Унгар Улсын Засгийн Газрын тэтгэлэгт сургалт хөтөлбөрт нийслэлийн хот төлөвлөлтийн 10 мэргэжилтнийг хамруулж, чадавхийг бэхжүүлэх, соёл урлагийн салбарт хамтран ажиллах, хоёр хотын соёлын өдрүүдийг харилцан зохион байгуулах зэрэг асуудлаар хамтран ажиллахаар харилцан тохиролцсон бөгөөд 2016 оны эхээр Унгарын ундны усны эксперт мэргэжилтнүүд Улаанбаатар хотод ажиллахаар болов.
Айлчлалын үеэр Нийслэлийн Засаг дарга Э.Бат-Үүл Унгарын Гадаад Харилцаа, Гадаад Худалдаан Яамны Төрийн Нарийн Бичгийн дарга, Унгар-Монголын ЗГХХК-ын Унгарын хэсгийн дарга Микола Иштвантай уулзлаа. Уулзалтын үеэр хоёр хот, улс хоорондын хамтын ажиллагааг өргөжүүлж, хот хооронд хамтын ажиллагааг харилцан тохиролцсоны дагуу өрнүүлэх талаар санал солилцсонд ноён Микола Иштван дэмжиж ажиллахаа илэрхийлэв.
Мөн Улаанбаатар хотын хөгжлийн корпорацийн захирал Э.Тэмүүлин Унгарын Үндэсний Худалдааны газрын гүйцэтгэх захирал Дукса-Ола нар 5 салбар чиглэлээр хамтран ажиллах тухай хамтын ажиллагааны гэрээнд гарын үсэг зурав гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.

Нийслэлд зургаан бага сургууль шинээр байгуулна

Нийслэлийн Засаг даргын Тамгын газраас хөгжлийн бэрхшээлтэй иргэний асуудал хариуцсан ажилтны сонгон шалгаруулалтыг зарлалаа. Сонгон шалгаруулалтад орох хүсэлтэй иргэд дараах ажлын байранд тавигдах шаардлагыг хангасан байна. Үүнд:



1. Ажлын байранд тавигдах шаардлага:
1.1 Ерөнхий шаардлага: Үзүүлэлт Шаардлагатай
Боловсрол Дээд боловсролын бакалавр болон түүнээс дээш зэрэгтэй байх.
Мэргэжил Нийгмийн ажилтан
Эрх зүйч
Мэргэшил Харгалзахгүй
Туршлага Мэргэжлээрээ 1 жил ажилласан байх.
Ур чадвар

Судалгааны арга зүй эзэмшсэн байх
Харилцааны өндөр ур чадвартай
Компьютерийн өргөн хэрэглээний программууд, техник хэрэгсэлийг бүрэн эзэмшиж чаддаг байх.
Багаар хамтарч ажиллах чадвартай байх.
Баримт бичиг, боловсруулах,
Манлайлан удирдах, зохион байгуулах ур чадвартай байх.


Бүртгэлийг нийслэлийн Засаг даргын Тамгын газрын 2 давхарт “Сургалтын танхим”-д энэ сарын 21-ний өдрийн 09.00-12.00, 13.00-17.00 цагийн хооронд хийнэ. Төрийн албаны тухай хуулийн 16.2-т заасан төрийн жинхэнэ албан тушаал эрхлэх болзол хангаагүй, бичиг баримт дутуу иргэнийг бүртгэхгүй.

Сонгон шалгаруулалтад оролцох хүсэлтэй иргэд дараах материалыг бүрдүүлж өөрийн биеэр ирж бүртгүүлнэ. Үүнд:

Төрийн албан хаагчийн анкет (маягт № 1)
Боловсролын диплом, нотариатаар гэрчлүүлсэн хуулбар 1 хувь
Монгол Улсын иргэний үнэмлэх; /нотариатаар гэрчлүүлсэн хуулбар
Ажилласан жилийг тооцох Хөдөлмөрийн болон нийгмийн даатгалын дэвтрийн эхний нүүр хуудсыг хөдөлмөрийн үйл ажиллагааны хөдөлгөөнийг баталгаажуулсан бусад хуудасны хуулбар, эх хувийн хамт /ажилласан жилийг тооцох тул хөдөлмөрийн үйл ажиллагаагаа хөдөлмөрийн болон нийгмийн даатгалын дэвтэрт бичигдсэн он, сар, өдрөөр нь нарийвчлан бичиж бэлтгэж ирэх/
Мэргэшсэн байдлыг их дээд сургууль төгссөнөөс хойшхи хугацаанд мэргэшил дээшлүүлэх урт буюу богино хугацааны сургалтад хамрагдсан гэрчилгээ, диплоын хуулбар
Ажил байдлын тодорхойлолт
Цээж зураг 3х4-ийн хэмжээтэй 3 хувь

