МАН-ын дарга М.Энхболд, УИХ дахь МАН-ын бүлгийн дарга С.Бямбацогт, УИХ-ын гишүүн Ч.Хүрэлбаатар, Н.Энхболд, тус намын Ерөнхий нарийн бичгийн дарга Ж.Мөнхбат нар МАН-ын Бага хурлын шийдвэрийн талаар мэдээлэл хийлээ. МАН, МАХН эвсэж сонгуульд оролцох ажлын хэсэг байгуулагдан ажиллаж байсан ч өчигдөр МАХН эвсэх саналаасаа татгалзсан юм.
Тэд өчигдөр гурван цаг гаруй хуралдсан ч үр дүнд хүрээгүй байна. Тиймээс МАН сонгуульд дангаараа оролцох шийдвэр гаргажээ. Хоёр нам эвсэх асуудал нь хэдхэн хоногийн өмнөөс яригдсан асуудал биш хоёр нам салснаас хойш намын гишүүд дэмжигчдийн тавьж байсан асуудал. Тиймээс цаашид ч хоёр нам эвсэх асуудал нээлттэй хэвээр гэлээ. МАН өнөөдөр мөрийн хөтөлбөрөө Үндэсний Аудитын газарт хүргүүлжээ.

Анхны дарга нь Ц.Баянбилэг гэх хүн бөгөөд тэрбээр 10 хоногийн өмнө Г.Уянгад ажлаа хүлээлгэж өгчээ. УИХ-ын гишүүн Х.Баттулгын “халаасных” гэх тус нам өнгөрсөн даваа гаригт анхны өргөтгөсөн хуралдаанаа хийсэн юм. АН-ын ҮЗХ, МАН-ын Бага хуралтай зэрэгцэн хийсэн тус намын хуралдааныг ”С1” телевизээр шууд дамжуулсан бөгөөд хуралд УИХ-ын гишүүн Л.Цогоос гадна Х.Баттулга гишүүний хөтөлдөг ”Монгол тулгатны 100 эрхэм” нэвтрүүлгийн зочид очиж шууд дамжуулалтын найруулагчаар Б.Баатар ажилласан нь Х.Баттулгынх гэдгийг олон нийтэд ил болгосон юм. Энэ үеэр тус намын дарга Г.Уянгын ”Х.Баттулга гишүүнийг ирвэл манай нам хоёр алгаа тосоод хүлээж авна” хэмээн хэлсэн нь дээрх таамаглалыг бүрэн баталж, энэ бол аль эрт төлөвлөгдсөн жүжиг гэдэг нь тодорхой болсон.

АН-ын ерөнхий нарийн бичгийн даргын үүрэг гүйцэтгэгч Л.Эрхэмбаяртай ярилцлаа.

-АН ирэх сонгуульд аль нэгэн нам эвсэлтэй эвсэхгүй гэдгээ Үндэсний зөвлөлдөх хорооны хурлаараа өчигдөр (уржигдар) шийдвэрлэжээ. Энэ эцсийн шийдвэр үү?

-Эцсийнх.

-Эвсэхгүй гэж шийдвэрлэхэд юу нөлөөлсөн бэ. Өнгөрсөн дөрвөн жил танайх эрх баригч хэдий ч эвсэж Засгийн газраа байгууллаа. Өмнөх УИХ-ын үед ч эвсэж л байсан. Хамтрагчтай байх хэцүү байв уу?

