“Улаанбаатар” нэгтгэл байнга Нарны гүүр, нүхэн гарц, ард Аюуш, Чингүнжавын гудамжинд 0.5 тонн бодис цацаж байгаа аж. Төвийн зургаан дүүргийн хэмжээнд давс, бодис, элс хайрганы нөөц хангалттай байгаа тухай албаны хүн мэдээлж байна.

Ардчилсан намын Их хурлыг зохион байгуулах ажлын хэсгийн ахлагч, УИХ-ын гишүүн Д.Эрдэнэбат өнөөдөр мэдээлэл хийлээ.

Монгол Улсад орчин үеийн Шинжлэх ухааны байгууллага үүсч хөгжсөний 95, ШУА үүсэн байгуулагдсаны 55 жилийн ой, “Шинжлэх ухааны ажилтны өдөр”-ийг тохиолдуулан өнөөдөр Монгол Улсын Хөдөлмөрийн баатар, академич, төр, нийгмийн нэрт зүтгэлтэн Б.Ширэндэвийн хөшөөнд цэцэг өргөлөө.

Г.Пунцагбалжир агсны хүү “Мон-Эрдэнэ” группын өв залгамжлагч П.Энхмөнх хүчингийн хэрэгт нэр холбогдоод байгаа.

​БНХАУ-ын Шиамень хотноо болж буй “3х3” сагсан бөмбөгийн ДАШТ-ий хэсгийн тоглолтууд өчигдөр өндөрлөлөө.



Тус тэмцээнд оролцож буй Монгол Улсын баг ”B” хэсэгт БНХАУ, Тайланд, Унгар, Малайзтай өрсөлдөж, хэсгээсээ хоёроор гарлаа. Манай баг эхний өдөр Хятад болон Малайзын багийг хожсон. Харин тэмцээний хоёр дахь өдөр Тайландын шигшээ багийг 21:15-аар хожсон бол хэсгийн сүүлчийн тоглолтоо Унгарын багтай хийж, 15:10-аар хожигджээ.



Ийнхүү манай шигшээ гурван ялалт, нэг ялагдалтайгаар хасагдах шатанд шалгараад байна. Өнөөдөр манай баг хагас шигшээд шалгарахын төлөө Австралийн багтай тоглоно. Хэрвээ хожиж чадвал хагас шигшээд Лебон болон Тайландын нэгдүгээр багийн аль хожсонтой нь тоглох ажээ.

Монголын энтрепренерүүдийн нэгдсэн чуулган өнөөдөр болж байна. Энэ сарын 23-24-ны өдрүүдэд үргэлжлэх тус чуулган Чингис хаан зочид буудалд болж буй юм.

Чуулганыг МУИС-ийн Бизнесийн сургууль, Хөдөлмөр, Нийгмийн Хамгааллын Яам, Хүнс, Боловсрол, Соёл, Шинжлэх Ухаан, Спортын Яам, Хөдөө Аж Ахуй, Хөнгөн Үйлдвэрийн Яам (ХХААХҮЯ), Мэдээллийн Технологийн Шинжлэх Ухааны Парк, Шинэ Монгол Дээд Сургууль, Монголын Үндэсний Худалдаа Аж Үйлдвэрийн Танхим (МҮХАҮТ), Монголын Бизнесийн Зөвлөл, Хөгжлийн Шийдэл, Стартап Монгол зэрэг байгууллагууд зохион байгуулж байна.

Монголын Энтрепренерүүдийн Нэгдсэн Чуулган нь Монгол Улсад энтрепренершипийг хөгжүүлэх, гарааны бизнес, энтрепренершипийн таатай орчин-экосистемийг бий болгох, иргэд, аж ахуйн нэгжүүдийн энтрепренерлэг сэтгэлгээ, урам зоригийг өдөөх, тухайн талбар дахь ололт, амжилтыг тэмдэглэхэд чиглэсэн жил бүр зохион байгуулагддаг үйл ажиллагаа юм. Энэ үеэр

МУИС-ийн доктор, эдийн засагч Ч.Хашчулуун ”Монгол Улсад Инновацийн сан байгуулахын ач холбогдол” илтгэл тавилаа.

