Цаг уурын байгууллагаас ирүүлсэн мэдээгээр 2016 оны 07 дугаар сарын 21-ний өдөр баруун болон төвийн нутгаар, 22-ны өдөр төв болон зүүн аймгуудын ихэнх нутгаар, 23-ны өдөр төв болон зүүн аймгуудын ихэнх нутгаар, 24-ний өдөр баруун аймгуудын нутгаар, 25-ны өдөр баруун болон төвийн аймгуудын ихэнх нутгаар дуу цахилгаантай бороо орох төлөвтэй байна.

uyertei goluud

Түүнчлэн иргэдийн хайхрамж, болгоомжгүй байдлаас шалтгаалан 2016 он гарсаар 17 аймгийн 29 сум, нийслэлийн 4 дүүрэгт усанд осолдсон дуудлага нийт 53 удаа гарч 63 хүн (хүүхэд-22, насанд хүрэгсэд-41), аадар бороо орж, уруй буусны улмаас Баян-Өлгий аймгийн Өлгий сум, Орхон аймгийн Баян-Өндөр суманд 4-11 насны 3 хүүхэд амь насаа алдсан харамсалтай тохиолдлууд гараад байна.

Иймд:

-Тээврийн хэрэгслийн жолооч нар баталгаатай гүүрээр зорчих, байгууллага хамт олон, гэр бүл, найз нөхдөөрөө амралт, аялал, зугаалгаар явахдаа нэгдсэн зохион байгуулалттай, гол, мөрөн, нуурын эргээс зайдуу газар амрах, согтууруулах ундааг хэтрүүлэн хэрэглэхгүй байх, бага насны хүүхдийг хараа хяналттай байлгахыг Онцгой байдлын ерөнхий газраас анхааруулж байна.

ХӨТ: Хятад бол дэлхийд хамгийн эрт цай тариалж, хэрэглэж ирсэн орон юм. Цайны бүтээгдэхүүн, цай тариалах соёл олон улс оронд уламжлагдаж, улмаар өөр өөр өвөрмөц онцлог, үнэр амт бүхий цайны соёл бий болжээ.

ХӨТ: Энэ сарын 13-15-нд Японы Шизүока мужид 2016 оны олон улсын цайны наадмын хаврын улирлын арга хэмжээ болж өнгөрлөө. Тус мужийн дарга Хэйта Кавакацу: Бид Хятад улстай хамтран ажиллаж, дэлхийн улс орнуудад цайны соёлыг түгээн танилцуулахад бэлэн байна гэж хэлсэн юм. Ингээд та бүхэнд ХОУР-гоос Японд суугаа сурвалжлагч Жу Мань Жүний ирүүлсэн мэдээллийг хүргэе.

ХӨТ: Энэ удаагийн олон улсын цайны баяр наадмын арга хэмжээ Латин Америкийн уран бүтээлчдийн хөгжимдсөн ятгын аялгуунд нээлтээ хийлээ.

ХӨТ: Японы алдарт дуучин Нишио Оширогийн дуулсан цайны тухай дуу, цайны ёс заншлыг тусгасан үзүүлбэр нээлтийн арга хэмжээ танхимд биш, харин цайны хүрээлэнд болж байгаа мэт сэтгэгдэл төрүүлж байлаа.

ХӨТ: Японы Токүгава шогуныг үүсгэн байгуулагч Токүгава Иэяасүгийн 18 дахь үеийн удам, өнөөгийн Токүгава угсааны ахлагч Токүгава Цунэнари 2016 оны олон улсын цайны наадмын зохион байгуулах комиссын даргын хувиар нээлтийн арга хэмжээнд илтгэл тавив. Тэрээр, улам олон хүн цай уух дуртай болно гэдэгт итгэлтэй байна хэмээн ярьж байлаа.

”Энэ удаагийн наадмыг амжилттай зохион байгуулж, цайны гайхамшгийг Японы ард түмэн болон гадаадын иргэдэд сайтар танилцуулахыг хүсье. Дэлхий даяар улам олон хүн цайнд дуртай болохыг ерөөж байна”

ХӨТ: Шизүока муж Японд цайны нутаг гэдгээрээ алдартай. Мужийн дарга Хэйта Кавакацу: Япон, Хятад хоёр орон цайны соёлоороо тус тусын давуу байр суурьтай. Хятадын цайны өлгий Ханжөү хоттой хамтран ажиллаж, цайны соёлыг ЮНЕСКО-гийн биет бус соёлын өвд бүртгүүлэх өргөдөл өгөхийг хүсэж байна гэж ярьсан юм.

”Ундаа, хүнс нийлж байж иж бүрэн соёл болдог. Иймээс Хятад, Япон хоёр орон өрсөлдөх шаардлагагүй, харин бие биенээ нөхөх ёстой юм. Ханжөү хот Хятад улсад цайны нутаг хэмээн алдаршсан бол Шизүока муж ч гэсэн Япондоо цайны өлгий гэгддэг. Цаашид хамтран ажиллаж, цайны соёлыг биет бус соёлын өвд бүртгүүлэх өргөдөл өгөх ажил өрнүүлэхийг хүсэж байна. Японы цай ч Хятадаас үүсэлтэй. Иймээс бид Хятадын ард түмэнд талархах ёстой. Хэрэв хоёр тал хамтран цайны соёлыг биет бус соёлын өвөөр бүртгүүлэх өргөдөл гаргавал маш сайн хэрэг болно”

ХӨТ: Цайны соёлын талаар хамтран ажиллана гэдэг, биет бус соёлын өвд бүртгүүлэх өргөдөл өгөх төдий зүйл биш, цаашид Хятад улстай нягт хамтран ажиллаж, цай болон цайны соёлыг дэлхий нийтэд улам сайн танилцуулж, түгээхийг хүсэж байна гэж Хэйта Кавакацу хэлсэн юм.

”Ханжөүгийн Лунжин цайны чанар сайн. Гэхдээ Шизүокад үйлдвэрлэсэн цайны үнэр амт ондоо, хэрэглэх заншил нь ч өөр. Иймээс бид заримдаа Америкчууд, эсвэл Европчуудад амтлуулж, тэдэнд эдгээр цайны үнэр амт юугаараа онцлог ялгаатай болохыг ойлгуулж болно. Германчууд ногоон цай уух дуртай гэж би сонссон. Хятад маягийн хоол зууш хэрэглэх үед Лунжин цай, эсвэл Али Шан уулын цай, Япон маягийн хоол зууш хэрэглэх тохиолдолд Шизүокагийн цайг уух нь зүйтэй”

ХӨТ: Сая та бүхэнд Японы Шизүока мужид болсон 2016 оны олон улсын цайны наадмын хаврын улирлын арга хэмжээний тухай мэдээ хүргэлээ. Дэлхийн цаг үргэлжилж байна.

