Элчин сайд бичиж байна

-Энэтхэг улс эрүүл мэнд, эмнэлгийн жуулчлалыг хөхиүлэн дэмжихээр энэ ангиллын визийг цахим хэлбэрт шилжүүлж, хугацааг нь сунгахаар шийдвэрлэснийг хэвлэлүүд мэдээлж байна-



Харь газарт суугаа хүн бүр “Өнчин зүрх дэрэн дээр, өлөн нүд даваан дээр” гэдэгчлэн хараа, санаа нь байнга эх нутгийн зүгт чиглэнэ. Нутгийн сонинг сонсч урамшина, бүтэл багатай зүйл дуулдахад шанална. Нутагт маань элэгний хатуурал, түүнээс үүдэлтэй хорт хавдарын өвчлөл, эндэгдэл нэмэгдсэн харамсалтай мэдээ сүүлийн үед сонсогдох болов. Эрүүлийг хамгаалах салбарын эмч мэргэжилтнүүд мэдлэг чадвараа базааж, шинээр баг хамтлаг үүсгэн элгийг шилжүүлэн суулгадаг болсон, олон нийтийн анхаарлыг үүнд чиглүүлэхээр Сан байгуулж, аян өрнүүлэн, аюулт энэхүү өвчнийг анагаахын сацуу урьдчилан сэргийлэх, эрүүл аж төрөхийн чухлыг хүүхэд залууст таниулж байгааг ч дууллаа.

Миний ажиллаж буй Энэтхэг орон хүн ам ихтэй, шийдвэрлэвэл зохих асуудал мундахгүй, түүний дотор ДЭМБ мэдээлснээр элэгний С вирустэй 12 сая хүн байдаг гэхийн учир энэ бэрхшээлийг хэрхэн даван туулж байгааг тандаж сонирхов.

Энэтхэг улс эрүүл мэнд, эмнэлгийн жуулчлалыг хөхиүлэн дэмжихээр энэ ангиллын визийг цахим хэлбэрт шилжүүлж, хугацааг нь сунгахаар шийдвэрлэснийг хэвлэлүүд мэдээлж байна.

Эрүүл мэнд, эмнэлгийн аялал жуулчлалд өвдөг, түнхний үеүдийг солих, элэг, бөөр, зүрх гэхчлэн эрхтэн шилжүүлэх, нүдний болон гоо сайхны мэс хагалбар, маш нарийн шинжилгээ оношлогоо хийлгэх, үргүйдлээс эхлээд цус, зүрх судас, нурууны өвчнүүдийг эмчлүүлэх, шүд, нүд, үс тулах эрхтэн суулгах хүртэл эмнэлгийн олон төрлийн тусламж үйлчилгээг зорьсон хүмүүс хамрагдана. Хол ойрын аялагчид Энэтхэгийн урлаг, соёлыг шимтэн сонирхохын хажуугаар олон төрлийн эрдсийн найрлагатай болон халуун рашаан, сувилалуудыг зорьдог аж.

Эрүүл мэнд, эмнэлгийн зориулалттай виз хилээр анх орсоноос хойш 30 хоногийн хугацаанд хүчинтэй, сунгуулах тохиолдолд тус улсад хүлээн зөвшөөрөгдсөн гуравдахь шатлалын эмнэлгийн магадлагааг үндэслэн тухайн мужийн засгийн газарт ханддаг. Нэг жил хүртэл хугацаатай энэхүү сунгалтыг төв засгийн газар нэмж сунгадаг байна.

Дурдсан шинэ журам хэрэгжсэнээр эрүүл мэнд, эмнэлгийн тусламж үйлчилгээ хүссэн дэлхийн 150 гаруй орны иргэд визийн өргөдлийг өөрсдийн оронд магадлан итгэмжлэгдсэн эмнэлүүдийн зөвлөмжийн хамт цахимаар илгээж, хилийн шалган нэвтрүүлэх цэг дээр ирсэн үедээ хурууны хээ гэх мэт биометрик өгөгдлийг өгнө. Чингэхэд хүнд өвчтөн хүнийг хилийн шалган нэвтрүүлэх цэгт удаан хүлээлгүй шуурхай үйлчлэх боломжийг ч бүрдүүлнэ гэнэ.

