Ханбогд сумаас Оюу Толгой чиглэлийн 35.1 км хатуу хучилттай замын шавыг өнөөдөр буюу есдүгээр сарын 5-нд тавилаа. Шав тавих ёслолд УИХ-ын гишүүд, УУХҮ-ны дэд сайд Х.Бадамсүрэн, Өмнөговь аймаг, Ханбогд сумын удирдлагууд болон Оюу Толгой ХХК-ийн ТУЗ-ын дарга Г.Батсүх, Гүйцэтгэх захирал Армандо Торрес, Эндрью Вүдлэй нар оролцжээ.

Замын ажлыг Оюу Толгой ХХК-ийн хөрөнгө оруулалтаар ”Оч-Наран” ХХК энэ оны есдүгээр сараас эхлүүлж, 2018 онд ашиглалтанд өгөхөөр төлөвлөж байгаа юм. Замыг 8 метрийн өргөнтэй, 7см зузаан хучаастай. Замын нийт өртөг 46 тэрбум төгрөг бөгөөд Оюу Толгойгоос орон нутагт хийж буй томоохон бүтээн байгуулалтын нэг хэмээн ТУЗ-ын дарга Г.Батсүх онцоллоо.

“Монгол-Оросын залуу эрдэмтэн, судлаачдын II чуулга уулзалт” энэ сарын 5-10-ны өдрүүдэд Улаанбаатар хотноо болно. Тус уулзалт Монгол Улс, ОХУ-тай дипломат харилцаа тогтоосны 95 жилийн ойн хүрээнд зохиогдож байгаа бөгөөд уулзалтаар Монгол, Оросын залуу эрдэмтэн, судлаачдын эрдэм шинжилгээний бага хурал болон урлаг, спортын бага наадмыг зохион байгуулахаар болжээ.

Хурал өнөөдөр эрдэм шинжилгээний хурлын нээлт 14.00 цагт ХААИС дээр болох бөгөөд техник, технологи, байгалийн ухаан, геологи, газарзүй, нийгэм, хөдөө аж ахуй, биотехнологи, анагаах ухаан гэсэн үндсэн зургаан чиглэлийн салбар хуралдаануудаар үргэлжлэх юм.

Улаанбаатар хоттой хил залгаа оршдог зарим сумын нутагт хүн, мал амьтны гоц халдварт шүлхий өвчин гарсантай холбогдуулан нийслэлд энэ өвчин зөөвөрлөгдөн орж ирэхээс урьдчилан сэргийлэх зорилгоор Авто тээврийн шалган бүртгэх товчоодод ариутгал, халдваргүйжүүлэлт хийж эхэлсэн. Өнгөрсөн бямба гарагт Зам тээврийн хөгжлийн сайд Д.Ганбат, нийслэлийн Засаг даргын Ногоон хөгжил, агаарын бохирдлын асуудал хариуцсан орлогч Ж.Батбаясгалан, НИТХ-ын төлөөлөгч С.Амарсайхан болон холбогдох албаныхан Баянзүрхийн шалган бүртгэх товчооны үйл ажиллагаатай танилцлаа. “Баянзүрх”-ийн товчоо нь сууршлийн бүсэд байрладаг учраас нэн даруй нүүлгэн шилжүүлэх шаардлагатай гэж мэргэжлийн байгууллагууд үзэж байгаа юм. Тиймээс тус товчоог нүүлгэн шилжүүлэх ажлыг зохион байгуулах үүргийг Зам тээврийн хөгжлийн сайд өглөө. Тэрээр “Мэргэжлийн байгууллагуудыг нэг дор төвлөрүүлэн ажиллуулах нөхцөл бололцоог хангаж, энэхүү үйл ажиллагааг цэгцлэх ажлыг яаралтай зохион байгуулах шаардлагатай байна. Малын гоц халдварт өвчин ойр ойрхон гарч байгаа энэ үед халдваргүйжүүлэлтийн үйл ажиллагааг суурьшлийн бүсээс нүүлгэн шилжүүлэх нь маш чухал асуудал юм. Засгийн газрын тогтоол гарсан тул тогтоолын хэрэгжилтийг хангаж Онцгой байдал, Мал эмнэлэг, Мэргжлийн хяналт, Цагдаагийн газар, Зам тээврийн хөгжлийн төв зэрэг холбогдох байгууллагуудын хамтарсан ажлын хэсэг байгуулж ажиллана” гэлээ.