Нийслэлийн Засаг даргын Тамгын газрын даргын 2015 оны А/166 дугаар тушаалыг үндэслэн уг албан тушаалд томилогдох ажилтны сонгон шалгаруулалтын үнэлгээ, дүгнэлт гаргах журам”-ын дагуу сонгон шалгаруулалтыг явуулна. Дэлгэрэнгүй мэдээллийг 328715 утсаар авна уу гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.

олларын ханш 2002 төгрөгт хүрэв

17 минутын өмнө

Сүүлийн өдрүүдэд ам. долларын ханш буцаад өслөө. Арилжааны банкууд болон хар зах дээр зар байгаа долларын ханшийг харахад ам.долларын ханш 4-6 төгрөгөөр өсчээ.

“Найман шарга” зах дээр долларын ханш 2000 төгрөг байна. Харин арилжааны банкуудад зарж байгаа долларын ханш 2002 төгрөгт хүрлээ.

АНУ-ын баруун бүсийн ундны уснаас уран илэрчээ

Байнгын хороодын өнөөдрийн хуралдааны хуваарь /2015.12.09/

Байнгын хороодын хуралдаан:

12 дугаар сарын 09-ний Лхагва гарагт:

1.Төсвийн байнгын хорооны хуралдаан 09.00 цагаас “А” танхимд:

Хэлэлцэх асуудал:

Онцгой албан татварын тухай хуульд өөрчлөлт оруулах тухай, Улсын тэмдэгтийн хураамжийн тухай хуульд өөрчлөлт оруулах тухай хуулийн төслүүд болон ““Импортын барааны гаалийн албан татварын хувь, хэмжээ батлах тухай” Улсын Их Хурлын 1999 оны 6 дугаар сарын 3-ны өдрийн 27 дугаар тогтоолд өөрчлөлт оруулах тухай” Улсын Их Хурлын тогтоолын төсөл /Засгийн газар 2015.11.27-ны өдөр өргөн мэдүүлсэн, анхны хэлэлцүүлэг/;

Нягтлан бодох бүртгэлийн тухай хуулийг дагаж мөрдөх журмын тухай, Аудитын тухай хуулийг дагаж мөрдөх журмын тухай, Төрийн аудитын тухай хуульд өөрчлөлт оруулах тухай, Төсвийн тухай хуульд нэмэлт оруулах тухай хуулийн төслүүд /Засгийн газар 2015.11.27-ны өдөр өргөн мэдүүлсэн, хэлэлцэх эсэх/;

Аж ахуй нэгжийн орлогын албан татварын тухай хуульд нэмэлт, өөрчлөлт оруулах тухай хуулийн төсөл /Улсын Их Хурлын гишүүн С.Бямбацогт нарын 16 гишүүн 2015.11.18-ний өдөр өргөн мэдүүлсэн, хэлэлцэх эсэх/;

Улсын тэмдэгтийн хураамжийн тухай хуульд өөрчлөлт оруулах тухай, Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хуульд нэмэлт, өөрчлөлт оруулах тухай /Засгийн газар 2015.07.09-ний өдөр Барилгын тухай /шинэчилсэн найруулга/ хуулийн хамт өргөн мэдүүлсэн, анхны хэлэлцүүлэг, санал, дүгнэлтээ Эдийн засгийн байнгын хороонд хүргүүлнэ/.

2.Эдийн засгийн байнгын хорооны хуралдаан 09.00 цагаас “В” танхимд:

Хэлэлцэх асуудал:

Барилгын тухай /шинэчилсэн найруулга/ болон холбогдох бусад хуулийн төслүүд /Засгийн газар 2015.07.09-ний өдөр өргөн мэдүүлсэн, анхны хэлэлцүүлэг/;

Бусад.