Эрүүл мэнд, эмнэлгийн тусламж, үйлчилгээ авахаар Энэтхэгийг зориход өнөөгийн байдлаар Элчин сайдын яаманд нь хандаж хүсэлт тавиад долоо хоног, магадгүй сар хүлээхээс гадна виз хүсэгч өөрийн биеэр хүрэлцэн очих, хүлээн авч эмчилнэ гэдгийг Энэтхэгийн аль нэгэн эмнэлгээс бичгээр нотлуулах шаардлага тавигддаг.

Тэгвэл визийн шинэ журмаар жуулчдад хил дээр нь виз олгодог Зүүн өмнөд Азийн Тайланд, Малайз, Сингапур болон АНЭУ-ын жишигт хүрэхээс гадна цаг улирлаас хамааралгүй, байнгын үйл ажиллагаатай энэ салбарын орлого ихээхэн нэмэгдэх аж. Энэтхэг улс 2015 оны эцсийн байдлаар эрүүл мэнд, эмнэлгийн 3.2 сая жуулчныг хүлээн авч 2 тэрбум ам долларын орлого олсон явдал эмнэлгүүдийн нь эмчилгээ үйлчилгээ шуурхай, чанар сайтай, үнэ хямд, хүлээж саатдаггүйтэй холбоотой. Дашрамд дурдахад өрнөдийн өндөр хөгжилтэй улсуудад мэдлэг чадвар, дадлага туршлагаараа өндөр үнэлэгддэг энэтхэг эмч, эмнэлгийн ажилтнууд бүгд шахам л эх нутагтаа боловсрол эзэмшиж нарийн мэргэшсэн байдаг.

Орчин цагийн европ зүгийн эмчилгээнээс гадна аюурведи, сидха, панчакарма, юнани, иог, байгалийн гаралтай ургамлын зэрэг уламжлалт эмчилгээний төрлүүдийн эрэлт өсөн нэмэгдэж байна. Афганистан, Бутан, Бангладеш, Мальдив зэрэг өмнөд Азийнхнаас гадна Австрали, Канад,Турк, Англи, АНУ, Европын иргэд ч эрүүл мэнд, эмнэлгийн тусламж үйлчилгээ авахаар Энэтхэгийг, түүний дотор Тамилнаду, Керала, Карнатака, Андра прадеш, Махараштра, Делийг зориод ирж байна. Керала муж аюурведи, кайрали иллэгээр, Уттарканд муж иога, бясалгалаар, Гоа муж холистик эмчилгээ, Ражастан муж рашаан эмчилгээний чиглэлээр нэрд гарсан. Нийслэл Шинэ Дели хот л гэхэд Аппола, Меданитис, Жай Пракаш, Макс, Фортис, БЛК, Артемис, Муллчанд эмнэлгүүд бусад улсын иргэдийг хүлээн авч үйлчилж байна.

Ойрын жилүүдэд жил тутам 10 хувь нэмэгдэх, хамгийн түргэн өсөж буй салбарын нэгэнд тооцогдож байгаа эрүүл мэнд, эмнэлгийн жуулчлалаас тус улс өдгөө жилд 3 тэрбум ам долларын орлого олдог бөгөөд 2020 онд энэ үзүүлэлт даруй 8 тэрбум ам долларыг давна гэж энэтхэгчүүд тооцож байна.

Энэтхэг улс эмнэлгүүдэд зээл олгож татварын хөнгөлөлтөд хамруулах, эмнэлгийн тоног төхөөрөмжийн импортын татварыг багасгаж, анагаахын мэргэжлийн холбоодыг дэмжин сургалт семинарийг олноор зохион байгуулж байна. Тэрчлэн, хөхний болон умайн хүзүүний хорт хавдар, чихрийн шижин, зүрх судасны өвчин, цус харвалтыг хянах, урьдчилан сэргийлэх үндэсний хөтөлбөрийг хэрэгжүүлж, улмаар ДОХ-ын эсрэг вакциныг турших, хорт хавдарыг илрүүлэх үзлэгийг өргөжүүлэх, хорт хавдарын эсрэг эмүүд, түүний дотор С вирусын халдварт шар өвчнийг анагаах sofosbuvir, ledispavir, daclatasvir зэрэг эмийг нэмэлт сорилт шалгалтаас чөлөөлөх замаар эмчилгээний хүртээмж, өртөгийг бууруулдаг юм байна.