-Эвсэнэ гэдэг ямар үр дагавартай байдгийг бид хангалттай мэдэрлээ. Өнөөдрийн хуулиар бол эвсэнэ гэдэг тийм ч таатай хувилбар биш. Дотроо учраа олохгүй эвсэл тарсан тохиолдолд нам нь УИХ-д бүлэггүй, ийшээ тийшээ харсан хэдэн тусдаа бие даасан улстөрчид л болдог юм. Ойрхны түүх байна. 1996 онд ардчиллын төлөөх намууд эвсээд “Ардчилсан хүчний холбоо” гэж байгуулсан. УИХ-ын сонгуулийн үр дүнгээр 50 суудал авсан. Засгийн газраа ч байгууллаа. Үр дүн нь ямархуу байв гэдгийг хүмүүс санаж байгаа байх аа. Бид тэгэхэд 32-38 насны залуус л байсан. Хувь хүнийхээ хувьд бас төдийлөн сайн төлөвшөөгүй, улс төрийн намынхаа хувьд ч бас нялх балчир ийм л байсан. 50-иулаа мөртлөө л хоорондоо эв түнжингүй, учир зүйгээ ойлголцохгүй дөрвөн ч Засгийн газрын нүүр үзсэн. Уг нь хийсэн юм ихтэй байгаад байдаг. Эдийн засгийн реформ маш сайн хийсэн боловч дотооддоо эрх барих эв ухаан дээрээ аргаа олоогүй эвдрэлцсэн. Дараа нь 2004 онд манай нам Эх орон намтай нийлж “Эх орон-ардчилал” эвсэл гэж байгуулсан. Ц.Элбэгдорж тэргүүтэй энэ эвсэл нэг их унасан. Эвсэл задарсан. Эвсэл задрахаар яасан гэхээр манай нам УИХ-д бүлэггүй нам болсон. Дараа нь Их эвслийн Засгийн газар гэж байгуулсан.

М.Энхболд тэргүүлээд ийм Засгийн газар байгуулсан. Бас л эвслийн Засгийн газар. Удалгүй Засгийн газар огцорч С.Баярын Засгийн газар байгуулсан. Дангаараа болж байж ажил төрөл нь арай урагшилсан. Үүнийг бүгд мэдэж байгаа. Сүүлийн үеийн түүхээс харахад Ардын намд ард түмэн арай илүү боломж олгож иржээ. Өнгөрсөн сонгуулиар бидэнд итгэл хүлээлгэсэн. Бид ч үүнийг алдахгүйг хичээж ажиллалаа. Одоо бол хийсэн юмтай хэлэх үгтэй болсон учир эвсэхгүй гэж шийдсэн. Дангаараа Зас­гийн газар байгуулах болом­жийн төлөө явж байгаа.Яагаад гэхээр Монгол орны түүхэнд эвслийн Засгийн газар унаагүй түүх байхгүй. Тийм учраас би Ардын нам МАХН хоёрыг битгий эвсээсэй, харин нийлээсэй гэж хүсч байгаа юм. Энэ нь Монголд хэрэгтэй.

-Бусад нам эвсэх хийгээд нэгдэх нь АН-д тийм чухал гэж үү. Та бүхний санаа зовниж байгаагаас харахад бусдын эвсэл үнэхээр чухал болж харагдаад байна. Гэхдээ ярьж байгаа шигээ эвсээсэй нийлээсэй гээд байгаа нь үнэн үү. Харин ч эсрэгээрээ Н.Энхбаярыг цагаатгах тогтоолын төсөл ноороглож тэдний хоршлыг сарниулах гэж байна гэсэн таамаглал яваад байсан?

-Тийм зүйл огт байхгүй.

-Харин танай нам нэг угшилтай, нэгэн үе нэг малгайн доор нэгдэж явсан МҮАН, ИЗНН-тай нэгдэхгүй юм уу. Танай намын тавьсан тэр саналын хариу юу болж байгаа бол?

-ИЗНН болон МҮАН-д нэгдье гэдэг саналаа манай нам тавьсан. МҮАН бол асуудлаа тодорхой илэрхийлсэн. Тэд манай нам нэгдэхгүй, харин эвсэж болно гэсэн. Тухайн на­муудын л асуудал.Харин ма­найх бол эвсэхгүй, нэгдье гэж бай­гаа. Улс төрийн намуудын ха­рааны өөр өөр өнцгүүд л юм даа.

-Намууд эвсэхгүй гэдэг нь бие даасан хараат бусаа харуулж байгаа хэрэг юм гэсэн пиар сошиалаар их явж байна. Танай нам дангаараа сонгуульд орохоор боллоо гэснээс хойш ийм утгатай зүйл гарсан. Танай намын пиарын нэг хэсэг үү?