3.Аюулгүй байдал, гадаад бодлогын байнгын хорооны хуралдаан 14.00 цагаас “А” танхимд:

Хэлэлцэх асуудал:

Монгол Улсын Төрийн цэргийн бодлогын үндэс баримт бичиг болон Зэвсэгт хүчний байгуулалтыг 2015 он хүртэл хөгжүүлэх хөтөлбөрийн хэрэгжилтэд хяналт-шинжилгээ хийх, цэргийн зэвсэглэл, техникийн хадгалалт, хамгаалалтын байдалд шалгалт хийж санал, дүгнэлт гаргах, шийдвэрийн төсөл боловсруулах ажлын хэсгийн санал дүгнэлт /үргэлжлэн хэлэлцэнэ/.

Хоёр хөлөө гозолзуулаад улс төрөөс явсан МАХН-ын дарга Н.Энхбаяр хоёр гараа даллаад улс төрд дахин орж ирлээ. Өршөөлийн хуулиар УИХ-д нэр дэвших эрхээ хасуулсан тэрбээр энэ удаад сайд болж Засгийн газарт багтахаар санаархаж байна. Тэрбээр Шадар сайд болохоор зэхэж байгаа аж. Эрүүл, мэнд спортын сайд Г.Шийлэгдамбыг АТГ-аас саатуулан хориод байгаа. Уг үйл явдлаас үүдэлтэйгээр тэрбээр сайдаасаа чөлөөлөгдөх хүсэлтээ өгсөн. Харин түүний оронд нэрийг нь дэвшүүлсэн Л.Жамбалжавыг Ерөнхий сайд Ч.Сайханбилэг хүлээн аваагүй. Тиймээс Н.Энхбаяр дараагийн хувилбарыг боловсруулжээ. Тэр нь өөрийгөө Шадар сайд болгоод одоо Шадар сайдаар ажиллаж буй Ц.Оюунбаатар Эрүүл, мэндийн сайд болгох юм.

ундговь аймгийн Мандалговь сумын “Оюуны хөгжил” хувийн цэцэрлэгийн туслах багш арван сартай хүүхдийг хооллохдоо хэрцгийгээр зодож байсан бичлэг цахим сүлжээгээр тарж мэдээллийн мөрөөр арга хэмжээ аваад байгаа. Энэ талаар ЦЕГ-ын Хэвлэл мэдээллийн төвийн ахлах мэргэжилтэн Ё.Лхагвасүрэнгээс тодруулсан юм.

-Арван настай хүүхэд зодсон цэцэрлэгийн туслах багшийг цагдаагийн байгууллагаас шалгаж байгаа. Ямар шатандаа байна вэ?

-Цэцэрлэгийн багшид эрүүгийн хэрэг үүсгээд шалгаж байгаа. Мөн зарим эцэг эхчүүдээс гаргасан хүүхэд зодсон байх магадалтай гэсэн гомдолтой холбогдуулан шалгаж байна. Эрүүгийн хуулийн 181.2.1-ээр буюу танхайрах төрлийн гэмт хэргийг догшин авирлаж үйлдсэн бол 3-5 жилийн хорих ялаар шийтгэнэ гэсэн зүйл ангиар эрүүгийн хэрэг үүсгэсэн. Эцэг эхчүүдээс мэдүүлэг авч байгаа.

-Мэдээлэл өгсөн багшийг гэмт хэргийн мэдээллийг нуун дарагдуулсан буюу ажлаас халагдсанынхаа дараа мэдээллийг мэргэжлийн хяналтын байгууллагад өгсөн гэж эрүүгийн хэрэг үүсгэсэн гэсэн мэдээлэл зарим сайтуудад гарсан байна лээ?

-Арванхоёрдугаар сарын 1-ний өдөр тус аймгийн Мэргэжлийн хяналтын газарт бичлэг ирсэн байгаа юм. Мэргэжлийн хяналтын газраас гэмт хэргийн шинжтэй үйлдэл байна гээд цагдаагийн байгууллагад шилжүүлсэн. Дундговь аймгийн цагдаагийн газар шалгалтын ажлыг хийж прокурорт танилцуулаад 181.2.1-аар зүйлчлээд хуулийн дагуу шалгалтын ажил хийж байна. Мэдээлэл өгсөн багш нуугдмал зүйлийг илрүүлж тавилаа. Эрүүгийн хэрэг үүсгээгүй.

