НАСА нарны аймгаас гадна орших гаригуудын талаар шинэ мэдээлэл өгөхөө мэдэгдлээ.

2017 оны 1-р сард улсын хэмжээнд Тээврийн хэрэгсэл хөдөлгөөний аюулгүй байдал, ашиглалтын журмын эсрэг гэмт хэрэг 154 бүртгэгдсэнээс орон нутагт 74 бүртгэгдэж, 38 хүн хүнд, хөнгөн гэмтэж, 32 хүний амь нас хохирсон харамсалтай тоо бүртгэгдсэн байна. Үүнээс замын хөдөлгөөнд оролцож байсан хэлбэрээр нь авч үзвэл жолооч-7 буюу 22%, явган зорчигч-8 буюу 25%, тээврийн хэрэгслээр зорчигч-17 буюу 53%-ийг тус тус эзлэж байна.
Дээрх судалгаанаас үзэхэд суурингийн гаднах замд тээврийн хэрэгслээр зорчигч зам тээврийн осолд өртөж амь нас, эрүүл мэндээрээ хохирох асуудал дийлэнх хувийг эзлэж байгаа нь жолооч, зорчигч нар хамгаалах бүсийг хэрэглэж хэвшээгүй, хүн ба ачаа тээврэлэх журам зөрчдөг, хурдыг тогтоосон хязгаараас хэтрүүлж байгаатай холбоотой юм.
Монгол улсын Замын хөдөлгөөний дүрмийн 2 дугаар зүйлд “Жолооч нь хамгаалах бүсээр тоноглогдсон автомашин жолоодохдоо хамгаалах бүс хэрэглэх, хамгаалах бүс хэрэглээгүй зорчигч тээвэрлэхгүй байх” үүрэгтэй төдийгүй, 4 дүгээр зүйлд “Тээврийн хэрэгслээр зорчигч нь хамгаалах бүсээр тоноглогдсон автомашинаар зорчихдоо хамгаалах бүс хэрэглэх, мотоциклоор зорчихдоо хамгаалах малгай өмсөх” үүрэгтэй гэсэн дүрэм бий. Мөн үйлдвэрээс тавьсан хамгаалах бүс, суудлын дэр байхгүй буюу шаардлага хангахгүй болсон тохиолдолд автомашин, чиргүүл, мотоцикль, мопед, трактор болон өөрөө явдаг машин, механизмыг ашиглахыг хориглодог. Өнөөдрийн байдлаар хамгаалах бүс хэрэглэх явдалыг жолооч нар зөвхөн цагдаагийн нүдийг хуурах төдий авч үзэж, цагдаа харагдсан тохиолдолд мөрөн дээгүүрээ сул тохох, эсвэл өөрөө бүсээ зүүчихээд зорчигчдод хэрэглэхийг шаардахгүй явах нь хэвийн үзэгдэл болжээ.
Автомашин урд хэсгээрээ мөргөлдөх үед хүмүүс их гэмтдэг болохыг эрдэмтэд тогтоогоод, хамгаалах бүсийг зөв хэрэглэвэл урд суудалд сууж явсан хүнийг 40-50%, хойд суудалд сууж явсан хүнийг 70-75% хувиар осол гэмтэл, эрсдлээс бүрэн хамгаалдаг гэсэн судалгаа байдаг. Автомашин урдуураа мөргөлдөх тохиолдолд сууж яваа хүн энерцийн хүчний үйлчлэлээр автомашины мөргөлдөх үеийн хурдтайгаар урагш шилжиж, бүхээг доторх эд ангийг мөргөдөг. Автомашин мөргөлдөх үед сууж яваа хүмүүст ирэх ачааллыг өндрөөс унахтай харьцуулвал 30 км/цагийн хурдтай явахад 3.5 метр өндөрөөс унахтай адил байдаг. Тээврийн хэрэгслийн хурд ихсэх тусам хамгаалах бүсний ач холбогдол алдагддаг.
Хэдийгээр автомашин бүр өөр өөрийн онцлог хийц, загвартай байх боловч хамгаалах хэрэгслийн ерөнхий зарчим, ач холбогдол бүх улсад ижил юм. Зам тээврийн ослын үед хамгаалах бүс хэрэглээгүй хүмүүсийн 32% нь нуруу нугасны, 50-иас илүү хувь нь нүүрний болон толгойн гэмтэл авч, 53%-нх нь тархи доргихоос гадна хамрын болон эрүүний яс хугарч, дух, нүүрний хэсэг зүсэгддэг болохыг тогтоожээ.
Замын цагдаа нар хамгаалах бүс хэрэглэхийг шаардаж байгаа нь жолооч таныг дарамтлан хүндрүүлж байгаа хэрэг огт биш, болзошгүй осолд өртөлгүй эсэн мэнд байгаасай гэсэн урьдчилан сэргийлэх арга хэмжээ юм гэдгийг ойлгоорой.
ХАМГААЛАХ БҮС НЬ ТАНЫ АМЬ НАС, ЭРҮҮЛ МЭНДИЙГ ХАМГААЛАХЫН ТУЛД БҮТЭЭГДСЭН АВРАГЧ ЮМ. ХЭРЭВ ХЭРЭГЛЭХГҮЙ БОЛ ТАНЫГ ХАМГААЛАХГҮЙ.

