* * *ӨРНИЙН ЗУРХАЙ * * *
ХОНЬ (3/21-4/19)

Долоо хоногийн эцсээр од эрхэс түр зуурын тайвшрал олгож нөхцөл байдал дахин өөдрөг харагдана. Төлөвлөгөө хүсэл, итгэл найдвараар дүүрэн байна. Тохиолдлын хүмүүстэй бүү танилц. Зүс таних төдий хүмүүст бүү итгэ. Бүх юм холилдож ямар нэг зүйл төлөвлөх боломжгүй байна. Үйл ажиллагаа эрс өөрчлөгдөж шинэ харилцаа холбоо, шинэ түншүүдтэй болж магадгүй. Орлогынхоо тодорхой хэсгийг цааш нь далд хий. Хар өдрүүд ирж болзошгүй.
ҮХЭР (4/20-5/20)

Энэ өдрүүдэд та ажиллах чиглэлээ тодорхойлж жилийн стратегийн төлөвлөгөөгөө хий. Жирийн сунжирсан засвараа дуусгаж чадна. Ашиг олох төслөө хэрэгжүүлж чадна. Хэрэв таны хайр сэтгэл бүтэлгүйтвэл гомдсон сэтгэл удаан арилахгүй. Гэр бүлийн маргаануудыг та тэвчиж чадахгүй бололтой.
ХАМТАТГАХ (5/21-6/21)

Энэ өдөр та аливаа асуудлыг тайван замаар шийдвэрлэж, сэтгэл хөдлөлөө барихад суралц. Магадгүй, та гэр бүлдээ шинэ хүч нэмэх бөгөөд энэ сар хүүхдэд ээлтэй байх болно. Ажлын эрч хүч дүүрэн, урам зоригтой байх ч алдаа гаргахаас болгоомжилж нэр хүндээ хамгаал.
МЭЛХИЙ (6/22-7/22)

Тоглоомд дурлагсдад таатай өдөр. Та хүмүүсийн анхаарлын төвд байж, өөрчлөгдөж буй нөхцөл байдалдаа түргэн зохицож чадна. Хувийн амьдрал гайхмаар өвөрмөц байна. Өнөөдөр та эрсдэлтэй алхам хийж болно. Нэг асуудал дээр анхаарлаа төвлөрүүлж чадвал та томоохон амжилтад хүрч чадна.
АРСЛАН (7/23-8/22)

Та өөрийгөө чөлөөт хүн мэтээр төсөөлнө. Энэ нь таны хайртад таалагдахгүй бөгөөд удахгүй үүнээс болж маргаан дэгдэж магад. Хатуу чанд сахилга бат нь хүүхэд хүмүүжүүлэх үндсэн хэмжүүр байх ч заримдаа тэдэнд өөрсдийнхөөрөө байх боломж олго. Дотны хүн болон өөрийнхөө хооронд үл нэвтрэх хана бүү босго.
ОХИН (8/23-9/22)

Үнэнч түншлэлийн өдөр. Шийдвэр гаргахдаа зөн билэг төдийгүй саруул ухаанд тулгуурла. Ажил хэргийн харилцаанд үнэнч найдвартай чанараа харуулна. Түншүүддээ хийх ажлынхаа бодит байдлыг танилцуул. Тэдэнд төслийнхөө эерэг болон сөрөг талуудыг ил тод мэдээл.
ЖИНЛҮҮР (9/23-10/22)

Ихэнхи нь албан тушаал өсөх боломжтой, өөрийн ажлын байр тохижуулж шинэ юм сэдэх хэрэгтэй. Ихэнх нь хувийн амьдрал харьцангуй идэвхтэй байх болно. Гэр орныхны харьцаа тогтворжиж, амар тайван болно. Тамхиа хаяхыг уйгагүй оролдох хэрэгтэй. Өөртөө ба сонгосон хүндээ итгэлгүй байгаа хүмүүс өөрийнхөө сэтгэл санааг цаг хугацааны шалгуураар шалга.
ХИЛЭНЦ (10/23-11/21)

