Өсвөр насны хүүхдүүд ахуйн хэрэглээний газ үнэрлэж, мансууран эмнэлэгт хүргэгджээ. Тодруулбал, Нийслэлийн Баянзүрх дүүргийн 19 дүгээр хороонд оршин суух 18 настай эрэгтэй Т гэртээ газ үнэртэж, мансууран өнгөрсөн амралтын өдөр Хордлогын үндэсний төвд хүргэгдсэн байна. Мөн тус дүүргийн 20 дугаар хороонд оршин суух 18 настай эрэгтэй Б, 17 настай эрэгтэй Б, 16 настай эрэгтэй Т нар ахуйн хэрэглээний 220 грамм газ үнэртэж, мансуурчээ. Хэргийн газраас эд мөрийн баримтаар илэрсэн нэг ширхэг газыг /220 грамм/ цагдаа нар хураан авчээ. Улмаар хэргийг Баянзүрх дүүргийн цагдаагийн хэлтэст шалгаж эхэлжээ.

Шинэ жилийн “МӨНГӨН ШӨНӨ” цэнгүүний хөтөлбөр

21.00: Чингис хааны талбайд хуран цугласан иргэд, залуучуудад амьд хөгжмийн хамтлагууд уран бүтээлээ толилуулна.
21.00: Beat Box Ray /1 номер/
21.05: хөгжимчин Х.Бархүү, Б.Мягмарцэрэн /1 номер/
21.10: Хөтлөгч: Дуучин Солонгоогийн танилцуулга /2 дуу/
21.20: Хөтлөгч: Дуучин A Cool танилцуулга /2 дуу/
21.30: Хөтлөгч: Дуучин Тэнүүний танилцуулга /2 дуу/
21.40: Хөтлөгч: Дуучин Аминагийн танилцуулга /2 дуу/
21.50: Хийлч Дээгий/1 номер/
21.55: дуучин Өнөрөө /3 дуу/
22.10: Хөтлөгчид: Шинэ жилийн цэнгүүнд хүрэлцэн ирсэн нийслэлчүүддээ баярын мэндчилгээ дэвшүүлэн “Улаанбаатар” чуулгын уран бүтээлчид “ҮЙЛСИЙН САЙХАН УЛААНБААТАР” мюзиклаа толилуулахад бэлэн болсныг танилцуулна.
22.15: “Үйлсийн сайхан Улаанбаатар” мюзиклын эхний хэсэг (LED дэлгэцээр мюзиклын ерөнхий утга санаа гарч, дуучид бүжигчид тайзнаа мюзиклын дууг дуулж, бүжиглэнэ) (20 мин)
22.35: Хөтлөгчид: DJ БАЧКА-г танилцуулна.Үзэгчдийг бүжиглүүлнэ.
· Хөтлөгчид Нийслэлд болсон 2015 оны бүтээн байгуулалтын тоймыг үзэгчдэд хүргэнэ.
22.40: “Үйлсийн сайхан Улаанбаатар” мюзиклын 2 дахь хэсэг (25 мин)
23.05: DJ БАЧКА болон Хөтлөгчид үзэгчдийг бүжиглүүлэн хөгжөөнө .
· Хөтлөгчид: Найрсаг Улаанбаатар хөтөлбөрийн хүрээнд 2015 онд болсон бүх үйл явдалын тоймыг үзэгчдэд хүргэнэ.
23.10: “Үйлсийн сайхан Улаанбаатар” мюзиклын 3 дахь хэсэг (20 мин)
23.30: Хөтлөгчид: Мюзикл гэж юу вэ?Шинэ жил гэж юу вэ? Гэсэн сэдэв хөндөж үзэгчидтэй ярилцах
· Үзэгчдийг Бүжиглүүлэх
23.35: “Үйлсийн сайхан Улаанбаатар” мюзиклын 4 дахь төгсгөлийн хэсэг (10мин)
Жүжигт оролцож байгаа гол дүрүүд гэнэт айсуй яваа Өвлийн өвгөн аавыгаа олж харах ба Өвлийн өвгөн цасан охидын хамт Чингисийн талбайд орж ирнэ.
23.45: Бүх жүжигчид Шинэ жилийн дууг хамтдаа дуулан Өвгөн аавыг хүлээн авна.
· Хөтлөгч: Өвлийн өвгөн, цасан охидыг угтан авахыг хүснэ. Өвлийн өвгөн, цасан охидын хамт тайзны өмнө хүрэлцэн ирнэ.Өвлийн өвгөн мэндчилгээ дэвшүүлэн нийслэлчүүдтэй мэндчилнэ.
23.55: Хөтлөгч: Өвлийн өвгөнийг цасан охидын хамт хүсэн хүлээсэн мөч ирж буйг зарлана. Нийслэлийн Засаг дарга бөгөөд Улаанбаатар хотын захирагч Э.Бат-үүлийг тайзнаа урьж, шинэ оныг хамтдаа тоолон угтахыг урина.
· Нийслэлийн Засаг дарга бөгөөд Улаанбаатар хотын захирагч Э.Бат-үүл үг хэлнэ.
/Фанфар/
23.59.50: Шинэ жил гархаас 10 секундын өмнө хонх дуугарч эхлэнэ.Хонхтой цуг тоо болон хотын тухай дүрслэл гарч Нийслэлийн удирдлагууд талбайд цугласан иргэд, хөтлөгч нарын хамт 10-аас доош тоолон шинэ он гарна.
00.00: Шинэ он гарахад Салют буудаж эхэлнэ.
00.00: “Үйлсийн сайхан Улаанбаатар” нийт уран бүтээлчид
00.10: Үйл ажиллагаа өндөрлөх