Найдвартай оношлогоо, чанартай эмчилгээ, хямд үнэтэй рашаан сувилал, гоо сайхны үйлчилгээ хүссэн монголчууд олон тоогоор зорчдог Европ, Австрали, Япон, БНСУ, Тайланд улстай харьцуулахад англи хэлээр чөлөөтэй ойлголцдогоос гадна элдэв хүндрэлгүй, эмнэлгийн тусламж үйлчилгээний чанар, хүртээмж сайн, үнэ төлбөрийн хувьд хямд хэмээн Энэтхэгийг зорьдог болоод байна.

Монгол улсаас Энэтхэг улсад суугаа Элчин сайдын яам эмнэлгийн тусламж үйлчилгээ хүсэж тус улсад ирсэн иргэддээ энэ чиглэлийн мэдээллээр хангах, хэлмэрч, орчуулагч олж өгөх, эмнэлгүүдтэй харилцахад болон нотриатын үйлчилгээ үзүүлэх зэргээр туслахыг чармайж байна.

Үүний зэрэгцээ Энэтхэгийн эмнэлгүүдийг өөрийн орны гуравдагч шатлалын эмнэлгүүдтэй холбох, эмч нараа давтан сургах, чанар сайтай эм, эмнэлгийн хэрэгслийг хөнгөлөлттэй нөхцөлөөр нийлүүлэх, хоёр орны агаарын тээврийн компаниуд тийзээ харилцан зөвшөөрөх, арилжааны банкууд төлбөр тооцоог түргэн шуурхай гүйцэтгэдэг болгохыг зорьж байна.

Цаашдаа төрийн өмчит эмнэлгүүдийг менежмэнтийн хувьчлалд хамруулах, эмчилгээний шинэ арга, дэвшилтэт технологийг нэвтрүүлэхийн тулд гадаадын хөрөнгө оруулалтыг дэмжих, Дэлхийн эрүүл мэндийн байгууллага, Хорт хавдарын эсрэг олон улсын холбоо зэрэг байгууллага болон бусад улсаас зөвлөх урьж арга туршлага судлах, эрүүл мэндийн салбарын санхүүжилт, даатгалын тогтолцоог боловсронгуй болон сайжруулахад техникийн туслалцаа авах хөтөлбөр хэрэгжүүлэхэд болохгүй зүйлгүй мэт санагдана.

Г. Ганболд

Шинэ Дели хот

Нийслэлийн Засаг дарга “Улаанбурхан өвчний талаар авах зарим арга хэмжээний тухай” А/343 дугаар захирамж гаргалаа. Захирамжаар холбогдох байгууллагуудад дараах үүрэг даалгаврыг өглөө. Үүнд:

Нийслэлийн хэмжээнд улаанбурхан өвчний дэгдэлтийг бууруулах, халдвараас сэргийлэх арга хэмжээний хэрэгжилт, хяналтыг хангах шуурхай ажлын хэсгийг байгуулан ажиллахыг нийслэлийн Эрүүл мэндийн газарт
Өрхийн эрүүл мэндийн төвөөс 0-1 насны хүүхдийн эрүүл мэндийн үзлэг, хяналтыг 2016 оны 07 дугаар сарын 01-ний өдрийг хүртэлх хугацаанд эцэг, эхийн дуудлагын дагуу гэрээр зохион байгуулах, товлолын дархлаажуулалт хийх ажлыг 7 хоног бүрийн Бямба гарагт шилжүүлэх зохион байгуулалтын арга хэмжээ авахыг дүүргийн Засаг дарга, Эрүүл мэндийн төвийн дарга нарт
Улсын хэмжээнд 2016 оны 05 дугаар сард зохион байгуулагдах Улаанбурхан өвчний нэмэлт дархлаажуулалтад дүүргийнхээ 18-30 насны иргэд, нутаг дэвсгэрийн ЕБС, их, дээд сургууль, коллеж, мэргэжлийн сургалт, үйлдвэрлэлийн төвийн оюутан, сурагчдыг зохион байгуулалттай хамруулах, аюулгүй дархлаажуулалт явуулах нөхцөл боломжоор хангаж ажиллахыг дүүргийн Засаг дарга, Эрүүл мэндийн төвийн дарга нар, нийслэлийн Боловсролын газарт
1 хүртлэх насны хүүхдийг халдварт өртөхөөс сэргийлэх, эцэг эхчүүд хүүхдээ гэртээ асрах боломж олгох зорилгоор ажил, хөдөлмөр эрхэлж байгаа 0-1 насны хүүхэдтэй эхчүүдэд 2016 оны 07 дугаар сарын 01-ний өдрийг хүртэлх хугацаанд Хөдөлмөрийн хуулийн 103 дугаар зүйлд заасан хүүхэд хөхүүлэх, асрах завсарлага дээр нэмж цалинтай чөлөө олгоход дэмжлэг үзүүлэхийг нийслэлийн нутаг дэвсгэр дэх байгууллагын дарга, ажил олгогч нарт үүрэг болгож, хяналт тавьж ажиллахыг нийслэлийн Засаг даргын Хөдөлмөр эрхлэлт, нийгмийн хамгааллын асуудал хариуцсан орлогч Ц.Буяндалайд
Улаанбурхан өвчний дэгдэлтийг бууруулах, халдвараас сэргийлэх арга хэмжээ, нэмэлт вакцинжуулалтын талаархи мэдээ, мэдээлэл болон иргэдэд зориулсан зөвлөмж сурталчилгааг хэвлэл, мэдээллийн хэрэгслээр тогтмол сурталчлах арга хэмжээг зохион байгуулахыг нийслэлийн Засаг даргын Тамгын газрын Хэвлэл мэдээлэл, олон нийттэй харилцах хэлтэст, нийслэлийн Эрүүл мэндийн газарт тус тус даалгав.

Энэхүү захирамжийн биелэлтэд хяналт тавьж, хэрэгжилтийг хангуулах, зохион байгуулалтын арга хэмжээ авч ажиллахыг дүүргийн Засаг дарга нар, нийслэлийн Засаг даргын Нийгмийн хөгжлийн асуудал хариуцсан орлогч Ц.Энхцэнгэлд тус тус үүрэг болголоо гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.

УИХ-ын Ниймийн бодлого, боловсрол соёл шинжлэх ухааны байнгын хорооны хуралдааныг өглөө 09.00 цагт зарласан ч гишүүдийн ирц бүрдэхгүй байсаар 11.20 цагт эхэлсэн.

Жүжигчин Р.Баттогтох нас барсан талаар цахим ертөнцөд мэдээлэл гарч эхэллээ. Түүний хувьд жүжигчин хэмээх алдрыг хүртээд 10 гаруй жилийг үдэж, үзэгч олондоо хүндлэгдэн яваа нэгэн билээ. Тиймээс ч Р.Баттогтохыг нас барсан гэх мэдээлэл олны анхаарлыг татаад байгаа юм. Харин чухам үнэндээ нас барсан эсэх нь өнөөдрийг хүртэл тодорхойгүй байна.

Дээр залрагч эрхэт түшмэл, дарга нар хийгээд
Доор үймэгч үй олон борчуудын
Дээр дорын ялгал түмэн хэдий боловч
Үхэх төрөхийн өмнө өчүүхэн нь агаар нэгэн буй.
.
Гандангийн орноо хоосон бясалгагч ламтан хийгээд
Галзуугийн орноо бархирах хөөрхий нүгэлтний
Дээр дорын ялгал хэдий их боловчиг
Дэмий насны төгсгөлд агаар нэгэн буй
.
Алтан суудалд суугаад ярвайгч олигархи хийгээд
Амандаа өл хоол хайн гудамж бидрэгч олны
Ёс өнгө нь хэдий хязгааргүй хол мэт боловчиг
Ёроолгүй эрлэгийн өмнө чичрэх нь агаар нэгэн буй
.
Улс олноо мөлжин хөлжин ядах нэгэн хийгээд
Уул модоор тэнэн улай эрэгч араатан хоёрын
Ахуй бие нь ангид хэдий боловчиг
Алан идэхийн агаар нэгэн буй
.
Нэр, нүүрээ нуугаад элдвээр хараагч хүмүүн хийгээд
Нэлэнхүй олноос хулгайлснаа харьд нуусан хоёрын
Нүцгэн бие дүр төрх нь хэдүй ижил боловч
Нүгэлт муугаа нуух хүслийн агаар нэгэн бөлгөө
.
Хан тайшираа түших эгч ману хийгээд
Хатан Туулд ахуй хөөрхий өвчит ману хоёр
Хаа холын газраа шигдэн суух нь адил боловч
Хайрлалцан саналцахын агаар нэгэн буй за.
.
Чингис хааны Алтан ургийн Гэрсэнз Жалайр хунтайжийн гутгаар хөвгүүн Онохуй Үйзэн ноёны тавдугаар хүү Баарай хошуучийн хүү Халхын ЦОГТ ХУНТАЙЖийн шүлгээс үлгэр авч, басхүү Бөх Баатар дүүгээс сэжүүр авч бичиглэв.
Б.Наминчимэд

