УИХ-ын гишүүн Ж.Батзандан Б.Булгантай уулзахаар хөдөллөө

Ойрын өдрүүдэд цас орж, хүчтэй цасан шуурга шуурахын мэргэжлийн байгууллагаас анхааруулж байна.

Архангай аймгийн прокурорын газраас Улсын Ерөнхий прокурорын 2016 оны 02 дугаар сарын 19-ний өдрийн А/15 дугаартай тушаалаар батлагдсан “Эрүүгийн хэргийг шилжүүлэх, хүлээн авах журам”-ыг Аймгийн Цагдаагийн газрын Хэрэг бүртгэх, мөрдөн байцаах тасагт хүргүүлсэн байна.

Мөн уг журмыг 2016 оны 03 дугаар сарын 01-ний өдрөөс эхлэн нэг мөр хэрэгжүүлж ажиллах үүднээс 2016 оны 02 дугаар 26-ны өдөр нийт хэрэг бүртгэгч, мөрдөн байцаагч нарт сургалт зохион байгуулсан ба сургалтаар хэрэг бүртгэх, мөрдөн байцаах байгууллага нь эрүүгийн хэрэг, материал, бусад баримтыг прокурорын байгууллагад хэрхэн шилжүүлэх, хүлээн авах талаар тодорхой чиглэлүүдийг өгч, журмыг хэрэгжүүлэн ажиллахыг үүрэг болгожээ.

Мөн тус прокурорын газраас журамд заасны дагуу эрүүгийн хэрэг, материалын дагалдах баримтын загварыг боловсруулжээ.

Л.Амгалан мэндчилгээ МАН ”хөөдөв”

Пегида хөдөлгөөнийхөн ээлжит жагсаал цуглаанаа зохион байгууллаа

Өмнөговь аймагт газар хөдөлжээ. Тодруулбал, тус аймгийн Хүрмэн сумын төвөөс урд зүгт 25 км-т “Замтын-Ар” гэдэг газарт өчигдөр буюу хоёрдугаар сарын 29-ний өдрийн 21:47 цагт 3.63 магнитутын хүчтэй газар хөдлөлт болжээ.

Засгийн газраас “Монгол Улсын үндэсний энгийн гадаад паспорт олгох, эзэмших, хадгалах журам” баталлаа.



Засгийн газрын 2010 оны 289 дүгээр тогтоолоор баталсан “Агаарын тээврийг хялбаршуулах үндэсний хөтөлбөр”-т улсын бүртгэлийн байгууллага нь гадаад улсад зорчих баримт бичгийг зохиох, хэвлэх, тараах, цахим хэлбэрт шилжүүлэх, олон улсын стандартад нийцүүлэх, машинаар уншигдах боломжтой гадаад улсад зорчих баримт бичиг олгох, хугацааны сунгалт хийгдэхгүй ба уншигдах хэсэгт өөрчлөлт, засвар оруулах боломжгүй биометрик мэдээлэл хадгалсан паспортыг хэрэглээнд нэвтрүүлэх, машинаар уншигдахгүй гадаадад зорчих баримт бичгийг 2015 оны 11 дүгээр сарын 24-ний өдрөөс өмнө эргэлтээс бүрэн хасах тухай заасан.



Иргэний бүртгэлийн бодлого, хөтөлбөр, зорилтын хүрээнд хууль эрх зүй, мэдээлэл технологийн болон бүртгэлийн үйл ажиллагаанд өөрчлөлт орсноор Засгийн газрын 2006 оны 184 дүгээр тогтоолоор батлагдсан журмын нэр томъёо, зохицуулалтыг өөрчлөх шаардлагатай болж байна. Шинэчлэн боловсруулсан журамд гадаад паспортын хүчинтэй байх хугацааг 5, 10 жилийн хугацаатай байхаар тусгажээ.