Эрүүл мэндийн яам, Монголын эрүүл мэндийн ажилтны ҮЭ-ийн холбоо, Хувийн хэвшлийн эмнэлгүүдийн холбооны төлөөлөл бүхий “Эрүүл мэндийн салбарын хэмжээнд 2017-2018 оны хөдөлмөр нийгмийн зөвшлийн гурван талт хэлэлцээр” өнөөдөр Эрүүл мэндийн яамны Б танхимд боллоо.

Хэлэлцээрт талууд тус бүрээс 9 төлөөлөгч оролцож, ЭМЯ-ны төлөөлөгчдийг Төрийн нарийн бичгийн дарга Д.Очирбат, ажилтны төлөөлөгчдийг Монголын эрүүл мэндийн ажилтны ҮЭ-ийн холбооны дарга Б.Мягмар, ажил олгогдыг төлөөлж Монголын хувийн хэвшлийн эрүүл мэндийн байгууллагуудын нэгдсэн холбооны Ерөнхийлөгч Б.Даш-Яндаг нар ахалжээ.

Энэхүү хэлэлцээрээр эрүүл мэндийн салбарын ажиллагсадын хөдөлмөр, цалин хөлс, хөдөлмөрийн аюулгүй байдал эрүүл ахуй зэрэг асуудлуудыг тусгасан 7 бүлэг 81 заалт бүхийн саналыг Монголын эрүүл мэндийн ажилтны ҮЭ-ийн холбооноос Эрүүл мэндийн яам, Монголын хувийн хэвшлийн эрүүл мэндийн байгууллагуудын нэгдсэн холбоодод хүргүүлж, хэлэлцээрийг эхэлж байгаа юм.

2017-2018 онд хэрэгжүүлэхээр байгуулах гэж буй энэхүү хэлэлцээрийн төслийг МЭАМҮЭХ-ноос санаачлан боловсруулжээ. Тэд уг хэлэлцээрийн төсөлд салбарын ажилтнуудын цалин хөлсийг ирэх сарын 1-нээс 10 хувиар нэмэгдүүлэх, хөдөлмөрийн хөлсний доод хэмжээг 1,5 дахин нэмэгдүүлж 360 мянган төгрөг болгох, элэгний C вирусын халдвартай эрүүл мэндийн ажилтнууддаа Харвони эмийг үнэ төлбөргүй олгох асуудлыг энэ оны тавдугаар сарын нэгний дотор шийдвэрлэнэ, төрийн өмчийн эрүүл мэндийн байгууллагуудыг хувьчлахгүй байх зэрэг салбарын ажилтнуудын цалин хөлсийг нэмэгдүүлэх, тэдний эрүүл мэндийг хамгаалах талаар тодорхой саналыг тусгажээ. Тэдний дэвшүүлж буй эдгээр асуудлаар талууд байр сууриа илэрхийлэв.

ЭМЯ-ны Төрийн нарийн бичгийн дарга Д.Очирбат: УИХ-аас баталсан төсвийг өөрчлөх боломжгүй.Засгийн газар, МАОЭНХ, МҮЭХ хооронд байгуулсан хөдөлмөр нийгмийн зөвшлийн гурван талт хэлэлцээрт цалин нэмэгдүүлэх тухай заагаагүй. Бид салбарын ажилтны ажлын ачаалал, цалин хөлс нийгмийн асуудлыг ойлгож байгаа. Гэвч бид салбарын хэлэлцээртээ хуулиас давсан заалт оруулж болохгүй” хэмээсэн.



