Азербайжаны Ерөнхийлөгч Ильхам Алиев улсынхаа Дэд ерөнхийлөгчөөр эхнэр Мехрибан Алиевийг томилсон талаар “www.channelnewsasia.com” сайт мэдээллээ.



Уг мэдээллийг Ерөнхийлөгчийн хэвлэлийн албанаас баталжээ.



Азербайжаны Үндсэн хуулиар Дэд Ерөнхийлөгч нь Ерөнхийлөгч албан үүргээ гүйцэтгэх боломжгүй үед улсаа удирдан явуулах юм.



Тус улс өнгөрсөн оны есдүгээр сард үндсэн хуулиндаа өөрчлөлт оруулах эсэх асуудлаар бүх нийтийн санал асуулга явуулсан билээ. Санал асуулгад оролцсон нийт иргэдийн 85 хувь нь Үндсэн хуулиндаа өөрчлөлт оруулахыг дэмжсэн юм.



Ерөнхийлөгчийн бүрэн эрхийн хугацаа таван жил байсан билээ. Харин Үндсэн хуулийн өөрчлөлтөөр Ерөнхийлөгчийн бүрэн эрхийн хугацааг долоон жил хүртэл сунгажээ. Мөн Дэд ерөнхийлөгчийн орон тоог нэмсэн байна.

Засгийн газар ОУВС-тай хэлэлцээр хийж, “Extended fund facility” буюу “Өргөтгөсөн санхүүжилтийн хөтөлбөр хэрэгжүүлэхээр тохиролцоод байгаа.

“Улаанбаатар хөрөнгө оруулалт-2017” бизнес уулзалтад Нийслэлийн Хөрөнгө оруулалтын газрын дарга Ц.Ариунбаярын тавьсан илтгэлийг бүрэн эхээр нь хүргэж байна.

“Улаанбаатар хөрөнгө оруулалт-2017” бизнес уулзалтад хүрэлцэн ирсэн та бүгдэд энэ өдрийн мэнд хүргэе.

Нийслэлийн Хөрөнгө оруулалтын газар нь Нийслэлийн 9 дүүрэг, 152 хорооны хэрэгцээ шаардлагын судалгааг гаргаж холбогдох байгууллагуудад санал хүргүүлж ажилладаг. Мөн хөрөнгө нь батлагдсан зураг төсөл, барилга угсралт, инженерийн шугам сүлжээ, их засвар, тохижилтын ажилд Захиалагчийн хяналт тавьж ажилладаг мэргэжлийн байгууллага юм. Захиалагчийн хяналтын үе шат нь “Зөвлөмж хүлээн авах, гэрээ байгуулах, ажил эхлүүлэх, ажлын явцын хяналт, ажил дуусган хүлээлгэн өгөх ” гэсэн 5 үе шатаар хэрэгждэг.

Зөвлөмж хүлээн авах үе шатанд Нийслэлийн худалдан авах ажиллагааны газраас худалдан авах ажиллагаанд шалгарч ирсэн аж ахуйн нэгжийн материал болон техникийн баримт бичгийг ажлын 3 хоногт шалгадаг. Шаардлага хангасан байгууллагуудтай бид гэрээ байгуулдаг. Хэрэв хууль, дүрэм, журам заалтын дагуух шаардлагыг хангаагүй тохиолдолд бид Үнэлгээний хороо руу буцаах арга хэмжээг авдаг.

Гэрээ байгуулах үе шатанд гүйцэтгэгчид зарим алдаа гаргадаг тул бидний зүгээс дараах зөвлөмжүүдийг хүргэж байна.