Нийслэлийн Онцгой байдлын газар өндөржүүлсэн бэлэн байдалд шилжлээ

Маргааш Чингисийн талбайд “Үйлсийн сайхан Улаанбаатар” мюзиклыг тоглоно

Газар өмчлүүлэх тавдугаар ээлжийн цахим бүртгэл өчигдөр дуусах байсан ч маргаашийг хүртэл хойшилсон. Тэгэхээр энэ өдрүүдэд газар өмчлөх цахим бүртгэл үргэлжилж байна гэсэн үг. Энэ удаагийн цахим газар өмчлөлд шинээр Сүхбаатар дүүргийн Тоосгоны нэгдүгээр хэсгийн 16 нэгж талбарт, тоосгоны хоёрдугаар хэсгийн 149 нэгж талбарт, Баянзүрх дүүргийн Шарын аманд 204 нэгж талбарт иргэдэд цахим хэлбэрээр газар өмчлүүлнэ. Мөн I, II, III, IV ээлжид хамрагдсан Баянзүрх, Хан-Уул, Сонгинохайрхан, Багануур, Багахангай дүүргийн нутаг дэвсгэрт нийт 7128 нэгж талбарт цахим газар өмчлөлийг явуулах юм. Нийслэлийн иргэн та гэр бүлийн хэрэгцээний зориулалтаар газар өмчлөх хүсэлтээ www.umch.ub.gov.mn цахим хуудсанд хандан өгөх боломжтой.

Өнөөдөр/12.30/ 18.00 цагаас Спортын төв ордны ”А” зааланд “Монгол улсын сагсан бөмбөгийн шигшээ” баг болон “Легионер”-уудын халз тоглолт болно. Энэхүү тоглолт “Ардчилал” сонины сэтгүүлч, сагсан бөмбөгч Б.Батхишигийн бөөр шилжүүлэх суулгах эмчилгээнд зориулан болох юм.

Монголын үндэсний сагсан бөмбөгийн холбооноос MNBA CARES-БИД НЭГ БҮЛ ТӨСӨЛ-ийн хүрээнд хэд хэдэн үйл ажиллагааг цувралаар амжилттай зохион байгуулсан. Тэгвэл дээд лигийн “Уурхайчин”, МУИС МБМ, “Эрдэнэдрийлинг Ригс” багуудад хүчин зүтгэж явсан шилдэг холын зайн мэргэн буучдын нэг, “Ардчилал” сонины сэтгүүлч, спортын мастер Батцэнгэлийн Батхишигийн бөөр шилжүүлэн суулгах мэс засалд хандив цуглуулах халз тоглолтыг зохион байгуулах гэж байна. Энэхүү хандивын аянд чөлөөт, жүдо бөх зэрэг олимп, дэлхийн аваргын медальтнууд нэгдэж байна.

Хандивын данс:

”Голомт” банк 1909318090 Батцэнгэлийн Батхишиг
”Хаан” банк 5360254652 Батцэнгэлийн Батхишиг

”Бид нэг гэр бүл” аяны зохион байгуулагчидтай холбоо барих бол 99100661, 88089616, 88004221, 88606011, 99408820, 96094374 утсаар холбогдоорой.

Сайн үйлс дэлгэрэх болтугай, Сэтгэл зүрхээрээ нэгдэцгээе...

УИХ дахь МАН-ын бүлгээс Засгийн газрыг огцруулах тогтоолын төслийг өнөөдөр өргөн барих гэж буй талаар эх сурвалж мэдээллээ. Тус бүлгийн дарга С.Бямбацогт өнгөрсөн даваа гаригт хэвлэлийнхэнд мэдээлэл хийх үеэрээ “Шинэ жилийн баяраар бид Засгийн газарт сюрприз барина. Бидний бэлгийг хараад ард түмэн УИХ дахь МАН-ын бүлэг үнэн хэллээ гэх болно” гэж мэдэгдсэн. Түүнийг хэлж буй сюрприз нь Засгийн газрыг огцруулах тогтоолын төсөл бөгөөд бэлэгээ өнөөдөр задлах гэж буй бололтой.