МЭМАҮЭ-ийн холбооны дарга Б.Мягмар ”Эрүүл мэндийн сайд А.Цогцэцэг салбарын ҮЭ-ийн холбооноос үндэсний хэмжээнд зохион байгуулсан “Эрүүл мэндийн ажилтнуудын нийгмийн баталгааг сайжруулах талаар эрүүл мэндийн сайдтай хийсэн зөвлөлдөх уулзалт”-ын үеэр цалин хөлсийг нэмэх, нийгмийн асуудлыг шийдвэрлэх боломж бий. Яагаад та нар минь ийм итгэл муутай байна вэ. Яам та нарыг сонсч шийдвэрлэх гэж багаараа ирлээ. Боломж бий, шийдвэрлэнэ” гэж хэлсэн. Мөн надтай ажил хэргийн 2 удаагийн уулзалтаараа он гарангуут цалин нэмэх боломж байна гэж хэлж байсан. Гэтэл ЭМЯ-наас 2017-2018 онд салбарын ажилтнуудынхаа цалин хөлсийг нэмэгдүүлэх саналуудыг хүлээж авахгүй хэлэлцээрээс хасах санал ирүүлснийг шүүмжилж, 2018-2019 оны төсвийн хүрээний мэдэгдэлд ч цалин нэмэх асуудал тусгагдаагүй гэсэн хариуцлагагүй тайлбар ирүүлснийг эрс эсэргүүцэж байна. Ажил ам хоёроо зөрүүлэхгүй ажиллах хэрэгтэй. Энэхүү хэлэлцээрийн төсөлд бид Төрийн нарийн бичгийн даргын хэлж байгаа шиг хууль зөрчсөн нэг ч заалт оруулаагүй. Монгол Улсын Хөдөлмөрийн тухай хуульд зааснаар зохицуулж болох, шаардлагатай, салбарын 40 мянган ажилтны хувьд амин чухал хүлээлт болсон чухал асуудлуудыг тусгасан. Ийнхүү тусгахдаа 4 удаагийн хэлэлцүүлэг зохион байгуулсан. Өөрөөр хэлбэл бидний гаргаж байгаа санал Эрүүл мэндийн салбарын ажлыг үүрч дүүрч яваа гол хүч болсон ажилтан бүрийн төрөөс хүлээж хүсч байгаа тулгамдсан, зайлшгүй хэрэгцээ юм шүү. Тиймээс бид цалин нэмэгдүүлэх, эмч эмнэлгийн ажилтны эрүүл мэнд амь нас, ажлын байрны аюулгүй байдлыг хамгаалах зорилт бүхий зарчмаа хатуу барина. Цаашид хамтын маргаан үүсгэх эрх зүй, 40 мянган ажилтны тэмцлийг мохоох эрх төрд байхгүй. Мөн МХЕГ-аас хийсэн тандалт судалгаагаар халдварт, төрөх, эмэгтэйчүүд, мэс заслын тасгийн ажилчдын 30 хувьд нь В, С вирус илэрсэн, 13 хувь нь ямар нэг халдварт өвчнөөр өвдсөн, 84 хувь нь ажиллах үед эрүүл мэндийн зовиур илэрдэг, 26 хувь нь хөдөлмөрийн чадвараа түр алдаж байна. Эмч ажилтнууд ажлаа хийж байхдаа өвчтэй хүн, эд юмс, эмгэг төрөг нян тээгчээс халдвар авдаг гэсэн үг шүү дээ. Ийм байхад Харвони эмийг үнэгүй олгох асуудлыг хөнгөлөлтэй олгоно гэсэн санал гаргасныг хүлээж авах боломжгүй. Эмч ажилтнуудын багагүй хувь нь ажлаа хийх явцдаа сүрьеэ өвчнөөр өвдөж, эндэж байна. Нөхцөл байдал санаснаас хүнд байгааг ойлгох хэрэгтэй. Тиймээс Эрүүл мэндийн яам энэ талаар дотооддоо асуудлаа ярилцаж гарцаа тодорхойлж, дахин санал гаргаж завсарлага ав” гэлээ. Үүний дараа тус яамны төрийн нарийн бичгийн дарга Д.Очирбат “Цалин нэмье. Яаж гэдгээ бид завсарлага авч ярилцъя”гэлээ.

Гал тахиа жилийн цагаан сарын баярт зориулсан үндэсний бөхийн цуврал барилдааны эхлэх цаг нь наашилжээ. Уламжлал ёсоор сар шинийн барилдаан 14:00 цагаас эхэлдэг байсан бол энэ жил 12 цагт эхлэхээр болсон байна.

Үндсэн хуулийн цэцийн дунд суудлын хуралдаанаар маргааш /2017-02-22/ 9.30 цагаас эхэлнэ.

Мэргэжлийн сүмогийн 69 дэх Их аварга, Хакухо М.Даваажаргал эхнэр Саяако Вадагийн хамт хуримын 10 жилийн ойгоо тэмдэглэжээ.

2017 оны 02 дугаар сарын 20-ны өдөр Замын цагдаагийн албаны ЖШУХ дээр нийт 365 дуудлага, мэдээ мэдээлэл хүлээн авснаас, зам тээврийн ослын 299 дуудлага бүртгэгдлээ. Зам тээврийн ослын улмаас 7 хүн хүнд, хөнгөн гэмтсэн. Ослын шалтгаан, хэлбэрээр нь авч үзвэл мөргөлдөх хэлбэрээр 9 /мөргөлдөх хэлбэрээр гарсан зам тээврийн ослын улмаас 4 хүн гэмтсэн/, явган зорчигч мөргөж гэмтээсэн 3 /үүнээс 1 хүүхэд гэмтсэн/ бүртгэгджээ. Хэргийн газрыг орхин явсан хэрэг 1 бүртгэгдсэн байна.
Цагдаагийн байгууллагын хяналт шалгалтаар согтууруулах ундааны зүйл хэрэглэсэн үедээ тээврийн хэрэгсэл жолоодсон нийт 35 жолоочийг илрүүлж гарч болзошгүй осол, хэргээс урьдчилан сэргийлж ажилласан.
Тухайлбал:
1. БЗД-ийн нутаг ганц худаг салдаг уулзварын хойд замд H.Sonata маркийн автомашины жолооч нь явган зорчигч 13 настай, З-г мөргөж гэмтээгээд хэргийн газрыг орхин явсан.
ХУВЬ ХҮН ӨӨРӨӨ ДҮРМЭЭ БИЕЛҮҮЛЖ САХИЛГА, СОЁЛТОЙ ХӨДӨЛГӨӨНД ОРОЛЦОХ НЬ БУСДЫГ САЙНААР ҮЛГЭРЛЭХ БӨГӨӨД ХӨДӨЛГӨӨНИЙ БУСАД ОРОЛЦОГЧИД ДҮРМЭЭ БИЕЛҮҮЛЖ, СОЁЛТОЙ БАЙХ УГТВАР НӨХЦЛИЙГ БҮРДҮҮЛДЭГ.
НЭГ МӨЧИР НАЙГАВАЛ НЭГ ОЙ БҮХЭЛДЭЭТ НАЙГАНА
НЭГ ЖОЛООЧИЙН ЛАЙГААР УУЛЗВАР БҮХЭЛДЭЭ ТҮГЖИРНЭ