-Цагдаагийн байгууллагын нийт бие бүрэлдэхүүнд-

Төрийн тахилгат хайрхануудыг тахих ёслол таван жилд нэг удаа болдог. Энэхүү уламжлалын дагуу Богд Очирваань Отгонтэнгэр, Сутай хайрханыг энэ жил тахихаар болсон. Тодруулбал, Богд очирваань Отгонтэнгэр уулыг тахих ёслол энэ сарын 22-ны өдөр болох бол Сутай хайрханыг тайх ёслол долдугаар сарын 24-ний өдөр болох юм.


Сутай хайрханыг тахихдаа Говь-Алтай аймгийн талаасаа авирах юм байна. Иймээс төрийн тахилгат хайрхануудыг тайх ёслолд Монгол Улсын Ерөнхийлөгч Ц.Элбэгдоржоос гадна Завхан, Говь-Алтай аймгаас сонгогдсон УИХ-ын гишүүд, нутгийн удирдлага оролцоно.

газрын
бүтэц,
бүрэлдэхүүний
тухай
хуулиудын
төслийн
анхны
хэлэлцүүлгийг
дэмжлээ
Харгалзах огноо: 2016-07-21| Уншсан: 8

Улсын Их Хурлын Төрийн байгуулалтын байнгын хорооны өнөөдрийн /2016.07.21/ хуралдаан 10 цаг 19 минутад 57.9 хувийн ирцтэй эхэлж, Засгийн газрын бүтцийн тухай, Засгийн газрын бүрэлдэхүүний тухай, Монгол Улсын Засгийн газрын тухай хуульд нэмэлт, өөрчлөлт оруулах тухай хуулийн төслүүд, “Төрийн захиргааны байгууллагын тогтолцоо, бүтцийн ерөнхий бүдүүвчийг шинэчлэн батлах тухай” Улсын Их Хурлын тогтоолын төслүүдийн анхны хэлэлцүүлгийг хийлээ. Уг хуулийн төслүүдийн хэлэлцэх эсэх асуудлыг Анхдугаар чуулганы өчигдрийн нэгдсэн хуралдаанаар хэлэлцээд анхны хэлэлцүүлэгт бэлтгүүлэхээр тус байнгын хороонд шилжүүлсэн юм.

Хуулийн төслийн төслүүдийн анхны хэлэлцүүлэгтэй холбогдуулан байнгын хорооны гишүүдээс асуулт, санал гараагүй тул гишүүдээс бичгээр ирүүлсэн зарчмын зөрүүтэй саналын томьёоллоор санал хурааж шийдвэрлэв. Тухайлбал, Улсын Их Хурлын гишүүн Ц.Нямдорж, Б.Дэлгэрсайхан нар Засгийн газрын бүтцийн тухай хуулийн төслийн 9 дэх хэсгийн “Зам, тээврийн яам” гэснийг “Зам, тээврийн хөгжлийн яам” гэж гэж өөрчлөх санал гаргасныг хуралдаанд оролцсон гишүүдийн 72.7 хувь нь дэмжлээ. Мөн Улсын Их Хурлын гишүүн Ж.Энхбаяр, Б.Дэлгэрсайхан нар Батлан хамгаалах яамыг Засгийн газрын бүтэц дэх чиглэлийн яамнаас гаргаж ерөнхий чиг үүргийн яаманд хамааруулах, Улсын Их Хурлын гишүүн Б.Батзориг, Л.Оюун-Эрдэнэ, Т.Гантулга нар “Төрийн захиргааны байгууллагын тогтолцоо, бүтцийн ерөнхий бүдүүвчийг шинэчлэн батлах тухай” Улсын Их Хурлын тогтоолын төслийн хавсралтын “Хүүхэд, залуучуудын хөгжлийн газар” гэснийг “Гэр бүл, хүүхэд, залуучуудын хөгжлийн газар” гэж өөрчлөх, Улсын Их Хурлын гишүүн Д.Лүндээжанцан уг бүдүүвчийн хавсралтын “Улсын бүртгэл, оюуны өмчийн ерөнхий газар” гэснийг “Оюуны өмч, улсын бүртгэлийн ерөнхий газар” гэж тус тус өөрчлөх санал гаргасныг байнгын хорооны хуралдаанд оролцсон гишүүдийн олонхи нь дэмжлээ.

Түүнчлэн Улсын Их Хурлын гишүүн Д.Хаянхярваа, Я.Содбаатар нар Монгол Улсын Засгийн газрын тухай хуульд нэмэлт, өөрчлөлт оруулах тухай хуулийн төсөл дэх Монгол Улсын Ерөнхий сайдын эрхлэх асуудлын хүрээнд хамаарах асуудлын “төрийн болон орон нутгийн өмчийн хөрөнгөөр бараа, ажил, үйлчилгээ худалдан авах ажиллагаа” гэсэн хэсгийг хасч Сангийн сайдын эрхлэх асуудлын хүрээнд хамааруулах, мөн “Төрийн захиргааны байгууллагын тогтолцоо, бүтцийн ерөнхий бүдүүвчийг шинэчлэн батлах тухай” Улсын Их Хурлын тогтоолын төслийн хавсралт дахь Сангийн сайдын эрхлэх асуудлын хүрээнд Худалдан авах ажиллагааны газар гэж нэмэх зарчмын зөрүүтэй санал гаргасан нь дэмжигдлээ. Мөн хуулийн төслүүдийн анхны хэлэлцүүлгийг хийх явцад найруулгын чанартай зарим санал бэлтгэснийг байнгын хорооны гишүүд дэмжив.

Үүгээр тус байнгын хороо дээрх хууль тогтоомжийн төслүүдийн анхны хэлэлцүүлгийг дуусгаж, энэ талаархи санал, дүгнэлтээ чуулганы нэгдсэн хуралдаанд оруулж шийдвэрлүүлэхээр тогтов.

Анхдугаар чуулганы өнөөдрийн үдээс өмнөх нэгдсэн хуралдаанаар уг хуулийн төслүүдийн анхны хэлэлцүүлгийг хийх юм гэж Улсын Их Хурлын Тамгын газрын Хэвлэл мэдээлэл, олон нийттэй харилцах хэлтэс мэдээлэв.