Бид бүхэн 12 сарын 31-нд шинэ жилийн баярыг өргөн хүрээнд тэмдэглэдэг. Тэгвэл эрт дээр үед он тооллоос хамаарч шинэ жилийг янз бүрийн өдөр тэмдэглэж, янз бүрийн ёс журамтай байсан байна. Энэ тухай сонирхолтой баримтуудыг та бүхэнтэй хуваалцъя.

“Үндэсний дата төв” УТУГ нь Цагдаагийн ерөнхий газартай хамтран Жолоодох эрхийн лавлагаа, Жолоочийн эрхийг сэргээх лавлааг иргэдэд ТҮЦ машинаар хүргэж эхлээд байна.

Ингэснээр иргэд Улаанбаатар хот, 21 аймагт буй 108 ширхэг ТҮЦ машинаар энэхүү үйлчилгээг авч ЦЕГ, түүний харьяа Лицинзийн төвөөр үйлчлүүлэх бүрэн боломжтой боллоо.

Энэ нь иргэн танай цаг хугацаа хэмнэх бөгөөд бид цаашид уг машинаар иргэдэд хүргэх үйлчилгээнүүдээ нэмэхээр төлөвлөн ажиллаж байна.

ТҮЦ машинаас төрийн болон нийтлэг үйлчилгээний байгууллагуудын нийт 18 нэр төрлийн үйлчилгээг иргэдэд хүргэж байна.

Төрсний бүртгэлийн лавлагаа
Иргэний үнэмлэхний лавлагаа
Оршин суугаа хаягын тодорхойлолт
Гэрлэлт бүртгэлтэй тухай лавлагаа
Гэрлэлт цуцлалтын бүртгэлийн лавлагаа
Гэрлэлт бүртгэлгүй тухай лавлагаа
Үл хөдлөх хөрөнгийн лавлагаа
Хуулийн этгээдийн бүртгэлийн лавлагаа
Иргэний үнэмлэх захиалах
Хуулийн этгээд бүртгэлгүй лавлагаа
Иргэний үнэмлэхний баримт авах
Татварын лавлагаа
Цахилгааны төлбөр төлөх
Гаалийн байгууллагад өртэй эсэх лавлагаа
Ачааны авто машины зөвшөөрөл
Төрийн үйлчилгээний цахим системд нэвтрэх эрх авах
Жолоодох эрхийн лавлагаа
Жолоочийн эрх сэргээх лавлагаа

Мексик: Цас орсны дараа 63 сууринд онц байдал зарлав

Баянзүрх дүүргийн 22 “Хордлогын үндэсний төвд мансуурсан байдалтай хүн ирлээ” гэсэн мэдээллийг авч шалгахад, БЗД-19 хороонд оршин суух 18 настай эрэгтэй Т нь гэртээ ахуйн хэрэглээний газ үнэртэж мансууран хэргийг дүүргийн цагдаагийн хэлтэст шалгаж байна. Мөн тус дүүргийн 20 хороонд “Гачууртын .... тоотод ахуйн хэрэглээний газ үнэртсэн хүүхдүүд байна” гэсэн мэдээллийг авч шалгахад: БЗД-20 хороонд оршин суух Б /эр.18/, Б /эр.17н/, Т /эр.16н/ нар ахуйн хэрэглээний газ /220гр/ үнэртэж мансуурсан хэргийн газраас эд мөрийн баримтаар газ /220гр/ 1ш хураан авч шалгаж эхэлжээ.