Тус товчоог татан буулгаж үйл ажиллагааг Төв аймгийн Сэргэлэн суманд байрлах шалган бүртгэх товчоо буюу “Налайхын 4-р зөрлөг”, налайх, тэрэлжийн Автотээврийн шалган бүртгэх товчоодод тус тус төвлөрүүлэхээр төлөвлөөд байна гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.

”Поп”-уудын нэг ид шид нь зүгээр л шүүмжлэхээс бус гарц хэлж өгдөггүйгээрээ гайхамшигтай. Тэдний үгэнд итгэж, нээрээн тийм шүү гэж бодож байгаа хүмүүсийг ч буруутгаж болохгүй. Учир нь хүн бүр мэргэжлийн мэдлэгтэй байх албагүй. Гэр бүлийн хүчирхийлэгч зорчих эрхийг хязгаарлах шинэ төрлийн ялаар шийтгүүлжээ.

УИХ-ын чуулганы энэ долоо хоногийн үйл ажиллагааны хуваарийг хүргэж байна. Хуваарийн дагуу өнөөдөр намын бүлгүүд хуралдаж энэ долоо хоногт байнгын хороо, чуулганы хуралдаанаар хэлэлцэх асуудлуудаар саналаа нэгтгэх юм. Мөн байнгын хороод хуралдана.

10:00 цагт: Удирдлагын академийн 2016-2017 оны хичээлийн шинэ жилийн нээлт болно. Монгол Улсын ЗГХЭГ-ын дарга Ж.Мөнхбат, БСШУС-ын сайд Ж.Батсуурь, ТАЗ-ийн дарга Б.Цогоо нар оролцоно.

12:00 цагт: Сагсан бөмбөгийн Олон улсын ”Чингис хаан кап” тэмцээний хэвлэлийн бага хурал Шонхор tower-ын 12 давхарт болно. Хэвлэлийн бага хуралд Хойд Солонгос, Монгол улсын vндэсний шигшээ багийн тамирчид оролцоно.

14:00 цагт: Монгол Улс, ОХУ-тай дипломат харилцаа тогтоосны 95 жилийн ойн хүрээнд “Монгол-Оросын залуу эрдэмтэн, судлаачдын II чуулга уулзалт”-ыг есдүгээр сарын 5-10-ны өдрүүдэд Улаанбаатар хотноо зохион байгуулна. Чуулга уулзалтын хүрээнд Монгол, Оросын залуу эрдэмтэн, судлаачдын эрдэм шинжилгээний бага хурлын нээлт ХААИС дээр болно.

Энэ сарын нэгний өдөр МАН-ын бүлэг Төрийн ордонд хаалттай хуралдсан. Энэхүү хуралдааны талаарх мэдээлэл олон нийтэд ил болсонд тус намын бүлэг ихэд ундууцаж, Тагнуулын ерөнхий газарт хандсан талаараа өнгөрсөн баасан гарагт мэдэгдсэн. Ингэхдээ ”Төрийн мэдээллийн нууцлал, аюулгүй ажиллагаа алдагдсан учир мэдээлэл хэрхэн алдагдсаныг шалгаж өгнө үү” хэмээсэн нь олон нийтийн дургүйцлийг төрүүлээд байгаа юм. Учир нь тус хаалттай хуралдааны үеэр төрийн нууцлал гэхээр зүйл төдийлөн яриагүй байсан бөгөөд МАН-ын нүүр царайг хэвлэл мэдээллийнхэн олон нийтэд ”будаггүй” хүргэсний төлөө ийнхүү сүрийг үзүүлэв. Тэгвэл тус хаалттай хуралдааны үеэр хэн юу ярьсныг 24 баримтаар хүргэж байна.