Ажлын зураг болон тендерийн бичиг баримтад тусгагдсан ажлын тоо хэмжээ зөрвөл ажлын зургийн тоо хэмжээг баримтална.
Гүйцэтгэгч компани тендерийн бичиг баримт бүрдүүлэхдээ санамсаргүйгээр механик алдаа гарган ажлын тоо хэмжээг зөрүүлэх тохиолдол байдаг. Энэ тохиолдолд ажлын зургийн тоог хэмжээг баримтлана. Хэрэв тоо хэмжээг зөрүүлсэн, ажлын тоог хэмжээг ажилбараар нь орхигдуулсан тохиолдолд тухайн гүйцэтгэгч компанитай гэрээ байгуулахгүй байх үндэслэл болдог.
Аж ахуйн нэгжүүд өөрсдийн санхүүгийн чадавхийг дээшлүүлэхийн тулд түншилж ажил гүйцэтгэдэг. Энэ тохиолдолд түншлэлийн гэрээг Иргэний хуульд нийцүүлэн байгуулж, эх хувиар нь манай газарт ирүүлэх шаардлагатай.
150 сая төгрөгнөөс дээш төсөвт өртөгтэй ажилд гэрээ байгуулахдаа шаардлага хангасан гүйцэтгэлийн баталгаа гаргадаг. Гүйцэтгэлийн баталгааг заавал Захиалагчийн хяналт хийж буй байгууллага болох Нийслэлийн Хөрөнгө оруулалтын газрын нэр дээр гаргана. Нийслэлийн Худалдан авах ажиллагааны газар, ашиглагч байгууллагуудын нэр дээр гүйцэтгэлийн баталгааг гаргадаггүйг та бүхэн анхаараарай.
Гэрээний маягт, хавсралт болох ерөнхий нөхцөл, тусгай нөхцөлийн заалттай сайтар танилцаж гэрээг байгуулж байх. Захиалагчийн зүгээс гэрээний ерөнхий ба тусгай нөхцөлд тухайн ажилбар, барилга угсралтын ажилтай холбоотой нарийн заалтуудыг оруулж өгдөг. Эдгээр заалтуудтай гүйцэтгэгч компаниуд маш сайн танилцаж, хүлээн зөвшөөрсний үндсэн дээр гэрээ байгуулах хэрэгтэй. Энэ нь цаашид ажил хэрэгжих явцад гүйцэтгэгч болон захиалагч байгууллагын хоорондын үл ойлголцлыг арилгах нөхцөл болдог.
Гэрээний хугацааг гүйцэтгэгч байгууллагууд үнэн зөв бодитой тооцож ирэх хэрэгтэй. Өөрсдийн санхүүгийн чадавхи, хүний нөөц, техник тоног төхөөрөмжийн чадлыг ажил гүйцэтгэх хугацаатай маш сайн уялдуулж тооцох шаардлагатай. Учир нь гүйцэтгэгч гэрээний хугацаандаа багтаан ажлаа гүйцэтгэж чадахгүй тохиолдолд хугацаа хэтэрсэн хоног тутамд 0.05 хувийн алданги тооцдог.
Гэрээний маягтад аж ахуйн нэгжийн захирал, эсвэл захирлын итгэмжлэгдсэн төлөөлөгч баталгаажуулалт хийж ирүүлэх шаардлагатай байдаг.
Аж ахуйн нэгжийн гэрчилгээнд бүртгэгдсэн харилцагч байгууллагын банкны нэр, дансны дугаарыг гэрээндээ тусгана. Хэрэв гэрээнд хувь хүний данс эсвэл туслан гүйцэтгэгчийн данс бичигдсэн тохиолдолд тухайн гэрээг хүлээн зөвшөөрөхгүй байх үндэслэл болдог.
Ажил эхлүүлэх үе шатанд хөдөлмөр хамгаалал, аюулгүй байдлын төлөвлөгөө гарган ажиллах хэрэгтэй. Энэ төлөвлөгөөг гарган ажилласнаар гүйцэтгэгч байгууллага нь эрсдлээс өөрийгөө хамгаалж чаддаг.
Ажлын талбай дээр ажиллаж буй мэргэжилтэй ажилчдыг гэнэтийн осол аваараас урьдчилан сэргийлэх даатгалд хамруулах шаардлагатай. Энэ нь гэнэтийн хүчин зүйлсээс үүдэлтэй ажил зогсох, саатах зэрэг нөхцөл байдлаас сэргийлж чадна.
Зөвшөөрөлгүйгээр ажлаа эхлүүлэхээс татгалзах хэрэгтэй. Өөрөөр хэлбэл барилгын ажлыг эхлүүлэх зөвшөөрөл авсны дараа талбай дээр барилгын ажлыг эхлүүлнэ. Манай орны дулааны улирлын хоног цөөн, ажил эрхлэх хугацаа бага байдаг гэсэн шалтгаанаар зөвшөөрөлгүй ажлаа эхлүүлэх тохиолдол байдаг. Зөвшөөрөлгүйгээр ажил эхлүүлсэн тохиолдолд үүсэх бүх эрсдлийг гүйцэтгэгч байгууллага хүлээдэг тул эхлээд барилгын ажлыг эхлүүлэх зөвшөөрлөө авах шаардлагатай.
Нийгмийн хэрэгцээ шаардлагаар зураг төсвийн ажлыг хүлээх боломжгүйгээр шууд гэрээний нөхцөлтэй зураг төслийг боловсруулах ажилтай хамт барилга угсралтын ажлын тендерийг зарлах тохиолдолд гардаг. Энэ тохиолдолд зураг төслийн ажил хийгдсэний дараа Барилгын хөгжлийн төвийн экспертизээр хянуулдаг. Хяналт хийгдэж зураг хүлээн авсны дараа барилга угсралтын ажлыг эхлүүлэх ёстой. Зураг төслийн ажил экспертизээр батлагдаагүй байхад барилга угсралтын ажил эхэлсний дараа дүгнэлт гарч зурган дээр зөрүү гарсан тохиолдолд барилга угсралтын ажлыг шинээр эхлүүлэх шаардлагыг манай газраас тавьж гүйцэтгэгч бүх эрсдлийг бие даан үүрдэг.
Ажлын явцыг зураг төслийн дагуу захиалагч байгууллага хэрэгжүүлэх үүрэгтэй. Хэрэв зураг төсөлд өөрчлөлт орох шаардлагатай бол зураг төслийн зохиогчоос заавал зөвшөөрөл авч манай байгууллагаар баталгаажуулна. Ингэснээр тухайн барилга угсралтын ажил өөрчлөлт орсон зураг төслийн дагуу баригдах боломжтой.
Барилгын ажлын ил тод байдлын акт болон үе шатны ажлын тэмдэглэлийг өдөр бүр хөтлөнө. Захиалагчийн хяналтын инженерүүд барилгын талбай дээр хяналт тавихдаа үе шатны ажлын тэмдэглэлийг өдөр бүрээр шалгадаг. Үе шатны ажлын тэмдэглэл нь ажлын гүйцэтгэлийн явцыг илтгэдэг. Хэрэв тэмдэглэл зөрүүтэй, ажлын явц тодорхойгүй нөхцөлд ажлын гүйцэтгэлийн санхүүжилт олгогддоггүй.
Эрсдлийн төлөвлөгөө гарган ажиллах хэрэгтэй. Гэнэтийн тохиолдлоос урьдчилан сэргийлэх арга хэмжээг заавал төлөвлөж ажиллах хэрэгтэй. Энэ нь гүйцэтгэгч байгууллага бүрийг эрсдлээс хамгаалдаг.
Барилгын материал бүтээгдэхүүнийг зөв сонгох шаардлагатай. Барилга угсралтын ажил дээр хяналт тавихад гарал үүсэл нь тодорхой, тохирлын гэрчилгээтэй материал бүтээгдэхүүнийг барилга угсралтын ажилд хэрэглэхийг зөвшөөрдөг.
Барилга угсралтын талбай дээр зохион байгуулалтын норм дүрмийн шаардлагыг хангаж хөдөлмөр хамгааллын аюулгүй байдлыг хангаж ажиллах хэрэгтэй. ХАБ-ын инженерийг талбай дээр заавал ажиллуулж байх шаардлагатай.
Гэрээт хугацаанд тухайн ажлыг гүйцэтгэх боломжгүй болсон тохиолдолд гүйцэтгэгчээс шалтгаалаагүй хугацаа хэтрэлтийг захиалагчид тухай бүрд нь мэдэгдэж гэрээг сунгуулах хэрэгтэй. Учир нь гэрээ сунгуулаагүйгээс үүдсэн эрсдлийг гүйцэтгэгч өөрөө хариуцдаг.
Санхүүжилтийн бичиг баримтыг бүрдүүлэхдээ үнэн зөвөөр бүх бичиг баримтыг шаардлагын дагуу бүрдүүлэх нь зүйтэй. Бичиг баримтын зөрүүнээс үүдэлтэй санхүүжилтийн алданги гүйцэтгэгч талд хүнд тусдаг. Бичиг баримтыг гүйцэтгэсэн гүйцэтгэлийн дагуу бүрдүүлэх хэрэгтэй. Бодит гүйцэтгэсэн ажлаас их санхүүжилт хүсэх нь аж ахуйн нэгжүүдийн санхүүжилтыг буцаах үндэслэл болдог.
Ажил дуусган хүлээлгэн өгөх үе шатанд гүйцэтгэгч байгууллагууд холбогдох бичиг баримтын бүрдлийг хангах тал дээр сайн анхаарах нь зүйтэй. Учир нь гүйцэтгэгч байгууллагууд барилга барьж дууссанаар ажил дууссан гэж ойлгодог. Гэвч барилгын ажлын ил тод байдлын актыг баталгаажуулах, үе шатны ажлын гүйцэтгэлийн тэмдэглэл хөтлөх, барилгын улсын хяналтыг хэрэгжүүлэх эрх бүхий байгууллага, зураг төсөл зохиогчоос тавьсан хууль ёсны шаардлагыг биелүүлж бүх бичиг баримтыг бүрдүүлж ажиллах хэрэгтэй. Комиссын актыг хугацаанд нь буюу 14 хоногийн дотор баталгаажуулж, комисс ажиллан хүлээн авсны дараа ашиглагч байгууллагууд, цаашид барилгыг хариуцаж явах байгууллагуудад барилга ашиглалтын зааварчилгаагаар маш сайн хангах хэрэгтэй. Ингэсэн тохиолдолд барилгын ажлыг бүрэн дууссан гэж үздэг.
Мөн зураг төслийн гүйцэтгэгч нарт дараах зөвлөмжийг хүргүүлж байна.