Хонь - (3/21-4/19)
Хэрвээ өдөр тутмын амьдрал болон хайр дурлалын асуудлаа 12 сард зохицуулж чадахгүй бол таны ирээдүйн төлөвлөгөө зорилгод саад учрах болно. Магадгүй энэ үе иймэрхүү чухал шийдвэр гаргахад тийм ч тохиромжтой үе биш байж болох юм. Тиймээс өөртөө цаг гаргаж энэ талаар дахин бодож үзэхийг зөвлөж байна. Хамгийн гол нь шийдвэр гаргахдаа өөртөө үнэнч байж, өөрт тохирохгүй зүйлээр оролдох хэрэггүй. Сайн унтаж амарч, хэрэгтэй эрч хүчээ нөөцөлж ав.
Дэлгэрэнгүй
Лхагва, 2015 оны 12 сарын 30
Үхэр - (4/20-5/20)
Та өнөөдөр сэтгэл татам байдлаараа бусдыг гайхшруулах болно. Жижиг сажиг зүйлд анхаарлаа хандуулах эсвэл өөртөө хэт дурлаваас амжилт танаас нүүр буруулна гэдгийг санаарай. Хувийн амьдралд гэнэтийн эргэлт гарахыг үгүйсгэхгүй. Та зөв гэж бодсон зүйлдээ итгэлгүйгээр агшин зуурын мэдээлэлд үйл хөдлөл хийхээ барих хэрэгтэй. Найдаж буй хүмүүс тань таны санал бодол, төлөвлөгөөг дэмжих тул, өөрийнхөө үзэл бодлыг илэрхийлэхээс битгий ай.
Дэлгэрэнгүй
Лхагва, 2015 оны 12 сарын 30
Ихэр - (5/21-6/21)
Энэ жилийн сүүлээр та бүх таагүй зүйлээсээ салж алдсанаасаа илүүг олно. Мэдээлэл солилцоо боловсролын салбарт ажилладаг хүмүүст таатай. Танд шинэ ажил санал болговол гэрээнд зоригтойгоор гарын үсэг зур. Хүчээ бүрэн зарцуулах боломжгүй мөртлөө зарлага шаардсан ажлууд ундрах бололтой. Энэ өдөр мэргэжлийн хүрээгээ өөрчлөх, гэр бүлийн харилцаагаа өөрчлөхөд тааламжтай. Гэрээ хэлэлцээр, худалдаа наймаа нь өрөнд оруулна. Зөн билэг нэмэгдэнэ. Энэ нь гэр бүл болон ажил хэргийн хүмүүстэй харилцахад тус болно.
Дэлгэрэнгүй
Лхагва, 2015 оны 12 сарын 30
Мэлхий - (6/22-7/22)
Мэргэжлийн ажилдаа ялалт байгуулж, амжилт гаргах өдөр. Соёл урлагийн салбарт ажиллагсдад удаан хүлээсэн амжилт ирж, нэр алдар олж нөлөө бүхий хүмүүсийн анхааралд өртөнө. Өөрийгөө илэрхийлэх, авьяасаа гаргах, эсрэг хүйстэнтэйгээ харьцах харьцаа нь туйлын тогтворгүй байна. Ухрах хэрэггүй, гэвч гэнэтийн дайралт хэрэггүй гэж одод зөвлөж байна. Ажил хэргийн уулзалтыг өглөөгүүр явуул. Найз нөхдийн зөвлөгөө хэрэгтэй боловч түүнд бүрэн бүү найд.
Дэлгэрэнгүй
Лхагва, 2015 оны 12 сарын 30
Арслан - (7/23-8/22)
Бүх ажлаа дуусгаж цэг тавих өдөр. Холын түншүүдтэйгээ холбоо тогтоож хуучин асуудлуудаа шийдвэрлэж шинэ ажлаа төлөвлөхөд бэлтгэ. Ажил хэрэгтээ бүтээлчээр ханддаг, сэтгэл санаа өөдрөг хүмүүст амжилт ирнэ. Таны хувьд ажил мэргэжил гэдэг маш чухал тул нөлөө бүхий найзтайгаа уулзах уулзалт төлөвлөгөөний хамгийн эхэнд бичигдэнэ. Хайртай хүнээ хамгаалж, тэдэнд эрх чөлөөтэй байх боломж өг. Хоорондоо сайн ярилцаж чадвал та хоёрын харилцаа улам дотно болох болно.
Дэлгэрэнгүй
Лхагва, 2015 оны 12 сарын 30
Охин - (8/23-9/22)
Бие тавгүйтэх, архаг хууч сэдрэх магадлал өндөр байна. Ялангуя ахимаг насныханд энэ хамаатай. Хувийн амьдралын бэрхшээлүүд эрс шийдвэр гаргах, шийдвэртэй алхам хийхэд хүргэнэ. Биеэ сайтар барь, болзошгүй зөрчил маргаан танд ашиггүйгээр шийдэгдэнэ. Чанартай хоол хүнс хэрэглэ. Орой унтахын өмнө салхинд зугаал. Харин хоолойн ангина, томуугийн вирусаар өвдөхгүй байж үүнээс урьдчилан сэргийлэх хэрэгтэй.
Дэлгэрэнгүй