Мөн гадаад паспортын бүртгэлийн төвлөрөл, шат дамжлагыг бууруулж орон нутаг дахь бүртгэлийн байгууллагад шилжүүлэхээр тусгасан байна. Ингэснээр бүртгэлийн үйл ажиллагааны чанар хүртээмж сайжирч, иргэдэд төрийн үйлчилгээ ойртоно гэж тооцож байна.

Хэнтий аймгийн Прокурорын газраас 2016 оны 02 дугаар сарын 19-ний өдөр тус аймгийн хэмжээнд үйл ажиллагаа явуулж буй төрийн байгууллагуудын хамтарсан зөвлөгөөн хийсэн байна. Уг зөвлөгөөнд аймгийн Иргэдийн төлөөлөгчдийн хурлын дарга, Хууль зүйн хэлтэс, Цагдаагийн газар, Шүүхийн шийдвэр гүйцэтгэх алба, Шүүхийн шинжилгээний алба, Тагнуулын хэлтэс, Тахарын хэсэг, Мэргэжлийн хяналтын газар, Татварын хэлтэс, Онцгой байдлын газар, Нийгмийн даатгалын хэлтэс, Хөдөлмөрийн хэлтэс, Боловсрол, соёлын газар, Гоц халдварт, Эрүүл мэндийн газар, Хүүхэд гэр бүл хөгжлийн хэлтэс, Статистик бүртгэлийн хэлтэс, авто тээврийн алба, Халамж үйлчилгээний хэлтэс зэрэг төрийн байгууллагуудын удирдлагууд оролцлоо.

Зөвлөгөөнд аймгийн прокурор, хууль цаазын итгэмжит зөвлөх Д.Энхбаяр аймгийн 2015 оны эрүүгийн нөхцөл байдал, гэмт хэргийн гаралт,шийдвэрлэлтийн талаар болон прокурор төрийн байгууллагын хүсэлтээр иргэн, захиргааны хэргийг хянан шийдвэрлэх ажиллагаанд хэрхэн оролцох талаар мэдээлэл хийсэн байна.

Нийслэлд нийтийн тээврийн туслах чиглэлд 119 микроавтобус өдөр тутмын үйлчилгээнд 98 гаралтаар, буухиа үйлчилгээнд 170 тээврийн хэрэгсэл 23 чиглэлд үйлчилгээ үзүүлж байна.

”АСЕМ гэж юу вэ” сэдвээр лекц уншина

Үндэсний сэтгүүл зүй үүсч хөгжсөний 103 жилийн ойг Нийслэлийн Засаг даргын Тамгын газар, Монголын сэтгүүлчдийн нэгдсэн эвлэлтэй хамтран 3 сарын 4-ны өдөр Соёлын төв өргөөнөө тэмдэглэхээр бэлтгэл ажил хангагдаад байна. Монголын сэтгүүлчдийн нэгдсэн эвлэлээс энэ өдрийг тодорхой сэдвийн дор тэмдэглэн, нээлттэй хэлэлцүүлэг өрнүүлж, хамтарсан тунхаг бичиг гаргадаг бөгөөд энэ удаад мэдээллийн ил тод байдал, нээлттэй засаглалын тухай ярилцах юм.

МАН, МАХН-ын удирдлагууд, гишүүд дэмжигчид, иргэдийн төлөөлөл өнөөдөр их жанжин Д.Сүхбаатарын хөшөөнд цэцэг өргөж, хүндэтгэл үзүүллээ.

Улс төрийн нам байгуулагдсаны 95 жилийн ой, ”Эх орончдын өдөр” өнөөдөр тохиож байна. Тэртээх 1921 оны гуравдугаар сарын 1-ны энэ өдөр Монгол Ардын нам байгуулж, эх орноосоо харийн түрэмгийлэгчдийг хөөн зайлуулж, үндэсний эрх чөлөө, тусгаар тогтнолоо байлдан олох их тэмцлийг эхлүүлсэн.

