Монгол Улсын Их Хурлын дарга Миеэгомбын Энхболдод өнөөдөр /2016.07.15/ Бүгд Найрамдах Энэтхэг Улсын Дэд Ерөнхийлөгч эрхэмсэг ноён Мохаммад Хамид Ансари тэргүүтэй төлөөлөгчид бараалхлаа.

Уулзалтын эхэнд Улсын Их Хурлын дарга М.Энхболд эрхэмсэг ноён Мохаммад Хамид Ансариг Монгол Улсад тавтай зочлохыг хүсээд АСЕМ-ын дээд хэмжээний 11 дүгээр уулзалтад өндөр ач холбогдол өгч, оролцож буйд талархал илэрхийлэв. Мөн Энэтхэг Улсын Парламентын доод танхимын дарга хатагтай Сумитра Махажан Монгол Улсад хийсэн албан ёсны айлчлалын хүрээнд 4 дүгээр сард Улаанбаатар хотноо зохион байгуулагдсан Ази-Европын Парламентын Түншлэлийн 9 дүгээр уулзалтад оролцсон нь Энэтхэг Улсын зүгээс АСЕМ-ын дагалдах бүх хуралд өндөр ач холбогдол өгч буйн илрэл хэмээн үзэж буйгаа онцлон тэмдэглэв.

Тэрээр, “Манай хоёр улсын харилцаа, хамтын ажиллагаа стратегийн түншлэлийн зарчмаар тууштай өргөжин хөгжиж байгаад баяртай байдаг. Саяхан манай улсад Улсын Их Хурлын болон аймаг, нийслэлийн Иргэдийн Төлөөлөгчдийн Хурлын ээлжит сонгууль болж, Монгол Ардын Нам шинэ Парламент, шинэ Засгийн газрыг эмхлэн байгуулах болсон. Бид гадаад бодлогын нэгдмэл байдлыг үргэлжлүүлэн, залгамж чанараа хадгалах болно. Монгол, Энэтхэг хоёр улс мэдээлэл технологи, боловсон хүчин бэлтгэх, дэд бүтэц зэрэг олон салбарт хамтын ажиллагаагаа өргөжүүлэх бүрэн боломжтой гэж үздэг. Энэтхэг Улсын Ерөнхий сайд ноён Н.Моди 2015 онд манай улсад хийсэн айлчлалын үеэр хоёр талын харилцааг шинэ түвшинд гаргасан. Түүнчлэн хоёр улсын хамтын ажиллагааг өргөжүүлэхэд парламент хоорондын харилцаа чухал үүрэгтэй. Энэ чиглэлд анхаарал хандуулж ажиллана” гэлээ.

Бүгд Найрамдах Энэтхэг Улсын дэд Ерөнхийлөгч эрхэмсэг ноён Мохаммад Хамид Ансари Улсын Их Хурлын даргатай уулзаж буйдаа баяртай байна хэмээгээд хоёр улсын хамтын ажиллагаа стратегийн түвшинд хөгжиж байгаад сэтгэл хангалуун байгаагаа илэрхийлэв. Тэрээр, “Би АСЕМ-ын уулзалтад тавьсан илтгэлдээ Монгол Улсын ардчилал, сонгуулийн ололт амжилтын талаар дурьдлаа. Ардчиллын гол зарчим шийдвэр гаргах эрх байдаг. Манай хоёр улс адилхан ардчилсан улс. Ард түмний үзэл бодлыг төлөвшүүлэхэд ардчилал чухал үүрэгтэй. Үүний тулд хоёр улсын парламент хоорондын харилцааг хөгжүүлж, айлчлалын давтамжийг нэмэгдүүлэх нь зүйтэй” гээд Улсын Их Хурлын дарга ноён М.Энхболдыг тааламжтай цагтаа Энэтхэг Улсад албан ёсны айлчлал хийхийг урьж буйгаа дуулгасан юм. БНЭУ-ын Ерөнхий сайд Н.Моди 2015 онд танай улсад айлчилсан нь хоёр улсын хувьд том үйл явдал байсан. Энэхүү айлчлалын гол үр дүн нэг тэрбум ам.долларын хөнгөлөлттэй зээлийг олгох хэлэлцээр байсан бөгөөд одоо уг хэлэлцээрийг хэрэгжүүлэх ажил л үлдсэнийг онцлон тэмдэглэв.