Лхагва, 2015 оны 12 сарын 30
Жинлүүр - (9/23-10/22)
Зугаа цэнгэлд тааваараа хандахад таатай өдөр. Баярын өмнөх санаа түгшээсэн асуудлууд бие махбодийн болон сэтгэл санааны ядаргаанд хүргэхгүй байх ёстой. Баярын ширээгээ хатуу архи дарс багатай зас. Гайхамшигт баяраа гутаахгүйн тул бүx зүйлийг хэвийн хэмжээнд нь байлгах ёстой. Эрэлт нийлүүлэлттэй ажилд санаа тавьж, одоогийн ажилдаа дур сонирхлоо нэм. Чухал ажилд, асуудлыг шийдвэрлэхэд өөрийн зөн совингоо дага. Эрүүл мэнддээ анхаарч амин дэмтэй хоол хүнс хэрэглэ.
Дэлгэрэнгүй
Лхагва, 2015 оны 12 сарын 30
Хилэнц - (10/23-11/21)
Үр дүнгээ тооцох эцсийн дүгнэлт, эрс шийдвэр гаргахад тохиромжтой өдөр. Ажлын талаар хэзээ нэгэн цагт муудалцаж байсан нэгнээс уучлалт гуйх шаардлагатай бөгөөд энэ нь таны ирэх амжилтын эхлэл ч болж магадгүй. Таныг шүүмжилсэн ч анхаарах хэрэггүй, тэсээд даваад гар. Эс тэгвэл том шуугиан дэгдэж ч болзошгүй. Магадгүй таны хөрөнгө оруулсан хувьцааны үнэ хэлбэлзэж сэтгэлийн таагүй байдалд орж болзошгүй. Үүнийг даван туулах сэтгэлийн асар их хүч танд байдаг бөгөөд энэ бүхэн удаан үргэлжлэхгүйг бодит байдал харуулна. Магадгүй та өнөөдөр зүүдний хан тэнгэртэйгээ таарна.
Дэлгэрэнгүй
Лхагва, 2015 оны 12 сарын 30
Нум - (11/22-12/21)
Шагнал эсвэл өөр бусад урамшуулал таныг хүлээж байна. Гар урчууд, худалдааны ажилтнууд ихээхэн ашиг олно. Эргэн тойрны хүмүүсийн сэтгэл санаанд баярын уур амьсгал орж байна. Та адал явдалд бэлэн байна уу. Хэрэв гэнэт ямар нэгэн ер бусын зүйл болвол бүү гайх. Харин амьдралаа олон өнгөтэй болгох боломж олдсонд баярла. Хүчээ зайлшгүй тэнцүүл, магадгүй санхүүгийнхээ асуудлыг шийдвэрлэхэд таатай байна.
Дэлгэрэнгүй
Лхагва, 2015 оны 12 сарын 30
Матар - (12/22-1/19)
Эсрэг хүйсийн хүмүүсийн дунд таны нэр хүнд өндөр байна. Хайртай хүнийхээ сэтгэлийг татахыг хичээ. Гэхдээ чухал шийдвэр гаргуулах гэж бүү шамдуул. Ханьтайгаа ихээхэн цагийг өнгөрүүл. Дотны хүнд тань анхаарал халамж хэрэгтэй байна. Та өөрийн бишрэгч бүлэг хүмүүсийн дунд оройг таатай өнгөрүүлэх болно. Гэхдээ мөнгөөр туучсаны хэрэггүй. Одоо танд амьдралдаа ханаж болох үе ирж байна. Зарим матарнууд гэнэтийн романтик саналаас цочирдож болох юм. Хэдийгээр ийм зүйл болсон ч болгоомжтой байгаарай.
Дэлгэрэнгүй
Лхагва, 2015 оны 12 сарын 30
Бумба - (1/20-2/18)
Өнөөдөр Хумхынхан гэр орныхоо тохилог орчинд, дотныхонтойгоо байхад баяртай байна. Эмэгтэйчүүд нарийн тансаг хоолоор ханиа байлдан дагуулна. Хүүхдүүд тань таныг бүрэн дүүрэн дэмжинэ. Улмаар оны эцэст нөхөрсөг хөгжилтэй байх болно. Баярын уур амьсгал авч ирэх эерэг сэтгэл хөдлөлтэй байж бусадтай харьц. Ердийн нөхөрсөг чалчаа яриа өрнүүл.
Дэлгэрэнгүй
Лхагва, 2015 оны 12 сарын 30
Загас - (2/19-3/20)
Үл хөдлөх хөрөнгөд хувь нийлүүлэх, урт хугацааны гэрээ хэлцэл байгуулах, уран зураг үзэж хөгжим сонсох, бие махбодио чийрэгжүүлэхэд сайн өдөр. Хүүхдүүдтэйгээ зөрчилдөж магадгүй. Аливаа зүйлд яаран бүү гомд. Үдээс хойш баярын уур амьсгал орно. Урьд алдаагаа өнөөдөр дүгнэн цэгнэх гэсний хэрэггүй бөгөөд өнөөдөр зөвхөн урдахаа харж өнгөрөөхийг хичээ. Согтууруулах ундааг зохистой хэрэглээ болго.