Зураг төслийн гүйцэтгэгч нар байр зүйн дэвсгэр зургаа тухайн гүйцэтгэж байгаа ажил бүр дээр шинэчилж гаргаж байх шаардлагатай байна. Учир нь өөрийн өмнө гүйцэтгэж байсан зургийн дэвсгэр зургийг шинэ ажил дээрээ ашигласнаас үүдэн тухайн газар өнгөрсөн онуудад шинээр хийсэн трасс, шугам хоолой, инженерийн шугам сүлжээ, өндөр хүчдлийн шугам гэх мэт ажлуудаас үүдэн тухайн зургийн ажлыг шинэчлэх шинээр зураг эрсдэл гардаг. Тиймээс байр зүйн дэвсгэр зургаа ажил бүр дээр заавал шинэчилж ажиллах нь зүйтэй.
Туслан гүйцэтгэгчийг маш зөв сонгож ажиллах хэрэгтэй. Туслан гүйцэтгэгч буруу сонгосноос үүдэлтэй эрсдлийг зураг төслийн гүйцэтгэгч өөрөө хариуцдаг. Туслан гүйцэтгэгчээс шалтгаалан ажил удсан тохиолдолд захиалагч байгууллага зөвхөн үндсэн гүйцэтгэгчтэй хариуцлага тооцно.
Зураг төслийн ажлыг хийх явцад хангагч байгууллагууд буюу ус, дулаан, эрчим хүч түгээх сүлжээнүүдтэй маш сайн зөвшилцөж ажиллах нь зүйтэй. Учир нь зөвшилцөж тохироогүйгээс үүдэн хийсэн зургийн ажлын техникийн нөхцөл өөрчлөгдөж дахин зурах эрсдлийг гүйцэтгэгч хүлээдэг.
Дээрх зөвлөмжүүдийг та бүхэн анхааран ажиллахыг хүсье.

Бидний зүгээс Нийслэл хотын бүтээн байгуулалтын ажилд та бүхэнтэй хамтарч ажиллахад таатай байх болно.



Анхаарал хандуулсан та бүхэнд баярлалаа.

”АЖЛЫН БАЙРЫГ МИНЬ БУЦААЖ ӨГӨӨЧ” ЭСЭРГҮҮЦЛИЙН ХӨДӨЛГӨӨН МАРГААШ ЭХЭЛНЭ
ШУА-ийн Геологи, палеонтологийн хүрээлэнгийн байрыг БЗД-ийн Прокурорын газарт балансаас баланст шилжүүлэх тухай Шийдлийн Засгийн газрын 270-р тогтоолыг цуцалж өгөх асуудлаар ”Шинжлэх ухаанаа аваръя” түр хороо, Шинжлэх ухааны байгууллагуудын Үйлдвэрчний эвлэлийн нэгдсэн хорооноос 2017 оны 2-р сарын 16-ны өдөр хэвлэлийн бага хурал хийж, хариуг 2-р сарын 21-ний өдрийн дотор бичгээр авахаар Ерөнхий сайдад шаардлага хүргүүлсэн болно.
Гэвч шаардлагын хариу ирээгүй тул 2017 оны 2-р сарын 23-ны өдрийн 11.00 цагаас ”Ажлын байрыг минь буцааж өгөөч?” нэртэй гадаа ажиллах эсэргүүцлийн хөдөлгөөнийг хугацаагүй зохион байгуулахаар шийдвэрлэв. Улмаар асуудлыг шийдэж өгөхгүй бол 2017 оны 3 дугаар сарын эхээр шинжлэх ухааны салбарынхныг хамарсан Засгийн газрын чихний бөглөөг гаргах ”Үлэг гүрвэлийн цурхираан” нэртэй жагсаалыг зохион байгуулна. Жагсаалын үед Палеонтологийн хүрээлэнгийн эрдэмтдийн олон арван жилийн турш судлан цуглуулсан дэлхий ховор сонин үлэг гүрвэлүүд жагсаж ”орох орон”-гүй болсондоо гашуудаж, Засгийн газраас орон байраа буцааж өгөхийг цурхиран гуйх арга хэмжээ болно.
”Шинжлэх ухаанаа аваръя” түр хороо
Шинжлэх ухааны байгууллагуудын
Үйлдвэрчний эвлэлийн нэгдсэн хороо