Улсын Их Хурлын дарга М.Энхболд эрхэмсэг ноён Мохаммад Хамид Ансарийн урилгад талархал илэрхийлээд БНЭУ-д айлчлахдаа баяртай байх болно гэлээ. Мөн тэрээр хоёр улсын орон нутгийн түвшний харилцааг сэргээх, эрчимжүүлэх сонирхолтой буйгаа илэрхийлэв.

Уулзалтын үеэр талууд хоёр улсын сонгуулийн систем, техник, технологийн талаар ярилцаж, санал солилцлоо хэмээн Улсын Их Хурлын Тамгын газрын Хэвлэл мэдээлэл, олон нийттэй харилцах хэлтсээс мэдээлэв.

Хууль зүйн сайдын тушаалаар баталсан ”Нэгдсэн удирдлагын төв, Төрийн тусгай хамгаалалтын газрын Шуурхай удирдлагын штаб, Цагдаагийн Ерөнхий газрын Шуурхай удирдлагын штабын бүрэлдэхүүнд 10 ажлын дэд хэсгүүд байгуулагдан тусгайлсан төлөвлөгөө гаргаж, хэрэгжилтийг ханган ажиллаж байна. Энэ чиглэийн дагуу Цагдаагийн Ерөнхий газрын Шуурхай удирдлагын штаб 24 цагийн турш үйл ажиллагаагаа явуулж байна.

Нэгдсэн удирдлагын төв Терроризмтой тэмцэх ажиллагааг зохицуулах зөвлөл, Шуурхай удирдлагын штаб Төрийн тусгай хамгаалалтын газар, Цагдаагийн Ерөнхий газар дээр тус тус байгуулагдан үүрэг гүйцэтгэж АСЕМ-ын уулзалтын болон ард иргэдийнхээ аюулгүй байдлыг ханган үүрэг гүйцэтгэж байгаа юм хэмээн ЦЕГ-ын хэвлэл мэдээллийн албанаас мэдээлэв.

МОНГОЛ УЛСЫН ЕРӨНХИЙ САЙД Ж.ЭРДЭНЭБАТ РУМЫН УЛСЫН ЕРӨНХИЙ САЙД ДАЧИАН ЧОЛОШТОЙ УУЛЗАВ

Монгол Улсын Их Хурлын дарга М.Энхболдод өнөөдөр /2016.07.15/ БНАЛАУ-ын Ерөнхий сайд Др.Тонглун Сисулит бараалхлаа.

Монгол Улсын Их Хурлын дарга М.Энхболдод өнөөдөр /2016.07.15/ Бүгд Найрамдах Словак Улсын Ерөнхий сайд Роберт Фицо тэргүүтэй төлөөлөгчид бараалхав.

Уулзалтын эхэнд Улсын Их Хурлын дарга М.Энхболд Бүгд Найрамдах Словак Улсын Ерөнхий сайд Роберт Фицотой уулзсандаа баяртай байгаагаа илэрхийлээд АСЕМ-ын дээд түвшний уулзалтад оролцохоор хүрэлцэн ирсэнд талархаж буйгаа уламжилсан юм.