Үндэсний эрх чөлөө, тусгаар тогтнолоо сэргээсний баярын өдөрт зориулж Монгол Улсын Ерөнхий сайд Ч.Сайханбилэг мэндчилгээ дэвшүүллээ
18 цаг 17 минутын өмнө
Print Zasag and PDF
ShareThis Facebook Tweet LinkedIn Email

Эрхэм хүндэт ард иргэд ээ,

Монголчууд бид 104 жилийн өмнөх энэ өдөр, цагаагчин гахай жилийн өвлийн дунд сарын шинийн 9-нд төр улсын бүх бодлого, үйл ажиллагаагаа Манж Чин гүрнээс тусгаарлан сэргээж байгаагаа зарласан билээ. 1911 оны 12 дугаар сарын 29-ний энэ өдөр төрийн их ёслолыг гүйцэтгэн VIII Богд Жавзандамба хутагтыг Монгол Улсын хаанд өргөмжилж, таван яамнаас бүрдсэн Монгол Улсын Засгийн газрыг байгуулжээ. Монголчуудын үндэсний эрх чөлөө, тусгаар тогтнолд үнэтэй хувь нэмрээ оруулсан 1911 оны энэхүү хувьсгал нь манай ард түмний XX зуунд хийсэн гурван том хувьсгалын анхдагч байсан бөгөөд өнөөдөр энэ их баярыг бид гүн гүнзгий ач холбогдлоор нь, шинэлэг утга агуулгаар нь тав дахь жилдээ тэмдэглэж байна. 104 жилийн өмнө эрх чөлөөгөө батлан тунхагласан Монгол орон өнөөдөр хүний эрх, эрх чөлөөг дээдэлсэн, хөгжил дэвшил, бизнесийн өргөн боломжтой, гэгээлэг ирээдүйтэй улс болон хөгжиж байна. Өвөг дээдсийнхээ өнөөдрийн бидэнд өвлүүлэн үлдээсэн эрх чөлөө, тусгаар тогтнолыг улам бүр батжуулан хөгжүүлэх нь Монгол хүн бүрийн, тэр дундаа манай Шийдлийн Засгийн газрын эрхэм үүрэг, зорилго билээ.

Ард иргэд ээ,

Манай Засгийн газар улс төр, санхүү, хөрөнгө оруулалтын ихээхэн хүндрэлтэй нөхцөлд нэг жил гаруй хугацаанд ажиллаж байна. Бидэнд энэ хугацаанд шийдсэн зүйл ч багагүй байна. Бид юуны өмнө төсвийн реформоо хийж чадлаа. Хавтгайрсан нийгмийн халамжийг хэрэгтэй хүнд нь хаяглах бодлогоо хэрэгжүүллээ. Монгол Улс бизнест эргэн ирснээ зарлаж, “Оюу толгой”-н гүний уурхайн бүтээн байгуулалтын 4.4 тэрбум долларын хөрөнгө оруулалтаа шийдвэрлэлээ. Эрчим хүч, замын салбарын сүүлийн 3 жилийн бүтээн байгуулалт өнгөрсөн 25 жилийн нийлбэрээс хол давж гарлаа. Мал сүргийн тоо толгой 56 саяд хүрлээ. Алс хязгаар нутгуудад түлш шатахууны үнэ нийслэлтэй ойролцоо үнэд шилжиж буурлаа. Далд эдийн засгийг ил гаргаж эргэлтэд оруулах бодлого амжилттай хэрэгжиж шинээр 8 их наяд төгрөгийн хөрөнгө, татварын орлого бүртгэгдлээ.

Хийж гүйцэтгэсэн ажлаас гадна бидэнд шийдэж, шийдвэрлэх зүйл ч цөөнгүй байна. Оюу толгойн араас Таван толгой, Гацуурт, Цагаан суварга зэрэг стратегийн орд газруудаа бүтэн эргэлтэд оруулна. Үлдэж буй 6 аймгаа хатуу хучилттай замаар холбох ажлаа дуусгана. Төмөр зам, хурдны замаа тавьж эхэлнэ. Эгийн голын усан цахилгаан станц, Багануур, Бөөрөлжүүт, Таван толгойн цахилгаан станц, аймгийн дулааны станцуудын бүтээн байгуулалтын ажлуудаа эхлүүлнэ. Мах, гурил буудай, арьс ширний чиглэлээр хэрэглэгчээ, малчдаа, хүмүүсээ дэмжсэн бодлого хэрэгжүүлнэ. Биднийг шил шилээ дарсан олон ажил, асуудал, сорилт хүлээж байна.

Улс орон, ирээдүй хойчийнхоо төлөө хийх бидний энэхүү зүтгэл зөвхөн иргэд, олон түмэн та бүхнийхээ дэмжлэгтэйгээр бодит ажил хэрэг болох билээ.

Иймээс угтан ирж буй 2016 онд эх орон, элэг нэгт монголчууд бид эв нэгдэлтэй, эрч хүчтэй байж,эрхэлсэн ажилдаа амжилт бүтээл дүүрэн, эрүүл энх, аз жаргалтай байхын ерөөлийг өргөн дэвшүүлье. Та бүхэн шинэ оноо сайхан угтаарай.

Монгол орныг минь мөнх хөх тэнгэр нь үргэлж ивээж байх болтугай.
- See more at: http://zasag.mn/news/view/11784#sthash.ZUNe5Cfs.dpuf

Өнөөдөр УИХ-ын чуулганы хуралдаантай. Хуралдаанаар таван асуудлыг хэлэлцэн шийдвэрлэхээр болжээ.