Урьдчилан таамаглаагүй бэрхшээл, шийдвэрлэгдээгүй асуудал хуримтлагдсан хүнд өдөр. Ажилдаа хэт улайрах, дайсагнагч этгээдийн хорон үйлдэл, таны гаргасан хувийн алдааны улмаас төлөвлөсөн ажил тань түр саатах юм уу бүр зогсож ч магадгүй байна. Өөрийгөө эзэмдэж, ялихгүй хэрэггүй юманд хүчээ зарцуулахгүй байхыг хичээ. Илүү тохиромжтой мөчийг хүлээ.
НУМ (11/22-12/21)

Олон зүйл төлөвлөх боловч ажил хийх сонирхол алга. Залхуу хүрнэ. Гэр бүлийн ажил хэрэг бүтэмжтэй. Засвар болон барилгын ажил хий. Их ажлын хажуугаар гэр бүлдээ цаг зав гаргаж баярын үдшүүдийг хамтдаа өнгөрөөж . Эрүүл мэнддээ анхаарал тавьж азгүй тохиолдлоос болгоомжил. Цусны өвчин, шарх авч магадгүй байна.
МАТАР (12/22-1/19)

Удирдах хүмүүстэйгээ хэрэлдэн зөрчилдөж магадгүй. Эрх бүхий хүмүүстэй ажил төрөл зөвлөлдөж, маргаантай асуудлыг шийдвэрлэхээ илүү таатай үе хүртэл хойшлуулсан нь дээр. Ахимаг насны хүмүүс хөл, гуяндаа гэмтэл авч болзошгүй. Тийм болохоор та өнөөдөр эрүүл мэнддээ илүү их анхаарал тавих шаардлагатай. Хий дэмий азаа турших хэрэггүй.
ХУМХ (1/20-2/18)

Та өөрийн ур чадвартай тэнцэх салбарт ажиллаж, итгэлтэй хүмүүсийг түншээ болгохыг сонирхоно. Таны чин сэтгэл зохих ёсоор үнэлэгдэх болно. Өөртөө дүн шинжилгээ хийх өдөр. Олон хүмүүст сонгосон сонголт, замаа зөв гэдэгт итгэх шаардлагатай байна. Цагийн аясаар амьдралын туршлага хуримтлуулж түүнээсээ шинэ, шинэ санаа бодлыг олж авах болно.
ЗАГАС (2/19-3/20)

Амьдралыг гүн гүнзгий ойлгосноор бодлогоширсон шинж давамгайлна. Ганцаараа байхаас татгалз. Биеийн тамирын танхимд оч. Өдөр хуримтлагдсан бүх сөрөг энергиэ тэнд хая. Ихэнх хүмүүс амьдралын бэрх сонголт хийхтэй тулгарах болно. Эргэн тойрныхон чинь шударга бус байгаад сэтгэлээ шаналгаж болзошгүй. Биеэ барьж өөрийгөө хувь тавилангийн цохилтоос хамгаал. Сүм хийдээр ор.

Цаг агаар дулаарч байгаа энэ өдрүүдэд гол, нуурын мөс цөмөрснөөс, мөн хот хоорондын болон орон нутгийн чанартай авто замд гулгаа үүссэнээс осол зөрчил нэмэгдэх хандлагатай байна.

Иймд төв, орон нутагт зорчих тээврийн хэрэгслийн хөдөлгөөний аюулгүй байдлыг хангуулах, болзошгүй эрсдлээс урьдчилан сэргийлэх зорилгоор автотээврийн холбогдох байгууллага, албан тушаалтан, жолооч, зорчигчид, хяналт хэрэгжүүлэгч байгууллагуудад дараах зүйлүүдийг сэрэмжлүүлж, шаардлагатай арга хэмжээг авч ажиллахыг Мэргэжлийн хяналтын байгууллагаас зөвлөж байна. Үүнд:

1. Томоохон гол, мөрөн, нуур бүхий аймаг, сумын Засаг дарга нар Автотээврийн тухай хуулийн 7 дугаар зүйлийн 7.1.6-д заасны дагуу гол, нуурын мөс хөлдөх, хайлах, халиа, цөн түрэлт явагдаж, шар усны үер дуустал хугацаанд шаардлагатай газруудад мөсөн замын тээвэрлэлтийг түр хязгаарлаж, хориглох болон Авто замын тухай хуулийн 6 дугаар зүйлд заасны дагуу зохих шийдвэрийг гаргаж мөрдүүлж ажиллах;

2. Цаг уурын байдлыг харгалзан мөсөн замын тээвэрлэлт эхлэх, дуусах хугацаа, мөсний даацыг тухайн орон нутгийн ус цаг уур, орчны хяналт шинжилгээний байгууллагатай хамтран тогтоож ажиллах;

3. Аймгийн Засаг дарга нар орон нутгийн томоохон нуур, голууд дээр цас, мөсний баяр, амралт зугаалгын арга хэмжээ зохион байгуулах, мөсөн замын тээврийн үйлчилгээг эхлүүлэх, дуусгах хугацаа болон тээвэрлэлтийн чиглэлийг тогтоох асуудлыг Усан замын тээврийн тухай хуулийн 7.1.4-т заасны дагуу усан замын тээврийн асуудал эрхэлсэн төрийн захиргааны төв байгууллагатай хамтран шийдвэрлэж байх;

4. Газрын гадаргын цасан бүрхүүл, голын мөс хайлах, шар усны үерийн улмаас эвдэрч нурсан зам, гүүр болон гол, нуурын мөс цөмрөх магадлалтай газруудын судалгааг гаргаж, түүгээр тээврийн хэрэгслийг явуулахгүй байх, хязгаарлах арга хэмжээг авахын зэрэгцээ эвдэрч нурсан зам, гүүр, нимгэрч цөмөрч хайлмагтсан нуур, голын орчимд анхааруулсан, хориглосон тэмдэг, тэмдэглэгээг байрлуулах, гүүрийн тооцоот даацад тохирсон хөдөлгөөнийг нэвтрүүлэх, анхааруулах, мэдээлэх ажлыг аймгуудын авто замын засвар, арчлалт хариуцсан болон автотээврийн эрх бүхий байгууллагууд хамтарч хийж гүйцэтгэх, хөдөлгөөнийг сэргээх шийдвэрийг гаргахдаа холбогдох мэргэжлийн байгууллагуудын дүгнэлт, зөвшөөрлийг үндэслэх;

5. Болзошгүй эрсдэлээс урьдчилан сэргийлэх ажлын хүрээнд аймаг, нийслэлийн Мэргэжлийн хяналтын газар, аймгуудын Тээвэр, авто замын асуудал хариуцсан байгууллагууд хот хооронд, орон нутгийн нийтийн тээвэр, ачаа тээвэрлэлтийн үйлчилгээ эрхэлдэг байгууллагуудын техникийн аюулгүй байдал хангагдсан тээврийн хэрэгсэлээр зорчих хөдөлгөөнийг батлагдсан маршрут, баталгаатай авто замаар гүйцэтгүүлэхэд хяналт, шалгалтын үйл ажиллагааг чиглүүлж хөдөлгөөний аюулгүй байдлыг хангуулах;

6. Тээврийн байгууллагуудаас тээвэрчдэд авто зам, замын байгууламжийг техникийн нөхцөл шаардлагын дагуу ашиглах, гүүрээр түүний тооцоот даацад тохирсон жинтэй тээврийн хэрэгслээр тээвэрлэлт гүйцэтгэх, тээврийн хэрэгслийн даац, суудлын тоог хэтрүүлэхгүй байх талаар анхааруулга, сэрэмжлүүлэг бүхий мэдээлэл сурталчилгааг тогтмол хийх;

7. Авто замын хариуцагч байгууллагаас замын зурвас газар, гүүр, хоолойн хэсэгт байгаа хог хаягдал, малын сэг зэм, хог хаягдлыг цэвэрлэх, гол горхины урсгал гольдрилыг чиглүүлэн засах, урсгал залах далан, шуудууг сэргээн засварлах, мөс цөнгийн бөөгнөрөл түрэлтээс хамгаалахын тулд гольдрил доторх гүүрийн тулгуур, мөс зүсэгчийг байршуулах, засварлах, тулгуур, мөс зүсэгчийн эргэн тойронд хөрс угаагдалтанд орохоор байвал хамгаалах арга хэмжээг авах;