Өнөөдөр дараах байршлуудад цахилгаан эрчим хүч түгээдэг шугам тоноглолд урсгал засвар хийх тул та бүхэн хэрэглээгээ түр зохицуулна уу.
СҮХБААТАР ДҮҮРЭГ

10:00-18:00 цагт: 1, 11, 12, 13-р хороо Рашаант, Хангайн гудамж, Ус өргөх насос, Сансар худалдааны төв, Макс хүнс, Санколл, Инкозон, Зоос одон тэмдэг, Оргил деко, Фортуна стар, Хүжийн гал констракшн, Гэрэлт жин, Эрчим инженеринг, Бэрэн констракшн ХХК-ууд болон эдгээрийн ойр орчмоор,
ХАН-УУЛ ДҮҮРЭГ

10:30-18:00 цагт: 7-р хороо Яармагийн 7-12-р гудамж болон эдгээрийн ойр орчмоор,
13:00-14:30 цагт: 1-р хороо 1-4-р байр болон эдгээрийн ойр орчмоор
15:00-17:30 цагт: 15-р хороо Грийн хаус хотхон А/1, D байрууд,
БАЯНГОЛ ДҮҮРЭГ

11:00-12:30 цагт: 3-р хороо Уран ган, Тэгш уян, Эй Эн Эф, Котежд ХХК-ууд, Дунд голын 34-р байр,
СОНГИНОХАЙРХАН ДҮҮРЭГ

11:00-18:00 цагт: 22, 32-р хороо Товчоо Т-1-1, Товчооны зүүн талаар, задгай, Товчоо Т-58 гудамж, , МТ маркет, Велл март ХХК, Жи энд Пи Бойс трейд, СО-42, НАЗГ, /ЗЦГ/, НМХГ /товчоо/ болон эдгээрийн ойр орчмоор.

Цахилгаан эрчим хүчээр түр хязгаарлагдах хэрэглэгчдийг байршлаар нь баримжаалан жагсааж байгааг анхаарна уу. Цаг агаарын болон болзошгүй аваар саатлаас шалтгаалан хуваарьт өөрчлөлт орох магадлалтай ба өөрчлөгдсөн тохиолдолд УБЦТС ТӨХК-тай байгуулсан гэрээнд бүртгэлтэй утсаар холбогдож ААН, үйлдвэр, компаниудад мэдээлэх болно.

Намрын дунд улаагчин тахиа сарын Хоёр хар мэнгэтэй Цагаан бар өдөр. Сумъяа гараг

Үс засуулбал: Бие эрхтний хүч сайжирна

Малын үс ноос авахад: Зүс сайжирч тамир тэнхээ нэмэгдэнэ.

Суудал: Мод

Барилдлага: Үл зохилдох

Шүтэн барилдлага: Өтлөх үхэхүй

Од: Тэргүүн дагуул

Наран ургах, шингэх: 06:19 - 19:27

Өдрийн өнгө: Тухайн өдөр морь, нохой жилтнээ аливаа үйлийг хийхэд эерэг сайн. Эл өдөр архи уух, тамхи татах, сэтгэл муутантай нөхөрлөх зэргийг цээрлэх хэрэгтэй ба хараал, жатхыг буцаах, амьлуулах, өглөгийн түллэг хийх, хишиг дуудуулах, хот балгадын үйл, цэрэг, цагдаагийн үйл, гэр, байшингийн суурь тавихад сайн. Золиг гаргах, бомбын үйл, бэрийн үйлд муу. Өдрийн сайн цаг нь хулгана, үхэр, луу, могой, хонь, нохойболой. Хол газар яваар одогсод хойш мөрөө гаргавал зохистой. Үс шинээр үргээлгэх буюу засуулбал бие эрхтний, хүч сайжирна.