БАЙНГЫН ХОРООНЫ ХУРАЛДААН:

12 дугаар сарын 30-ны Лхагва гарагт:

1.Нийгмийн бодлого, боловсрол, соёл, шинжлэх ухааны байнгын хорооны хуралдаан 09.00 цагаас “А” танхимд:

Хэлэлцэх асуудал:

Монголын Улаан Загалмай Нийгэмлэгийн эрх зүйн байдлын тухай хуулийн шинэчилсэн найруулгын төсөл /Улсын Их Хурлын гишүүн Н.Энхболд, Р.Амаржаргал нарын 16 гишүүн 2015.08.21-ний өдөр өргөн мэдүүлсэн, эцсийн хэлэлцүүлэг/

Эрүүл ахуйн тухай хуулийн төсөл болон хамт өргөн мэдүүлэгдсэн бусад хуулийн төслүүд. /Засгийн газраас 2015.06.15-ны өдөр өргөн мэдүүлсэн, анхны хэлэлцүүлэг/

Боловсролын тухай болон Дээд боловсролын тухай хуульд нэмэлт, өөрчлөлт оруулах тухай хуулийн төслүүд, эдгээр хуультай хамт өргөн мэдүүлсэн бусад хуульд нэмэлт, өөрчлөлт оруулах тухай хуулийн төслүүдийг тус тус хэлэлцүүлэгт бэлтгэх ажлын хэсэг байгуулах тухай асуудал.

“Монгол Улсын төрөөс хүн амын хөгжлийн талаар баримтлах цогц бодлого батлах тухай” Улсын Их Хурлын тогтоолын төслийг хэлэлцүүлэгт бэлтгэх ажлын хэсэг байгуулах тухай асуудал.

2. Аюулгүй байдал, гадаад бодлогын байнгын хорооны хуралдаан 09.00 цагаас “Б” танхимд:

Хэлэлцэх асуудал:

Хөгжлийн хамтын ажиллагааны тухай Монгол Улс, Бүгд Найрамдах Турк Улсын Засгийн газар хоорондын хэлэлцээрийн төсөл/Засгийн газрын 2015.12.11-ний өдөр өргөн мэдүүлсэн, зөвшилцөх/;

“Монгол Улсаас гадаадын зарим улстай дипломат харилцаа тогтоох тухай” Улсын Их Хурлын тогтоолын төсөл /Засгийн газар 2015.12.17-ны өдөр өргөн мэдүүлсэн/;

Бусад асуудал: Ажлын хэсэг байгуулах тухай Байнгын хорооны тогтоол;

Нууц асуудал /хаалттай/.

Мөс цөмрөх аюулаас сэрэмжлүүлэх мэдээ

Тухайн өдөр гахай, хулгана, үхэр, луу, нохой жилтнээ аливаа үйлийг хийхэд эерэг сайн ба могой, морь жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр насан бүтээл хийгээд хишиг даллага дуудуулах, өглөг өгөх, бурхан, лус тахих, мөндөр буулгах, хариулга хийх, төмөр урлахуй үйл, мал адгуус муулах үйл, буяны үйл хийгээд хувцас өмсөх, чимэг зүүх зэрэгт өлзийтэй сайн. Бэрийн үйл, үнэт эдлэлийг гадагш өгөх, их ус гатлах, догшин газрыг номхотгох, тангараг тавих, нүүдэл хийх, суваг татахад муу. Өвдвөл найм буюу хорин нэгэн хоногт эдгэх болно. Замд гарвал сэтгэлийн хямрал үүснэ. Зүүн нүд татвал хувийг олно. Баруун нүд татвал юу ч үл өөрчлөгдөнө. Баруун чих хангинавал үзэсгэлэн болно. Зүүн чих хангинавал үхлийнх сураг сонсоно. Нохой уливал төрөлхтнөөс яруу сураг сонсоно. Хэрээн дуунд үрийг номлоогүй. Тагнай эрвэгнэвэл гэр орны эд арвижна. Бие татвал хар шар хоёр ирнэ. Шилбэ татвал хэрүүл тэмцэл уйтгарлахуй үг яриа болно. Өдрийн сайн цаг нь могой, бич, тахиа, гахай, бар, луу болой. Үс шинээр үргээлгэх буюу засуулбал өлсөж ундаасна.

2015 оны 12 дугаар сарын 29-ний 20 цагаас 12 дугаар сарын 30-ны 20 цаг
хүртэлх цаг агаарын урьдчилсан мэдээ:

БАРУУН АЙМГУУДЫН НУТГААР: Үүлшинэ. Нутгийн хойд хэсгээр цас орно. Салхи баруун өмнөөс хойш эргэж секундэд 5-10 метр, зарим газраар секундэд 12-14 метр хүрч, явган шуурга шуурна. Увс нуурын хотгор болон Хүрэн бэлчир, Идэр, Тэс голын хөндийгөөр шөнөдөө 32-37 градус, өдөртөө 19-24 градус, Алтайн өвөр говиор шөнөдөө 9-14 градус, өдөртөө 0-5 градус, бусад нутгаар шөнөдөө 15-20 градус, өдөртөө 7-12 градус хүйтэн байна.

