УИХ-ын гишүүн Д.Гантулга хүчингийн хэрэгт холбогдоод багагүй хугацаа өнгөрч байгаа билээ. Тэгвэл түүнийг хохирогчийн өмгөөлөгч түүний бүрэн эрхийг түдгэлзүүлэхгүй байгаа нь

Ж.Эрдэнэбат: Би нөхрийнхөө араас хутга шаадаг хүн биш

УИХ дахь МАН-ын бүлгийн ээлжит хуралдаанаар нэр дэвшигч У.Хүрэлсүхийг Монгол Улсын Ерөнхий сайдад томилох асуудлыг хэлэлцэж 100 хувь дэмжлээ.

Нийслэлийн Засаг даргын хэрэгжүүлэгч агентлаг нийслэлийн Залуучуудын хөгжлийн газраас санаачлан Сэтгэцийн Эрүүл мэндийн үндэсний төв, Чингэлтэй дүүргийн Гэр бүл, хүүхэд залуучуудын хөгжлийн хэлтэстэй хамтран энэ сарын 28-нд “Эерэг хандлага, зөв дадал зуршлын төлөө хамтдаа сэдэвт” сургалт зохион байгууллаа. Тус сургалтад Чингэлтэй дүүргийн ерөнхий боловсролын 17 дугаар сургуулийн 60 гаруй сурагч оролцов.

Цаашид өсвөр үе, залуучуудад хорт зуршлаас урьдчилан сэргийлэх талаар зөв мэдлэг, мэдээлэл олгох зайлшгүй шаардлагатай байгаа тул нийслэлийн Залуучуудын хөгжлийн газраас мэргэжлийн байгууллагуудтай хамтран тус сургалтыг нэг жилийн турш ерөнхий боловсролын сургуулийн ахлах ангийн сургачид болон оюутан залууст зориулан зохион байгуулах юм гэж нийслэлийн Залуучуудын хөгжлийн газраас мэдээллээ.

Өнөөдөр Төрийн ордонд УИХ-ын Төрийн байгуулалтын байнгын хороо хуралдаж Ерөнхий сайдад нэр дэвшигч

Нийслэлийн хөдөлмөр эрхлэлтийн газар нь “Лайсэн Академи”-тэй хамтын ажиллагааны хүрээнд “Монгол Японы хөдөлмөрийн яармаг”-ийг 2 өдрийн турш “BLUE SKY” зочид буудлын DAIMOND зааланд зохион байгуулж байна.



Монгол Японы хөдөлмөрийн үзэсгэлэн яармагийн зорилго нь Япон улсад сургууль төгсөж ирсэн болон япон хэлтэй залууст эх орондоо ажиллах боломжийг олгох, оролцогч компанитай газар дээр нь танилцан, мэдээлэл авч, ажлын анкет бөглөх, тус улсад суралцах, ажилд орох зэрэг мэдээлэл зөвлөгөөг мэргэжлийг ажилтнаас үнэ төлбөргүй авахад оршино. Яармагт нийслэлийн Хөдөлмөр эрхлэлтийн газар ажил олгогчдын ирүүлсэн мянга гаруй ажлын байрны захиалга танилцуулж, ажил мэргэжлийн чиг баримжаа олгох, зөвлөгөө өгөх, хэрэгжиж буй төсөл хөтөлбөрүүдийн талаарх мэдээллээр хангаж, ажлын байранд зуучлах үйлчилгээ үзүүлж байгаа юм.



Мөн “Эвирдэй ферм” ХХК, “Ну Пост” ХХК, “Хаан банк” зэрэг байгууллагууд оролцон, нээллтэй ажлын байрны мэдээлэл хүргэж байна. “Монгол Японы хөдөлмөрийн яармаг”-т ирснээр Японы хөрөнгө оруулалттай компанид ажилд орох, ажлын анкет бөглөж тухайн байгууллагатай танилцах боломж бүрдэх ба Япон улсаас их дээд сургууль, мэргэжлийн болон япон хэлний сургуулиудын багш төлөөлөгчид оролцоно. Тухайн сургуулийн багш нараас Япон улсад суралцахад шаардлагатай бүх мэдээллийг өөрийн биеэр орчуулагчийн тусламжтайгаар шууд авах ба гарын авлага бэлэглэнэ. Ингэснээр Япон улсад суралцах, аижиллах талаар мэдээллийг нэг дороос үнэ төлбөргүй авч, японы хөрөнгө оруулалттай компаниудтай танилцах, ажилд зуучлагдах боломж бүрдэж байна гэж нийслэлийн Хөдөлмөр эрхлэлтийн газраас мэдээллээ.