Тэрээр, Монгол Улс, Словак Улс нь уламжлалт, найрсаг харилцаатай, нэгэн үед ардчилал, зах зээл, чөлөөт нийгмийг сонгон хамтдаа шилжилтийн үеийг амжилттай даван туулж, ардчиллын үнэт зүйлсийг хадгалж, хөгжүүлж чадсаныг цохон тэмдэглээд, хоёр улсын хооронд дипломат харилцаа тогтоосноос хойш дээд, өндөр түвшний айлчлал хэрэгжээгүй. Иймээс тодорхой шалтгааны улмаас хэрэгжээгүй Үндэсний зөвлөлийн дарга болон Ерөнхий сайдын айлчлалыг хэрэгжүүлэхэд бэлэн байгаа талаар дуулгав. Түүнчлэн Бүгд Найрамдах Словак Улс Европын Холбооны Зөвлөлийг 2016 оны 7 дугаар сараас эхлэн даргалах болсонд баяр хүргэж, Монгол Улсыг Европын Холбоотой хамтран ажиллахад дэмжлэг үзүүлж ажиллахыг хүслээ.

Мөн тэрээр хоёр талын уламжлалт харилцааны хүрээнд Эдийн засаг, худалдааны салбарын хамтын ажиллагааг бэхжүүлэхэд чухал нөлөө үзүүлэх “Хөрөнгө оруулалтыг хөхүүлэн дэмжих, харилцан хамгаалах тухай” хэлэлцээр, “Эдийн засгийн хамтын ажиллагааг хөгжүүлэх тухай” хэлэлцээр болон “Харилцан давхар татвар ноогдуулахгүй байх тухай” хэлэлцээрийг байгуулах чиглэлээр ажиллаж байна. Монгол Улс Словак Улстай харилцаа, хамтын ажиллагаагаа хөгжүүлэх эрмэлзэлтэй байгаагийн зэрэгцээ, хоёр талын хамтын ажиллагааг ГХЯ-д хоорондын зөвлөлдөх уулзалт зэрэг байнгын механизмуудын хүрээнд хөгжүүлэх боломжтойг мэдэгдлээ.

Бүгд Найрамдах Словак Улсын Ерөнхий сайд Роберт Фицо Улсын Их Хурлын даргатай уулзаж байгаадаа баяртай байгаагаа илэрхийлээд, Парламентын ээлжит сонгуульд үнэмлэхүй ялалт байгуулсанд Улсын Их Хурлын даргад баяр хүргэв.

Ерөнхий сайд Роберт Фицо хоёр талын харилцаа, хамтын ажиллагааны хүрээнд эдийн засаг, худалдааны салбарын хамтын ажиллагааг бэхжүүлэхэд чухал нөлөө үзүүлэх эрх зүйн баримт бичгийг боловсруулан эцэслэх шаардлагатай байгаатай санал нэг буйгаа илэрхийлж, энэ тал дээр анхаарч ажиллана гэлээ.

Уулзалтын үеэр Улсын Их Хурлын дарга М.Энхболд Бүгд Найрамдах Словак Улсын Ерөнхий сайд Роберт Фицотой хоёр орны харилцаа, хамтын ажиллагааны асуудлаар болон Европ, Азийн бүс нутаг, олон улсын тавцанд хамтран ажиллах талаар санал солилцлоо гэж Улсын Их Хурлын Тамгын газрын Хэвлэл мэдээлэл, олон нийттэй харилцах хэлтсээс мэдээллээ.

Монгол Улсын Ерөнхий сайд Ж.Эрдэнэбат Бүгд Найрамдах Казахстан Улсын Ерөнхий сайд Карим Масимов-тай уулзлаа

Монгол Улсын Ерөнхийлөгч Ц.Элбэгдорж Мьянмар Улсын Ерөнхийлөгч, Тайланд Улсын Ерөнхий сайд нартай уулзлаа

Ази-Европын Дээд түвшний 11 дүгээр уулзалт ”АСЕМ-ын 20 жил: Уялдаа холбоогоор өртөөлөн ирээдүйн түншлэлийн төлөө” сэдвийн доор хуралдаад өндөрлөлөө.