Тэрбээр илтгэлдээ ”Монгол Улсын сүүлийн жилүүдийн инновацийн түвшинг авч үзвэл боловсролын үзүүлэлт сайжирсан бөгөөд яг одоо дэлхийд 55-р байрт бичигдэж байна.

Харин бидний шийдэх ёстой асуудал юу вэ гэвэл эдийн засгийн үр ашигтай дэмжлэг бүрдүүлэх, энэ тал дээр манай улс 93-р байранд явж байна. Манай улсын Их сургуулийн хэрэггүй юм хийдэг байдлыг засч залруулах хэрэгтэй.

Мөн засгийн газар өөрөө инновациа дэмжихгүй бол ямар ч урагштай зүйл байхгүй. Хамгийн түрүүнд засгийн газраас инновацийн бодлогын төслүүдийг батлах ёстой” хэмээн дурьдлаа.

Мөн энэ үеэр Wellspring LLC-ийн үүсгэн байгуулагч Paul Lee үг хэлэв. Тэрбээр

“Гадаадад бүтээгдэхүүн худалдаалах гэж байгаа бол тухайн улсынхаа бараа бүтээгдэхүүний борлуулалт, сонирхлыг хамгийн түрүүнд судлах шаардлагатай.

Израйль бол 100 хувь цагаачлалын улс. Энэ улсын хувьд энтрепренершипийг хөгжүүлэх нь нэг номерийн асуудал байдаг. Тиймээс маш олон технологи, инновацийг хөгжүүлэх алхам хийж байсан. Энэ улсаас манай Сингапур улс маш их зүйлийг сурсан.

Монгол Улсын хувьд байгалийн нөөц бий боловч далайд гарцгүй зэрэг зарим асуудал байна. Гэхдээ үүгээр хязгаарлагдахгүйгээр сэтгэх хэрэгтэй гэж уриалмаар байна.

Израйль болон Сингапурт цагаачлал, олон улс орноос хүмүүс орж ирснээр гадныхнаас суралцах боломж гарч ирсэн. Гаднаас орж ирсэн улсыг дэмжих, дэмжихгүй янз бүрийн байр суурьтай байдаг боловч гадны улстай харилцаж, гадны соёлыг сурталчилна гэдэг маш чухал” гэснээр эхний хэлэлцүүлэг өндөрлөлөө.

Чуулган ”Монгол Улсад Инновацийн сан байгуулахын ач холбогдол” илтгэлээр үргэлжилж байгаа юм.

Монголын чадварлаг хоёр эмэгтэй DJ Хавайн саятнуудын клубт урилгаар тоглохоор боллоо. Залуу уран бүтээлчид буюу 35-аас доош насны уран бүтээлчдээс бүрдсэн “Space” энтертайментийн төлөөл болох DJ Анна, Уна нар арванхоёрдугаар сарын эхээр Хавайг зорих нь.
Монгол DJ нарын хувьд энэхүү үйл явдал нь анхны тохиолдол болж байна.
Уран бүтээлчдийг танилцуулахад:
DJ Анна: Монголын хамгийн анхны эмэгтэй DJ, Эмэгтэй мотоциколчдын холбооны тэргүүн, Фитнес мисс түүнийг электроник хөгжмийн төрөлд мэдэхгүй танихгүй хүнгүй гэхэд хилсдэхгүй.
DJ Уна: Фото модель, мэргэжлийн стилисть, дизайнер, DJ тэрээр сэтгүүл, сошиал ертөнцөд алдартай нэгэн.
Дашрамд сонирхуулахад “SPACE” энтертаймент нь байгууллагдаад удаагүй ч урлагийн салбар бүрт хүлээн зөвшөөрөгдсөн 30 гаруй залуу уран бүтээлчдийн нэгдэл гэнэ. Тэдний дунд Холливудын Годзила, Хавайн тавал зэрэг киноны туслах найруулагчаар ажилласан найруулагч, Лос Анжеласын актемийг төгссөн чадварлаг зураглаач болон АНУ-д сургууль дүүргэсэн стилисть, дизайнер, Wall artist, дуучин хөгжимчин, эвлүүлэг мантажчин зэрэг олон салбарын өндөр боловсролтой, чадварлаг залуучуудаас бүрдсэн баг юм байна.
Нэгэн нууц мэдээлэл задруулахад “SPACE” энтертайментийн дараагийн зогсоол Дубайд зохиогдох дэлхийн шилдэг 15 DJ оролцдог фестивал болж байгаа ажээ. Одоогийн байдлаар чадварлаг залуучууд маань энэ талаарх мэдээллээ тун нууцалж байгаа гэнэ.