Одоогоос таван жилийн өмнө Шанхай хотноо болсон “Авьяаслаг хятадууд-2011” шоунд Өвөрмонголын Хөлөнбуйраас оролцсон бяцхан хүү Б.Уудам “Алсад суугаа ээж” дууг дуулж, үзэгчид төдийгүй шүүгчдийг уйлуулсан билээ. Эцэг эхээ хар багадаа алдсан хүү тухайн үедээ дэлхийг нов ногоон өвсөөр бүрхдэг шидэт бэх зохион бүтээхийг мөрөөдөж явдгаа ярьсан юм. Хожим нь хүү мориор дэлхийг тойрох хүсэлтэй хэмээн хүсэл мөрөөдлөө уудалсан.

Б.Уудам хүү өнгөрсөн намраас Канадад суралцаж эхэлсэн бөгөөд тэндээ хэдэн жил амьдрах төлөвтэй байгаа аж. Тэрбээр Канадын алдарт хөгжимчин Эдгар Муеналатай хамтран “Алсад суугаа ээж” дууг дахин амилуулжээ. Хөгжмийн зохиолч, удирдаач Эдгар Муенала 25 жил аялан тоглолт хийж яваа уран бүтээлч ажээ. Уудамтай хамтарсан талаараа “Уудам хүүгийн дууг сонсоод хамтрах хүсэл төрсөн. Та нар намайг сайн дэмжвэл энэ сайхан аялгууны оронд очно” хэмээн ярьсан байна.

Удахгүй болох “Монголын Ахмадын өдөр”-ийг угтан Монгол Улсын Их Хурлын дарга М.Энхболд, Улсын Их Хурлын Тамгын газрын Ерөнхий нарийн бичгийн дарга Ц.Цолмон нар олон жил үр бүтээлтэй ажиллаж байгаад өндөр насны тэтгэвэрт гарсан ахмадуудаа өнөөдөр (2017.09.29) хүлээн авч уулзан, хүндэтгэл үзүүллээ.



УИХ-ын Тамгын газар нь Ардын Их Хурлын депутат, Улсын Бага Хурал болон Улсын Их Хурлын гишүүн мөн Улсын Их Хурлын Тамгын газарт ажиллаж байсан 80 гаруй ахмадтай юм.



Улсын Их Хурлын дарга М.Энхболд ахмадуудад баярын мэндчилгээ дэвшүүлээд уламжлалт уулзалтад хүрэлцэн ирсэнд талархал илэрхийлсэн. Тэрбээр хэлсэн үгэндээ “Олон Улсын Ахмадын эрх ашгийг хамгаалах өдрийг угтан УИХ-ын гишүүд, УИХ-ын Тамгын газрын нэрийн өмнөөс Та бүхэнд баярын мэнд хүргэе. УИХ-ын дэргэдэх ахмадын хороо онцлогтой байгууллага, 80 гаруй хүний бүртгэлтэй. Эдгээрийн 60 гаруй нь УИХ-ын гишүүн байсан бөгөөд хууль тогтоох үйл ажиллагаанд оролцож, орчин цагийн Монгол Улсын эрх зүйн орчныг бий болгоход гар бие оролцон, оюун ухаанаа зориулсан нийгмийн нэрт зүтгэлтнүүд байдаг юм.

2016 оны Улсын Их Хурлын сонгуулийн үр дүнгээр байгуулагдсан Их Хурал жил гаруйн хугацаанд ажиллаж байна. Гурав хоногийн дараа намрын ээлжит чуулган эхлэнэ. Өнгөрсөн нэг жилийн хугацаанд ахмад настны нийгмийн халамжийг сайжруулах чиглэлд Улсын Их Хурлаас тодорхой арга хэмжээ авч ажилласан. Өнгөрсөн хугацаанд ахмадууддаа зориулж “Насны хишиг” хүртээж эхэлсэн.