-Үгүй, бас л хүмүүсийн харах өнцгөөс болж байгаа байх. Эвсэхгүй, дангаараа сон­гуульд орох нь зөв гэж харж бай­гаа бол сайн л байна.Бид зөв зүйл рүү алхаж байгаа юм байна

-Ялсан намын хувьд мөрийн хөтөлбөрийн биелэлт ямархуу байх нь дараагийн ялалт хийгээд ялагдлыг тодорхойлдог. Танай намын Мөрийн хөтөлбөрийн бие­лэлт хэдэн хувьтай байгаа вэ?

-90 гаруй хувьтай байгаа.

-Тийм өндөр үү?

-Хүмүүс яаж харж бай­гаагаар л хэмжигдээд байх шиг байна. Би бол социализмын үед л хүүхэд насаа өнгөрүүлсэн. Эдийн засаг хямарлаа гээд байгаа ч өнөөдөр социализмын үеийнхээс илүү байгаа шүү. Хорвоогийн жамаар даваа гүвээ нугачаатай байдаг. Нэг өгсөөд жаахан уруудаад дахиад л дээшээ өгсөнө. Би улсынхаа ирээдүйг үргэлж гэрэлтэй нүдээр хардаг. Сэтгэлдээ л байдаг юм. Бид бүх юмыг муу байна, муухай байна гээд яриад байх юм бол муухай л байна. Бидний өрсөлдөгч нар нүдэн дээр нь хийсэн бүтээсэн нь ил байхад л үгүйсгээд шүүмжлээд байгааг би гайхаж байгаа. Нэг ч гэгээтэй үг унагаахгүй юм. Дөрвөн жил болоход нэг гэгээтэй үг унагааж байгаа бусад намынхныг харсангүй. Болохгүй шүү дээ. Өрсөлдөж байгаа ч өрөөлийн хийснийг үнэлээд сурчих л хэрэгтэй. Тэгсэн атлаа дандаа бүтэхгүй, болохгүй талаас нь аливааг шүүмжилдэг. Бид бол мөрийн хөтөлбөрөө заалт заалтаар нь авч үзэж байгаа.

-Гэхдээ эдийн засгийн өсөлтийг нэмэгдүүлнэ, иргэ­дийн орлогыг нэмэгдүүлнэ гэсэн заалт мөрийн хөтөл­бөрийн тань амин сүнс байсан шүү дээ. Одоо эдийн засгийн өсөлт нэмэгдсэн үү гээд л асуулт эхэлнэ…

-Цикль нь тэгээд таар­чихлаа. Дэлхий нийтээр эдийн засгийн хямрал нүүрлэлээ. Юмыг наанатай цаанатай иргэддээ ойлгуулах хэрэгтэй л дээ.Тэр тал дээр бидний дутагдал ч байгаа л байх. Сөрөг хүчнээс сөрөг пиарууд ч бас явж байх шиг байна. Бид эдийн засгийн өсөлтийг нэмэгдүүлнэ, иргэдийн орлогыг нэмэгдүүлнэ гэсэн.Бидний бодсон хэмжээнд очиж нэмэгдээгүй. Гэхдээ буураагүй шүү.

-Тэгвэл энэ сонгуулийн мөрийн хөтөлбөрийн гол заалт юу байгаа вэ. Эдийн засгийн хямралаас гаргах ямар арга байна, иргэдийн орлогыг яаж нэмэгдүүлэх вэ гэдгийг сонгогчид хамгийн түрүүнд харах байх.

-Мөрийн хөтөлбөрөө хуульд заасан хугацаанд Үндэсний аудитын газар өгөх ёстой байдаг. Бид хоёрын ярилцаж байгаа энэ цагт манай нам мөрийн хөтөлбөрөө аудитад хүр­гүүлж амжаагүй байна. Тэгэхээр мөрийн хөтөл­бөрөө дэлгэрэнгүй танил­цуулах бо­ломжгүй байна. Маргааш (өнөөдөр) 18 цагаас хойш бүх хүнд ил тод болно. Одоо зарим намын мөрийн хөтөлбөр эцэслэгдээгүй байна. Ийм үед тактикийн хувьд мөрийн хөтөлбөр нууц байх нь зүй ёсных.