Халтиргаатай холбоотой хүндхэн, хөгжилтэй постууд

Энэ сарын байдлаар томуу, томуу төст өвчин нэмэгдэх хандлагатай байгааг Эрүүл мэндийн яамн аас мэдээлсэн. Өвчлөгсдийн 93.1 хувийг 15 хүртлэх насны хүүхэд байгаа юм. Томуу, томуу төст өвчний идэвхжилт эхэлсэн ч вакцин иргээгүй байгаа юм байна.

Манай улсад Далай лам энэ сарын 18-22-ны өдрүүэд айлчилж өнөө өглөө буцаж буй юм. Түүний айлчлалыг эсэргүүцэж Хятадын талаас хоёр ч удаа Засгийн газарт шаардлага хүргүүлж, тус улсын гадаад хэргийн яамны хэвлэлийн төлөөлөгч Жен Шуан мэдэгдэл гаргасан юм.

Тэгвэл өчигдөр орой Монголын Засгийн газарт Хятадын талаас Монгол Улсын Шадар сайд У.Хүрэлсүхийн БНХАУ-д энэ сарын сүүлээр хийх айлчлалыг тодорхойгүй хугацаагаар хойшлуулж байгаа талаар мэдээлэл албан бусаар ирсэн талаар Засгийн газрын кабинетийн зарим баттай эх сурвалж мэдээллээ.

14-р далай лам Монгол улсад 9 дэхь удаагаа айлчлаад буцаж байна. Тэрээр өнөө өглөө 07 цагт Хэвлэлийнхэнтэй уулзаж Монголд хийсэн айлчлалынхаа талаар мэдээлэл өглөө.

Далай багш энэ удаа Монголд Гандан тэгчилэн хийдийн урилгаар цэвэр шашны ажлаар заларч олон түмэндээ сургааль номоо айлдлаа. Тэрээр: Би аль ч улсад айчилсан хамгийн түрүүн дэлхийн энхтайван хүн төрөлхтний амар амгалан байхад юу хэрэгтэй талаар хэлдэг.

Зовлонгийн шалтгаан бол уур, шуналын сэтгл юм. Бусдыг хайрлаж, энэрэн нигүүлссэн цагт амар амгалан аяндаа тогтно. Бурханы номонд асрахуй энэрэхүй сэтгэлийг дээдлэхийг номлодог. Бүх шашин үзэл сургаал өөр боловч энх амгалан, эв нэгдэлтэй байх дээр төвлөрдөг.

Би Түвдийн улс төрийн хэргийг 2011 онд хүлээлгэн өгсөн . Одоо Түвд улс төрийн эрх мэдлээ сонгуулиар шийдээд явах болно. Одоо надад Түвдийн бичиг соёл, бурханы номын учир шалтгааныг цааш дэлгэрүүлэх л ажил үлдсэн.

Ном сургаалийг сүсэглэн дагахдаа гол биш. Сургааль номын учир шалтгааныг ойлгох нь чухал юм. Монголд Түвдийн шашин дэлгэрэхээс өмнө Монгол, Түвд 2 улс холбоотой байсан. . Хүүхдүүд нь хөх толботой төрдөг.

Соёлоороо ч Азид төстэй ард түмэн. Монголчууд өнөөдөр шашин номоо дээдлэх эрх чөлөөтэй байж, түгээн дэлгэрүүлж байгаад би баяртай байна.Гол нь суралцах хэрэгтэй. Энэтхэгт гэхэд Монгол лам хуврагууд олноор ном үзэж, зарим нь 15 жил номын мөр хөөж байна.