Хятадын ГХЯ-ны сайд Ван И 2-р сарын 20-нд Хятадад айлчилж буй Монгол улсын ГХЯ-ны сайд Ц.Мөнх-Оргилтай хэлэлцээ хийсэн бөгөөд хамт сэтгүүлчидтэй уулзсан байна.

Ван И хэлэхдээ: Монголын тал Хятадын амин чухал сонирхлыг хүндэтгэж байгаагаа дахин нотолж байгаад Хятадын тал баяртай байна. Монголын талтай хамт дээд давхаргын харилцаагаа сайн төлөвлөж, хоёр орны стратегийн харилцаа холбоог эрчимжүүлэн, эрчим хүч, хөрөнгө оруулалт, дэд бүтцийн бүтээн байгуулалт зэрэг салбарын хамтын ажиллагааг ахиулж, залуучууд, хэвлэл мэдээлэл, боловсрол зэрэг салбарын хүмүүнлэгийн солилцоог өргөтгөж, олон салбарын харилцаа холбоог эрчимжүүлэн, энэ удаагийн айлчлалаар дамжуулан Хятад, Монголын харилцааг эрүүлээр хөгжүүлэх замд оруулах ёстой гэжээ.

Хятадын ГХЯ-ны сайд Ван И-гийн урилгаар Монгол улсын ГХЯ-ны сайд Ц.Мөнх-Оргил 19-нд Хятадад хүрэлцэн ирж, ГХЯ-ны сайд болсны дараах Хятадад хийх анхны айлчлалаа эхлүүлжээ.

Ноднин жилийн 11-р сард, Далай лам Монголд айлчилсан нь Хятад, Монголын харилцаанд сөргөөр нөлөөлсөн юм. Үүний дараа, Монголын тал гүнээ бодолцсоны дараа Далай ламыг дахин айлчлуулахгүй байх зэрэг асуудлаар ил тод амлалт өгсөн юм. Ц.Мөнх-Оргилын энэ удаагийн айлчлалыг хоёр орны харилцааг сайжруулахын төлөө авсан үнэн бодит арга хэмжээ гэж үзэж байгаа тул уг айлчлалд хүмүүс анхаарлаа хандуулж байна.

20-ны үдээс өмнө, Хятад, Монголын ГХЯ-ны сайд нар хоёр цаг хэлэлцээ хийжээ. Үүний дараа хамтдаа сэтгүүлчтэй уулзах үедээ Ван И: ”Хятад Монголын харилцааны шинэ гарааг дахин эхлүүлье” гэж шууд хэлсэн байна. Тэрээр хэлэхдээ, Ноднин жил Хятад Монголын харилцаанд ээдрээ гарсан. Үүний дараа Монголын тал цаг тухайд нь нааштай, үр ашигтай арга хэмжээ авч, Хятадын талд хариу өгсөн юм. Саяын хэлэлцээнд, Монголын тал Хятадын амин чухал ашиг сонирхлыг хүндэтгэхээ дахин нотолсон юм. Хятад Монголын харилцааны шинэ гараа дахин эхэлж байна. Бид үүнд баяртай байна гэжээ.

Хятад улстай урт хугацаанд тогтвортой, эрх тэгш харилцан ашигтай хөгжлийг баримтлах нь Монголын гадаад бодолгын гол зорилт гэж Ц.Мөнх-Оргил онцлов.

Тэрээр: ”Монгол улсын гадаад бодлогын эн тэргүүний чиглэл бол Хятад улстай урт хугацаанд тогтвортой найрсаг хамтын ажиллагааны харилцааг хөгжүүлэх бодлого юм. Сүүлийн жилүүдэд хоёр орны харилцаанд гарсан амжилтыг Монгол улс сайшааж байна. Хоёр улс бие биенийхээ тусгаар тогтнол, бүрэн эрх, нутаг дэвсгэрийн бүрэн бүтэн байдал зэрэгязгуур эрх ашгийг хүндэтгэж, хоёр орны ард түмний өөрөө сонгосон хөгжлийг замыг хүндэтгэж ирсэн юм. Монгол улс ”Нэг Хятад”-ын бодлогыг тууштай баримталж ирсэн, хойшид ч энэ бодлогыг баримтална” гэжээ.

Монгол улсад тулгарч буй эдийн засгийн бэрхшээлтэй холбогдуулан Хятад улс чадлын хирээр туслалцаа үзүүлнэ гэдгээ Ван И илэрхийлэв. Тэрээр хоёр тал хэлэлцээгээр дамжин хоёр орны дээд хэмжээний солилцоо, олон салбар дахь хамтын ажиллагаа, олон улс, бүс нутгийн үйл хэргээр хамтран ажиллах зэрэг талаар нийтлэг ойлголтод хүрснийг танилцуулав.