Баруун аймгуудын нутгаар: 1-нд зарим газраар, 2-4-нд ихэнх нутгаар бороо, уулархаг нутгаар хур тунадас нойтон цас орно. Салхи нутгийн өмнөд хэсгээр 14-16 м/с хүрч ширүүснэ. 29-1-нд Алтай, Хангайн уулархаг нутгаар шөнөдөө 0-5 градус, өдөртөө 14-19 градус, Алтайн өвөр говиор шөнөдөө 13-18 градус, өдөртөө 26-31 градус, бусад нутгаар шөнөдөө 5-10 градус, өдөртөө 20-25 градус дулаан байна. Бусад хугацаанд сэрүүсч Алтай, Хангайн уулархаг нутгаар шөнөдөө 3 градус хүйтнээс 2 градус дулаан цочир хүйтэрнэ, өдөртөө 9-14 градус дулаан, Алтайн өвөр говиор шөнөдөө 8-13 градус, өдөртөө 18-23 градус, бусад нутгаар шөнөдөө 1-6 градус, өдөртөө 12-17 градус дулаан байна.

Төвийн аймгуудын нутгаар: 29,2-нд зарим газраар, 30-нд нутгийн зүүн хагаст, 3-4-нд ихэнх нутгаар бороо, уулархаг нутгаар нойтон цас орно. Салхи 2-4-нд нутгийн өмнөд хэсгээр 14-16 м/с хүрч ширүүснэ. 30-1-нд уулархаг нутгаар шөнөдөө 3-8 градус, өдөртөө 15-20 градус, бусад нутгаар шөнөдөө 8-13 градус, өдөртөө 21-26 градус дулаан,байна. Бусад хугацаанд сэрүүсч Хангай, Хөвсгөлийн уулархаг нутгаар шөнөдөө 2 градус хүйтнээс 3 градус дулаан, өдөртөө 9-14 градус дулаан, бусад нутгаар шөнөдөө 1-6 градус, өдөртөө 14-19 градус дулаан байна.

Зүүн аймгуудын нутгаар: 29-30-нд зарим газраар, 31-3-нд ихэнх нутгаар бороо, уулархаг нутгаар хур тунадас орно. Салхи зарим газраар 12-14 м/с хүрч ширүүснэ. Ихэнх хугацаанд нутгийн хойд хэсгээр шөнөдөө 3-8 градус, өдөртөө 12-17 градус дулаан, бусад нутгаар шөнөдөө 6-11 градус, өдөртөө 16-21 градус дулаан байна. Хугацааны эцсээр бага зэрэг дулаан байна.

Говийн аймгуудын нутгаар: 29-нд нутгийн хойд хэсгээр, 31-2-нд нутгийн зүүн хэсгээр бороо орно. Салхи 3-4-нд зарим газраар 12-14 м/с хүрч ширүүснэ. Хугацааны эхний хагаст нутгийн зүүн хэсгээр шөнөдөө 5-10 градус өдөртөө 17-22 градус бусад нутгаар шөнөдөө 8-13 градус өдөртөө 20-25 градус дулаан байна. Бусад хугацаанд ихэнх нутгаар шөнөдөө 10-15 градус өдөртөө 24-29 градус дулаан байна.

Гар утаснаас ялгардаг цацраг нь хүний биед шингэдэг нь ямар ч маргаангүй. Харин энэ нь хорт хавдар үүсгэх нөхцөл болдог уу? Энэ тухай шинжлэх ухааны үндэслэлтэй тайлбарыг сонирхоё.