Ази-Европын Дээд түвшний 11 дүгээр уулзалт ”АСЕМ-ын 20 жил: Уялдаа холбоогоор өртөөлөн ирээдүйн түншлэлийн төлөө” сэдвийн доор үргэлжилж байна.

АСЕМ-ын Дээд түвшний 11 дүгээр уулзалтад хүрэлцэн ирсэн зочдод зориулан ”Чингисийн хүрээ” цогцолборт бэсрэг наадам зохион байгуулах юм.

Бэсрэг наадам өнөөдөр 16.00 цагт эхлэх бөгөөд хоёр цаг үргэлжилнэ хэмээн АСЕМ-ын бэлтгэл ажлын албанаас мэдээллээ.

Үүний дараагаар Монгол Улсын Ерөнхийлөгч Ц.Элбэгдорж төлөөлөгчдийн тэргүүн нартай хүндэтгэлийн зоог барих аж.

Ариутгал, халдваргүйтгэлийг хоёр өдрийн дотор хийж дуусгахыг үүрэг болголоо

Бүгд Найрамдах Франц Улсын Ницца хотод 2016 оны 7 дугаар сарын 14-ний өдөр орон нутгийн цагаар 23 цагийн орчимд Францын үндэсний баярын өдөрт зориулсан ёслолын буудлага үзэж байсан иргэдийг ачааны машинтай этгээд дайрсны улмаас 80 орчим хүн нас барж 50 орчим хүн гэмтсэн хэрэг гарлаа.
Гэмт хэргийг үйлдсэн этгээд болох тунис гаралтай франц иргэн цагдаа нартай буудалцах үеэр амиа алдсан бөгөөд Бүгд Найрамдах Франц Улсын Ерөнхийлөгч Франсуа Олланд энэхүү хэргийг террорист халдлага гэж үзэж байгаагаа илэрхийлсэн байна.
Тус улсад 4500 орчим монгол иргэн оршин суудаг бөгөөд хэргийн улмаас нас барсан, гэмтсэн монгол иргэн одоогоор байхгүй болно.

Иргэд байшингаа шар шавраар хийсэн, усанд тэсвэргүй блокоор барьсан нь нурах үндэслэл болжээ

Бичлэг

Улсын Онцгой комиссоос эхний ээлжинд 70 гэр олгохоор боллоо

Хүмүүнлэгийн тусламж Улаанбаатараас хөдөллөө

АСЕМ 11

Монгол Улсын Ерөнхийлөгч Ц.Элбэгдорж Бүгд Найрамдах Кипр Улсын Ерөнхийлөгч Никос Анастасиадестай уулзав

АСЕМ-ын ахлах албан тушаалтан Л.Оргил мэдээлэл өглөө
2016-07-15 Admin

Улаанбаатар хотноо үргэлжилж буй Ази-Европын Дээд түвшний 11 дүгээр уулзалтын үйл явцын талаар АСЕМ-ын Ахлах албан тушаалтан Л.Оргил Шангри-Ла дахь Олон улсын мэдээллийн төвд сэтгүүлчдэд мэдээлэл өглөө.

Ази-Европын дээд түвшний 11 дүгээр уулзалтыг нээхийн өмнө Францын Нийс хотод өчигдөр орой болсон террорист халдлагатай холбогдуулан Францын ард түмэн, Засгийн газарт гүн эмгэнэл илэрхийлж, хуралд оролцож буй төр засгийн тэргүүн нар нэг минут дуугүй зогсч хүндэтгэл үзүүлснийг тэрбээр мэдээллийн эхэнд онцлов.