-Хүүхэд зодсон туслах багш, цэцэрлэгийн эрхлэгч нь аймгийн Засаг даргын хамаатан байсан гэсэн мэдээлэл байгаа?

-Хувь хүнтэй холбоотой болон гэмт хэргийн талаар мэдээллийг өгөхийг хуулинд хориглосон байдаг.

Утга зохиолын шилдгүүд “Алтан өд”-д бүтээлээ сойж эхэлжээ

Монгольш зохиолчдын эвлэлээс жил бүр зохион байгуулдаг утга зохиолын оны шилдэг бүтээл шалгаруулах “Алтан өд 2015” наадмын бүртгэл эхэлжээ. Тодруулбал, оролцогчдын бутээлийг энэ сарын 4-25-ныг хүртэл хүлээн авах юм байна. Наадам уламжлал ёсоор яруу найраг, хүүрнэл зохиолын томоохон болон богино хэмжээний бүтээл, жүжиг, киноны зохиол, хүүхдийн зохиол, утга зохиолын судлал, шүүмж, утга зохиолын орчуулга, баримтат уран зохиол гэсэн найман төрөлд шилдгүүдийг шалгаруулах аж. Оролцогчдын бүтээлийг хүлээн авч эхлээд буй ч наадам хэзээ болох нь тодорхойгүй байгаа аж. Энэ талаар Монголын зохиолчдын эвлэлийн хорооны дарга Г.Мөнхдэцэгээс тодруулахад “Бүртгэлийн хугацаа дуусах үеэр наадмын тов тодорхой болно” гэв. Зохиолчид тус наадмыг нэгдүгээр сарын 9-нд болно гэж таамаглаж буй аж. Учир нь энэ өдөр Мон- голын зохиолчдын эвлэлийн 87 жилийн ой тохиох юм.

“Эхнэр эзгүйд” инээдмийн кино үзэгчдэд хүрнэ
Улсын драмын эрдмийн театрын туслах найруулагч Э.Идэрболд, жүжигчин А.Чингүүн, “Black box” театрын жүжигчин С.Баасанжаргал нар “Green” энтертайнмент бай- гуулжээ.
Тус энтертайнмент дэлгэцийн ашшы уран бүтээл “Эхнэр эзгүйд” инээдмийн уран сайхны киног үзэгчдэд хүргэх гэж байна. Кино зохиолыг А.Баярсайхан бичиж, найруулагчаар Г.Содбилэг ажил- лажээ. Гол дүрд жүжигчин С.Баа- санжаргал, Д.Хосбаяр, Хүүхэлдэйн театрын жүжигчин Д.Энхбат, дүрүүдэд Ц.Төмөрхуяг, ЛДэмид- баатар, Б.Отгонбат, Ж.Оюундарь нар тоглосон байна.

“Хүний дуу хоолой” жүжгийг дахин тоглоно
Францын яруу найрагч, зохиолч, зураач, кино найруулагч Жан Коктогийн “Хүний дуу хоолой” нэг хүний жүжиг дахин тавигдах нь. Хүний хүний дотоод ертөнцийн дуу хоолой, мөн чанарын зөрчилдөөнийг хурцаар хөндөх ‘Хүний дуу хоолой” жүжгийг “Black box” теат- рын жүжигчин Д.Оюунзул үзэгчдэд хүргэх аж. “Гэгээн Муза-2015” наадмын шилдгээр шалгарсан тус жүжгийг энэ сарын 12ДЗ-нд “Black box” театрт тоглоно.
Дашрамд сонирхуулахад, Жан Кокто нь 10 настайгаасаа эхлэн зохиол бүтээлээ туурвиж, 16 настайдаа яруу найргийн түүврээ хэвлүүлснээр дэлхийд хүлээн зөвшөөрөгдсөн яруу найрагч болж чаджээ. Тэрбээр театр, тайзны зураг чимэглэл, кино зэрэг цаг үеийнхээ хурдацтай өөрчлөгдөж буй урлагийн олон салбарт өөрийгөө сорьсон хэдий ч амьдралынхаа туршид зөвхөн яруу найрагч байсан гэдэг.
Жан Кокто 10 гаруй кино бүтээл туурвисан бөгөөд авангард кино бүтээгчдийн хамгийн онцгой уран бүтээлчдийн нэгээр түүхэнд мөнхөрчээ.