Энэхүү түүхэн өдрийг МАН, МАХН хамтарч тэмдэглэхээр болж, өчигдөр Төрийн ордонд болсон эрдэм шинжилгээний бага хурлаар салхийг нь хагалсан бол өнөөдөр ийнхүү цэцэг өргөлөө.

Уг ёслолын дараа буюу 12.30 цагт ”Эх орончдын өдөр”-ийн баярын хурал Соёлын төв өргөөнд болно.

АСЕМ-аар иргэдээ хөөхгүй

АСЕМ-ийн Мэдээллийн төвийг нээлээ
АСЕМ-ын Мэдээллийн төвийг нээх арга хэмжээ МОНЦАМЭ агентлагийн байранд боллоо. Энэ төв нь АСЕМ-ын Дээд түвшний уулзалт, түүнийг угтаж зохиогдох дагалдах хурлуудын талаар олон нийтэд мэдээлэл хүргэх зорилготой юм.
Харин АСЕМ-ын Дээд түвшний хурлыг сурвалжлах дотоод, гадаадын сэтгүүлчдэд зориулсан “Хэвлэлийн төв”-ийг “Шангри Ла” зочид буудалд байгуулах аж.
Мэдээллийн төвийг нээх үеэр хэвлэл мэдээллийн байгууллагууд хамтран ажиллах санамж бичиг байгууллаа. Уг санамж бичгээр АСЕМ-ын уулзалтын төлөө сэтгүүлчид дуу хоолойгоо нэгтгэж, дэлхийн хэмжээний үйл явдлыг Монгол Улсад амжилттай зохион байгуулахад нэгдмэл байр суурьтайгаар үнэн зөв мэдээлэл түгээж, улс орныхоо нэр хүндийг өргөх үйл хэрэгт хувь нэмэр оруулан хамтарч ажиллахаа бататгав.
Санамж бичигт АСЕМ-ын БАА-ны дарга, ГХЯ-ны Төрийн нарийн бичгийн дарга Д.Ганхуяг, МСНЭ-ийн Ерөнхийлөгч Б.Галаарид, Өдөр тутмын сонины холбооны эрхлэгч Б.Ганболд, Мэдээллийн тэргүүлэгч сайтуудын холбооны тэргүүн Г.Саруул, Монголын телевизүүдийн холбооны Удирдах зөвлөлийн дарга Д.Бадамдаш, Монголын сайтуудын холбооны Ерөнхийлөгч Х.Мандахбаяр нар гарын үсэг зурлаа.

Оскарын дараах мөчүүд

Өнөөдөр “Эх орончдын өдөр”. Эл өдрийг МАХН, МАН-ууд хамтран тэмдэглэж, найр тавилцаж байна.

СХД-10 “Зүүн Баян Уулын ..-р гудамжинд автомашинтай үл таних хүнд зодуулсан” гэх мэдээллийг 02-р сарын 29-нд авч шалгахад: СХД-10 хороонд суух О /эм.26н/-г СХД-9 хороонд суух З /эр.48н/ гэгч автомашинд зам тавж өгсөнгүй гэж марган цохиж танхайрсаныг СХДЦХ-2 шалгаж байна.