Америкийн Вашингтон дэх амьтны хүрээлэнгийн хулсны баавгай эх орондоо буцаж ирэхээр боллоо
Хятадын Олон Улсын Радио (GMT+08:00) 2017-02-21 17:07:17

ХОУР ярьж байна. Сайн байцгаана уу эрхэм сонсогчид оо. Америкийн Вашингтон дэх Смитсоны амьтны төв хүрээлэнд сүүлийн үед хулсны баавгайг сонирхох хүмүүс олширч, хөл хөдөлгөөн ихтэй байна. 3 настай хулсны баавгай Баобао эх орондоо буцах болсон учраас тухайн нутгийнхан салж ядсан сэтгэлээр үдэж байгаа нь энэ билээ. Орон нутгийн цагаар 15-нд, ХОУР-аас Америкт суугаа сэтгүүлч Лю Шяо хүн Смитсоны амьтны төв хүрээлэнгийн хулсны баавгайн ордны удирдлага болон асрагчидтай уулзаж ярилцсан юм.

Хулсны баавгай Баобаог Смитсоны амьтны төв хүрээлэнгийн амин эрдэнэ гэлцдэг. Тус хүрээлэнгийн хулсны баавгайн ордны даргын орлогч Лоре Томпсоны танилцуулснаар ”Баобао гэдэг хулсны энэхүү баавгайн эх Мэй Шян Америкт байх хугацаандаа буюу 2005 онд Тай Шань гэдэг эр бамбарууш төрүүлснээс хойш дахин төрөөгүй байж байгаад 2012 онд хоёр дахь бамбаруушаа төрүүлсэн боловч тэр нь долоохон хоног амьдраад энэ хорвоог орхисон юм. Тэгэхээр Баобао мэндэлсэн нь үнэхээр гайхамшиг байлаа.

Лоре Томпсоны ”Бид энэ Баобаог нэгэн гайхамшиг хэмээн ярьдаг. Энэ маань бидний олон жил хүсэн хүлээсэн бамбарууш юм. Тай Шань 2005 онд төрсөн. Харин Баобао 2013 онд төрсөн. Энэ хоёр бамбарууш олон жилийн зайтай төрсөн болохоор олон ч мэргэжилтэн Мэй Шянг дахиж төрөхгүй гэж үзэж байсан юм. Баобао мэндэлж тэдний таамаглал буруу байсныг мэдрүүлсэн даа” гэжээ.

Баобао ийм их хувь тавилангаар мэндэлсэн болохоор Вашингтоны олон нийтийн хайр энхрийллийг ихээр татсан болов уу гэж тус амьтны хүрээлэнгийн зүгээс Хятадаас Америкт суугаа элчин сайдын яам, Америкаас Хятадад суугаа элчин сайдын яамдтай хамтран интернет сүлжээгээр бамбаруушинд нэр өгөх ажиллагааг зохион явуулж, даян дэлхийн анхаарлыг татсан ба шалгаруулалтын дүнд тухайн үед Америкаас Хятадад сууж байсан элчин сайд Лүө Жяхүйгийн өгсөн ”Баобао” гэдэг нэр олны дэмжлэгийг авснаар бамбарууш тийнхүү Баобао нэртэй болсон юм.

Баобао бамбаруушны асрагч Марти Деари ”Баобао маань эрх танхи зангүй, харин ч маш чадварлаг, гэхдээ жаахан омголон байдаг л даа” хэмээн сэтгэл хөдлөн хэлж байсан юм.

Марти Деари ”Баобао бие даасан, өөрийнхөөрөө зантай. Хар нялхаасаа л модонд авирах дуртай. Эх нь ч адилхан, бид ч адилхан модноос нь буулгаж авах гэж үнэхээр цөхрөнгөө бардаг. Тэр өөрийнхөөрөө л байх дуртай, бид заримдаа энэ үнэхээр муур шиг юмаа гэлцдэг. Зүгээр суухгүй, мөн олонтойгоо байдаггүй болохоор хаяа нэг ирээд ноолохоор нь бид үнэхээр их баярладаг юм” гэжээ.

Марти Деаригийн танилцуулснаар сүүлийн үед хулсны баавгайн ордны мэргэжилтнүүд Баобаог нисэх онгоцны бүхээгт суулгах дасгал хийлгэж байгаа юм байна. ”Баобао маань бие дааж сурснаараа аргагүй амархан дасаж байна даа, дэндүү их дасаад онгоцны бүхээгээс гарах дургүй болчихвий гэж санаа зовох юм” гээд Марти Деари инээмсэглэж байлаа.

Баобаог хар багаас нь эх оронд нь буцаах бэлтгэл хийсэн тухайгаа тус хүрээлэнгийн хулсны баавгайн ордны даргын орлогч Лоре Томпсон ийн хуучилсан юм.

Лоре Томпсон ”Баобаог хар нялхаас нь бид дасгал хийлгэж, эх оронд нь буцаах бэлтгэл хийлгэж байлаа. Бид үндсэн мэдлэгтэй болгосон. Жишээ нь өөрийн бие эрхтнээ таних, цус авах, ЭХО зэргийг мэддэг болгосон. Эх орондоо буцсаны дараа хээл тогтох үед сурсан эдгээр зүйлс нь хэрэг болох юм” гэжээ.

Харийн нутагт төрсөн хулсны баавгайнуудыг 4 настай болохоос нь өмнө эх оронд нь буцаадгийг хүмүүс мэддэг боловч их олон хүн Баобаог явуулах дургүй байгаагаа илэрхийллээ хэмээн Лоре Томпсон ярьж байлаа.