Саяхан Германы засгийн газар болон аж ахуйн нэгжүүд 1 тэрбум 200 сая евро зарцуулж цахилгаан хөдөлгүүрт автомашины борлуулалтыг дэмжих болсноо мэдэгдлээ.

ХБНГУ-ын Гадаад худалдаа, хөрөнгө оруулалтын газрын мэргэжилтний үзэж байгаагаар, 1 тэрбум 200 сая еврогийн нөхөн олговор гэдэг Германы цахилгаан хөдөлгүүрт авто машин үйлдвэрлэгчдэд өгч буй хүчтэй дохио бөгөөд Герман цахилгаан хөдөлгүүрт авто машины салбарыг улам эрч хүчтэй дэмжихээ харуулж байна. Мөн Даймлер компани 500 сая еврогийн хөрөнгө оруулалт хийж, лити зайн үйлдвэр байгуулах тухайгаа зарласан явдал зайн технологийн салбарт ч ихээхэн боломж нээх юм байна.

Даймлер компани лити зайн үйлдвэрээ 2017 оноос эхэлж байгуулна. Тус үйлдвэр Азиас лити ионы зайг импортолж эх орондоо угсрах бөгөөд голдуу шинэ үеийн Smart цахилгаан хөдөлгүүрт авто машинд тавих зайг үйлдвэрлэх юм байна.

5-р сарын 24-нөөс 28-нд Хятадын Шэньжэнь хотод болж буй Олон улсын зайн технологийн солилцооны хуралд ХБНГУ-ын гадаад худалдаа, хөрөнгө оруулалтын газрын мэргэжилтнүүд Хятадын аж ахуйн нэгжүүдэд тус салбар дахь худалдааны орон зайг танилцуулж, хамтран ажиллах боломжийг эрэлхийлж байна. Алсдаа Лити зайн эрэлт хэрэгцээ улам нэмэгдэнэ гэдгийг Даймлерийн асар их хөрөнгө оруулалтаас тодорхой харж болно. Энэ нь Хятадын лити зай үйлдвэрлэгчдэд ч ашиг орлого олох сайхан боломж нээх нь дамжиггүй юм.

Цагдаагийн байгууллагын түүхт 95 жилийн ойн тохиож байгаа билээ. Тэгвэл уг ойн хүрээнд өнөөдөр тус байгууллагын удирдлагууд Их жанжин Д.Сүхбаатарын хөшөөнд цэцэг өргөж, Их эзэн Чингис хааны хөшөөнд хүндэтгэл үзүүллээ. Ёслолын ажиллагаанд ЦЕГ-ын дарга, Тэргүүн комиссар Р.Чингис болон бусад удирдах албан тушаалтнууд оролцов.

Ө нөөдөр 95 жилийн ойн хүрээнд СТӨ-нд баярын хурал, тоглолт зохион байгуулах бөгөөд маргааш Төв цэнгэлдэх хүрээлэнд ёслолын жагсаал алхах юм байна.

Саяхан Apple корпорац Энэтхэгийн өмнөд хэсгийн Хайдрабад хотод шинэ судалгааны төв байгуулах шийдвэр гаргасан тухайгаа мэдэгдлээ. Тус корпорацын гүйцэтгэх захирал Тим Күүк, шинэ судалгааны төвд голдуу Apple-ийн газрын зургийг судлах бөгөөд энэ нь Энэтхэгийн хэрэглэгчдийг татах зорилготой гэжээ.

Iphone гар утасны борлуулалт багасахын хэрээр Apple корпорацын ашиг орлого ч буурч байгаа юм. Харин энэ оны эхний улиралд Энэтхэгт Iphone гар утасны борлуулалт 56 хувиар нэмэгдсэн байна.

Apple компанийн тус судалгааны төв голдуу iPhone, iPad, MacBook, Apple бугуйн цаг зэрэг бүтээгдэхүүний газрын зургийн программыг судлах юм байна. Энэхүү хөрөнгө оруулалт Apple-ийн газрын зургийн судалгааны хурдыг нэмэгдүүлэхэд ашигтай бөгөөд тухайн орон нутагт 4000 ажлын байр шинээр бий болгоно гэж Apple корпорац мэдэгдсэн юм.

Говь-Aлтай аймгийн Дэлгэр сумын нутагт дээд гурван замын уулвараас хойш Алтай талдаа 3км орчимд хар зам усанд идэгдэн тасраад байсан замыг далангийн дүүргэлт хийж засварлажээ.


Замын ажлын гүйцэтгэгчээр ГОВЬ-АЛТАЙ АЗЗА” ТӨХК ажилласан байна.

2016.07.21

Эрхэм хүндэт зочид төлөөлөгчид өө,

Хатагтай, ноёд оо,

Та бүхний энэ өдрийн түмэн амгаланг айлтган мэндчилэхийн ялдамд, манай сайхан оронд хүрэлцэн ирсэн Та бүхэнд Монгол Улсын Их Хурлын нэрийн өмнөөс болон хувиасаа чин сэтгэлийн талархал илэрхийлж, Монгол Улсад тавтай зочлохыг хүсэн ерөөе.

Манай улсын Хуульчдын Холбоо нь байгуулагдаад 3 дахь жилтэйгээ золгож байгаа ч Азийн 23 орны 30 Хуульчдын Холбооны тэргүүнийг эгнээндээ нэгтгэсэн бүс нутгийн хууль зүйн салбарын том хэмжээний чуулга уулзалтыг эх орондоо зохион байгуулж буйд сайшаалтай байна.

Энэ удаагийн чуулга уулзалтаар “Үндсэн хуулийн хяналтын байгууллагын хараат бус байдал: Хуульч ба Хуульчдын Холбооны оролцоо”, “Уул уурхай ба хүний эрх, эрх зүйн чадавхыг нэмэгдүүлэх санаачилга” гэсэн олон нийтийн анхаарлын төвд байдаг сэдвүүдийг хэлэлцэхээр сонгожээ. Азийн Хуульчдын Холбоодын ерөнхийлөгчдийн 27 дахь дээд хэмжээний чуулга уулзалтаар бүс нутгийн хүний эрхийн зөрчлийн асуудлыг олон нийтийн анхааралд хүргэх, олон нийтийн хууль ёсны ашиг сонирхлыг хамгаалахад тодорхой хувь нэмэр оруулах олон санал, санаачилга, үр дүн гарна гэдэгт эргэлзэхгүй байна.