Тэрээр хэлэхдээ, ”Монгол улсад одоо тулгарч буй эдийн засгийн хүндрэлд туслалцаа үзүүлэх, олон улсын банк санхүүгийн байгууллага Монгол улсад туслалцаа үзүүлэхийг дэмжихийн зэрэгцээ валютын своп гэрээг сунгах, Монгол улс уул уурхай, хөдөө аж ахуйн бүтээгдэхүүн экспорлох зэрэгт туслалцаа үзүүлэн, буцалтгүй тусламж, зээл олгох ажлыг түргэтгэх болно. Хятад улс үргэлжлэн транзит тээвэр, далайн гарц зэрэг салбарт Монгол улсад шаардлагатай тусламж үзүүлэх болно. Хоёр тал хоёр орны удирдагчдын хүрсэн нийтлэг ойлголтыг хэрэгжүүлэн, уул уурхайг нээн ашиглах, дэд бүтцийн бүтээн байгуулалтыг урагшлуулах зэрэг уламжлалт салбарын хамтын ажиллагааг эрчимжүүлэхийн зэрэгцээ орон сууцны тохижуулалт, мал аж ахуйн хамтын ажиллагаа зэрэг ардын амьжиргааг сайжруулах шинэ салбар дахь хамтын ажиллагаагаа өргөтгөхөд бэлэн байна” гэжээ.

Хятадын ”Нэг бүс нэг зам” санаачилга нь бүс нутгийг дэд бүтцээр холбох, Монголын эдийн засгийн хөгжилд чухал боломжийг хангаж байна хэмээн Ц.Мөнх-Оргил онцлов. Тэрээр: Монгол улсын ерөнхий сайд Ж.Эрдэнэбат 5-р сард Хятадад айлчлан ”Нэг бүс нэг зам” олон улсын хамтын ажиллагааны чуулга уулзалтад оролцон, Монголын ”Талын зам” хөгжлийн стратегийг ”Нэг бүс нэг зам” санаачилгатай холбохыг хүсэн хүлээж байна гэлээ.

Өдгөө Хятад, Монгол хоёр тал нийтлэг ойлголтод хүрч, ”Нэг бүс нэг зам”-ын санаачилгыг Монголын ”Талын зам” хөгжлийн стратегитай холбох тухай Засгийн газар хоорондын баримт бичигт эртхэн гарын үсэг зурах болно. Сайд Ван И: ”’Нэг бүс нэг зам’ санаачилга нь өдгөө дэлхий дахинд хамгийн их сайшаагдаж буй олон улсын хамтын ажиллагааны үзэл баримтлал болж, нухацтай ахиж байна. Хятадын талын Нэг бүс нэг зам санаачилгыг хэрэгжүүлэхийн чухал нэгэн зам шугам бол олон улсын хөгжлийн стратеги хоорондын холболтыг ахиулж, түүнээс хамтын ажиллагааны шинэ салбарыг тэлж, хамтын ажиллагааны шинэ ирээдүйг нээж, харилцан ашигтай, хамт ашиг хүртэх явдал юм. Хятад, Монголын хувьд энэхүү гэрээнд гарын үсэг зурах нь хоёр тал болон тус бүс нутагт идэвхтэй эерэг дохио өгч, Монгол улс ’Нэг бүс нэг зам’-ын бүтээн байгуулалтын ахиц дахь хамтын ажиллагааны чухал түнш болохыг харуулах юм” гэлээ.

Ц.Мөнх-Оргил Монголын тал болон ОУВС зэрэг олон улсын банк санхүүгийн байгууллагуудтай тохиролцсон анхны тусламжийн хэлэлцээрүүдийг танилцуулсан бөгөөд Монголын талд урт хугацааны турш дэмжлэг үзүүлж, энэ удаа мөн зохих арга хэмжээ авахаар зэхэж буйд талархал илэрхийлэв.

Тэрээр хэлэхдээ, ”Энэ айлчлалын үр дүнд би сэтгэл ханхлуун байна. Бид ирээдүйд Хятадын талтай хамт тохиролцсон идэвхтэй нийтлэг ойлголтуудаа хэрэгжүүлнэ. Хэд хоногийн дараа, Монгол улсын иргэд уламжлалт сар шинийн баяраа тэмдэглэх гэж байна. Сар шинэ ирж буй энэ үед Хятадын ард түмэнд өлзийтэй байхын ерөөл дэвшүүлье” гэжээ.

Мөн өдрийн хэлэлцээний явцад хоёр орны ГХЯ-ны сайд нар Хятад-Монгол-Оросын эдийн засгийн хонгилын бүтээн байгуулалтын хөтөлбөрийг хэрэгжүүлэхтэй холбогдуулан санал бодлоо солилцож, уг хөтөлбөрийг нухацтай хэрэгжүүлэх нь тус хонгилыг найрамдлын, хамтын ажиллагааны, хамтдаа ашиг хүртэх холбоос болгож, 3 орны ард иргэдэд үр өгөөж хүртээн, бүс нутгийн хөгжил цэцэглэлийг ахиулах болно гэжээ.