Нийтийн тээврээр хөнгөлттэй зорчих оюутны смарт картын талаар Нийслэлийн Тээврийн газар, Нийслэлийн Боловсролын газар, Нийслэлийн хөдөлмөрийн газар болон Улаанбаатар смарт карт компаниас өнөөдөр мэдээлэл хийлээ.

Сургууль, цэцэрлэгүүд үүд хаалгаа нээж, хүүхэд залуусаа хүлээн авахад 11 хоног үлдлээ. Эцэг эхчүүд, хүүхэд багачууд, оюутнууд хичээлийн шинэ жилийн бэлтгэлээ базаах томоохон ажлыг, нэг цэгт төвлөрүүлэн цаг завыг нь хэмнэх зорилгоор бичиг хэрэг, цүнх, сурагчийн дүрэмт хувцас, гутал, пүүз, оймс гээд бүхий л хэрэгцээг багтаасан 100 орчим аж ахуй нэгж бөөний худалдаа эрхлэгчдийн “Хичээлийн шинэ жил-2016” үзэсгэлэн худалдаа өнөөдрөөс Чингисийн талбайд эхэлж байна. Тус үзэсгэлэнг өнөөдрөөс эхлэн ирэх сарын 5-ны өдрийг дуустал зохион байгуулахаар Нийслэлийн Засаг даргын Тамгын газар, Сүхбаатар дүүргийн Засаг даргын Тамгын газар, ”Глобал Ивэнт” ХХК хамтран ажиллаж байгаа аж.


Мөн үзэсгэлэн худалдааны үеэр хүүхэд багачууд, залуучуудад зориулсан “3-ын эсрэг 3” сагсан бөмбөгийн тэмцээн, боловсролын үзэсгэлэн яармаг, шатар даамны тэмцээн, гар зургийн уралдаануудыг зохион байгуулахаар болжээ.

Бээжингийн их сургуулийн эрдэмтэд компьютерээс ялгарах цацрагийн хорт нөлөөг бууруулах арга олжээ. Олон жил судалсны дүнд биед шингэсэн хүнд элементийг гарган зайлуулах үйлчилгээ ногоон цайнд байдаг болохыг олж тогтоосон байна. Эрдэмтдийн хэлж байгаагаар хортой цацраг ялгаруулдаг цахилгаан хэрэгслээс хамгаалахын тулд өдөрт хоёр аяга өтгөн ногоон цай уух хэрэгтэй гэнэ. Үл исэлдүүлэгч чанар нь С амин дэмээс 100 дахин, Е амин дэмээс 25 дахин хүчтэй байдаг тул цацраг туяанаас найдвартай хамгаалдаг аж. Мөн найрлаганд нь байдаг “танин” хэмээх бодис хортой, хүнд элементүүдийг бие махбодиос шахан гаргадаг байна. Гэхдээ их хэмжээний болон удаан хугацаанд хуримтлагдсан цацрагийг ногоон цай эмчилж дийлэхгүй. Тиймээс өдөр компьютерийн ард суудаг бол өдөрт 400 мл-ийг тогтмол уух шаардлагатай аж. Ногоон цай нь цацрагийн хороос бие махбодийг цэвэрлэхээс гадна цусны эргэлт, бодисын солилцоог сайжруулж, судасны эсийн давхаргыг нөхөн сэргээдэг. Шингэвтэр ногоон цай даралт бууруулдаг бол өтгөн хандтай, ялангуяа, элсэн чихэртэй нь ихэсгэдэг байна.Энэ цай нь хорт хавдрын эсрэг үйлчилгээтэй, цусан дахь сахарын түвшинг зохицуулдаг учир чихрийн шижинтэй хүмүүст тустай болох нь судалгаагаар тогтоогдсон юм. Амин дэм ихээр агуулдаг тул нарийн судсан дахь цусны эргэлтийг сайжруулдаг. Тиймээс улайж, өвдсөн үед энэ цайгаар нүдээ угаахад үрэвслийг богино хугацаанд дардаг байна. Ногоон цайны ач тус үүгээр дуусахгүй бөгөөд гоо сайханд ч сайн нөлөө үзүүлдэг. Арьсны нүх тэлж хөлс ялгаруулалтыг нэмэгдүүлдэг тул арьсыг гүнээс нь цэвэрлэж өгдөг. Мөн мэдрэмтгий арьсыг тайвшруулж, үрэвслийн эсрэг үйлчилгээ үзүүлдэг байна. Үүнээс гадна дотор муухайрах үед зовиурыг намдааж, ходоодны үйл ажиллагааг сайжруулдаг аж. Харин хэт өтгөн хандалж уувал зүрхний хэм алдагдуулж болзошгүй гэнэ.