Тэд монголдоо ирж, шашны үйл хэрэгтээ зүтгэнэ гэж найдаж байна. Монгол улстай 9-р богд Жавзандамба хутагт их барилдлагатай хүн байсан. Монголд ирж таалал төгсөхөөсөө өмнө би хойд насандаа хаана төрөх вэ гэж асууж байсан. Хамгийн сүүлд намайг уулзахад лагшин муу байгаагаа хэлээд дараа төрөлдөө Монголд тодорно гэсэн.

9-р Богдын хойд дүрийг тодруулах нь миний үүрэг болж үлдсэн.Монголд 9-р богд мэндэлсэн шинж тэмдэг илэрсэн.Жаахан хүүхэд болохоор нийтэд зарлахыг хүсэхгүй байна. Тэр хүүхэд 3-5 нас хүрэхээр зарлана.

Жаахан хүүхдэд нийтэд зарлах нь хэцүү байдаг.Гэхдээ хойд дүрээр тодорч, өндөр суудалд гарч сууснаар том лам болохгүй шүү гэж. Эрдэм чадал гэнэт өөрөө хүрээд ирдэггүй. Энэ бол бурханы шашны талаар ойлголт муу байх үеийнх.

Сурв: 14-р далай ламын Монголд айлчилах үеэр Хятадын засгийн газраас Монгол улсын Засгийн газарт хандаж мэдэгдэл гаргасан. Үүнийг хэрхэн хүлээж авсан бэ?

Далай лам: - Энэ бол байнга болж байдаг үйл явц .Би хаана ч очсон ийм асуудал байнга гардаг. Би энэ дэлхий дээр бурханы шашинтай улс орнуудаас Монгол, Япон 2 улсад л очих эрхтэй . Би уг нь бурханы шашинтай мөртлөө бурханы шашинтай улсуудад очиж чадахгүй байна гэж хошигнодог. Хятадад 400 сая хүн бурханы шашинтай . Тэд намайг хятадад ирээч гэж урьдаг ч би очиж чаддаггүй. Хятадын эрх баригчид намайг салан тусгаарлагч гэж үздэг.Уг нь би Түвдийг тусгаар тогтнолтой улс болгоно гэж ярьдаггүй.

Түвдийн тусгаар тогтнох ёстой гэж ярьдаггүйд маань ч зарим хүмүүс намайг буруутгадаг. Би Хятад, Түвд 2 улсын хэн нь ялах, ялагдах тухайд биш хоёуланд нь тустай байхсан гэж боддог.

Сур: -Ванчинбогдын хойд дүр одоогоор 2 тодроод байна. Үүнийг та юу гэж үздэг вэ? Далай лам:-Ванчинбогд одоогоор 2 болоод байгаа. Ирээдүйд далай лам ч 2 болж болно Гайхах хэрэггүй .Энэ бол улс төрийн асуудал. Улс төрийн асуудал учраас жаахан зүйл болоход хувирч өөрчлөгдөж байдаг шүү дээ.

Гол нь бурханы номыг хүн өөрөө уншиж дамжуулж байх нь чухал . Би далай лам гээд дээрээс биш тэр хүмүүстэй адилхан түвшинд харьцахыг хүсдэг. Бурханы шашинд номыг лам хуврагууд авч явна гэснээс биш ганц лам авч явна гээгүй шүү дэ

Хүйтний улирал эхэлсэнтэй холбогдуулан аж ахуйн нэгж, байгууллага, иргэдийн барилга, байгууламж, орон сууцны халаалт, гэр хороололд галлагаа эхэлсэнээр сүүлийн үед ахуйн гал түймрийн гаралт ихсэх хандлагатай байна.

Улсын хэмжээнд 2016 он гарсаар нийт 3282 удаагийн объектын гал түймэр бүртгэгдэж, гал түймрийн аюулаас 386 иргэний амь насыг аварч, 35 иргэн түлэгдэж гэмтэн, 41 хүн гал түймэрт өртөж нас барсан байна.