ТӨВИЙН АЙМГУУДЫН НУТГААР: Солигдмол үүлтэй. Цас орохгүй. Салхи баруун хойноос секундэд 6-11 метр. Дархадын хотгор, Хэнтийн уулархаг нутаг, Орхон-Сэлэнгэ, Хараа, Ерөө, Туул, Тэрэлж голын сав газраар шөнөдөө 27-32 градус, өдөртөө 16-21 градус, бусад нутгаар шөнөдөө 18-23 градус, өдөртөө 7-12 градус хүйтэн байна.

ЗҮҮН АЙМГУУДЫН НУТГААР: Үүлшинэ. Шөнөдөө зарим газраар, өдөртөө нутгийн зүүн хэсгээр бага зэргийн цас орж, явган шуурга шуурна. Салхи баруун хойноос секундэд 7-12 метр. Хэрлэн, Онон, Улз, Халх голын сав газраар шөнөдөө 28-33 градус, өдөртөө 19-24 градус, бусад нутгаар шөнөдөө 25-30 градус, өдөртөө 16-21 градус хүйтэн байна.

ОТРЫН НУТАГ ХЭРЛЭНБАЯН-УЛААН ОРЧМООР: Солигдмол үүлтэй. Цас орохгүй. Салхи баруун өмнөөс секундэд 4-9 метр. Шөнөдөө 27-29 градус, өдөртөө 19-21 градус хүйтэн байна.

ГОВИЙН АЙМГУУДЫН НУТГААР: Солигдмол үүлтэй. Цас орохгүй. Салхи баруунаас секундэд 7-12 метр. Өмнөговийн нутгаар шөнөдөө 12-17 градус, өдөртөө 0-5 градус, бусад нутгаар шөнөдөө 20-25 градус, өдөртөө 7-12 градус хүйтэн байна.

УЛААНБААТАР ХОТ: Үүл багасна. Цас орохгүй. Салхи баруун хойноос секундэд 5-10 метр. Шөнөдөө Яармаг-Сонгины орчмоор 28-30 градус, бусад хэсгээр 21-23 градус, өдөртөө 9-11 градус хүйтэн байна.

Монголчууд Үндэсний эрх чөлөө, тусгаар тогтнолоо сэргээн мандуулсны 104 жилийн ойд зориулсан Монгол Улсын Ерөнхийлөгчийн цомын төлөөх чансаа өндөр шилдэг 128 бөхийн барилдаан өнөөдөр Бөхийн өргөөнд боллоо. Барилдаанд улсын харцага Б.Пүрэвсайхан түрүүлж, улсын заан Ч.Санжаадамба үзүүрлэлээ.

Шинэ жилийн баяр, амралтын өдрүүдийг тохиолдуулан Онцгой байдлын асуудал эрхэлсэн байгууллагын хэмжээнд маргааш өглөөний 8:00 цагаас эхлэн 2016 оны нэгдүгээр сарын 04-ний өдрийн 09:00 цаг хүртэл өндөржүүлсэн бэлэн байдлын зэрэгт шилжин ажиллахаар болжээ.

Албаны өндөржүүлсэн бэлэн байдлын зэрэгт шилжүүлсэнтэй холбогдуулан ажлын хариуцлага, сахилга, ёс зүйн хэм хэмжээг чанд сахин, бэлтгэл бэлэн байдлаа хангаж ажиллахыг Онцгой байдлын ерөнхий газрын даргаас төв, орон нутгийн анги, байгууллагын дарга, захирагч нарт үүрэг болгоод байна.

Үүнд:

Шинэ жилийн баяр амралтын өдрүүдэд үүрэг гүйцэтгэх хариуцлагатай эргүүл, жижүүрийн бүрэлдэхүүнийг томилж, үүрэг даалгавраар хангах

Ерөнхий эргүүл нь төв, орон нутгийн Онцгой байдлын анги, байгууллагын үйл ажиллагаанд хяналт тавьж, удирдлага зохицуулалтаар хангаж ажиллах

Төв, орон нутгийн Онцгой байдлын анги, байгууллагын хариуцлагатай эргүүл, жижүүрүүд нь Онцгой байдлын ерөнхий газрын ерөнхий эргүүл, шуурхай удирдлагын ерөнхий зохицуулагчтай байнга холбоотой байж түүний удирдлагад ажиллах

Шинэ жилийн баяр амралтын үеэр үүрэг гүйцэтгэж буй албан хаагчид өндөр сонор сэрэмжтэй, ажлын байранд мөрдөгддөг дүрэм журмыг сахих, нийт бүрэлдэхүүн төрийн албан хаагчийн ёс зүйг чанд сахиж, биеэ зөв авч явах, ямар ч нөхцөлд холбоо барих боломжтой байж, үүрэг гүйцэтгэхэд бэлэн байх

Аврах, гал унтраах техник, багаж хэрэгсэл, тоног төхөөрөмжийн бүрэн бүтэн байдалд үзлэг шалгалт явуулж, бэлэн байдлыг хангуулахыг үүрэг болгосон байна.