Багшилж байгаад тэтгэвэртээ гарсан 75 настай хатагтай Потемкин хулсны баавгайг их шохоорхдог ажээ. Тэрээр сэтгүүлчид хэлэхдээ ”би өдөр болгон цагаан ордон уруу утсаар ярьж, Баобаог эндээ байлгах талаар Хятад улсын даргатай ярихыг Америкийн ерөнхийлөгчөөс шаардаж байна” гэжээ.

Энэ асуудалтай холбогдуулан Лоре Томпсон хэлэхдээ ”Баобао маань өсөж том болж байгаа болохоор өөрийн гэсэн амьдралтай байх шаардлагатай. Эх орондоо буцаж ханьтай болж, үржиж төлжин, удам угсаагаа залгах ёстой. Вашингтонд байгаад байх юм бол гав ганцаараа өтөлнө шүү дээ” гэжээ.

11.00 цагт Хөдөлмөр, халамж үйлчилгээний ерөнхий газарт ”Насны хишиг” олгож эхэлсэн талаар мэдээлэл хийнэ.

11.00 цагт Баянгол дүүргийн 57-р цэцэрлэгт (28-р сургуулийн хойно) ”Сайн хүн” хүмүүжлийн аян эхэлнэ. Утас: 325044

11.00 цагт Нийслэлийн агаарын бохирдлыг бууруулах газраас Чингэлтэй дүүрэгт шалгалт хийнэ. Утас: 99245532

11.00 цагт ”Үндэсний мэдээллийн төв”-д ТҮЦ эрхлэгчдийн холбооноос цаг үеийн асуудлаар мэдээлэл хийнэ.

Төрийн ордонд

УИХ дахь Ардчилсан намын бүлэг ОУВС-гийн асуудлаар өргөтгөсөн хуралдаан хийнэ.

10.30 цагт Монголын эртний түүхийн таван боть номын нээлт болно.

11.00 цагт ”В” танхимд Өргөдлийн байнгын хороо 2016 оны намрын чуулганы хугацаанд хийсэн ажлаа танилцуулна.

11.30 цагт “В” танхимд Эдийн засгийн байнгын 2016 оны намрын чуулганы хугацаанд хийсэн ажлаа танилцуулна.

14.30 цагт Төрийн есөн хөлт цагаан тугт танхимд Элчин сайд цол гардуулна.

Хан-Уул дүүргийн XV хороо Рапид харш хорооллын 25 дугаар байрны лифт унажээ. Өчигдөр 21 цагийн орчимд унасан лифтэнд нэг эмэгтэй дөрвөн настай охинтойгоо зорчиж байсан байна. Тэднийг долоон давхарт явахад нь гэнэт тог тасарч лифт доош унажээ.

Өнөөдөр Баянзүрх, Чингэлтэй, Сүхбаатар дүүргийн эрүүгийн хэргийн анхан шатны шүүхэд Г.Дэнзэнд холбогдох хэргийг шүүн хэлэлцэх тов гарчээ.

Нийслэлийн Давж заалдах шатны шүүх энэ сарын 9-ны өдөр дөрвөн настай охиноо зодон аминд нь хүрсэн гэх Г.Маралмаад оноосон анхан шатны шүүхийн шийдвэрийн 23 жилийн ялыг хүчингүй болгожээ.

УИХ-ын гишүүн асан Б.Гарамгайбаатарыг сэжигтнээр татаж, хүү Г.Тэнгис, төрсөн дүү Б.Оюунцэцэг нарынх нь хамт шалгаж эхэллээ

Хэдхэн сарын өмнө Далай ламын айлчлалаас болж, Монголын улс төрчдийн айлчлалыг цуцалж, зээл олгох гэрээгээ царцааж байсан урд хөршийнхөн гэнэтхэн сайхан аашлаж, монголчуудад туслах болсноо мэдэгдэв. Энэ нь цаанаа ямар нэгэн учир шалтгаантай гэх хардлага өдгөө нийгэмд төрөөд байна. Хэсэг хугацаанд монголчуудаас нүүр буруулаад байсан урд хөршийнхөн Гадаад хэргийг сайд Ц.Мөнх-Оргилийг эх оронд урьж, монголын талд дэмжлэг үзүүлэх болсноо зарлав орхив. Энэ нь Монгол Улс ОУВС-тай хамтран “Өргөтгөсөн санхүүжилтийн хөтөлбөр”-ийг хэрэгжүүлэх болсонтой холбоотой гэгдэж байгаа ч үнэн хэрэгтээ монголын эдийн засгийг сэхээнд орсон байгаа энэ үеийг далимдуулж өөрсдийн хүслийг гүйцэлдүүлэх бодлого явуулж байхыг үгүйсгэхгүй гэж хардах олон байна.

ХОНЬ - (3/21-4/19)



Аливааг шинээр эхлэх, идэвхитэй ажиллахад тохиромжтой. Залхуу хойрго байж болохгүй, чухал боломжийг алдана. 15 цагаас эхэлсэн ямар ч ажил амжилттай хэрэгжинэ. Замд гарах, засвар сэргээх ажлыг эхлэх, чухал шийдвэр гаргахад сайн. Шинэ ажилд орох, уулзалт зохион байгуулах, бичиг баримтад гарын үсэг зурахад сайн.



ҮХЭР - (4/20-5/20)



Хянуур болгоомжтой байх өдөр. Бэртэх, гэмтэх магадлал өндөр байгаа тул ахуйн осолд өртөхөөс сэргийл. Машин техниктэй харьцахдаа хянуур бай. Урьдчилан тооцоолоогүй, хүнд нөхцөл үүсч болзошгүй. Ер нь чухал ажил төрлөө хойшлуул. Аливааг шинээр эхлэхэд таагүй.



ИХЭР - (5/21-6/21)



Идэвхитэй өдөр. Залхуу хүрмээр санагдаж байлаа ч энэ өдрийг хий дэмий өнгөрөөхгүй байхыг хичээ. Үдээс өмнө ажилдаа арай налгар хандаж болох хэдий ч үдээс хойш идэвхитэй байж, чухал ажлаа амжуул. Шинэ хүнтэй танилцах, түншийн харьцаагаа өргөжүүлэхэд сайн.