Эрхэм хүндэт зочид төлөөлөгчид өө,

Ази, Номхон далайн бүсэд хуульчдын хариуцлагыг дээшлүүлэх, хуульчийн мэргэжлийн хариуцлагыг нэмэгдүүлэх асуудлаар санал, мэдээлэл хуваалцах орон зай болж, Хуульчдын Холбоодын мэргэжлийн, бие даасан байдлыг хөгжүүлэх, бэхжүүлэх, харилцаа, хамтын ажиллагааг өргөжүүлэх чиглэлээр идэвх, зүтгэл гарган ажилласаар ирсэн Та бүхний цаашдын ажилд өндөр амжилтыг хүсэн ерөөе.

Та бүхэнд чин сэтгэлийн мэндчилгээ дахин дэвшүүлж, Азийн хуульчдын холбоодын ерөнхийлөгчдийн 27 дахь дээд хэмжээний чуулга уулзалтын үйл ажиллагаанд амжилт хүсье.

МОНГОЛ УЛСЫН ИХ ХУРЛЫН ДАРГА Миеэгомбын ЭНХБОЛД

Монгол Улсын нам, төрийн нэрт зүтгэлтэн, Монгол Улсын баатар, Хөдөлмөрийн баатар, маршал Ю.Цэдэнбалын мэндэлсэний 100 жилийн ой ирэх есдүгээр сард тохионо. Уг ойг угтан Ю.Цэдэнбалын нэрэмжит академиас “Ю.Цэдэнбал-Монгол орон” шүлэг яруу найраг, уран бичлэгийн уралдаан зарлажээ. Уралдаан гурван шаттай бөгөөд ялагчдыг есдүгээр сарын 17-нд болох хүндэтгэлийн арга хэмжээний үеэр шалгаруулж, шагнал гардуулах гэнэ. Оролцогчдын бүтээлийг энэ сарын 31 хүртэл Ю.Цэдэнбалын нэрэмжит академийн байранд хүлээн авч байна.

Айлын гэр дээр аянга бууж хүний амь үрэгджээ. Тодруулбал, Увс аймгийн Ховд сумын нугаг Халиун булаг багт зусч байсан малчин Н-ийн гэр дээр энэ сарын 13-ны өглөө аянга буусан байна. Түүнийх ам бүл долуулаа бөгөөд аянга буух үед бүгдээрээ гэртээ байжээ. Н-ийн 20 настай охин С газар дээрээ аянганд цохиулж нас барсан байна. Харин 23 настай охин С хоёрдугаар зэргийн түлэгдэлттэй, түүний охин хоёр настай А нэгдүгээр зэргийн түлэгдэлттэй аймгийн нэгдсэн эмнэлэгт эмчлүүлж байна. Буcaд хүмүүсийн биеийн байдал хэвийн байгаа аж.



Малчин Н-ийн дөрвөн үхэр, 43 хонь, 78 ямаа, нийтдээ 125 мал аянганд цохиулан үхжээ. Тус сумын ЗДТГ-аас ажлын хэсэг гарч аянганд цохигдсон малын сэг зэмийг устгаж, ариуггал халдваргүйжүүлэлт хийсэн байна. Аймгийн Нэгдсэн эмнэлгийн Мэс заслын их эмч Д.Батсүхээр ахлуулсан ажлын хэсэг Ховд суманд ажиллан аянгад цохиулсан хүмүүст эмнэлгийн тусламж үзүүлсэн байна.

НИТХ-аас баталсан “Найрсаг Улаанбаатар” хөтөлбөрийн хүрээнд урлаг, спорт, олон нийтийн арга хэмжээг зохион байгуулж байхаар шийдвэрлэсэн. Энэ жилийн Үндэсний их баяр наадмын үеэр жуулчдад зориулан Монголын сонгодог урлагийн ноён оргил “Учиртай гурван толгой” дуурь, “Улаанбаатарын үдэш” рок поп оддын шоу тоглолт, Талын бүжиг” Монгол туургатны бүжгийн их наадам, Морин хуурын фестивал зэрэг томоохон соёл, урлагийн арга хэмжээг Чингис хааны нэрэмжит талбайд зохион байгуулсан юм.

Харин ирэх наймдугаар сарын 6,7-ны өдрүүдэд “Даншиг наадам-Хүрээ цам” шашин соёлын наадмыг зохион байгуулах бөгөөд энэ өдрүүдэд “Уул усны домог” уран нугараачдын үзүүлбэрийг толилуулна. Энэхүү үзүүлбэрт орон нутгаас болон нийслэлийн дүүргүүдээс шалгарсан 350 уран нугараач, шилдэг багш нар оролцож Монголын уран нугралтыг Геннисын номонд бүртгүүлэхээр бэлтгэлээ хангаж байна.

Дэлхийд гайхагддаг монголын уран нугараачдын шилдэг үзүүлбэрийг 8 дугаар сарын 6-нд Чингис хааны нэрэмжит талбайд хүрэлцэн ирж үзэхийг урьж байна юм гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.

Ардчилсан нам сэтгүүлчдэд мэдээлэл хийхээр болжээ. Мэдээллийг Ардчилсан намын төв байранд маргааш буюу 07 сарын 21-нд 11.00 цагт хийх юм байна. Намын удирдлагууд ямар асуудлаар мэдээлэл хийх нь тодорхойгүй байна.

Улсын Их Хурлын анхдугаар чуулганы өнөөдрийн /2016.07.20/ нэгдсэн хуралдаанаар Улсын Их Хурлын Тамгын газрын Ерөнхий нарийн бичгийн даргыг чөлөөлж, томилох тухай асуудал хэлэлцэж, шийдвэрлэсэн.
Улсын Их Хурлын Тамгын газрын Ерөнхий нарийн бичгийн дарга Б.Болдбаатарыг өөрийнх нь гаргасан хүсэлтийг үндэслэн үүрэгт ажлаас чөлөөллөө. Түүнчлэн Улсын Их Хурлын тухай хуулийн 40 дүгээр зүйлийн 40.1 дэх хэсгийг үндэслэн Улсын Их Хурлын даргын санал болгосноор Улсын Их Хурлын Тамгын газрын Ерөнхий нарийн бичгийн даргаар Цэдэвийн Цолмонг томилсон юм.
Ийнхүү уг асуудлыг чуулганы нэгдсэн хуралдаанаар хэлэлцэж шийдвэрлэгдсэний дараа Улсын Их Хурлын Тамгын газрын Ерөнхий нарийн бичгийн дарга асан Б.Болдбаатар, Улсын Их Хурлын Тамгын газрын шинээр томилогдсон Ерөнхий нарийн бичгийн дарга Ц.Цолмон нар ажил хүлээлцэн, тамгаа шилжүүлэв. Энэ үеэр Улсын Их Хурлын дэд дарга Ц.Нямдорж байлцсан юм хэмээн Улсын Их Хурлын Тамгын газрын Хэвлэл мэдээлэл, олон нийттэй харилцах хэлтсээс мэдээлэв.