-Өнгөрсөн сонгуулийн мөрийн хөтөлбөр шиг сайн зүйл оруулж ирсэнгүй гэж ҮЗХ дээр зарим гишүүн та бүхний танилцуулсан мөрийн хөтөлбөрийг шүүм­жилсэн гэсэн үү?

-Өмнөхөөсөө муутгана гэж юу байх вэ. Улам л боловсронгуй болгохыг хичээсэн. Тэгсэн ч байх гэж бодож байна. Бид өмнөх мөрийн хөтөлбөрөө боловсруулахдаа ганцхан сон­гуулийг бодоогүй. 2020 он хүртэл алсыг харсан. Сууриа сайн тавьсан учир энэ мөрийн хөтөлбөр маш чамбай болсон гэж бодож байгаа.

Дөрөвхөн настай охиноо хөнөөсөн хэрэгт буруутгагдан шүүхээс тус бүр 24 жилийн ял сонссон талийгаач охины төрсөн эцэг Т.Цогт, хойд эх Г.Маралмаа нарын хэргийн нэмэлт мөрдөн байцаалт дуусжээ. Тэрээр яллах дүгнэлт үйлдэн шүүхэд шилжүүлэхэд бэлэн болжээ.


Дээд шүүхийн Эрүүгийн танхимын шүүгчид тэдэнд холбогдох хэргийг өнгөрсөн нэгдүгээр сарын 18-нд хэлэлцээд мөрдөн байцаалт дутуу хийсэн, зарим зүйлсийг нэмж тодруулах шаардлагатай гэж үзэн хэргийг дахин шалгуулах шийдвэрийг гаргасан юм.


Тодруулж хэлбэл, Нийслэлийн Эрүүгийн хэргийн давж заалдах шатны шүүх Өршөөл үзүүлэх хуулийг баримтлан тэдэнд оноосон тарчлаах гэсэн зүйл ангийг нь өршөөн хэлтрүүлж, хорих ялыг 22 жилээр тогтоогоод байсан юм.

Фото: 3D зургийн гайхамшиг

Пулитцерийн шагналын уран зохиолын салбарын шилдэг драмын төрөлд ”Хэмилтон” мюзиклийн зохиолоороо Лин Мануэль Миранда шагнал хүртлээ. Уг мюзикл Бродвейн театрт тавигдсанаасаа хойш аль хэдийн Грэмми шагнал хүртэж, Биллбоард жагсаалтын дээгүүр байранд бичигдэж, телевизийн олон шоу нэвтрүүлгүүдэд оролцсоноос гадна мөн энэ жилийн Тони шагнал гардуулах ёслолд нэр дэвшээд байгаа билээ. Уг мюзиклд Каррибын тэнгисийн аралд мэндэлсэн, өнчин цагаач хүү хэрхэн АНУ-ын нийгэмд өндөр байр суурь эзэлсэн хүчирхэг хүн болсон түүхийг өгүүлдэг бөгөөд зохиолыг Александр Хэмилтоны намтраас сэдэвлэн бичсэн ажээ.

Дэлхийн өнцөг булан бүрт ажиллж амьдарч буй авъяаслаг Монголчууд их. Тэдний нэг болох ”Их татлага” язгуур урлагийн хамтлаг өнгөрөгч амралтын өдрөөр буюу ням гарагт Япон улсын Токио хотын алдарт ”Сантори” танхимд өөрсдийн бие даасан тоглолтоо хийсэн байна.

Энэхүү тоглолтонд хүрэлцэн ирсэн хүн бүр тэдний гайхалтай тоглолт, ур чадварыг шагшин магтахын зэрэгцаа Монгол ардын урлагийн сайхныг бишрэн хүндэлж байсан байна. Ийнхүү ардын урлагийн ”Их тайга хамтлаг”-ийн залуус Монгол өв соёл, хөгжим, урлагийн бахдам сайхныг арлын Япон улсад таниуллаа.

Мөн тэнд Япон улсад ажиллаж амьдардаг Монголчууд хүрэлцэн ирж нэгэн үдшийг үндэснийхээ хөгжимтэй, дуутай, бүжигтэй, хөөмийтэй нэгэн үдэш өлгийдөн баяссан юм.