Жил бүрийн 5 дугаар сарын 18-ны өдрийг Олон улсын музейн өдөр болгон тэмдэглэдэг уламжлалтай. Энэ өдрийг тохиолдуулан Монголын Үндэсний музейд “Музей ба соёлын өвийн дурсгалт газар” сэдвийн хүрээнд олон нийтэд зориулсан лекц зохион байгуулах аж.

“Олон улсын музейн өдөр”-ийн тухай танилцуулгыг доктор, профессор Д.Бумаа хийх бол доктор Н.Эрдэнэ-Очир “Ноён уулын дурсгал” сэдэвт лекц тавих юм. Энэхүү лекцтэй холбогдуулан “Хүннү ширмэл ширдэг” эвлүүлдэг тоглоомыг үзэгчдэд танилцуулах юм байна.

Мөн Олон улсын хүүхдийн утга зохиолын 6 удаагийн шагналт хүүхдийн зохиолч Ж.Дашдондог “Зөв монгол хүүхдийг номоор хөгжүүлэх боломж” сэдвийн хүрээнд Монголын соёлын өвийн дурсгалт газруудаас жишээ болгон хүн чулуун хөшөө, хадны зургийн талаар ярина.

Энэ үеэр “Музей ба соёлын өвийн дурсгалт газар” сэдвийн хүрээнд АХА тэмцээн зохион байгуулна. Тэмцээнд оролцогчдыг үзэгчдийн дундаас сонгож, эхний гурван байрын эзнийг шалгаруулан, музейн бэлэг дурсгалын зүйлээс гардуулах аж.

Нийслэлийн Монгол ардын хувьсгалт намынхан өчигдөр Нийслэлийн иргэдийн төлөөлөгчдийн хурлын 45 тойрогт өрсөлдөх 45 нэр дэвшигчийг тодруулжээ.

Улаанбаатар дулааны сүлжээ ТӨХК-ийн 2016 оны их засвараар дулааны шугамыг шинэчлэн солих шугамын жагсаалтыг танилцуулж байна. Уг ажиллагаатай холбогдуулан халуун ус хязгаарлах юм.

Засгийн газраас “Сайн оюутан” хөтөлбөрийг баталсан. Тус хөтөлбөр нь дээд боловсролын байгууллагын өрсөлдөөнийг дэмжих, сургалтын санхүүжилтийн механизмыг сайжруулах замаар боловсролын хүртээмжийг нэмэгдүүлэх, оюутны бие даасан байдал, хариуцлага, өрсөлдөх чадварыг дээшлүүлэх, сурах бололцоог нэмэгдүүлэх зорилготой юм.

Нийслэлийн Засаг дарга бөгөөд Улаанбаатар хотын Захирагч Э.Бат-Үүл “Олон улсын хүүхдийн эрхийг хамгаалах өдрийг тэмдэглэн өнгөрүүлэх тухай” А/336 дугаар захирамж гаргалаа.

Дарханы ардчилсан намынхан төв намын байран дээрээ улс төрийн суулт зарлаж 20, өлсгөлөн зарлаад хоёр хонож байна. АН-ын гишүүд Дархан-Уул аймагт болж буй намын зөрчил, хагаралыг яаралтай шийдвэрлэх намыг ийнхүү талцахад хүргэсэн намын дарга З.Энхболдыг огцрохыг шаардаж байгаа билээ.