МЭЛХИЙ - (6/22-7/22)



Идэвхитэй эрэл хайгуулын өдөр. Ямар ч асуудлыг шийдвэрлэхэд идэвхитэй эрэлхийлэл, хамтын зүтгэл шаардлагатай. Гэр бүлийн хүрээнд зөрчилтэй байгаа бол ойлголцоход тохиромжтой. Ганц бие хүнд сонин учрал тохионо. Тэр хэн нэгнээс бэлэг авах бололтой. Санхүүгийн асуудалд аз сориод хэрэггүй, алдах магадлалтай.



АРСЛАН - (7/23-8/22)



Идэвхитэй, шийдэмгий байвал амжилтанд хүрнэ. Санхүүгийн бүх төрлийн ажиллагаа, худалдаа аршшаа ашигтай. Бусад хүнтэй идэвхитэй харьцвал хэрэгтэй мэдээллийг олж авна. Эрүүл агаарт гарах буюу аялал зугаалгаар явбал эрч хүч нэмэгдэнэ. Сэтгэл санаагаа ариусга.



ОХИН - (8/23-9/22)



Мэдээллийн чиглэлийн үйл ажиллагаанд сайнгүй өдөр. Онцын шаардлагагүй бол эмчид очих хэрэггүй, мөн машин тэргээ засуулах гэвэл бүтэл муутай болж магадгүй. Хэрвээ чухал уулзалт, ажил хэрэг төлөвлөсөн бол цагаасаа хоцрохгүйн тулд эртхэн гараарай. Хувийн амьдралын хүрээ ч тайван бус байна.



ЖИНЛҮҮР - (9/23-10/22)



Хичээл зүтгэлээ төвлөрүүлж бүх ажлаа амжуул. Ганцаар ажилласнаас бусдын тус дэмийг авч хамтарч ажиллах нь илүү үр дүнтэй тул хамт ажиллагсдаасаа туслалцаа хүс. Мөн тэдний зөвлөгөөг ав. Настай хамаатан өвдөж сэтгэл түгшээнэ.



ХИЛЭНЦ - (10/23-11/21)



Ажил мэргэжлийн хүрээнд хэцүү нөхцөл байдал үүсч болзошгүй. Тиймээс хэн нэгэнтэй маргаж мэтгэлцэхээс зайлсхий. Хүлээцтэй, тэвчээртэй байвал хожно. Эрүүл мэндээ анхаарах шаардлага гарна. Ямартай ч эмийг дур мэдэн хэрэглэдэгээ болих хэрэгтэй. Хордох магадлалтай. Унтахынхаа өмнө өдрийн ажлаа цэгнэн бодож, ирээдүйгээ өөдрөгөөр хараарай.



НУМ - (11/22-12/21)



Сайн өдөр. Та төлөвлөснөө амжилттай хэрэгжүүлж чадна. Хуучин түнш, сургуулийн анд, эсвэл хуучны найзтайгаа уулзаж болзошгүй. Хэрвээ та урьд өмнө ямар нэг ажлыг, нөхцөл байдлыг дуусгалгүй орхисон бол өнөөдөр энэ хэрэг өөрчлөгдсөн хувилбараар давтагдана. Уран бүтээлчид, зураач нарт тааламжтай өдөр.



МАТАР - (12/22-1/19)



Эрч хүчээр сэлбэгдэх өдөр. Бусдын хуурамч баг гээгдэж, үнэн дүр нь ил гарна. Та ямар ч ярвигтай нөхцөл байдлын учрыголж, зохицуулж чадна. Аливааг шинээр эхлэх, хэт идэвхитэй хөөрүү байхаас зайлсхий. Хэлэх үгээ сайн хянахгүй бол тэмцэл маргаан үүснэ.



БУМБА - (1/20-2/18)



Энэ өдөр эрүүл мэндээ ч, нэр хүндээ ч анхаарах шаардлагатай. Бусад хүн таныг хэрхэн үнэлж цэгнэх нь чухал тул ухаалаг, хянуур байхыг хичээгээрэй. Хайртай хүнтэйгээ харьцахдаа тэсвэр тэвчээртэй байгаарай. Нөхцөл байдал таагүй болж, та өөрийн хүч чадалд итгэлгүй болно. Та ямар нэгэн таагүй үйл явдлыг нэхэн санах бололтой. Сэтгэл санаагаа түвшин байлга.



ЗАГАС - (2/19-3/20)



Ажил албаа эмхэлж, санаагаа бусдад зөвөөр ойлгуулахад сайн өдөр. Бусдад хандах хандлага тань ажил төрлийн бүтэмжийг тодорхойлно. Чухал ажлыг эхлэхийн өмнө хуучин ажлаа дуусгахыг хичээ. Та буруу зүйл хийсэн бол буруугаа хүлээж гэмшихэд сайн.

“Би юу хийчихэв ээ” хэмээн сонгуулийн үеэр цахимаар нэг цуурсан Амраагийн шүдэнз одоо л бидэн хэрэгтэй байна. Иргэдийн амьдрал ирэх жилүүдэд дээшлэх найдлага улам бүр багасаж, идэж, уух хүнсний зүйлсийн үнэ тэнгэрт хадаж, эрээвэр хураавар амьдрал минь нэг л бараантаад явчихлаа. Сайн сайханд тэмүүлэх, санаагаараа тэнүүн амьдрахад минь Амраагийн “гэрэл” хэрэгтэй байна. Та дахин нэг шүдэнзээ сураад “МАН юу хийчихэв ээ” хэмээн хашгираад өгөөч. Тэд эдийн засгаа аврах нэрийдлээр иргэдийнхээ амьдралыг дэнчин тавьж, татвараар дарамталж, тэтгэвэр халамжаа хумиж, орлого бүрээс нь хүссэн татаасаа авах юм гэнэ.

Засгийн газрын ээлжит хуралдаан маргааш 10:00 цагт болно. Хуралдаанаар сайд нар долоон асуудал хэлэлцэж, нэг танилцуулгыг сонсохоор товложээ.