ОХУ-ын Новосибирск хотын дарга А.Е.Локоть болон ИТХ-ын дарга Д.В.Асанцев тэргүүтэй төлөөлөгчид Улаанбаатар хотод энэ сарын 18-наас 22-ны өдрүүдэд албан айлчлал хийж байна. Айчлалын хүрээнд нийслэлийн Засаг дарга бөгөөд Улаанбаатар хотын Захирагч Э.Бат-Үүл Новосибирк хотын дарга А.Е.Локотийг хүлээн авч уулзлаа. Уулзалтад нийслэлийн Засаг даргын Тамгын газрын дарга Ё.Гэрэлчулуун, Улаанбаатар хотын Ерөнхий менежер бөгөөд Захирагчийн ажлын албаны дарга Б.Бадрал, нийслэлийн Хөрөнгө оруулалтын газрын дарга Л.Нарантуяа, нийслэлийн Орон сууцны корпорацийн захирал Б.Тэлмэн, нийслэлийн Соёл урлагийн газрын дарга Б.Батцэнгэл нар оролцов.
Уулзалтаар хоёр хотын хамтын ажиллагааны талаар санал солилцлоо.
Уулзалтын эхэнд нийслэлийн Засаг дарга бөгөөд Улаанбаатар хотын Захирагч Э.Бат-Үүл “Улаанбаатар хотод тавтай морилж байна уу. Тантай дахин уулзаж байгаадаа баяртай байна. 2015 оны 10 сард Новосибирск хотод айлчилж, ах дүү хотууд болох санамж бичиг байгуулсан. Айлчлалын үр дүнд хоёр хотын хамтын ажиллагаа шинэ шатанд гарч, олон салбарт хамтран ажиллахаар тохиролцсон юм. Нийслэлийн бүтээн байгуулалтын ажилд Новосибирскийн барилгачид маш их үүрэг гүйцэтгэсэн. Тийч учраас Улаанбаатар хотын хуучин барилга байгууламжийн засвар шинэчлэлийн ажилд хамтран ажиллахаар болсон. Энэхүү ажилд Та бүхний туршлага, зохион байгуулалт маш хэрэгтэй байна. Биднийг бүх талаар дэмжиж, уг ажлыг хамтран хэрэгжүүлэх гэж байгаад талархаж байна” гэв.
Харин Новосибирск хотын дарга А.Е.Локоть “Биднийг найрсагаар хүлээн авч уулзаж байгаад таатай байна. Хоёр хот ах дүү хотууд болж, бидний харилцаа улам өргөжин хөгжиж байгаад баяртай байна. Бид Улаанбаатар хотын бүтээн байгуулалтын ажилд бүх талаар хамтран ажиллаж, дэмжлэг үзүүлэх болно. Улаанбаатар хотын угсармал барилгыг иж бүрнээр шинэчлэх ажлыг гардан хийх гэж байна. Бидний зүгээс эдгээр барилгыг шинэчлэхэд хэдий хэмжээний хөрөнгө шаардлагатай талаар судалгаа гаргаж, мэргэжилтнүүдээ бэлтгэх ажилд орох гэж байна. Хөрөнгөө шийдчихвэл удахгүй ажилдаа орох юм. Мөн зам засвар, барилга, хөдөө аж ахуйн салбар, орон сууц, нийтийн аж ахуйг хөгжүүлэх тал дээр хамтран ажиллана” гэдгээ илэрхийллээ гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.

Найруулагч О.Машбат хүнд өвчний улмаас таалал төгсчээ. Түүний хувьд “Жинжиймаа”, “Сийлэн бөөр”, “Хэенхуар”, “Вансэмбэрүү”, “Зүүдэнд ирсэн хонгорхон ижий” зэрэг олон киноны зохиол бичиж, өөрөө найруулж, үзэгчдийн хүртээл болгосон юм.