ӨВЛИЙН ЭХЭН УЛААГЧИН ГАХАЙ САР
ШАРАГЧИН ХОНЬ ӨДӨР

Аргын тооллын: 2015.12.9, Лхагва гараг
Наран ургах шингэх: 08.41-17.08
Үс засуулбал: Хэрүүл тэмцэл ирнэ
Барилдлага: Үхэх
Шүтэн барилдлага: Авахуй
Тухайн өдөр гахай, хулгана, үхэр, луу, нохой жилтнээ аливаа үйлийг хийхэд эерэг сайн ба могой, морь жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр усан балин гаргах, газар лус тахих, эм найруулах, тарни тоолох, хатуу үйл, согтууг номхотгох, мал адгуус муулах үйл, эм найруулах, эхнэрийг дуудах, үс авах, элчид эд өгөх зэрэгт сайн. Газар ухах, мод огтлох, цөөрөм, худаг малтах, модон тээрэм босгох, хурал цуглаан хийхэд муу. Өвчин болвол арван хоногт амирлана. Замд гарвал сайн бөгөөд эд, идээ арвижна. Зүүн чих хангинавал татвал хэрүүл тэмцэл болно. Баруун нүд татвал эд, хувцас олно. Зүүн чих хангинавал жуулчин ирнэ. Баруун чих хангинавал муу гаслан ирнэ. Нохой уливал халуун болохуй ба хэрээ дуугарвал муу хэл дуулна. Тагнай эрвэгнэвэл хэн нэгэн үхнэ. Бие татвал гэнэтийн жуулчин ирнэ. Шилбэ татвал үхлийн гэм ирэх нигууртай гэж номлосон. Өдрийн сайн цаг нь бар, туулай, могой, бич, нохой, гахай болой. Үс үргээлгэх буюу шинээр засуулбал хэрүүл тэмцэл ирнэ.

2015 оны 12 дугаар сарын 08-ны 20 цагаас 12 дугаар сарын 09-ний 20 цаг

хүртэлх цаг агаарын урьдчилсан мэдээ:

БАРУУН АЙМГУУДЫН НУТГААР: Үүлшинэ. Шөнөдөө нутгийн хойд хэсгээр бага зэргийн цас орно. Өдөртөө цас орохгүй. Салхи баруун өмнөөс секундэд 7-12 метр. Идэр, Тэс голын хөндий, Хүрэн бэлчир орчмоор шөнөдөө 25-30 градус, өдөртөө 13-18 градус, Алтайн өвөр говиор шөнөдөө 7-12 градус, өдөртөө 1-6 градус, бусад нутгаар шөнөдөө 15-20 градус, өдөртөө 6-11 градус хүйтэн байна.

ТӨВИЙН АЙМГУУДЫН НУТГААР: Үүлшинэ. Шөнөдөө нутгийн хойд хэсгээр бага зэргийн цас орно. Өдөртөө цас орохгүй. Салхи баруунаас секундэд 6-11 метр. Дархадын хотгороор шөнөдөө 25-30 градус, өдөртөө 16-21 градус, Хэнтэйн уулархаг нутаг, Орхон-Сэлэнгэ, Хараа, Ерөө, Туул, Тэрэлж голын сав газраар шөнөдөө 20-25 градус, өдөртөө 10-15 градус, бусад нутгаар шөнөдөө 15-20 градус, өдөртөө 6-11 градус хүйтэн байна.

ЗҮҮН АЙМГУУДЫН НУТГААР: Үүлшинэ. Шөнөдөө цас орохгүй. Өдөртөө зарим газраар бага зэргийн цас орно. Салхи баруун хойноос секундэд 7-12 метр. Хэрлэн, Онон голын саваар шөнөдөө 22-27 градус, өдөртөө 13-18 градус, бусад нутгаар шөнөдөө 16-21 градус, өдөртөө 9-14 градус хүйтэн байна.

ОТРЫН НУТАГ ХЭРЛЭНБАЯН-УЛААН ОРЧМООР: Үүлшинэ. Цас орохгүй. Салхи баруун хойноос секундэд 5-10 метр. Шөнөдөө 21-23 градус, өдөртөө 13-15 градус хүйтэн байна.