Мөн тэтгэврийн зээлийн хүүг бууруулах шийдвэрийг гаргасан. Зорилтот бүлгийн 100 гаруй мянган ахмадуудад чиглэсэн арга хэмжээний хүрээнд хүү, шимтгэлтгүйгээр гурван сар хүртлэх хугацааны тэтгэврийг олгож байх эрх зүйн орчныг бий болгосон. Хөдөлмөр эрхлэлтийг дэмжих сангаас анхаарал тавьж, ахмадуудын хөдөлмөр эрхлэлтийг дэмжихэд зориулж 1 тэрбум гаруй төгрөгийн хөрөнгийн эх үүсвэрийг нэмэгдүүлсэн байгаа. Цаашдаа энэ хөрөнгийн хэмжээг нэмэгдүүлж, ахмуудын хуримтлуулсан туршлага, чадавхийг залуу, хойч үеийнхэнд өвлүүлэхэд хөрөнгийн асуудлыг шийдвэрлэж өгөхөөр ажиллана. Өнөөдөр Засгийн газраас 2018 оны төсвийн төслийг надад өргөн барих гэж байна. Энэ төсвийн төсөлд ахмуудын тэтгэврийг нэмэхээр 162.5 тэрбум төгрөгийг нэмж суулгасан байгааг хэлье. Бага тэтгэвэр авч байгаа ахмадуудын тэтгэврийг ахиу нэмье. Өндөр тэтгэвэр авч байгаад нь бага нэмье гэсэн бодлогыг Засгийн газар барьж 2018 оны төсвийн төслөө өргөн барих юм ” хэмээн онцоллоо.



Дараа нь ахмадуудаа төлөөлөн Монгол Улсын гавьяат эдийн засагч, Ардын Их Хурлын депутат асан Ж.Гомбожав үг хэлж, улс орны өмнө тулгамдаад буй асуудлыг нэн даруй шийдэх, удахгүй томилогдох Ерөнхий сайд түүний кабинет мэргэжлийн түвшинд ажиллаж, ард иргэдийн хүсэн хүлээж буй бодлого, шийдвэрийг гарган ажиллахад анхаарал хандуулахыг УИХ-ын даргаас хүссэн юм.

Хүндэтгэлийн уулзалтад УИХ-ын Тамгын газрын Ерөнхий нарийн бичгийн дарга Ц.Цолмон, Хууль эрх зүйн асуудал эрхэлсэн нарийн бичгийн дарга Д.Амгалан, Захиргаа, аж ахуйн асуудал эрхэлсэн нарийн бичгийн дарга П.Цэрэн болон албаны бусад хүмүүс оролцсон юм гэж УИХ-ын Хэвлэл мэдээлэл, олон нийттэй харилцах хэлтсээс мэдээллээ.

УИХ-ын Төрийн байгуулалтын байнгын хорооны хуралдаанаар Шадар сайдын үүрэг гүйцэтгэгч

Номоо солилцох өдөрлөг өнөөдөр МЗХ-ны ”Залуус” танхимд болно. МЗХ-ны дэргэдэх “Нийгмийн Хөтөч”, “Тэлмэн Түүчээ” клуб хамтран “Book Barter Day” өдөрлөгийг зохион байгуулж байгаа аж.



Тус өдөрлөгийн зорилго нь оюутан залуусын чөлөөт цагийг үр дүнтэй өнгөрүүлэх бусадтай харилцах, өөрийгөө илэрхийлэх чадварыг номоор дамжуулан хөгжүүлэх юм.


Өдөрлөгт оюутан залуус өөрсдийн унших дуртай болон өөрт байгаа номуудаас авч ирэх бөгөөд авчирсан номуудаа бусадтай солилцож унших боломжтой юм.

У.Хүрэлсүх: Хээл хахууль, авилгалтай хатуу тэмцэнэ

УИХ дахь МАН-ын бүлэг өнөөдөр хуралдаж Монгол Улсын 30 дахь Ерөнхий сайдад нэр дэвшигч

УИХ дахь МАН-ын бүлэг өнөөдөр 11.00 цагт ээлжит хуралдаан зарласан. Тус хурал дөнгөж сая эхэлсэн байна.