2017.2.22, ЛХАГВА ГАРАГ / БИЛГИЙН ТООЛЛЫН: 26

ӨВЛИЙН АДАГ ЦАГААГЧИН ҮХЭР САР
ГУРВАН ХӨХ МЭНГЭТЭЙ ЦАГААН ЛУУ ӨДӨР

Аргын тооллын: 2017.2.22, Лхагва гараг
Наран ургах шингэх: 07.47-18.26
Үс засуулбал: Жаргал үргэлжид ирнэ
Барилдлага: Рашаан
Шүтэн барилдлага: Тийн мэдэхүй
Тухайн өдөр гахай, хулгана, үхэр, луу, нохой жилтнээ аливаа үйлийг хийхэд эерэг сайн ба могой, морь жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр насны хүч дэлгэрнэ. Эм найруулах, угаал үйлдэх, бэр авах, насны авшиг, насны бүтээл хийх зан үйл хийгээд төрөл садан бололцох, хуран чуулах, үс угаах, худалдаа наймааны үйлнээ сайн. Зүүн нүд татвал хувцас олдох, баруун нүд татвал тэмцэл болох, баруун чих хангинавал сайн, зүүн нь хангинавал өчүүхэн нэгнийг үзэх, тагнай загатнах, бие татвал үзэсгэлэн болох, хөлийн шөрмөс татвал үг, асуулт болно. Өдрийн сайн цаг нь бар, луу, могой, бич, тахиа, гахай болой.

БАРУУН АЙМГУУДЫН НУТГААР: Багавтар үүлтэй. Цас орохгүй. Салхи баруунаас секундэд 4-9 метр. Увс нуурын хотгор, Идэр, Тэс голын хөндий, Хүрэн бэлчир орчмоор шөнөдөө 31-36 градус, өдөртөө 14-19 градус, Их нууруудын хотгор, Монгол Алтайн өвөр хэсэг, Богдын гол орчмоор шөнөдөө 22-27 градус, өдөртөө 6-11 градус, бусад нутгаар шөнөдөө 16-21 градус, өдөртөө 3-8 градус хүйтэн байна.

ТӨВИЙН АЙМГУУДЫН НУТГААР: Солигдмол үүлтэй. Цас орохгүй. Салхи баруун хойноос секундэд 5-10 метр. Хүйтэрч Дархадын хотгор, Ерөө голын хөндийгөөр шөнөдөө 31-36 градус, өдөртөө 14-19 градус, Хангай, Хөвсгөл, Орхон-Сэлэнгэ, Эг, Хараа, Туул, Тэрэлж голын хөндийгөөр шөнөдөө 22-27 градус, өдөртөө 7-12 градус, бусад нутгаар шөнөдөө 17-22 градус, өдөртөө 3-8 градус хүйтэн байна.

ЗҮҮН АЙМГУУДЫН НУТГААР: Үүлэрхэг, шөнөдөө зарим газраар, өдөртөө Халх голын саваар цас орж, зөөлөн цасан шуурга шуурна. Салхи баруун хойноос секундэд 7-12 метр. Хүйтэрч Хэрлэн, Онон, Улз голын хөндийгөөр шөнөдөө 18-23 градус, өдөртөө 7-12 градус, бусад нутгаар шөнөдөө 15-20 градус, өдөртөө 4-9 градус хүйтэн байна.

ОТРЫН НУТАГ ХЭРЛЭНБАЯН-УЛААН ОРЧМООР: Үүлшинэ. Цас орохгүй. Салхи баруун хойноос секундэд 5-10 метр. Шөнөдөө 21-23 градус, өдөртөө 7-9 градус хүйтэн байна.

ГОВИЙН АЙМГУУДЫН НУТГААР: Солигдмол үүлтэй. Шөнөдөө нутгийн өмнөд хэсгээр цас орж, зөөлөн цасан шуурга шуурна. Өдөртөө цас орохгүй. Салхи баруун хойноос секундэд секундэд 5-10 метр, шөнөдөө нутгийн зүүн хэсгээр секундэд 12-14 метр хүрч ширүүснэ. Хүйтэрч шөнөдөө Дундговийн нутгаар 16-21 градус, бусад нутгаар 12-17 градус, өдөртөө бүх нутгаар 1-6 градус хүйтэн байна .

УЛААНБААТАР ХОТ: Үүл багасна. Цас орохгүй. Салхи баруун хойноос секундэд 5-10 метр. Шөнөдөө 19-21 градус, өдөртөө 7-9 градус хүйтэн байна.

Б.Гарамгайбаатар, Н.Батбаяр нарыг баривчиллаа

Олон улсын Жүдо бөхийн холбоо буюу IJF-ээс зохион байгуулдаг цуврал тэмцээний нэг болох Гран при тэмцээн Германы Дюссельдорф хотноо энэ сарын 24-нд эхэлнэ. Тэмцээнд нийт 52 орны эрэгтэй 224, эмэгтэй 156, нийт 380 жүдоч оролцохоор мэдүүлгээ өгөөд байгаа аж.

Жилийн бүрийн гуравдугаар сарын нэгэнд Дэлхийн иргэний хамгаалалтын өдрийг тэмдэглэдэг уламжлалттай. Энэ жилийн хувьд Олон Улсын Иргэний Хамгаалалтын Байгууллагаас дэлхийн иргэний хамгаалалтын өдрийг “Гамшгийн эсрэг иргэний хамгаалалттай хамт” гэсэн уриан дор тэмдэглэн өнгөрүүлнэ. Монгол Улсын хувьд тус уриалгын хүрээнд Дэлхийн иргэний хамгаалалтын өдрийг улсын хэмжээнд тэмдэглэн өнгөрүүлэх юм.

Түүнчлэн Онцгой байдлын ерөнхий газрын хувьд энэ өдрийг байгууллагаа олон нийтэд сурталчилан таниулах, албан хаагчдын чөлөөт цагийг зөв боловсон өнгөрүүлэх, мэдлэг боловсролыг дээшлүүлэх зорилтын хүрээнд спортын уралдаан тэмцээн, мэдээллийн цагийг зохион байгуулан тэмдэглэхээр болсон байна.