Дээд түвшний уулзалтын нээлтэд Монгол Улсын Ерөнхийлөгч Ц.Элбэгдорж үг хэлсний дараа АСЕМ-ын зохицуулагч орнууд болох Мьянмар улсын Ерөнхийлөгч У Тин Чяу, Словак улсын Ерөнхий сайд Роберт Фицо, Шинэ Зеланд Гадаад хэргийн сайд Мaррей Маккалли нар үг хэлсэн. Мөн АСЕМ-ын дагалдах хурлууд болох Ази-Европын Парламентчдын уулзалт, Ази-Европын залуучуудын уулзалт, Ази-Европын Бизнесийн уулзалт, Ази-Европын түмний түмний уулзалтын төлөөлөгчид хурал тус бүрээс гарсан дүгнэлтийг Дээд түвшний уулзалтад танилцуулсан юм. Өнгөрөгч дөрөвдүгээр сард болсон Ази-Европын Парламетчдын уулзалтын дүгнэлтийг УИХ-ын дарга М.Энхболд уншиж танилцууллаа.

Дээд түвшний уулзалтыг нээж, зочдоос хамгийн эхэнд БНСУ-ын Ерөнхийлөгч хатагтай Пак Гын Хэ үг хэлсэн бөгөөд дараа нь Япон улсын Ерөнхий сайд Шинзо Абэ, БНХАУ-ын Хятад улсын Ерөнхий сайд Ли Көцян, Европын Гадаад харилцааны албаны төлөөлөгч Федерика Могерини нар үг хэлжээ. Төлөөлөгчид Францад болсон халдлагад эмгэнэл илэрхийлж, сүүлийн 20 жил Ази-Европын хооронд гүүр болсон АСЕМ гэх байгууллагын хийж гүйцэтгэсэн үүрэг, ролийг өндрөөр үнэлэн, ирээдүйн 10 жилээ тодорхойлох, хэрхэн ажиллах талаар санал бодлоо солилцсоныг АСЕМ-ын ахлах албан тушаалтан Л.Оргил мэдээлэлдээ онцоллоо.

Мөн уг хэвлэлийн бага хуралд АСЕАН, Зүүн өмнөд Азийн эдийн засгийн судалгааны хүрээлэнгийн Ерөнхийлөгч Хидэтоши Нишимура оролцож Монгол Улсын Засгийн газар, АСЕАН, Зүүн өмнөд Азийн Эдийн Засгийн судалгааны хүрээлэнтэй хамтран гаргасан “Ази-Европын уялдаа холбооны алсын хараа 2025: боломж ба сорилтууд” судалгааны номыг танилцууллаа.

Энэхүү товхимолд Ази-Европын уялдаа холбоог өргөжүүлэхэд АСЕМ-ын гүйцэтгэж байгаа үүрэг, цаашдын оролцоо, Ази-Европын харилцааг иргэд, байгууллагууд, бодит дэд бүтэц дээр суурилуулан өргөжүүлэх, нийгэм, эдийн засгийн олон салбарт нэгдмэл байдал, хамтын ажиллагааг хөгжүүлэх, ойрын 10 жилийн үйл ажиллагаанд тулгарах сорилт, түүнийг шийдвэрлэх боломж зэргийг тусгасан байна.

Дээд түвшний уулзалт “АСЕМ-ын 20 жил: Уялдаа холбоогоор өртөөлөн ирээдүйн төлөө түншлэлээ бэхжүүлэх нь” гэсэн үндсэн сэдэвтэйгээр үргэлжилж байна. Үдээс өмнөх хуралдаан “Түншлэлийн 20 жил: Өнгөрснөө дүгнэж, ирээдүйгээ тодорхойлох нь”, “АСЕМ-ын түншлэлийг хөгжүүлэх өргөн уялдаа холбоо” сэдвийн хүрээнд хоёр салбараар хуралдаж байна.

Монгол Улсын Ерөнхийлөгч Ц.Элбэгдоржид Казахстаны Ерөнхий сайд Карим Масимов бараалхлаа

Монгол Улсын Ерөнхийлөгч Ц.Элбэгдорж Швейцарь Улсын Ерөнхийлөгч Ёханн Шнайдер Аммантай уулзав