оффшор бүсэд данстай улс төрчдийг олон нийт хатуухан шүүмжилж, тэд ч нэрээ цэвэрлэхээр “Панамын материалууд”-ыг үгүйсгэж эхэллээ. 24tsag.mn оффшор данс гэж чухам юуг хэлдэг мөн манай улсаас тус бүсэд данстай хүмүүс чухам юу гэж “арьсаа хамгаалж” байгаа талаарх мэдээллийг 24 баримтаар хүргэж байна.

Улаанбаатар хотод 2016 онд хэрэгжүүлэх авто зам, тохижилт, ногоон байгууламж, инженерийн шугам сүлжээний засвар арчлалт, хөрөнгө оруулалтын ажлууд, Ази, Европын орнуудын дээд хэмжээний арван нэгдүгээр уулзалтын бэлтгэл ажлын хүрээнд нийслэлийн хэмжээнд тохижилтын ажлуудад хяналт тавих 22 ажлын хэсэг байгуулагдсан.

Ажлын хэсгүүд өдөр тутам нийслэлийн хэмжээнд хийгдэж буй тохижилтын ажилд хяналт тавьж байгаа. Олимпийн гудамжинд замын хэвтээ тэмдэг тэмдэглэгээ хийх, борооны ус зайлуулах шугамын худаг засварлах зэрэг ажлыг Нийтийн үйлчилгээний Улаанбаатар нэгтгэл”-ээс хийж байна.

Олимпийн гудамжны тохижилтын ажлыг “Модон байшин“ХХК, “Сэдбоса” ХХК хариуцан ажиллаж, ажил нь дуусах шатандаа явж байна. “Буурал сутай” ХХК чөлөөлсөн газрын хөрсийг тэгшлэн барилгын хог цэвэрлэх ажлыг хийж эхэлсэн.

Их тойруугийн гудамж буюу Зүүн 4 замаас хойш Сансрын аюулгүйн тойрог хүртэл нийт 51 гэрэлтүүлгийн шонг будсан бол “Холбоо трейд” ХХК нь Сансрын аюулгүйн тойргоос Нарантуул захын уулзвар хүртэлх гудамжны кабелийн утаснуудыг багцалсан. Мөн шаардлага хангахгүй 787 хайс хашлагыг буулгалаа. Энхтайваны өргөн чөлөөний замын урд хэсэг явган замын нөхөн засварын ажил эхэлсэн.

Харин Зайсангийн гудамжинд эко хавтан суурилуулж, хөрсний нөхөн сэргээлтийг хийн, худгийн тагны түвшинг тааруулах, зүлэгжүүлэх, хавтангийн өнгө сэргээх ажлууд 60%-тай хийгдэж байна. Мөн гэрэлтүүлгийн шон будах, кабель цэгцлэх ажлууд бүрэн хийгдсэн.

Нийслэлээс хийгдэж буй тохижилтын ажлыг дэмжин аж ахуйн нэгжүүдээс “Цагаан Шонхор” ХК хашаагаа засварлаж эхэлсэн бол , МҮЭСТО-ны зүүн талд байрлах Q&BN ХХК хашаагаа сольж, Шангрила зочид буудал гэрэлтүүлгийн шонгийн суурийг зассан. БСШУЯ –ны Мал эмнэлгийн хүрээлэн, ХААИС барилгынхаа гадна хашаанд мэдээллийн самбар байрлуулсан. Нарантуул трейд ХХК-ны оффис 9 давхар барилгынхаа хашааг өндөрлөсөн байна гэж Улаанбаатар хотын Захирагчийн ажлын албанаас мэдээллээ.

09.00 цагт: МҮХАҮТ-аас Тайвань, Хятадын Олон Улсын Эдийн Засгийн Хамтын Ажиллагааны байгууллага (CIECA) -тай хамтран 15 дугаар ээлжит “Худалдаа, эдийн засгийн хамтарсан уулзалт”-ыг МҮХАҮТ-ын Хурлын танхим (507 тоот)-д зохион байгуулна.