УИХ-ын намрын ээлжит чуулган завсарлаж, УИХ-ын байнгын хороод намрын чуулганы хугацаанд хийсэн ажлаа олон нийтэд тайлагнаж байгаа билээ

Брэд Питт, Анжелина Жоли нар 2016 оны есдүгээр сард алсан ёсоор салсан. Тэд 12 жил хамт амьдарсан ч гэр бүлээ батлуулаад ердөө хоёр жил болсон юм.

Нарантуул зах өнөөдөр ажиллаж байна

Дөрвөн настай төрсөн охиныхоо үхэлд буруутгагдсан Т.Цогтыг шүүхээс буруугүй хэмээн үзэж хэргийг нь хэрэгсэхгүй болгож цагаатгасан билээ.

Шударга өрсөлдөөн, хэрэглэгчдийн төлөө газрын дарга асан О.Магнай Ардчилсан намын хэвлэл, мэдээлэл олон нийт хариуцсан орон тооны нарийн бичгийн даргын албанд томилогджээ.

УИХ дахь Ардчилсан намын бүлэг маргааш өргөтгөсөн худалдаан хийхээр товложээ.

Засгийн газраас ахмад настнуудад Цагаан сарын баяр, Үндэсний их баяр наадмын өмнө буюу жилд хоёр удаа насны хишиг олгохоор болсон билээ.

Авлигатай тэмцэх газраас Ерөнхий сайд асан Н.Алтанхуягийн эзэмшлийн бүх оффист өчигдөр нэгжлэг хийжээ.

СХД-ийн Эрүүл мэнд, нийгмийн даатгалын хэлтсийн дарга Б.Жаргалсайханаас хэлтсийн үйл ажиллагааны талаар тодрууллаа.

-Сонгинохайрхан дүүрэг хүн ам ихтэй, тийм болохоор танай хэлтэс ачаалал ихтэй ажилладаг байх.

-СХД-ийн Эрүүл мэнд, нийгмийн даатгалын хэлтэс нь 32 хорооны 312 мянган иргэнд эрүүл мэнд, нийгмийн даатгалын үйлчилгээг үзүүлдэг. 36 мянган тэтгэвэр авагчтай, 2600 гаруй ажил олгогч байгууллага, 145,000 гаруй иргэн эрүүл мэндийн даатгалд, сайн дурын даатгалд 19 мянган гаруй иргэн хамрагддаг. Манай хэлтэс 63 хүний орон тоотой, 5 тасаг төрийн үйлчилгээг дүүргийн иргэддээ хүргэж байна.

-Эерэг хандлага, чанартай үйлчилгээний жил болгон зарласан. Энэ жилийн хүрээнд хийж хэрэгжүүлж байгаа ажлаасаа товч танилцуулбал.

-2017 оныг ЭМНДЕГ-аас Эерэг хандлага, чанартай үйлчилгээний жил болгон зарласан. Мөн Нийслэлийн засаг даргын тамгын газраас “Иргэдийн оролцоотой эрх зүйт шинэтгэл”-ийн жил болгон зарласантай төлөвлөгөөгөө гарган ажиллаж байна. Энэ жилийн хүрээнд дүүргийн 32 хорооны иргэддээ эрүүл мэнд, нийгмийн даатгалын үйлчилгээг ойртуулахыг зорьж олон ажлыг санаачлан хэрэгжүүлж байна. Юуны өмнө хороодын хэсгийн ахлагч нартаа нийгмийн даатгалын хууль тогтоомжийн талаар мэдлэг, мэдээлэл олгох ажлыг эхлүүлж, тэтгэврийн байцаагчид хороодод хуваарилагдан, эрүүл мэнд, нийгмийн даатгалын хууль тогтоомж, хуульд орсон нэмэлт өөрчлөлтийн талаар сургалт, мэдээлэл өгөх, санал хүсэлтийг сонсох ажлыг эхлүүлээд байна. Хоёрдугаар сарыг тэтгэвэр, сайн дурын даатгалын мэдээ мэдээллийг түлхүү өгөх чиглэлийн дагуу СХД-ийн 7,8,21 дугаар хороодын иргэдэд мэдээлэл, зөвлөгөө өгөх ажлыг зохион байгууллаа. Иргэд ч их идэвхтэй оролцож байна. Мөн хэлтэс дээрээ хөтөч байцаагч ажиллуулж, зөвлөгөө мэдээлэл өгч, иргэддээ хүрсэн чанартай үйлчилгээ үзүүлэхийг л хичээж ажиллаж байна. Мөн энэ жил нийгмийн даатгалын байгууллага үүсч хөгжсөний 75 жилийн ой тохиож байгаатай холбогдуулан Чанартай үйлчилгээ, соёлтой харилцаа 75 хоногийн аян зарлагдсан. Энэ аяны хүрээнд байцаагчдын харилцааны соёл, үйлчилгээг сайжруулах сургалтуудыг зохион байгуулж, байцаагч бүрийг дүгнэх ажлыг хийж байна. Иргэд даатгуулагчдын санал хүсэлт, өргөдөл гомдлыг хүлээн авах хайрцаг байршуулж, шуурхай шийдвэрлэхэд анхаарч байна. Мөн аж ахуй нэгж байгууллагын мэдээллийн баазыг шинэчлэх ажлыг хэрэгжүүлээд явж байна.