8. Ачаа, зорчигч тээврийн үйлчилгээ эрхэлж байгаа аж ахуйн нэгж байгууллагууд жолооч нартаа тээвэрт гарахын өмнө цас, мөсний хайлалт, шар усны үер гарсан болон тэдгээрийн улмаас эвдэрч нурсан зам, гүүр болон гол, нуурын мөс цөмрөх магадлалтай газруудын судалгааг өгч, түүгээр явахгүй байх талаар сэрэмжлүүлэх;

9. Авто замын даваа хаагдан хальтиргаа, гулгаа, шар усны үер үүссэн нөхцөлд иргэдийн амь нас, эрүүл мэнд, эд хөрөнгийг болзошгүй гамшгаас урьдчилан сэргийлэх зорилгоор олон улсын болон улсын чанартай авто замын хариуцагч байгууллагуудын улсын хэмжээнд 47 цэгт ажиллаж буй шуурхай ажлын хэсэг, өвлийн засвар арчлалтын ажилд шаардлагатай машин механизм, тоног төхөөрөмж, хальтиргаанаас хамгаалах элс, бодис, хүн хүчийг бэлэн байлгах;

10. Иргэд, тээврийн хэрэгслийн жолооч нар ашиглалтын нөхцөл, шаардлага хангагдаагүй эвдрэлтэй авто болон мөсөн зам, гүүр, тэдгээрийн байгууламжийн талаарх мэдээллийг МХЕГ, аймгуудын Мэргэжлийн хяналтын газар, Онцгой байдлын газар болон бусад холбогдох байгууллагуудад өгч, зохих арга хэмжээг авахуулж байх зөвлөмж, сэрэмжлүүлгийг хүргэж байна.

МЭРГЭЖЛИЙН ХЯНАЛТЫН ЕРӨНХИЙ ГАЗАР

“Чингис хаан” нисэх онгоцны буудлын орчимд өчигдөр АНУ-ын цэргийн онгоц ослын буулт хийсэн талаар бид мэдээлсэн. Тэд хэдийгээр ослын буулт хийсэн ч амжилттай газардсан. Шалтгаан нь АНУ-ын цэргийн зориулалттай, С-17 маркийн ачааны нисэх онгоцны нэг хөдөлгүүр бүрэн зогсож, ажиллагаагүй болжээ. Онгоц Катараас нислэг үйлдэж явсан бөгөөд нислэгийн чиглэлийн талаар тодорхой мэдээлэл байхгүй байна.

Үс засуулбал: Эд малын гарлагатай

...Бид яг шархдаж баригдсан чоно шиг сүр сүлдгүй болчихож гэж. Гэвч эцэст нь чоно бол чоно юм даа л гэж бодсон доо. Яг түүн шиг монгол бол монгол л доо. Монголчууд зүрх муутай, гардан тулаанаас зайлсхийдэг, зугтдаг, ой гутам хүний санаанд оромгүй муу зальтай хүмүүс гэдэг тодорхойлолтыг бидэнд ялагдсан ард түмнүүд л ялагдлын хорслоор өгсөн...

Улаанбаатарт өдөртөө 4 хэм дулаан байна

Шуурхай: Ц.Амгалангбаатар нарын ялыг хэвээр үлдээлээ

Эрүүл мэнд, нийгмийн даатгалын ерөнхий газрын мэдээгээр нийгмийн даатгалын сангийн орлого 2017 оны хоёрдугаар сард 304.5 тэрбум төгрөг болж өмнөх сараас 63.7 тэрбум төгрөгөөр өссөн байна.

Эрүүл мэнд, нийгмийн даатгалын ерөнхий газрын нийгмийн даатгалын шимтгэл төлөлтийн тайланд 2016 оны 4 дүгээр улиралд нийт 37.3 мянган аж ахуйн нэгж, байгууллага (ААНБ)-ын 577.9 мянган ажиллагчид хамрагдсан байна.