09.00 цагт: ХААИС-ийн Мал эмнэлэгийн сургуулийн эрдмийн зөвлөлийн танхимд доорх сургалтын нээлт болно. Утас: 99062806

10.00 цагт: ”UB‬ ‎city”‬ зочид буудал /19-ийн үйлчилгээний төвийн урд/-ын хурлын зааланд ”Хөгжлийн бэрхшээлтэй хүүхдүүдэд боловсрол олгох орчин үеийн чиг хандлага, хэтийн төлөв” Олон Улсын ‎II ‎зөвлөгөөн‬ болно. Утас: 99036015, 93143717

10.00 цагт: ”Герман-Франц Улсад суралцсан анхны Монголчууд 1926-1930” Эрдэм шинжилгээний бага хурал Гадаад хэргийн яамны ”Зөвшилцөл” танхимд болно. Утас: 88080619

11.00 цагт: ”Монгол Ньюс” Мэдээллийн төвд улаан бурхан, улаанууд өвчний эсрэг орон даяар 18-30 насны залуучуудыг нэмэлт дархлаажуулалтад хамруулах аяныг зохион байгуулах талаар ЭМСЯ, ХӨСҮТ, ДЭМБ, НҮБ-ын Хүүхдийн сангаас мэдээлэл хийнэ. Утас: 99124735, 99163638

11.00 цагт: Үндэсний Соёл Амралтын хүрээлэнгийн ”Castle‬” ресторанд ”Өнөр бүл, өнөө цагт” уран сайхны киноны хэвлэлийн бага хурал болно.

11.00 цагт: ”Зууны мэдээ” сонины Үндэсний мэдээллийн төвд Монголын Тэшүүрийн холбооноос тэшүүрийн спортыг аварч, холбоогоо шинэчлэх талаар мэдээлэл хийнэ.

11.30 цагт: УИХ-ын гишүүн Ж.Батзандан Төрийн ордны ”Г” танхимд хэвлэлийн бага хурал зарлалаа.

11.30 цагт: Нийслэлийн Үйлчилгээний нэгдсэн төвийн 2 дахь салбар буюу ”Мишээл” экспо дахь үйлчилгээний төвийн албан ёсны нээлтийн ажиллагаа болно. ”Мишээл” дэх төв нь төрийн 287 үйлчилгээг үзүүлэхээс гадна барилгын бүх төрлийн үйлчилгээ, орон сууцны бирж, барилгын материалыг нэг дор төвлөрүүлээд байна. Нээлтийн ажиллагаанд нийслэлийн Засаг дарга болон нийслэлийн удирдлагууд оролцоно. Утас: 91040607

12.00 цагт: Үндэсний Супер Лигийн 2016 оны улирлын аварга Альянс Тех Харцага болон мөн эмэгтэй супер лигийн аварга болсон Үндэсний Биеийн Тамирын Дээд Сургуулийн баг тамирчдад ”Үндэсний аваргын бөгж” гардуулах ёслол ”Шонхор” цамхагийн 12 давхарт болно. Утас: 88081047

15.00 цагт: Тавдугаар сарыг бэлгийн хүчирхийллээс урьдчилан сэргийлэх сар болгон зарласантай холбогдуулан тус аяны хүрээнд бэлгийн хүчирхийллийн хохирогч, даван туулагчидтай ажилладаг мэргэжилтнүүдэд зориулан ”Бэлгийн хүчирхийллийн хохирогч, даван туулагчидтай ажиллах арга зүй, сэтгэлзүйн онцлог, хууль эрхзүйн орчин” сэдэвт шууд хэлэлцүүлгийг Монголын эмэгтэйчүүдийн сангийн байранд зохион байгуулна. Утас: 99608138

15.00 цагт: ШУА-ийн Физик-Математик-Химийн салбарын бага чуулган, Монголын Анагаах Ухааны Академитай хамтран ”Транс тосны хэрэглээ, нийгмийн эрүүл мэндийн ач холбогдол” сэдэвт хэлэлцүүлгийг ШУА-ийн 3 давхрын хурлын танхимд зохион байгуулна. Утас: 99045949

18.00 цагт: Ганданлхавжама буюу ”Богд ламын егүзэр” номыг Энэтхэгийн Балданбрайбун хийдийн Гоман дацангийн гэвш, лхаарамба Агваанцүлтэм бээр айлдана. Утас: 95952272, 11304838
- See more at: http://www.uls.mn/10003023#sthash.t5H2hqja.dpuf