-Чанартай үйлчилгээ, соёлтой харилцаа аяны хүрээнд байцаагчтай холбоотой гомдол санал хэр ирж байна вэ?

- Байцаагчдын харилцаа хандлагыг өөрчлөх, дүрэм журмаа барьж ажиллах тал дээр анхаарч байгаа учраас гомдол санал гаргахгүйг хичээн ажиллаж байна. Зөвхөн энэ аяны хүрээнд ч биш байнга, тогтмол чанартай үйлчилгээг үзүүлж, иргэд даатгуулагчтай зөв боловсон харилцах талаар дээр анхаарч байна. Гэхдээ харилцаа, ёс зүйтэй холбоотой гомдол санал ирээгүй биш ирж байна. Нийслэлийн хамгийн олон хүн амтай дүүргийн хувьд ачаалал ихтэй байна. Үйлчлүүлж байгаа цаг хугацааны хувьд удаан үйлчилж байна. Оочер дугаар их байна гэсэн гомдол нилээд ирдэг. Ялангуяа сарын эцэс, сарын эхэнд сайн дур, эрүүл мэндийн даатгуулагч гэрээгээ хийж, мөнгөө төлөх гэж бараг бүгд ирдэг учраас бухимдал үүсдэг. Тэтгэвэр тогтоолт, олголт дээр харьцангуй гомдол санал бага гардаг. Тэтгэвэр тогтоолт, олголтыг шалгах аяны хүрээнд тэтгэврээ шалгуулчихаад тэтгэврийн хувь хэмжээ нь нэмэгдэхгүй байгаа тохиолдолд дээд газар нь дахин шалгуулна гэж бухимдах тохиолдол гарч байгаа. Гэвч хууль тогтоомжийн хүрээнд шалгаж байгаа болохоор өөрчлөлт тэр бүр гардаггүй. Үүнд сэтгэл дундуур байх нь элбэг.

-Нийслэлийн үйлчилгээний нэгдсэн төв Драгон салбарт танайхаас хичнээн байцаагч ажилладаг вэ?

-Өдөрт 100 гаруй иргэн даатгуулагчдад үйлчилгээ үзүүлдэг. Мөн хууль тогтоомжтой холбоотой зөвлөгөө, мэдээлэл авахаар иргэд маш их ирдэг. Орон тоогоор нэг л байцаагч ажилладаг.

-Өнгөрсөн жил Баянхошуунд эрүүл мэнд, нийгмийн даатгалын тасаг шинээр нээгдсэн. Энэ тасгаар хичнээн иргэн даатгуулагч үйлчлүүлж байна вэ?

-Баянхошуу тасаг 2016 оны гуравдугаар сараас үйл ажиллагаагаа эхэлсэн. СХД-ийн Баянхошуу орчмын 8-н хорооны 92,500 иргэн, даатгуулагчид үйлчилж байна. 8 хорооны 10,200 тэтгэвэр авагчтай, 302 байгууллага тайлан тооцоогоо өгч байна. 4000 гаруй сайн дурын даатгуулагчид үйлчилгээ үзүүлж байна. Тасаг дээр 4 хүний оронтоотой ч ачаалал их тул орлого, тэтгэмж, тэтгэвэр, тэтгэврийн хяналтын байцаагч, эрүүл мэндийн байцаагч хэлтсээсээ нэмж ажиллуулж байна. Эрүүл мэнд, нийгмийн даатгалын бүх үйлчилгээг энэ тасгаас авч байна.
Төрийн үйлчилгээ иргэд, даатгуулагчдадаа ойртсонд бүгд талархаж байна.

-Хороод дээр ажиллахад хүндрэлтэй асуудал тулгардаг уу?

-Хууль тогтоомжид өөрчлөлт орсонтой холбоотойгоор сурталчилгааны материал хуучирсан, шинэчлэх шаардлагатай байна. Бид хүн бүрт тохируулж зөвлөгөө өгдөг ч ойлгохгүй сурталчилгааны материал нэхэх тохиолдол их гарч байна. Мөн 1990-2000 онд нөхөн даатгалд хамрагдсан иргэд батламжийн хуудсаа аваагүй иргэд олон байна. Бид хороодын хэсгийн ахлагч нартай хамтран батламжийн хуудсыг эзэнд нь өгөх ажил давхар хийгдэж байна. Ялангуяа 8, 21 дугаар хорооны иргэдэд бүрэн тарааж дууссан, хаяг дээрээ байхгүй шилжсэн иргэдийн хувьд манай хэлтсээс ирээд авах боломжтой.

-Баталгаажилтын хуудсаа аваагүй тохиолдолд иргэдэд сөрөг үр дагавар гарах уу?

-Тэтгэвэр дээрээ нөхөн даатгалд хамрагдсан жилээ өнөөдрийг болтол оруулаагүй иргэд цөөнгүй байна. Энэ хууль тогтоомжийн талаарх мэдээлэл муу байгаатай холбоотой. Тэтгэвэр тогтоолт олголтыг шалгах аяны хүрээнд нөхөн даатгалаа оруулах боломжийн талаар бид мэдээлэх хийж байна. Тэгэхээр аль 2015, 2016 онд баталгаажсан нөхөн даатгалаа тэтгэвэр дээрээ оруулаагүй явж байна. Мөн 1990-1995 оныг улсад ажилласан жилд тооцуулж байгаатай холбоотойгоор амралтын хоног дээрээ нэмж тооцуулах боломжтойг иргэд тэр бүр мэддэггүй.