Дэлхийн зөн Монгол Олон Улсын байгууллага нь НҮБ-ын Гамшгийг бууруулах Олон Улсын стратегийн байгууллагаас санаачилсан “Гамшигт тэсвэртэй Хотуудыг бий болгоё” уриан дор хот, суурин газрын гамшгийн эрсдлийг бууруулах, түүнийг даван туулах чадавхыг бэхжүүлэх хөтөлбөрийг түгээн дэлгэрүүлэх “Гамшгийн эрсдэлийг олон нийтийн оролцоотой бууруулах” үндэсний хөтөлбөрт хувь нэмэр оруулах үүднээс “Гамшигт тэсвэртэй Улаанбаатар” төслийг 2 жилийн хугацаатай хэрэгжүүлж байна.

Төслийн хүрээнд яаралтай үед шуурхай арга хэмжээ авах, анхны тусламж үзүүлэх тоног төхөөрөмжийг сайжруулах зорилгоор нийслэлийн Онцгой байдлын газарт 61,495,251 төгрөг, есөн дүүргийн Онцгой байдлын хэлтэст 77,952,575 төгрөгийн үнэ бүхий тоног төхөөрөмжийн дэмжлэг үзүүллээ.

“Гамшигт тэсвэртэй Улаанбаатар” төсөл нь Байгууллагын гамшгийн эрсдэлийн менежментийн чадавхийг үнэлэх үнэлгээ, Олон нийтийн оролцоотой гамшгийн эрсдэлийн үнэлгээний аргачлал, “Өрхийн бэлэн байдлыг хангах” зэрэг сургалтын багцууд боловсруулан, гамшгийн эрсдлийг бууруулахад олон нийтийн оролцоог нэмэгдүүлэх чиглэлээр тодорхой ажлуудыг Дэлхийн Олон Улсын байгууллагатай хамтран гүйцэтгэж байна гэж нийслэлийн Онцгой байдлын газраас мэдээллээ.

Олон улсын Ахмадын өдрийг тохиолдуулан Монгол Улсын Ерөнхийлөгчийн Тамгын газрын дарга З.Энхболд, дэд дарга Б.Саруул нар үе үеийн Ерөнхийлөгчийн Тамгын газарт ажиллаж байсан ахмадуудаа хүлээн авч хүндэтгэл үзүүлэв.

Ерөнхийлөгчийн Тамгын газрын дарга З.Энхболд ахмадуудад хандан сайн сайхныг хүсч, эрүүл энх урт удаан наслахыг ерөөв.

1990 оноос хойш үе үеийн Ерөнхийлөгчийн Тамгын газарт ажиллаж байсан нийт 28 ахмад байдаг юм.

Улс орныхоо хөгжил дэвшил, хойч үеийнхээ ирээдүйн сайн сайхны төлөө цуцалтгүй хөдөлмөрлөж, өнөөдрийн Монголыг бүтээсэн үе үеийн ахмад буурлууддаа Олон улсын ахмадын баярын мэндийг дэвшүүлж, эрүүл энх, хамгийн сайн сайхан бүхнийг хүсэн ерөөе.