Улсын хэмжээнд энэ оны эхний хоёр сард 4.8 мянган гэмт хэрэг бүртгэгдсэн. Тээврийн хэрэгслийн хөдөлгөөний аюулгүй байдал ашиглалт, захиргааны журмын эсрэг, хүн амын эрүүл мэндийн эсрэг гэмт хэргүүд нь гэмт хэргийн үзүүлэлтэд гол төлөв нөлөөлжээ.

Сүхбаатар дүүрэг дэх цагдаагийн нэгдүгээр хэлтсийн алба хаагчид хулгайн гэмт хэргийг үйлдэл дээр нь илрүүлжээ.

Ховд аймгийн Мянгад сумын Цагаан булан багийн нутаг ”Хонгорж” хэмээх газарт энэ сарын 8-нд буюу өнгөрсөн лхагва гарагт Зэгсний түймэр гарчээ.

БСШУСЯ-ны Соёл, урлагийн бодлогын газрын даргаар хийлч О.Байгаль томилогдох шуум дуулдаж эхэллээ.

Увс аймгийн Улаангом сумын Чандмань гэдэг газар 2017 оны нэг, хоёрдугаар саруудад их хүйтрэлттэй холбоотойгоор газар хагарсны улмаас гүний усаар тэжээгддэг голуудын усны түвшин нэмэгдэж халиа, тошин гүйснээс айл, өрх, аж ахуйн нэгж, байгууллага, улсын чанартай автозам, гүүр усанд автах эрсдэл үүсээд байгаа юм.

Дуучин Майли Сайрус, “Өлсгөлөн тоглоом” цувралын од жүжигчин Лиам Хемсворт нар хуримаа хийжээ.

Монголын сонгуулийг ажиглах их сонирхолтой байдаг гэв
Танай сонгууль их өрсөлдөөнтэй болдог учир манай ажиглагчид Монголд очиж сонгууль ажиглах их сонирхолтой байдаг. Түүнээс гадна сонгууль зохион байгуулж буй Монгол Улсын туршлага болон сонгууль ажигласан талаарх манай ажиглагчдын тайлан зөвлөмжүүд, тэдгээрийг Монголын сонгуулийн байгууллага хэрэгжүүлж буй байдлаас Европын аюулгүй байдал, хамтын ажиллагааны байгууллагын гишүүн бусад орон их зүйл авч байгаа билээ.
Энэ тухай Европын аюулгүй байдал, хамтын ажиллагааны байгууллагын Ардчилсан институц, хүний эрхийн албаны захирал ноён Михаэль Линк Монгол Улсын Сонгуулийн Ерөнхий Хорооны дарга Ч.Содномцэрэнтэй өнөөдөр уулзах үеэр онцлон тэмдэглэв.
Тэрээр мөн Европын аюулгүй байдал, хамтын ажиллагааны байгууллагын урьдчилсан судалгааны баг Монголд ирж сонгуулийн урьдчилсан төлөв байдлыг судалж ажиглаад энэ талаарх тайлангаа удахгүй хэвлүүлж нийтийн хүртээл болгох гэж буй талаар танилцууллаа. Ноён Михаэль Линк цаашид шинжээчдийг Монголд ирүүлж сонгогчдод зориулсан хэвлэмэл материалыг хэвлэхэд дэмжлэг үзүүлэхээ илэрхийллээ.
Уулзалтад оролцсон Европын аюулгүй байдал, хамтын ажиллагааны байгууллагын Ардчилсан институц, хүний эрхийн албаны сонгуулийн асуудал эрхэлсэн газрын дарга А.Шлык, Монголын парламентын 2016 оны сонгуулийг ажиглаад “эерэг” гэсэн үнэлгээ өгсөн бөгөөд сонгуулийн байгууллагын ажилтнуудын мэдлэг өндөр, хуулиа баримталж ажиллаж байсныг тэмдэглэв. Сонгогчид ч сонгуульдаа итгэлтэй оролцсон тухай, сонгуулиудад автоматжуулсан системийг сонгож, ашиглаж буй талаар тодорхой мэдлэгтэй болсоноо тэрээр онцоллоо.
Монгол Улсын Сонгуулийн Ерөнхий Хорооны дарга Ч.Содномцэрэн Европын аюулгүй байдал, хамтын ажиллагааны байгууллагын ажиглагчдын тайлан зөвлөмж сонгууль зохион байгуулах, үйл ажиллагааг улам боловсронгуй болгоход их хувь нэмэр болж байгааг тэмдэглээд эдгээр зөвлөмжийг хэрэгжүүлж ажиллана гэдгээ илэрхийллээ.
Төлөөлөгчид тус байгууллагын бүсийн гишүүн орнуудтай тогтоосон харилцаа, хамтын ажиллагааны хөгжлийн явц, байдалтай танилцах ажлын хүрээнд ийнхүү Монгол Улсад хүрэлцэн ирсэн байна.
Ноён Михаэль Линк ХБНГУ-ын Гадаад харилцааны нэгдүгээр дэд сайд, Европын харилцааны асуудал хариуцсан төрийн сайд, мөн ХБНГУ-ын парламентын гишүүн байсан гэж СЕХ-ны хэвлэл, мэдээллийн төлөөлөгч мэдээлэв.
//////////////////////// //////////////////////////// ////////////////////////////////////
Мөн өдөр Монгол Улсын Сонгуулийн Ерөнхий Хорооны дарга Ч.Содномцэрэн Гадаад харилцааны сайд Ц.Мөнх-оргилтой ажил хэргийн уулзалт хийж, Монгол Улсын Ерөнхийлөгчийн 2017 оны сонгуулийн үеэр гадаад улсад байгаа монгол иргэдийн санал авах ажиллагаатай холбоотой бэлтгэл ажлын талаар ярилцаж санал бодлоо солилцов гэж СЕХ-ны хэвлэл, мэдээллийн төлөөлөгч мэдээлэв.