Улсын Их Хурлын Анхдугаар чуулганы өнөөдрийн /2016.07.20/ нэгдсэн хуралдаанаар Монголбанкны Ерөнхийлөгчийг албан тушаалаас нь чөлөөлөх, томилох тухай асуудлыг хэлэлцэж, энэ талаар Улсын Их Хурлын дарга М.Энхболд танилцуулга хийлээ.

Монголбанкны Ерөнхийлөгч Н.Золжаргал үүрэгт ажлаасаа чөлөөлж өгөхийг хүссэн өргөдлөө өгсөн болохыг Улсын Их Хурлын дарга мэдээлээд Монголбанкны Ерөнхийлөгчийг албан тушаалаас нь чөлөөлөх асуудлыг хэлэлцэн шийдвэрлэж өгөхийг хүслээ. Мөн тус банкны Ерөнхийлөгчөөр Надмидын Баяртсайханыг томилуулах саналаа танилцуулсан юм.

Н.Баяртсайхан нь хөдөлмөрийн эдийн засагч, улс төр судлаач мэргэжилтэй бөгөөд Эрхүүгийн Улс ардын аж ахуйн дээд сургууль, Москвад Төрийн удирдлагын академийг дүүргэсэн, эдийн засгийн ухааны докторын зэрэгтэй юм. Мөн 2001, 2005, 2009-2010 онд санхүү, төсөв, менежментийн чиглэлээр Шинэ Зеланд, АНУ-д мэргэшил дээшлүүлжээ.

Тэрээр 1982-1989 онд Намын дээд сургуульд багш, 1992-2008 онд УИХ-ын гишүүн, 1993-1995 онд УИХ-ын Хүнс, хөдөө аж ахуйн байнгын хорооны дарга, 2000-2004 онд Төсвийн байнгын хорооны дарга, 2006-2007 онд Засгийн газрын гишүүн, Сангийн сайд, 2002-2014 онд Монголын хөдөө аж ахуйн хоршоологчдын үндэсний холбооны ерөнхийлөгч, 2004 оноос мөн холбооны хяналтын зөвлөлийн даргаар ажиллаж иржээ.

Эдийн засгийн байнгын хороо энэ асуудлыг өнөөдрийн хуралдаанаараа хэлэлцээд дэмжсэн талаархи байнгын хорооны санал, дүгнэлтийг Улсын Их Хурлын гишүүн С.Бямбацогт танилцуулав. Мөн Монголбанкны Ерөнхийлөгчийг чөлөөлөх, томилох асуудалтай холбогдуулан Улсын Их Хурал дахь АН-ын бүлгээс гаргасан санал, дүгнэлтийг Улсын Их Хурлын гишүүн, тус бүлгийн дарга С.Эрдэнэ танилцуулсан юм.

Монголбанкны Ерөнхийлөгчийг үүрэгт ажлаас нь чөлөөлөх асуудалтай холбогдуулан Улсын Их Хурлын гишүүн Д.Эрдэнэбат, Ж.Энхбаяр, С.Эрдэнэ, Ц.Даваасүрэн, О.Баасанхүү, Я.Содбаатар нар байнгын хорооны хуралдаан даргалагчаас асуулт асууж тодруулан саналаа хэлсэн юм. Харин Н.Баяртсайханыг Монголбанкны Ерөнхийлөгчөөр томилох асуудалтай холбогдуулан Улсын Их Хурлын гишүүн Ц.Нямдорж, О.Баасанхүү, Д.Эрдэнэбат, Т.Аюурсайхан, Д.Дамба-Очир, М.Оюунчимэг, Б.Жавхлан, Д.Лүндээжанцан, Ж.Ганбаатар, Х.Болорчулуун, Ж.Мөнхбат нар нэр дэвшигчээс асуулт асууж тодруулан санал хэлж, нэр дэвшигчийг дэмжиж буйгаа илэрхийлэн захиас зөвлөмж өгсөн юм. Мөн Улсын Их Хурлын гишүүн Н.Цэрэнбат, О.Содбилэг, Т.Аюурсайхан, Л.Элдэв-Очир нар саналаа хэлж байр сууриа илэрхийлэв.

Ингээд санал хураалт явуулахад чуулганы нэгдсэн хуралдаанд оролцсон гишүүдийн 88.5 хувь нь Н.Золжаргалыг хүсэлтийн нь дагуу Монголбанкны Ерөнхийлөгчийн үүрэгт ажлаас чөлөөлөх, гишүүдийн 95.1 хувь нь Н.Баяртсайханыг Монголбанкны Ерөнхийлөгчөөр томилохыг дэмжлээ. Уг тогтоолыг батлагдсан өдрөөс нь дагаж мөрдөх юм гэж Улсын Их Хурлын Тамгын газрын Хэвлэл мэдээлэл, олон нийттэй харилцах хэлтэс мэдээлэв.