Улсын хэмжээнд усны тоо бүртгэл явуулж буй. Энэ хүрээнд ТУул голын сав газарт хамрагдах, Булган аймгийн Баяннуур, Дашинчилэн, Бүрэгхангай су- мын нутаг дахь гол горхи, булаг шандыг тоолжээ. Уг ажлыгТУул голын сав газрын захиргааныхан гүйцэтгэсэн байна. Баян- нуур, Дашинчилэн сумын нутаг дэвсгэр бүхэлдээ Туул голын сав газарт хамаар- даг. Тооллогын дүнд урьдчилсан байд- лаар Баяннуур суманд нийт дөрвөн гол горхи, гурван булаг, найман нуур той- ром, нэг рашаан, 131 худаг байгааг тог- тоожээ. Тэгвэл Дашинчилэн суманд долоон гол горхи, 13 булаг, 18 нуур той- ром, нэг рашаан, 79 худаг, услалтынхоёр систем, газрын доорх усны нэг орд бий аж. Бүрэгхангай сумын нутаг дэвс- гэрийн 57.9 хувь нь ТУул голын сав га- зарт, үлдсэн нь Орхон голын сав газарт хамаардаг. Тйймээс Орхон голын сав газрын захиргаа болон аймгийн Байгаль орчин, аялал жуулчлалын газрынхантай хамтарсан ажлын хэсэг байгуулж, тус сум дахь 46 гол горхи, таван нуур тойром, 84 булаг шанд, хоёр рашаан, 85 худгийг тоолж бүртгэжээ.
Дашрамд дурдахад, ТУул голын сав газрын захиргааныхан энэ сарын 10-нд ТУул голоо бүх нийтээрээ цэвэрлэхээр төлөвлөсөн байна. Уг арга хэмжээнд оролцох хүсэлтэй иргэн, аж ахуйн нэгжүүдийг бүртгэж буй гэнэ.

Дундговь аймаг дахь төрийн байгууллагуудын ажил энэ сарын нэгнээс эхлэн 08.00 цагт эхэлдэг боллоо.

Олон улсын уртын дуучдын уралдааны бүртгэл маргааш дуусна

Европын холбооноос ОХУ, Украины зүүн хязгаарт тусгаар тогтнолоо зарлаж байсан Луганск, Донөцкийн гээд 146 хүний эсрэг тавьсан хориг энэ сарын 15-нд дуусгавар болж байгаатай холбогдуулан уг хугацааг нэг жилээр сунгах шийдвэр гаргажээ.

Эрүүгийн цагдаагийн газрын Хар тамхитай тэмцэх хэлтсийн алба хаагчид мансууруулах, сэтгэцэд нөлөөлөх ургамал хэрэглэж, тээвэрлэж явсан хүмүүсийг өнгөрсөн амралтын өдөр баривчилжээ.

МЗЭ-ийн дэргэдэх “Залуу зохиолчдын нэгдэл”-ээс санаачлан “100 яруу найрагч-100 эх орны шүлэг” утга зохиол, урлаг соёлын өдөрлөг “Миний төрсөн нутаг Монголын сайхан орон” уриан дор өнөөдөр Үндэсний цэцэрлэгт хүрээлэнд болно.