Харин 2016 оны 10 дугаар сар гарсаар улсын хэмжээнд нийт 662 удаагийн обьектын гал түймэр гарч, гал түймрийн улмаас нийт 12 хүн нас барж /7 том хүн, 5 хүүхэд/, 5 хүн түлэгдэж бэртсэн /4 том хүн, 1 хүүхэд/ байна.

Дээрх гарсан гал түймрийг өнгөрсөн оны мөн үетэй харьцуулахад гал түймрийн тоо 3,5 хувь буурсан үзүүлэлттэй байгаа хэдий ч иргэдэд дараах сэрэмжлүүлгийг хүргэж байна.

Иргэд галын аюулаас урьдчилан сэргийлэхийн тулд пийшин, зуухны галын аюулгүй байдлыг хангуулан пийшин, зуухны янданг дээврийн гадаргуугаас 50 см-ээс багагүй өндөртэйгээр гаргах, дээвэр таазнаас яндан хүртэл 50 см-ээс багагүй зайтай байх, пийшин зуух нь хананаас 1,25 см-ээс багагүй зайтай байх бөгөөд галлагааны амны өмнө 70х50 см-ийн металл хуудас, төмөр байрлуулахыг зөвлөж байна.

Пийшин, зууханд зориулалтын бус түлш болох хуучин хувцас, дугуй, хуванцар, хуурай хог хаягдал зэргийг хэрэглэхгүй байх, яндангийн хөөг тогтмол цэвэрлэж байх, үнс нурмыг тусгай төмөр саванд хийж хөргөсний дараа бусад хуурай хог хаягдалтай нийлүүлж хаях хэрэгтэй.

Мөн орон сууц, гэрийн цахилгаан хангамж, цахилгаан тоног төхөөрөмжийг заавал эрх бүхий мэргэжлийн этгээдээр угсралт, засвар үйлчилгээг хийлгэхийг зөвлөж байна.

Түлсэн гал түймрийн үнс нурамыг тагтай төмөр саванд хийж, шатах материалаас зайтай байлгах, цахилгаан хэрэгслийн хүчдэлд тохирсон чанар стандарт хангасан залгуур, разетка ашиглах, бага насны хүүхдийг харгалзах хүнгүй үлдээхгүй, цоожлохгүй байх, хөлдсөн, хөрсөн автомашиныг ил галаар гэсгээхгүй байх, галласан гэрийг эзэнгүй орхихгүй байх, цахилгаан тень, халаагуур бусад цахилгаан хэрэгслийг тодорхой хугацаанд унтрааж хэвшихийг Онцгой байдлын ерөнхий газраас анхааруулж байна.

Олон улсын “Fitch” агентлаг Монгол Улсын зээлжих зэрэглэлийг бууруулсан талаар “Ройтерс” агентлаг мэдээллээ.

Энэ сарын 21-ний өдөр ТБД андууд дэлгүүрийн урд замд замын цагдаа мөнгөн ус тээвэрлэж явсан хэргийг илрүүлжээ. “Range Rover” маркийн автомашинд 64.4 кг мөнгөн ус тээвэрлэж, бусдад худалдан борлуулах гэж байсныг таслан зогсоожээ. Хэргийг Баянгол дүүргийн цагдаагийн нэгдүгээр хэлтэст шалгаж байна.