Хонь - (3/21-4/19)
Өглөөгүүр тайван, сэтгэл хангалуун байна. Оройны чухал үйл явдалд өдрийг зарцуулах бололтой. Жагсаалт гарган, ангилж бичвэл хэрэгтэй. Бусдын хатуу үгийг сонс. Зүрхийг тань догдлуулдаг нэгэнтэй богино хугацаанд уулзаж амжихыг бод. Гэхдээ цаашид үргэлжлүүлэхийг хүсвэл бүү яар. Түүнд шахалт үзүүлэх хэрэггүй.
Дэлгэрэнгүй
Пүрэв, 2016 оны 07 сарын 21
Үхэр - (4/20-5/20)
Үхрийн ордныхон өөрийн гэр бүл найз нөхдөөрөө бахархана. Гэртээ байж зарим нэг зүйлийг дахин засварлана.Тааварлаагүй нөхцөл байдалтай тулгарсан үед бизнесийн заримэг төлөвлөгөөнд саад учруулах болно. Гэвч асуудлууд маш амархан шийдэгдэх болно. Усанд сэлэх, дэлгүүр хэсэх, ойролцоох цэцэрлэгт хүрээлэнд дугуй унах зэргээс өөртөө таатайг нь сонгоорой. Ганц бие үхрийн ордныхон найзуудын харилцаандаа сөргөлдөөнтэй байх болно. Таны романтик байдал ойр дотно харилцааг бий болгоно.
Дэлгэрэнгүй
Пүрэв, 2016 оны 07 сарын 21
Ихэр - (5/21-6/21)
Өнөөдөр ямар ч дарамтгүйгээр амрахад хамгийн тохиромжтой үе юм. Сэтгүүл зүй таны бичих авьяасыг улам тодруулж өгөх бөгөөд санаанд орж ирсэн зүйлээ хурдан тэмдэглэж авч хэвш. Энэ бүх шинэ санаануудаа сайтар бодож тунгааж бай. Урлагийн мэдрэмж маш өндөр байна. Хэрвээ та өөрийн авьяаст сэтгэл хангалуун бус байгаа бол алдартай уран бүтээлчийн үзэсгэлэнд оч. Энэ нь танд шинэ санаа өгнө. Эсвэл жүжиг үзэж таашаал ав.
Дэлгэрэнгүй
Пүрэв, 2016 оны 07 сарын 21
Мэлхий - (6/22-7/22)
Хувиараа хөдөлмөр эрхлэгч Мэлхийнүүдийн хувьд байгаа байдлаа хэвээр нь орхих уу эсвэл өргөжүүлэх үү гэдэг асуудал босч ирж магадгүй. Бизнесийн асуудлаар сэтгэлээ их зовоох хэрэггүй. Зөн совингоо дагаж, яг одоо юу хиймээр байна, түүнийгээ л хий. Мөнгөөр бүх юм шийдэгдэхгүй гэдгийг санаж байх нь зүйтэй. Утга учиртай амьдрах нь хамгийн чухал зорилго чинь байх естой.
Дэлгэрэнгүй
Пүрэв, 2016 оны 07 сарын 21
Арслан - (7/23-8/22)
Таны мэдэрч байсан зүйл гэнэт өөрчлөгдөх бололтой. Тахин шүтдэг хүнтэйгээ адил болохыг хүсч эхэлнэ. Байгаа зүйлсийг байгаагаар нь хүлээж ав. Сэтгэл санаагаа амрааж тайван байх нь чухал. Зүрх сэтгэл таныг хаашаа дуудаж байгааг сонс. Нээлттэй байж, баяр хөөрийг мэдрэн, өөрөөсөө юу ч бүү харамла. Зурагтын өмнө суух юм уу компьютерийн онлайн тоглоом тоглохыг хүсэх байх. Хэл амаа цэгнэж байхыг зөвлөе. Эрүүл мэндэд тустай бүтээгдэхүүн хэрэглэж, чихрийн төрлийн зүйлээс хол байгаарай.
Дэлгэрэнгүй
Пүрэв, 2016 оны 07 сарын 21
Охин - (8/23-9/22)
Ажилдаа илүү цаг зарцуулж ажилласнаар та одоогийн ажпынхаа нөхцөл байр суурийг дээшлүүлж чадна. Хэдийгээр та төгс байдлыг эрхэмлэдэг боловч өнөөдөр аливааг хэт нарийвчлан авч үзэхийн оронд аливааг ерөнхийлөн авч үзэхийг хичээгээрэй. Өнөөдөр таны төвлөрөх чадвар сул байгаа тул шийдвэр гаргахдаа чухал зүйлүүдийг орхигдуулахаас сэргийл. Ямар нэг аз туршсан үйлдэл хийх хэрэггүй. Хэрвээ эрүүл мэнд тааруу байгаа бол байгалийн эмчилгээ хийлгэ.
Дэлгэрэнгүй
Пүрэв, 2016 оны 07 сарын 21
Жинлүүр - (9/23-10/22)
Чухал шийдвэр гаргахаа хойшлуул. Шинэ танил таны амьдралд сөрөг дүрд тоглох тул бусдын нөлөөнд автахаас болгоомжил. Сарын дунд үед хэт ачаалал авах нь эрсдэл учруулна. Хуурамч амлалтанд итгэн нөхцөл байдлыг буруу дугнэснээс болж уран бутээл, худалдаа арилжааны ирээдүйн ажилд алдагдал гарна. Энэ нь таны амьдралд том сургамж болно. Амьдралд гэнэтийн эргэлт гарч, шинэ мэдээ ирнэ. Галаар өөрийгөө ариусга.
Дэлгэрэнгүй
Пүрэв, 2016 оны 07 сарын 21
Хилэнц - (10/23-11/21)
Гэр бүлийнхэнтэйгээ, хамаатнуудтайгаа уулзах далимаар өмнө ярьж чадаагүй бүхнээ дэлгэх боломж олдоно. Мөнгөө хадгалж, байрандаа шинээр засвар хийх тухай тохиролцох зэргээр орон гэрийнхээ тав тухад ихэд анхаар. Одоогийн амьдралын хэв маяг танай гэрийн төсвийг хоосруулж байгаа тул зарлагаа багасгах цаг болжээ. Тэгвэл та өр зээлээ хянаж чадна.
Дэлгэрэнгүй
Пүрэв, 2016 оны 07 сарын 21
Нум - (11/22-12/21)
Үдээс өмнө их ажлаа амжуулчихаад ойгоор зугаалах эсвэл цэцэрлэгт хүрээлэнгээр алхахад тааламжтай. Таныг үл мэдэгдэх аюулын өөдөөс сөрөн зогсох гэнэтийн мэдээ ирж магадгүй. Хайртай дотны хүнтэйгээ харилцахдаа болгоомжгүй хэлсэн үг, болчимгүй гаргасан үйлдэл удаан хугацааны турш үл ойлголцох шалтгаан болж болзошгүй. Гэр бүлд таагүй уур амьсгал үүсч мэдэх тул зүгээр л ном сонин унших зэргээр оройг өнгөрүүлэх хэрэгтэй.
Дэлгэрэнгүй
Пүрэв, 2016 оны 07 сарын 21
Матар - (12/22-1/19)
Бүх зүйлд хандах таны харьцаа сайжирна. Таныг зорилгодоо хүрч урагшлахад тань тусласан хэн нэгэнд сайхан сэтгэгдэл төрүүлэхэд амар хялбар болно. Хөлсний сууц, өөрийн болон хамтрагчийн өрийг нэгтгэн хамтарсан зээл авах ч сайхан санаа. Ингэвэл сарын эргэн төлөлт бага тусаж, сэтгэл санаа амар байх тул та тооцоод үз. Од эрхсийн нөлөөгөөр хайр дурлалын харилцаа эерэг байх тул та хайр сэтгэлдээ хэр анхаарал тавина, тэр чинээгээр үр шимийг нь хүртэнэ.
Дэлгэрэнгүй
Пүрэв, 2016 оны 07 сарын 21
Бумба - (1/20-2/18)
Өөртөө итгэлтэй байж, нөхцөл байдал таагүй санагдсан ч эерэгээр сэтгэ. Эрүүл мэнддээ онцгой анхаар. Хэрэв өвдсөн бол байгалиас гаралтай уламжлалт эмчилгээний талаар судалж үзэх хэрэгтэй. Мөнгөний төлөө хэт их хөөцөлдвөл гэр бүлээ алдаж болзошгүй. Бусдын тавьсан мэхэнд унахгүй байхыг хичээ. Идэвх санаачилгатай бай. Мөнгөний асуудалд илүү бодитой ухаалаг хандвал буцаад хэвийн амьдралдаа орж чадна.
Дэлгэрэнгүй
Пүрэв, 2016 оны 07 сарын 21
Загас - (2/19-3/20)
Зөвлөгөө болон тусламж хэрэгтэй хүмүүс таны энэрэнгүй байдалд тань татагдах болно. Хэрвээ та өөрийн саналаа дэмжүүлмээр байгаа бол санаачлагатай байх хэрэгтэй. Ажил хэргийн талаар өөрийн зөн совиндоо найд. Шаргуу хөдөлмөрч бүтээлч байх нь таны дүр төрхийг улам тодотгож өгнө. Таны сэтгэл хөдлөлөөс шалтгаалан харилцаа холбоонд тань өөрчлөлт гарч магадгүй.