Нийслэлийн үйлчилгээний нэгдсэн төвийн салбарыг Драгон төвд ажиллуулж байгаатай холбогдуулан тус төвийн урд хэсэгт 500-600 автомашины зогсоолыг шинээр барихаар ажил эхэлсэн. Ажлыг “Нийтийн үйлчилгээний Улаанбаатар нэгтгэл” ОНӨААТҮГ хариуцан гүйцэтгэж байна. Нийслэлийн үйлчилгээний нэгдсэн төвийн Драгон төв дэх салбарын албан ёсны нээлт энэ сарын 16-нд болно. Энэ төвөөс нийслэлийн 200 гаруй үйлчилгээг нэг дор авах боломжтойгоос гадна газрын харилцаатай холбоотой бүх төрлийн үйлчилгээг төвлөрүүлсэн байна гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.

байнгын хороод

Өнөөдөр дараах байршлуудад цахилгаан эрчим хүч түгээдэг шугам тоноглолд урсгал засвар хийх тул Та бүхэн хэрэглээгээ түр зохицуулна уу.

Налайх

10:00-18:00 цагт: 3, 4-р хороо Нарангийн 1-10, Өлгий 1-8, Дэнжийн 1-12, Туулын гудамж, Нарангийн задгай, Төмөр замын хэсгийн айлууд, Разноимпекс, 3-р хорооны байр, Дөл төв болон эдгээрийн ойр орчмоор

Төв аймаг

09:00-18:00 цагт: Партизан Хаан банк, Эмнэлэг, 74-р сургууль, Дотуур байр, Цагдаагийн хэсэг, Захиргаа, Соёлын төв, Уурын зуух, ШТС, Үүрэн телефоны станц

10:00-18:00 цагт: Партизан гэр хороолол, Бүст нуур дэлгүүр, Худаг орчмоор

10:00-13:00 цагт: Батсүмбэр сум Хөрөө рам орчмын гэр хороолол

14:00-18:00 цагт: Батсүмбэр сум Засварын газар орчмын гэр хороолол

ордууд

Харин хотын даргын хүү Э.Чулуудайн нэр оффшорт бүртгэлтэй байгаа нь иргэдэд олон талын хардлагыг төрүүлж эхэллээ. Тодруулбал, олон нийт түүнийг оффшор бүсэд компани байгуулах хэмжээний туршлагатай хүн мөн үү, ингэж ажиллахад эцгийнх нь зөвлөгөө, тусламж нөлөөлсөн юм биш биз. Цаашилбал оффшорт компани байгуулах хэмжээний хөрөнгийнх нь эх үүсвэр юу байв гэх мэтчилэнгээр хардаж байна. Түүний хувьд ”Strategic Mines Inc” гэх уул, уурхайн компанийн хувьцаа эзэмшигчээр оффшор бүсэд данс нээлгэжээ. Бүртгүүлсэн компани нь Хонконгийн хамгийн үнэтэй байрлалд оршдог “OCEAN CENTRE” оффисын наймдугаар давхарт байрладаг юм байна. Уг барилгад өрөө худалдаж авах, түрээслэхийн аль, аль нь хэт үнэтэйд тооцогдох бөгөөд дэлхийн хэмжээний баячууд л эндхийг зорьдог аж.

2016 оны 05 дугаар сарын 12-ноос 05 дугаар сарын 16-ныг хүртэлх цаг агаарын урьдчилсан төлөв:

13-нд баруун болон төвийн нутгаар, 14-нд нутгийн зүүн хагаст хур тунадас, нойтон цас орно. Салхи 12-нд Алтайн салбар уулсаар, 13-нд ихэнх нутгаар, 14-нд говь талын нутгаар секундэд 18-20 метр хүрч шороон болон цасан шуурга шуурна. 13-нд нутгийн баруун хагаст, 14-нд нутгийн зүүн хагаст сэрүүсч Хангай, Хөвсгөл, Хэнтэйн уулархаг нутаг, Туул, Тэрэлж, Хэрлэн, Онон, Улз, Халх голын хөндийгөөр шөнөдөө 4-9 градус хүйтэн, өдөртөө 3-8 градус дулаан, говийн бүс нутгийн өмнөд хэсгээр шөнөдөө 1-6 градус, өдөртөө 13-18 градус дулаан, бусад нутгаар шөнөдөө 0-5 градус хүйтэн, өдөртөө 9-14 градус дулаан байна. Бусад хугацаанд дулаан байна.