2017-03-14

С.Зоригийн амь насыг хөнөөсөн хэргийн шүүх хурал түр завсарлаад 16.00 цагаас үргэлжлүүлэн хуралдлаа. Яг одоо хурал шүүмжийн шатандаа явж байна.

Улсын Их Хурлын 2016 оны намрын ээлжит чуулганы үйл ажиллагаа, батлагдсан хууль тогтоомжийн талаархи танилцуулга, инфографикийг цувралаар хүргэж байна.

Баянзүрх дүүргийн 17 дугаар хорооны нутаг, Шархадны “Эмнэлгийн” гудамжинд оршин суух айлын хашаанаас бариатай байсан таван ханатай

Нийслэлийн Засаг дарга бөгөөд Улаанбаатар хотын Захирагч 14 хоног тутамд Нийслэлийн үйлчилгээний нэгдсэн төвүүдийн аль нэгэнд иргэдтэй уулзаж, тэдний санал хүсэлтийг сонсч зарим асуудлыг шийдвэрлэж өгдөг билээ. Хотын дарга энэ удаа НЗДТГ-ын байранд иргэдтэй уулзав. Уулзалтад НМХГ-ын дарга Л.Эрдэнэчулуун, нийслэлийн Газрын албаны дарга Э.Болорчулуун, Худалдан авах ажиллагааны дарга Э.Болормаа, Хөрөнгө оруулалтын газрын дарга Ц.Ариунбаяр болон холбогдох албаны хүмүүс байлцлаа.

Энэ өдрийн уулзалтад ирсэн Чингэлтэй дүүргийн иргэн Н.Мөнхбаяр хаягдал дугуйг дахин боловсруулж, резинен хавтан хийдэг өөрийн компанийнхаа талаар нийслэлийн Засаг даргад танилцууллаа. Тэрбээр “Энэхүү технологи нь Улаанбаатар хотын хог хаягдал, утааг бууруулахад маш их ач холбогдолтой. Бид нийслэлийн тохижилт үйлчилгээнд өөрсдийн үндэсний үйлдвэрлэлийн бүтээгдэхүүнийг хямд үнээр гэрээ хийж, нийлүүлэн хамтран ажиллах хүсэлтэй байна” хэмээлээ.