Тухайлбал, Гамшгаас хамгаалах тухай хууль шинэчлэн батлагдсантай холбогдуулан төв, орон нутгийн газар, хэлтэс, анги байгууллагууд орон нутагтаа хууль сурталчлах өдрийг зохион байгуулах, “Иргэний хамгаалалтын түүхэн замнал” түүхэн номын нээлтийг хийх, сайн дурын аврагч бэлтгэх сургалт, Их, дээд сургуулиудын оюутнуудын дунд “Оюутан-аврагч” сэдэвт сургалт зохион байгуулах юм.

Мөн “Цэвэр агаар” сэдэвт явган аялал, цасны баяр, Улаанбаатарын хүрээний анги байгууллагын офицер бүрэлдэхүүний гар бөмбөгийн тэмцээн болно

Гадаад харилцааны яамдын Зөвлөлдөх уулзалт амжилттай болж байгаа талаар мэдээлэл авснаа УИХ-ын дарга М.Энхболд уулзалтын эхэнд онцлоод, “Монгол, Япон улс найрсаг харилцаа, хамтын ажиллагааны сайхан уламжлалтай. Хүнд хэцүү цагт бидэнд тусалж, дэмжсээр ирсэн Японы Засгийн газар, ард түмэнд Монголын ард түмэн ямагт гүн талархалтай ханддаг” гэв.

Тэрбээр өнгөрсөн онд Япон Улсын Ерөнхий сайд Ш.Абэ Монголд, Монгол Улсын Ерөнхий сайд Ж.Эрдэнэбат Японд айлчилсан нь хоёр орны худалдаа, эдийн засгийн хамтын ажиллагааг цаашид өргөжүүлэн гүнзгийрүүлэхэд чухал ач холбогдолтой болсон гэдгийг тэмдэглэлээ.

Ноён Такэо Акиба хүлээн авч уулзаж байгаад УИХ-ын дарга М.Энхболдод талархал илэрхийлэв.

Тэрбээр “Албан ёсоор уулзаж байгаа нь энэ удаа боловч би Таныг нэлээд дээр үеэс мэднэ. 2006 онд Япон Улсын Ерөнхий сайд Ж.Коизүми, 2007 онд Японы угсаа залгамжлах Эрхэм дээд хунтайж Нарухито Монголд айлчлах үеэр миний бие Гадаад хэргийн яамны Монголын асуудал хариуцсан хэлтсийн даргаар ажиллаж байсны хувьд ирж, Таныг Монгол Улсын Ерөнхий сайд байхад тань уулзаж байсан” гэж ярив.

Ноён Гадаад хэргийн дэд сайд “Зөвлөлдөх уулзалт амжилттай боллоо. Монгол Улсын Гадаад харилцааны яамны Төрийн нарийн бичгийн дарга Д.Даваасүрэн бид хоёр АНУ болон дэлхий дахины улс төрийн харилцаанд тодорхой өөрчлөлт орж байгаа ийм үед Монгол, Япон хоёр улс нягт холбоо харилцаатай байж, Гадаад харилцааны яам хооронд тогтмол мэдээлэл солилцож, байр сууриа хамтран илэрхийлж байх нь чухал гэж тохиролцлоо. Ноён Д.Даваасүрэнгээс Монголын эдийн засгийн өнөөгийн байдал, хийх гэж буй өөрчлөлтийн талаар олон зүйлийг мэдэж авсан. Монгол Улс эдийн засгаа сэргээхийн тулд ОУВС-тай тохиролцоонд хүрч байгаад баяртай байна. ОУВС-гийн хөтөлбөрийг хэрэгжүүлэх явцад шаардлага гарвал бид та бүхэнд тусалж, дэмжсээр байх болно” гэв.



УИХ-ын дарга М.Энхболд “Арваннэгэн жилийн өмнө миний бие Ерөнхий сайдын хувиар Японд айлчилж, ноён Ж.Коизүми Монголд ирж байлаа. Бидний анх эхлүүлсэн Хөшигийн хөндийд нисэх онгоцны буудал барих ажил бодит үйл хэрэг болж, ашиглалтад орох гэж байгаад баяртай байна” гээд Монгол Улс ОУВС-гийн хөтөлбөрт хамрагдах үйл явц, өнөөгийн нөхцөл байдал, хөтөлбөрийн шаардлагын талаар товч мэдээлэв.

Уулзалтын үеэр мөн Монгол, Японы хооронд дипломат харилцаа тогтоосны 45 жилийн ойн хүрээнд, энэ оны гуравдугаар сард Японд хийхээр төлөвлөж буй Монгол Улсын Их Хурлын даргын айлчлалын бэлтгэл ажлын талаар хөндөж ярилцав.

Түүнчлэн Хөшигийн хөндийн нисэх онгоцны буудлын менежементийг Японы хувийн компаниуд хариуцан ажиллах сонирхолтой байгаа талаарх асуудлыг Гадаад хэргийн дэд сайд ноён Такэо Акиба хөндсөнд УИХ-ын дарга М.Энхболд “Өмнөх Засгийн газар шийдвэрээ гаргасан. Тэр шийдвэр хэрэгжих ёстой. Гол нь үйлчилгээний үнэ тарифаа Монголын нөхцөл, монголчуудын эрх ашигт нийцүүлэхэд анхаарах ёстой гэж үзэж байна” гэлээ.

Уулзалтад Монгол Улсын Гадаад харилцааны яамны Төрийн нарийн бичгийн дарга Д.Даваасүрэн, Ази, Номхон далайн орнуудын газрын захирал Э.Сарантогос, Япон Улсаас Монгол Улсад суугаа Онц бөгөөд Бүрэн эрхт Элчин сайд Масато Такаока, Японы Гадаад хэргийн яамны Хятад, Монголын газрын захирал Казүяа Эндо, тэргүүн дэд захирал Шиничиро Хаяаши, дэд захирал Саяако Оцү нарын зэрэг албаны хүмүүс байлцлаа гэж УИХ-ын Тамгын газрын Хэвлэл мэдээлэл, олон нийттэй харилцах хэлтсээс мэдээлэв.