-Аж ахуй нэгж байгууллагын хувьд өр их үүсэх тохиолдол байдаг. Энэ асуудалд хэрхэн анхаарч байна вэ?

-Бид оны эхнээс энэ асуудалд анхаарлаа хандуулан төлөвлөгөө, хуваарь гарган ажиллаж байна. ЭМНДЕГ болон НЭМНДГ-тай хамтран өндөр өр авлагатай 6 байгууллагыг сонгон өр авлагыг нэмэгдүүлэхгүй байх, хэрхэн барагдуулах талаар харилцан ярилцаж, төлүүлэх график гарган ажиллаж байна.

- Дүүргийн иргэд, даатгуулагчдад хандаж юу хэлэх вэ?

-Нийгмийн даатгалын үйлчилгээг иргэддээ шуурхай хүргэхэд бид анхааран ажиллах болно. Иргэд та бүхэн нийгмийн даатгалын хууль тогтоомжийг анхааран судалж өөртөө болон гэр бүлдээ хэрэгтэй мэдээ мэдээллийг авч, насан туршийн нийгмийн батлагаагаа хангуулах боломжтой гэдгийг хэлэхийг хүсч байна. Амьдрах насны урсгал дунд танд учирч болохүйц нийгмийн эрсдлээс даатгал таны хамгаална.

Монгол хүн 60 хүрч ухаан суугаад 61 насандаа хорвоог орхидог гэдэг хоосон хошигнол биш. Үнэхээр ч 20-30 жил нийгмийн даатгал төлчихөөд тэтгэвэрт гарснаасаа хойш жил ч бололгүй өөд болох тохиолдол олон байна. Уг нь тэтгэврийг ирээдүйдээ зориулж хадгалсан хадгаламж гэдэг. Улс ингэж хадгалуулсны төлөө эрүүл мэнд болон бусад нийгмийн салбаруудад хөнгөлөлт үзүүлдэг.

Өнөөдөр Олон улсын эх хэлний өдөр. Хүний эрхийн Түгээмэл тунхаглалын 2 дугаар зүйлд ”Хүн бүр энэ Тунхаглалд заасан бүхий л эрх, эрх чөлөөг арьс үндэс, арьсны өнгө, хүйс, хэл, шашин шүтлэг, улс төрийн болон бусад үзэл бодол, үндэсний буюу нийгмийн гарал, эд хөрөнгө, язгуур угсаа болон бусад байдлын ялгааг эс харгалзан ямар ч гадуурхалгүйгээр эдлэх ёстой” гэж заасан байдаг билээ. Тэгвэл эх хэлний өдрийг ЮНЕСКО болон бусад хамтрагч байгууллагууд

Нэг. БНХАУ-аас Монгол Улсад суугаа Элчин Сайдын Яам орчуулагч, нарийн бичиг, ёслолын ажилтан, консулын ажилтан, захиргааны ажилтан зэрэг ажлын байранд зургаан гэрээт ажилтан шалгаруулж авна.

Тавигдах шаардлага:

1. Их, дээд сургуулаас төгссөн байх;

2. 22-35 насны Монгол Улсын иргэн болон Хятадын цагаач иргэн;

3. Хятад хэлний HSK шалгалтын 6 дугаар тэнцсэн зэрэгтэй /Монгол Улсын иргэн/, Хятад-Монгол, Монгол-Хятад хэлний бичиг болон ярианы орчуулга гүйцэтгэх чадвартай, англи хэл сайн эзэмшсэн бол давуу тал болно;

4. Компьютер болон компьютерийн хэрэглээний программ сайтар эзэмшсэн болон ажлын туршлагатай бол давуу тал болно;

5. Эрүүл чийрэг, зан чанар сайтай, багаар ажиллах чадвартай, өндөр хариуцлагатай.

Хоёр. Бүртгүүлэх хугацаа, хэлбэр

Бүртгэл авах хугацаа 2017 оны 3-р сарын 15-ны өдөр дуустал. БНХАУ-ын ЭСЯ-ны албан ёсны вэб сайт (http://mn.china-embassy.org/chn/)-аас бүртгүүлэх хүснэгтийг татан авч компьютерт бөглөн цагдаагийн газрын тодорхойлолт, их дээд сургуулийн дипломын хуулбар, Хятад хэлний төвшин тогтох шалгалтын сертификат /HSK 6-р зэрэг/-ны хуулбар болон иргэний үнэмлэхийн хуулбарын хамт БНХАУ-ын ЭСЯ-ны жижүүрийн байранд ирж бүртгүүлнэ үү.

Гурав. Бичгийн шалгаруулалт авах хугацаа, газар:

2017 оны 3 дугаар сарын 20-ны өдрийн 10:00 цагт БНХАУ-ын ЭСЯ-нд болно.

Дөрөв. Бичгийн шалгаруулалтын дүнгийн дагуу ярилцлагын хугацааг жич мэдэгдэнэ.

БНХАУ-ын Элчин Сайдын Яам