ГОВИЙН АЙМГУУДЫН НУТГААР: Солигдмол үүлтэй. Цас орохгүй. Салхи баруунаас секундэд 5-10 метр, шөнөдөө зарим газраар секундэд 12-14 метр хүрч ширүүснэ. Өмнөговийн нутгаар шөнөдөө 9-14 градус, өдөртөө 0-5 градус, бусад нутгаар шөнөдөө 15-20 градус, өдөртөө 5-10 градус хүйтэн байна.

УЛААНБААТАР ХОТ: Үүлшинэ. Цас орохгүй. Салхи баруунаас секундэд 5-10 метр. Шөнөдөө Яармаг-Сонгины орчмоор 24-26 градус, бусад хэсгээр 17-19 градус, өдөртөө 9-11 градус хүйтэн байна.

Энэтхэгийн нийслэл Делид болсон ”Соробан сампин”-гийн олон улсын тэмцээнд дэлхийн 60 гаруй орны 10 мянган хүүхэд оролцжээ. Тус тэмцээнээс зургаан настай монгол хүү Э.Амаржаргал ”Алтан цом” хүртэж, Дэлхийн аварга болсон байна. Энэхүү тэмцээнд Монголын хүүхэд, залуучуудын Соробан сампингийн холбооны нийслэл, орон нутгаас шалгарсан 6-14 насны 30 хүүхэд оролцжээ. Тэд нэг ”Алтан цом”, таван ”Мөнгөн цом” хүртсэн байна. Тамирчид ирэх баасан гарагт эх орондоо ирэх ажээ.

Ерөнхийлөгч Монгол Улсад суугаа Элчин сайд нартай уулзав

Монгол Улсын Их Хурлаар 2011 онд батлагдсан Гамшгаас хамгаалах талаар төрөөс баримтлах бодлого, Гамшгаас хамгаалах чадавхийг бэхжүүлэх үндэсний хөтөлбөрийг хэрэгжүүлэх ажлын хүрээнд Онцгой байдлын ерөнхий газар, Дэлхийн зөн Монгол” олон улсын байгууллага хамтран Монгол улсын Шадар сайдын 2013 оны 35 дугаар тушаалаар батлагдсан “Олон нийтэд тулгуурласан гамшгийн эрсдэлийг бууруулах үндэсний дэд хөтөлбөрийг амжилттай хэрэгжүүллээ.

Дэд хөтөлбөрийн хаалтын арга хэмжээ өнөөдөр болж, Онцгой байдлын ерөнхий газар, “Дэлхийн зөн Монгол” олон улсын байгууллага хөтөлбөрийн хүрээнд олон нийт, ард иргэдэд чиглэн хэрэгжүүлсэн ажлын тайланг танилцууллаа.

Энэхүү арга хэмжээнд Онцгой байдлын ерөнхий газрын дарга, бригадын генерал Т.Бадрал, Дэлхийн зөн Монгол” олон улсын байгууллагын суурин төлөөлөгч Винсент Эдвардс, тус олон улсын байгууллагын үйл ажиллагааны захирал Дорона Жавир нар оролцсон.

Гамшгийн аюулаас урьдчилан сэргийлэх үйл ажиллагаа нь зөвхөн Онцгой байдлын байгууллагын асуудал биш бөгөөд гамшгийн эрсдлийг бууруулахад төрийн болон төрийн бус байгууллага, хувийн хэвшил, иргэдийн оролцоо хамгаас чухал төдийгүй үндэсний хэмжээнд анхаарах асуудлын нэг болж байгаа юм.

Тийм ч учраас Олон нийтэд тулгуурласан гамшгийн эрсдэлийг бууруулах үндэсний дэд хөтөлбөрийг Монгол Улсын Засгийн газрын 2015 оны 303 дугаар тогтоолоор “Гамшгийн эрсдэлийг олон нийтийн оролцоотой бууруулах үндэсний хөтөлбөр” болгон батлуулаад байгаа юм.

2016-2018 онд хамтран ажиллах хамтын ажиллагааны санамж бичигт өнөөдөр ОБЕГ-ын дарга, бригадын генерал Т.Бадрал, Дэлхийн зөн Монгол” олон улсын байгууллагын суурин төлөөлөгч Винсент Эдвардс нар гарын үсэг зурлаа.