АН-ын гишүүд дэмжигчдийн дунд Ерөнхийлөгчид итгэл суларч, түүнийг АН-ын удирдлагыг авахын тулд МАН-тай сүжирч эхэлсэн гэх хэл ам гарах болсон билээ. Тэгвэл Ерөнхийлөгч МАН-тай сүжрээгүй гэдгээ илтгэж, АН-ын гишүүд дэмжигчдийн итгэл хүндлэлийг хүлээхийн тулд шинэ Засгийн газрын бүтцийг дэмжсэнгүй.

Зүүн хойд Азийн хотуудын дарга нарын 3 дахь удаагийн форум 8 дугаар сарын 3-5-ны өдрүүдэд Улаанбаатар хотноо болно. Энэ удаагийн форумд БНХАУ, ОХУ, БНСУ, Япон Улс, Унгар, Франц зэрэг улсын томоохон хотуудын дарга болон орлогчид хүрэлцэн ирж хотын ногоон хөгжил, эрчим хүчний ногоон шийдлүүдийн талаар туршлага солилцох юм. Мөн БНХАУ, ОХУ, БНСУ, Япон, БНАСУ, Унгар, Франц улсаас Монгол улсад суугаа элчин сайдууд, НҮБ, Азийн хөгжлийн банк, Азийн сангийн төлөөлөгчид энэхүү форумд оролцохоо албан ёсоор мэдэгджээ. Форумын бэлтгэл ажлыг хангах ажлын хэсгээс ирүүлсэн мэдээгээр НҮБ-ын Ази номхон далайн бүсийн эдийн засаг нийгмийн хорооны гишүүн Ноён Донован Стори “Тогтвортой хөгжлийн зорилгод хүрэх явцыг хангахад Зүүн Хойд Азийн хотуудын бодлогын арга хэмжээнүүдийг хүчирхэгжүүлэх нь” сэдвээр, Улаанбаатар хотын агаарын бохирдлыг бууруулах хяналтын чадавхийг сайжруулах төслийн 2-р үе шатны мэргэжилтэн Нитта Рюүта “Тээврийн хэрэгслээс гарч буй утааны эсрэг авах арга хэмжээ” зэрэг сэвээр илтгэл тавих юм байна. Мөн форумд оролцож байгаа хотуудын дарга нар Зүүн хойд Азийн хотууд тогтвортой хөгжлийн зорилго болон уур амьсгалын өөрчлөлтийн асуудлаарх НҮБ-ын суурь Конвенцийн талуудын “COP21” –тэй бодлогоо хэрхэн уялдуулж байгаа туршлагаас хуваалцах юм. Форумд зориулан 8 дугаар сарын 3,4-ний өдрүүдэд Чингисийн талбайд “Хотын ногоон шийдлүүд” үзэсгэлэн гарна гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.

Улсын Их Хурлын Анхдугаар чуулганы өнөөдрийн /2016.07.20/ нэгдсэн хуралдаан цаг сунган хуралдаж, Засгийн газрын бүтцийн тухай, Засгийн газрын бүрэлдэхүүний тухай, Засгийн газрын тухай хуульд нэмэлт, өөрчлөлт оруулах тухай хуулийн төслүүд, “Төрийн захиргааны байгууллагын тогтолцоо, бүтцийн ерөнхий бүдүүвчийг шинэчлэн батлах тухай” Улсын Их Хурлын тогтоолын төслийн хэлэлцэх эсэх асуудлыг хэлэлцэв.

Монгол Улсын Ерөнхий сайд Ж.Эрдэнэбат эдгээр хууль тогтоомжийн төслүүдийн талаархи танилцуулгадаа, Монгол Улсын Үндсэн хуулийн Гучин есдүгээр зүйлийн 2 дахь хэсэгт заасны дагуу эдгээр хууль тогтоомжийн төслийг Монгол Улсын Ерөнхийлөгчтэй зөвшилцсөний үндсэн дээр өнөөдөр Улсын Их Хурлын даргад өргөн мэдүүлсэн гэдгээ дурдав.

Монгол Улсын Засгийн газрын бүтэц, бүрэлдэхүүний тухай хуулийн төсөлд шинэ Засгийн газар нь бүтцийн хувьд Монгол Улсын Ерөнхий сайд, Монгол Улсын Шадар сайд, Монгол Улсын сайд, Засгийн газрын Хэрэг эрхлэх газрын дарга болон асуудал эрхэлсэн сайд нар зэрэг 16 гишүүнтэй байхаар тусгажээ. Үүнд:

Монгол Улсын Ерөнхий сайд;

Монгол Улсын Шадар сайд;

Монгол Улсын сайд, Засгийн газрын Хэрэг эрхлэх газрын дарга;

Байгаль орчин, аялал жуулчлалын сайд;

Гадаад харилцааны сайд;

Сангийн сайд;

Хууль зүй, дотоод хэргийн сайд;

Хөдөлмөр, нийгмийн хамгааллын сайд;

Батлан хамгаалахын сайд;

Барилга, хот байгуулалтын сайд;

Боловсрол, соёл, шинжлэх ухаан, спортын сайд;

Зам, тээврийн сайд;

Уул уурхай, хүнд үйлдвэрийн сайд;

Хүнс, хөдөө аж ахуй, хөнгөн үйлдвэрийн сайд;

Эрчим хүчний сайд;

Эрүүл мэндийн сайд.