Эрдэнэт үйлдвэрийн 49 хувийг эзэмшдэг Монголын зэс корпорациас Төрийн Өмчийн Бодлого Зохицуулалтын Газрын дарга Ц.Ням-Осорт албан бичиг явуулж, гүйцэтгэх захирлын сонгон шалгаруулалтад анхаарвал зохих асуудлаар өөрсдийн байр сууриа илэрхийлжээ.
Тус үйлдвэрийн борлуулдаг бүтээгдэхүүний үнэ дэлхийн зах зээл дээр унасан, техник тоног төхөөрөмж хуучирч муудсан, технологийн томоохон шинэчлэл, хөрөнгө оруулалт шаардлагатай байгаа энэ хүнд үед шинээр томилогдох захирал мэргэжлийн удирдлагаар хангах зайлшгүй шаардлагатай байна гэж үзжээ.
Компанийн тухай хууль болон олон улсын жишгээр хамтарсан үйлдвэрийн ТУЗ-ийг бага хувь эзэмшдэг тал нь удирдаж, гүйцэтгэх захирлын албыг нөгөө тал нь хашдаг. Гэтэл 51 хувийг эзэмшдэг Монголын төр ТУЗ-ийн удирдлагыг гартаа авч, гүйцэтгэх захиралд ч өөрсдийн хүнийг томилохоор зүтгэж байна. Энэ нь цаашдаа төр болон хувийн хэвшлийн хамтын ажиллагаанд буруу жишиг тогтох зохисгүй үзэгдэл юм.
Харин эрх баригчид Эрдэнэт үйлдвэрийн ТУЗ-ийн олонхийг бүрдүүлсэн тул олон улсын болон Монголынхоо хуулийг дээдэлж гүйцэтгэх захирлын асуудалд буулт хийнэ гэж хувийн хэвшлийнхэн найдаж байгаа аж. Тэд улстөрөөс ангид, нам эвслийн хараат бус бие даасан удирдлагаар үйлдвэрийг хангах нь нэн тэргүүний шаардлага болоод буйг онцолсон юм. Уул уурхай, боловсруулах салбарт арваас доошгүй жил ажилласан туршлагатай, энэ чиглэлээр мэргэшсэн магистр болон түүнээс дээш зэрэгтэй, олон улсын санхүүгийн зах зээлийн өргөн мэдлэгтэй, ял шийтгэл эдлээгүй, Эрдэнэт үйлдвэрт өмнө нь удирдах алба хашиж байгаагүй, аливаа бизнесийн харилцаанд ороогүй хүнийг гүйцэтгэх захирлаар томилох санал хүргүүлсэн юм.
Эх сурвалж: Өнөөдөр сонин

Нийслэлийн Засаг даргын орлогч Ж.Батбаясгалан Японы Мияаконожо хотын Хөдөө аж ахуйн хэлтсийн дарга Иший Ёшихиро тэргүүтэй төлөөлөгчдийг өчигдөр хүлээн авч уулзжээ.

Мияаконожо хотын хувьд үхрийн махан олон төрлийн лаазалсан брэнд бүтээгдэхүүнээр алдартай юм байна. Уг бүтээгдэхүүнээ гадаад зах зээлд гаргах ажлын хүрээнд өнгөрсөн оноос Улаанбаатар хотод Элчин сайдын яамаараа дамжуулан сурталчилгааны ажил зохион байгуулсан гэдгээ Иший Ёшихиро Засаг даргын орлогч Ж.Батбаясгаланд танилцуулсан байна.

Иший Ёшихиро “Манай бренд үхрийн мах нь дэлхийн олон оронд танил болсон бүтээгдэхүүн. Япон улсын махны хэрэгцээний 5/1 хувийг дангаараа хангаж байна. Улаанбаатар хотод бүтээгдэхүүнээ нийлүүлэх, цаашид хамтран ажиллах хүсэлтэй байна” гэлээ.

Харин Нийслэлийн Засаг даргын орлогч Ж.Батбаясгалан “Үхрийн мах, махан бүтээгдэхүүнийг дэлхийн зах зээлд нийлүүлнэ гэдэг маш чухал юм. Манай хоёр орны хамтын ажиллагаа олон жилийн түүхтэй. Та бүхний үйл ажиллагааг манай хөдөө аж ахуйн салбарынхан дэмжинэ гэдэгт итгэж байна” хэмээжээ.

Нийслэлийн Засаг дарга бөгөөд Улаанбаатар хотын Захирагч С.Батболд бүх нийтээр цас цэвэрлэх уриалгад Улаанбаатар хотын цэргийн анги нэгтгэлүүд нэгдэж өнгөрсөн шөнө цас цэвэрлэлээ.