Ажил хүлээн авснаас хойш өнгөрсөн нэг жилийн хугацаанд Монгол Улсын Ерөнхий сайд Ж.Эрдэнэбатаар тэргүүлсэн Засгийн газрын хийсэн олон ажлуудын дунд азай буурлууддаа чиглэсэн ажил цөөнгүй бий. Нийгмийн захиалгаар буюу амьдралд тулгамдаад буй асуудлуудаа шийдвэрлүүлэхээр ахмадуудын зүгээс бидэнд тавьсан санал хүсэлтийн дагуу Монгол Ардын Нам мөрийн хөтөлбөр, Засгийн газрын үйл ажиллагааны мөрийн хөтөлбөрт ахмадын хуулийг шинэчлэх асуудлыг тусгасан. Үүний дагуу бид өмнө байсан халамжийн бодлогыг голчилсон “Ахмад настны нийгмийн хамгааллын тухай хууль”-ийг бүрэн шинэчлэн найруулж, “Ахмад настны тухай хууль”-ийг УИХ-аар батлууллаа. Энэ оны 7 дугаар сарын 1-ний өдрөөс хэрэгжиж эхэлсэн шинэ хуулиараа ахмадууддаа хэрхэн яаж халамж хүртэх вэ гэхээс илүүтэйгээр ахмад настны эрх, хөгжил, эрүүл мэнд, нийгмийн оролцооны асуудал буюу нийгмийн идэвхтэй байр сууриа хамгаалах, хөдөлмөр эрхлэх боломжуудыг шинээр нээж өглөө.
Энэ хүрээнд бид ахмадууддаа анх удаа “Насны хишиг” олгодог боллоо. Эдийн засаг үргэлжлэн сайжрах хэрээр манай Засгийн газар нэг жилд “Насны хишиг” олгох давтамж, мөнгөн дүнг нэмэгдүүлэх зорилт тавин ажиллаж байна.
Шинэчлэн батлагдсан хуулиар сум, хороо, баг, тосгонд ”Ахмадын өргөө” байгуулах, ахмад настны хэрэгцээнд үндэслэн лавлагаа, мэдээллийн зөвлөгөө өгөх, сургах, хөгжүүлэх, явуулын үйлчилгээ болон өдрийн үйлчилгээ, өдрөөр эмчлэх, асрах сувилах үйлчилгээ, хүнсний дэмжлэг үзүүлэх үйлчилгээ, сайн дурын үйлчилгээ зэрэг шинэ төрлийн үйлчилгээг бий болгон хэрэгжүүлж эхлээд байна.

Мөн ахмад настнуудын байнга тавьдаг хүсэлтийн нэг болох ахмадын кабинет, ахмад настны эмчтэй болох асуудлыг ”Аймаг, дүүргийн нэгдсэн эмнэлэгт ахмад настны кабинет, сум, тосгон, өрхийн эрүүл мэндийн төвд ахмад настны эмч, эсхүл ахмад настны эрүүл мэндийн чиглэлээр мэргэжил, ур чадвар эзэмшсэн эмч ажиллуулах”-аар хуульд тусгалаа.
Сүүлийн жилүүдэд хөдөлмөр эрхлэх хүсэл сонирхолтой ахмад настны тоо нэмэгдэж байна. Тиймээс ”Ахмад настны хөдөлмөр эрхлэлтийг дэмжих хөтөлбөр”-ийг жил бүр Хөдөлмөр эрхлэлтийн үндэсний зөвлөл баталж, аймаг, дүүргийн хөдөлмөр эрхлэлтийн байгууллага, ажилтан хэрэгжүүлэхээр хуульчилсны дагуу “Ахмад мэргэжилтний зөвлөх үйлчилгээг хөгжүүлэх хөтөлбөр”-ийг хэрэгжүүлж байна. Эдгээр хөтөлбөрүүдийн хүрээнд олон зуун ахмадыг байнгын болон түр ажлын байраар хангалаа. Үүнд зориулж 1.5 тэрбум төгрөг зарцуулахаар төлөвлөөд байна.
Тэтгэвэр авагч иргэн өөрийн сонгосон банкаар тэтгэврээ авах боломжийг бүрдүүлэв. Ахмадын тэтгэвэр барьцаалсан зээлийн хүүг бууруулах боломжийг судалж, холбогдох банкуудтай уулзалт, хэлэлцээр хийсний үр дүнд боломжгүй гэгдээд байсан тэтгэврийн зээлийн хүү жилийн 18 хувь байсныг 3 хувиар буулгаж 15.0 хувь болголоо. Үр дүнд нь өнөөдрийн байдлаар 70,0 мянган тэтгэвэр авагч 57.3 тэрбум төгрөгийн зээлийг хөнгөлттэйгээр аваад байна. Мөн богино хугацааны буюу 6 сар хүртэлх тэтгэврийн зээлийг бид ямар нэгэн хүү, шимтгэлгүйгээр ахмадууд, зорилтод бүлгийнхэндээ шууд олгож эхлэв. Ингэснээр ахмадууд маань өнгөрсөн хугацаанд зээлийн хүүгийн дарамтаас бага ч гэсэн чөлөөлөгдлөө.
Гэхдээ энэ нь манай Засгийн газрын зүгээс барьж буй гол бодлого биш. Эдгээр хөнгөлөлттэй зээл, тэтгэврээ урьдчилж авах боломжууд нь эдийн засгийн хүндрэлтэй өнөөгийн нөхцөл байдлаас шалтгаалсан арга хэмжээ юм. Өөрөөр хэлбэл бидний хэтийн зорилго нь ахмадуудаа зээл, тусламжаар амьдралаа залгуулах биш та бүхнийхээ амьдралд хангалттай хүрэлцэхүйц хэмжээгээр тэтгэвэр тэтгэмжийг нэмэгдүүлэх юм. Энэ намрын чуулганаар хэлэлцэгдэх гэж буй “Нийгмийн даатгалын ерөнхий хууль”-ийн хүрээнд бид тэтгэвэр тогтоох аргачлалыг улам боловсронгуй болгох бодлого дэвшүүлэн тодорхой зүйл заалтуудыг тусгаад байна.
Дээрх зорилтын хүрээнд Монгол Улсын Засгийн газраас эдийн засгийн нөхцөл байдал, төсвийн зорилтот үзүүлэлтүүд сайжирч буйг харгалзан ахмадуудынхаа тэтгэврийг ирэх оноос тодорхой хэмжээгээр нэмэгдүүлэх эхний алхмыг хийхээр болсныг дуулгахад таатай байна. Үүнд зориулж ирэх оны төсөвт 162,5 тэрбум төгрөг нэмж суулгах төсвийн төсөл боловсрууллаа.