Нийслэлийн удирдлагын зөвлөлийн даваа гарагийн ээлжит хуралдаан “Нийслэлийн үйлчилгээний нэгдсэн төв”-д болж, иргэдийн хандалт ихтэй үйлчилгээ үзүүлж буй нийслэлийн харъяа байгууллагууд мэдээлэл хийлээ.
“Нийслэлийн үйлчилгээний нэгдсэн төв”-ийн мэдээллийг Нийслэлийн ЗДТГ-ын Нутгийн захиргааны удирдлагын хэлтсийн дарга Ү.Ганболд танилцууллаа.
Нийслэлийн үйлчилгээний нэгдсэн төв 2016 оны 01 дүгээр сарын 04-ний өдрөөс туршилтаар, 01 дүгээр сарын 14-ний өдрөөс албан ёсоор ажиллаж эхэлсэн. Тус төвөөр нэгдүгээр сард 40 117, хоёрдугаар сард 29 649 нийт 69 766 иргэн үйлчлүүлжээ. Нийт үйлчлүүлсэн иргэдийн 60,7 хувь нь шуурхай, 8,1 хувь нь богино хугацаанд үзүүлэх, 8,9 хувь нь урт хугацаанд үзүүлэх, 22,3 хувь нь зөвлөгөө мэдээлэл авчээ.
Нийслэлийн бүртгэл статистикийн газраас тус төвд 12 улсын бүртгэгчийг тогтмол ажиллуулж, Нийслэлийн үйлчилгээний нэгдсэн төвийн 6 цонхоор иргэн, эд хөрөнгийн улсын бүртгэлийн үйлчилгээгээр үйлчилж байна. Иргэний Улсын бүртгэлийн чиглэлээр гэрлэсний бүртгэл, гэрлэлт цуцлуулсны бүртгэл, гэрлэлт сэргээсний бүртгэлт, төрсний гэрчилгээний дахин олголтын бүртгэл, гэрлэсний гэрчилгээний дахин олголтын бүртгэл, нас барсны гэрчилгээний дахин олголтын бүртгэл болон 17 төрлийн лавлагааг олгож байна. Ойрын хугацаанд төрсний бүртгэл, эцэг тогтоосны бүртгэл, иргэний шинэчилсэн бүртгэл, гадаад паспортын сунгалт, дахин олголтын үйлчилгээг үзүүлэхээр төлөвлөж байна. Харин Эд хөрөнгийн эрхийн бүртгэлийн чиглэлээр эд хөрөнгө өмчлөх эрхийн, эд хөрөнгө эзэмших эрхийн, эд хөрөнгө ашиглах эрхийн, барьцааны, батлан даалтын, түрээсийн, сервитутын, узуфруктын, бусдын газар дээр барилга байгууламж барих эрхийн, санхүүгийн түрээсийн гэрээний эрхийн, эд хөрөнгөтэй эсэх лавлагаа, барьцаанд буй эсэх лавлагааг олгож байна.
Нийслэлийн Боловсролын газраас суурь боловсролын гэрчилгээ, бүрэн дунд боловсролын үнэмлэх, оюутны цахим төлбөрийн карт, боловсролын гэрчилгэ, үнэмлэх дүйцүүлэх үйлчилгээг үзүүлж байна. Өнгөрсөн хугацаанд нийт 2570 иргэнд үйлчилгээ үзүүлжээ.
“Улаанбаатар дулааны сүлжээ” ТӨХК иргэдэд төвлөрсөн дулаан хангамжийн системд холбох техникийн нөхцөл олгох, төвлөрсөн дулаан хангамжийн системд холбох үйлчилгээ үзүүлж байна. Цаашид дулааны тоолуурын техникийн нөхцөл олгохоор судалж байгаа.
Улаанбаатар Цахилгаан түгээх сүлжээ ТӨХК үндсэн зургаан үйлчилгээ, бусад төрлийн долоон үйлчилгээг иргэдэд үзүүлж байна. Өнгөрсөн хугацаанд 937 иргэнд үйлчилжээ гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.

Монгол Улсын Хөдөлмөрийн яам, Бүгд Найрамдах Солонгос Улсын Хөдөлмөр эрхлэлт, хөдөлмөрийн яам хооронд байгуулсан санамж бичгийн дагуу БНСУ-д хөдөлмөрийн гэрээгээр ажиллах хүсэлтэй иргэдээс Солонгос хэлний түвшин тогтоох 12 дахь удаагийн шалгалт авах тов гарчээ.

Эмнэлгийн дуусаагүй барилгыг Эрүүл мэнд, спортын яаманд шилжүүллээ