Үндэсний үйлдвэрлэлээ дэмжин ажиллах бодлого барин ажиллаж байгаа гэдгээ нийслэлийн Засаг дарга С.Батболд тодотгоод “Та бүхэн бүтээгдэхүүн болон үнийн саналаа Үйлдвэрлэл инновацийн газар, Худалдан авах ажиллагааны газар болон бусад холбогдох газруудад хүргүүлэх хэрэгтэй. Дотооддоо үйлдвэрлэл эрхэлж, ажлын байр бий болгож буй залуустай бид хамтран ажиллах болно” хэмээлээ.

Хан-Уул дүүргийн иргэн Г.Энхбаатар 20 гаруй жил МУБИС-ийн гадаа хуучин номын худалдаа эрхэлдэг байсан аж. Тухайн хэсэгт автозам барихаар болж 2014 онд худалдааны төвийг нь буулгасан байна. Дахин номын худалдааны төвийг барьсан хэдий ч лангуу олж авч чадаагүй байна. Энэ асуудлыг шийдвэрлэж өгөхийг тэрбээр Засаг даргаас хүссэн юм.

“Тухайн хэсэгт дахин баригдсан номын худалдааны төв Улаанбаатар хотын Захирагчийн ажлын албанд харьяалагддаг. Тиймээс иргэн Г.Энхбаатарыг Улаанбаатар хотын ерөнхий менежер Т.Гантөмөртэй биечлэн уулзуулж, ажлын байраар хангах үүрэг өгөх болно” гэдгийг нийслэлийн Засаг дарга хэлж байлаа.

“Баянгол дүүргийн ахмадуудын чийрэгжүүлэлтийн төвийг 2011 оноос эхлэн хариуцан ажиллуулдаг байсан. Өөрсдийн эзэмшлийн байргүйгээс өнөөдөр төв маань ажиллах боломжгүй болоод байна. Ахмадууд бид нэгдэж хотоос гадна ч хамаагүй газартай болж чийрэгжүүлэлтийн төвөө байгуулаад, газар тариалан эрхлэхээр шийдэж хөөцөлдсөн юм. Газрын асуудлыг шийдэгдэж бүх хүмүүсээс мөнгө хурааж газрын гэрчилгээний мөнгийг тушаасан. Ингээд 2014 оноос хойш юу ч шийдэгдсэн юмгүй байсаар байна. Холбогдох албаны хүмүүст нь хэлж түргэн шуурхай шийдвэрлэж өгнө үү” хэмээн Баянгол дүүргийн иргэн, ахмад настан М.Хулганаа хүсэлт тавьсан. Түүний хүсэлтийн хариуд нийслэлийн Газрын албаны дарга Э.Болорчулуун “Газрын асуудлыг яаралтай шийдэрлэж өгнө” хэмээлээ.

Иргэн н.Ганбаатар Оросын хөрөнгө оруулалттай компаниудын удирдлагуудтай хамтран орон сууцны 7-р хорооллын ерөнхий төлөвлөгөөний дагуу 6837 ам метр талбайг барилгажуулах ажилд туслан гүйцэтгэгчээр оролцох болсон аж. Барилгын ажлыг эхлүүлэн суурийг цутгасан ч газрын маргаан гарч дөрвөн жилийн хугацаанд шат шатны байгууллагад хандсан боловч шийдэгдэлгүй өдийг хүрчээ. Одоо тэрбээр барилгын суурийг цутгасан газрыг өөрийн компанид эзэмшүүлж өгөх хүсэлтэй байгаагаа илэрхийллээ.

Нийслэлийн Хот төлөвлөлт, ерөнхий төлөвлөгөөний газраас “Нийслэлийн Газрын алба, Ерөнхий төлөвлөгөөний газартай уулзаж тохиролцоод, эргэн ярилцах хэрэгтэй. Тухайн газарт 7-р хорооллын барих барилгын компанитай шүүхийн асуудалтай учраас ажил нь зогссон байгаа. Энэ асуудал шийдэгдсэний дараа танай асуудлыг шийдэж өгөх болно” гэсэн тайлбарыг өглөө гэж нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.