Мөн шинэ Засгийн газар 13 яамтай ажиллах бөгөөд үүнээс Байгаль орчин, аялал жуулчлалын, Гадаад харилцааны, Сангийн, Хууль зүй, дотоод хэргийн, Хөдөлмөр, нийгмийн хамгааллын яамд үндсэн чиг үүргийн, харин Батлан хамгаалахын, Барилга, хот байгуулалтын, Боловсрол, соёл, шинжлэх ухаан, спортын, Зам, тээврийн, Уул уурхай, хүнд үйлдвэрийн, Хүнс, хөдөө аж ахуй, хөнгөн үйлдвэрийн, Эрчим хүчний, Эрүүл мэндийн яам нь чиглэлийн яамд байхаар тусгасан байна.

Засгийн газрын бүтэц, бүрэлдэхүүний талаархи саналаа Улсын Их Хуралд өргөн мэдүүлж буйтай холбогдуулан “Төрийн захиргааны байгууллагын тогтолцоо, бүтцийн ерөнхий бүдүүвчийг шинэчлэн батлах тухай” Улсын Их Хурлын тогтоолын төслийг боловсруулжээ. Уг тогтоолын төслөөр шинэ Засгийн газар нь тохируулагч 10, хэрэгжүүлэгч агентлаг 17, нийт 27 агентлагтай ажиллахаар тусгасан бөгөөд Засгийн газрын агентлагуудын тоонд өөрчлөлт орохгүй байхаар зохицуулжээ. Тухайлбал, Засгийн газрын хэрэгжүүлэгч агентлаг Хүүхдийн төлөө газрыг Хүүхэд, залуучуудын хөгжлийн газар, Гааль, татварын ерөнхий газрыг тусад нь салгаж Гаалийн ерөнхий газар, Татварын ерөнхий газар, Нийгмийн даатгалын ерөнхий газрыг Эрүүл мэнд, нийгмийн даатгалын ерөнхий газар, Улсын бүртгэл, статистикийн ерөнхий газрыг Үндэсний статистикийн хороо, Улсын бүртгэл, оюуны өмчийн ерөнхий газар болгох, Газрын тосны газар, Ашигт малтмалын газрыг нийлүүлэх, шинээр Төрийн өмчийн бодлого, зохицуулалтын газар байгуулахаар зохицуулжээ. Түүнчлэн Засгийн газрын бүтэц, бүрэлдэхүүний тухай хуулийн төслүүд болон “Төрийн захиргааны байгууллагын тогтолцоо, бүтцийн ерөнхий бүдүүвч”-ийг шинэчлэн батлахтай холбогдуулан 44 хууль, Улсын Их Хурлын тогтоолын төслийг боловсруулсан байна. Ингэснээр дээр дурдсан агентлагуудын чиг үүргийн давхардлыг арилгаж, нөөцийг зөв хуваарилах, салбарын хэмжээнд төрийн бодлого боловсруулах, түүний хэрэгжилтийг зохион байгуулах ажлыг чанартай, үр дүнтэй, шуурхай, хүртээмжтэй явуулах шаардлага хангагдана гэж үзэж буйгаа Ерөнхий сайд хэллээ.

Эдгээр хууль тогтоомжийн төслүүдийн хэлэлцэх эсэх асуудлыг хэлэлцсэн талаархи Төрийн байгуулалтын байнгын хорооны санал, дүгнэлтийг Улсын Их Хурлын гишүүн Н.Энхболд танилцуулав. Тус байнгын хорооны гишүүдийн дийлэнх олонхи нь эдгээр хууль тогтоомжийн төслийг чуулганы нэгдсэн хуралдаанаар хэлэлцүүлэхийг дэмжсэн юм.

Мөн хууль тогтоомжийн төслүүдийн хэлэлцэх эсэх асуудалтай холбогдуулан Улсын Их Хурал дахь АН-ын бүлгээс гаргасан санал, дүгнэлтийг Улсын Их Хурлын гишүүн, тус намын бүлгийн дарга С.Эрдэнэ танилцуулав. Тус намын бүлэг зургаан үндэслэл бүхий санал, дүгнэлт гаргаж, Засгийн газрын бүтэц, бүрэлдэхүүнтэй холбогдсон эдгээр хуулийн төслүүдийг дэмжих боломжгүй гэж үзсэн байна.

Ерөнхий сайдын танилцуулгатай холбогдуулан Улсын Их Хурлын гишүүн Д.Эрдэнэбат, Д.Сарангэрэл, О.Баасанхүү, Ц.Даваасүрэн, Х.Нямбаатар, Г.Занданшатар, С.Эрдэнэ, Ж.Энхбаяр нар Ерөнхий сайд болон ажлын хэсгээс асуулт асууж тодруулав. Хууль тогтоомжийн төслүүдийг хэлэлцэх эсэхтэй холбогдуулан Улсын Их Хурлын гишүүн Д.Эрдэнэбат, С.Эрдэнэ, Г.Занданшатар, О.Баасанхүү нар саналаа хэллээ.

Ингээд байнгын хорооны саналын томьёоллоор санал хураалгахад нэгдсэн хуралдаанд оролцсон 58 гишүүн санал нэгтэйгээр Засгийн газрын бүрэлдэхүүний тухай, Засгийн газрын бүтцийн тухай, Монгол Улсын Засгийн газрын тухай хуульд нэмэлт, өөрчлөлт оруулах тухай болон холбогдох бусад хуулийн төслүүд, “Төрийн захиргааны байгууллагын тогтолцоо, бүтцийн ерөнхий бүдүүвч”-ийг шинэчлэн батлахтай Улсын Их Хурлын тогтоолын төслийг хэлэлцэхийг дэмжсэн тул хууль тогтоомжийн төслүүдийг анхны хэлэлцүүлэгт бэлтгүүлэхээр Төрийн байгуулалтын байнгын хороонд шилжүүлснээр чуулганы нэгдсэн хуралдаан өндөрлөлөө гэж Улсын Их Хурлын Тамгын газрын Хэвлэл мэдээлэл, олон нийттэй харилцах хэлтэс мэдээлэв.