Өчигдөр Сирийн Хомс хотын зэвсгийн агуулахад пуужингийн дайралт хийснээр багадаа 40 хүн амиа алджээ. Олон нийтэд цацсан бичлэгээс үзвэл томоохон хэмжээний дэлбэрэлт болсон байна.

АНУ ирэх ням гарагт Дундад дорнын орнууд дахь ЭСЯ болон Консулын газруудаа ажиллуулахгүй байх шийдвэр гаргажээ. Төрийн Департментын мэдээлснээр энэүү шийдвэрийг энэ сарын дөрөвний өдөр үйлдэнэ гэсэн тодорхойгүй заналхийллээс үүдэн гаргасан гэлээ.

АНУ Тагнуулын төв газрын мэдээллийн ажилтан асан Эдвард Сноуденд орогнол олгосон ОХУ-ын шийдвэрт ихээхэн дургүйлхэж байгаа тухай мэдээллээ. Өчигдөр орой мэдээлэл цацагдсанаас хойш Цагаан ордон ирэх сард Ерөнхийлөгч Барак Обама болон Владимир Путин нарын уулзалтыг товлохоор хэлэлцэж байна.

Палестин, Израйлийн шууд яриа хэлэлцээрүүд шашны сар Рамаданыг дуусангуут эхэлнэ хэмээн Палестины Гадаад хэргийн сайд Рияд Малики мэдэгдлээ. Мөн тэрээр өнгөрсөн даваа гарагт Вашингтонд болсон хоёр орны анхны уулзалтыг харилцан ярианы эхлэл гэж үзэж болохгүй гэжээ.