Өнөөдрийн сайн сайхны төлөө цуцалтгүй хөдөлмөрлөж, үр хүүхэд, улс орныхоо хөгжил цэцэглэлтийн төлөө ариун цагаан хөдөлмөрөөрөө түүчээ болж ирсэн эрхэм ахмад, буурлуудаараа бид цаг үргэлж бахархан, хүндэлж, халамжлах нь хүний ёс, төрийн үүрэг билээ. Ахмад буурлууд та бүхний минь арван цагаан буян улам арвижиж, урт насалж, удаан жаргалыг хүсэн ерөөе.





ХӨДӨЛМӨР, НИЙГМИЙН ХАМГААЛЛЫН
САЙДЫН ҮҮРЭГ ГҮЙЦЭТГЭГЧ Н.НОМТОЙБАЯР

МАН-ынхан улс төрийн тоглолтыг өөрсдийнхөө найруулдаг боллоо. УИХ-д 65 суудалтай тус намынханд улс төр явуулахад хэн ч нөлөөлж дөнгөхгүй гэдгийг шинэ Засгийн газрыг байгуулах үйл явц харуулав. Мэргэжлийн Засгийн газрыг огрцуулах асуудлыг хэлэлцсэн ээлжит бус чуулганы үеэр л УИХ-ын нэр бүхий гишүүд дараагийн Засгийн газрыг яаралтай байгуулахыг шаардаж байсан. Мөн ҮЭХ, Монгол Улсын Ерөнхийлөгч гээд шинэ Засгийн газрыг байгуулахыг шаардаж, шахсан хүн олон. Гэвч МАН-ынханд хэн нь ч нөлөөлсөнгүй. Зөвхөн тэд өөрсдийнхөөрөө бүх зохиолыг найруулж, өөрсдийнхөөрөө удирдав.

Ирэх даваа гаригт УИХ-ын намрын чуулган нээлтээ хийнэ.

УИХ-ын Төрийн байгуулалтын байнгын хороо өнөөдөр хуралдана. Өнгөрсөн даваа гарагт МАН-ын Бага хурал шийдвэрээ гаргаж,

Улс төрчид өөрт ашигтай нөхцөл байдал үүсгэхийн тулд юу ч хийхээс буцдаггүй гэдгийг өнгөр өдрүүдийн үйл явдал тод харуулах шиг. Өөрсдийн сүүлчийн хөзрөө тавихын тулд бүхэл бүтэн намынхныгаа лоббидож, ажил болоод албанд нь халдсан нэгнийгээ гэр бүлээр нь хүйс тэмтэрнэ хэмээн сүрдүүлж буй монголын улс төрчид хэр зэрэглэгжсэнийг харуулах мэт.