Монгол Орос хоёр улс Эрдэнэт үйлдвэрийг 50:50 хувиар эзэмшдэг байхад 1992 онд шадар сайд Да.Ганболд тэргүүтэй Засгийн газрын баг олон удаагийн хэлэлцээрийн үр дүнд нэг хувийг Монголдоо авчирсан. Ингэснээр манайх давуу эрхтэй болж, гүйцэтгэх захирлаа томилох тийз өвөрлөж байлаа. Тэр цагаас хойш Эрдэнэт үйлдвэрийн эзэмших хувийг нэмэгдүүлэх талаар огт хөндөлгүй өдий хүрсэн.
Өнөөдөр зуун хувь монголын талд авчихсан хойно буруутган чичилж байгаа улстөрчид өмнө нь яагаад чимээгүй байв. Ардчилсан парламентын түүхтэй хамт нэр нь бичигдэж яваа Ц.Нямдорж яагаад өмнө нь Монголын талын эзэмшлийг 70, 80 хувьд хүргэх талаар ганц үг ганхийгээгүй юм бэ. Эрүүл нийгмийн төлөө, Монголынхоо төлөө хэмээн цээжээ дэлддэг Ж.Батзандан хоёр ч удаа эрх барих дээд байгууллагад сонгогдсон байж, яагаад Эрдэнэтийн хувийг эх орондоо авчрах талаар оройлон хөдлөөгүй юм бэ. Хорь гаруй жил улстөрд эрх барьж явсан зүтгэлтнүүд яагаад Эрдэнэтийн баялгаа дангаараа хүртэх талаар санаа тавиагүй юм бэ.
Харин одоо нэгэнт манайх болсон хойно уухилан дайрч, өөрийн хүнээ шургуулахаар тал талаас нь ноцож буй улстөрчдийг харахад ой гутам. Тэд хэний эрх ашгийг дээдэлж, хэрхэн ажиллаж ирсэн нь цагаан дээр хараар бичсэн мэт тодорхой. Ард түмэн популистуудын мөн чанарыг хэдийнэ ойлгодог болсон. Хэнийх нь зөв, бурууг ялган дүгнэж чадна. Мөн хэнд итгэж, хэнд итгэхгүйгээ мэднэ. Харамсалтай нь олон нийтийн хандлагыг үл ойшоон Эрдэнэтийг тойрсон хэрүүл үргэлжилсээр. Номхон тэмээ ноолоход амар гэгчээр Оросын тал эзэмшдэг байхад “гөлөг мэт байсан” улстөрчид зуун хувь Монголынх болонгуут хувааж идэх сэдлээр талцан дайрч байгааг дээрэлхүү зан гэх үү, юу гэх вэ?

Хятадын зах зээлд нүүрсний үнэ 200 ам.доллар давчихаад байхад Монголд Тавантолгойн ордын нүүрсийг уурхайн аман дээрээс тн-ыг нь 27-хон ам.доллароор зарж байсан. Өөрөөр хэлбэл, “Эрдэнэс Тавантолгой” компани нүүрсээ дэлхийн зах зээлийн үнээс бараг 10 дахин хямд зарсан гэсэн үг юм.

Засгийн газрын ээлжит хуралдаан өнөөдөр 15:00 цагт болно. Хуралдаанаар дараах асуудлуудыг хэлэлцэнэ.



Үүнд, Нийтээр тэмдэглэх баярын болон тэмдэглэлт өдрүүдийн тухай хуульд нэмэлт өөрчлөлт оруулах тухай хуулийн төслийг хэлэлцэж баталснаар арваннэгдүгээр сарын 26-нийг Бүгд найрамдах улсаа тунхагласны баярын өдөр болгон тэмдэглэн бүх нийтээрээ амрахаар шийдвэрлэсэн.



Гэвч энэ жилийн арваннэгдүгээр сарын 26 амралтын өдөр буюу бямба гараг таарч байгаа юм. Тиймээс амралтын өдрийг ажлын өдөр шилжүүлэх буюу баасан гарагт амрах эсэхийг Засгийн газрын хуралдаанаар шийдэхээр болжээ.