Түүнийг Гавьяат жүжигчин Н.Батцэцэгийн нөхөр гэдгээр нь үзэгчид андахгүй сайн мэднэ дээ. Гэр бүлээрээ уран бүтээлч, хөдөлмөрч хүмүүс бөгөөд хоёр хүү нь аав ээжийнхээ мэргэжлийн өвөлсөн мундаг уран бүтээлчид юм. Талийгаачийн хувьд Монголын кино урлагт өөрийн том орон зайг тодоос тод тамгалсан чадварлаг найруулагч байсан юм. Түүний гавьяаг үнэлж Хөдөлмөрийн гавьяаны улаан тугийн одонгоор шагнаж байв. Гэр бүлд нь гүн эмгэнэл илэрхийлье.


УМ САЙН АМГАЛАН БОЛТУГАЙ

Монгол Улсын Их Хурлын дарга Зандаахүүгийн Энхболдын урилгаар Бүгд Найрамдах Итали Улсын парламентын Сенатын танхимын Ерөнхийлөгч Пьетро Грассо 2016 оны 04 дүгээр сарын 20-23-ны өдрүүдэд Монгол Улсад албан ёсны айлчлал хийнэ.

Сенатын танхимын Ерөнхийлөгч Пьетро Грассо айлчлалынхаа хүрээнд Монгол Улсын Ерөнхийлөгч Ц.Элбэгдоржид бараалхаж, Монгол Улсын Их Хурлын дарга З.Энхболдтой албан ёсны уулзалт хэлэлцээ хийнэ. Монгол Улсын Гадаад хэргийн сайд Л.Пүрэвсүрэн Бүгд Найрамдах Итали Улсын парламентын Сенатын танхимын Ерөнхийлөгчид бараалхана.

Бүгд Найрамдах Итали Улсын парламентын Сенатын танхимын Ерөнхийлөгч Пьетро Грассо Монгол Улсад албан ёсны айлчлал хийхийн зэрэгцээ 04 дүгээр сарын 21-23-ны өдрүүдэд зохиогдох Ази-Европын Парламентын Түншлэлийн 9 дүгээр уулзалтад оролцож, Ази-Европын Парламентын Түншлэлийн 8 дугаар уулзалтын Ерөнхийлөгчийн хувьд Ази-Европын Парламентын Түншлэлийн 9 дүгээр уулзалтын нээлтэд үг хэлнэ.



Бүгд Найрамдах Итали Улсын парламентын Сенатын танхимын

Ерөнхийлөгч Пьетро Грассогийн товч намтар


Пьетро Грассо 1945 оны 01 дүгээр сарын 01-ний өдөр Италийн Агрижэнто мужийн Ликата хотод төрсөн. 1966 онд Палермогийн Их сургуулийг хуульч мэргэжлээр төгсөж, 1969 онд шүүгчийн эрх авчээ.

1972 онд Баррафранка хотын Шүүхийн шүүгч

1972-1984 онд Палермо хотын прокурор

1984-1985 онд Палермо хотын Шүүхийн шүүгч

1985-1989 онд Зохион байгуулалттай гэмт хэргийн бүлэглэлтэй тэмцэх ажиллагааг хариуцсан туслах шүүгч

1989-1991 онд Зохион байгуулалттай гэмт хэргийн бүлэглэлтэй тэмцэх Парламентын комиссын зөвлөх

1991-1993 онд Хууль зүйн яаманд Гэмт хэрэгтэй тэмцэх газрын үйл ажиллагааг хариуцсан атташе

1993-1999 онд Зохион байгуулалттай гэмт хэргийн бүлэглэлтэй тэмцэх Үндэсний мөрдөн байцаах газарт орлогч дарга

1999 онд Үндэсний зохион байгуулалттай гэмт хэрэгтэй тэмцэх орон тооны бус прокурор

1999-2005 онд Палермо хотын ахлах прокурор

2005-2006 онд Үндэсний зохион байгуулалттай гэмт хэрэгтэй тэмцэх прокурор

2006-2013 онд Палермо хотын Мөрдөн байцаах газрын дарга

2013.01.08-наас Бүгд Найрамдах Итали Улсын парламентын Сенатын танхимын гишүүн

2013.03.16-наас Бүгд Найрамдах Итали Улсын парламентын Сенатын танхимын Ерөнхийлөгчөөр ажиллаж байна.

Батлан хамгаалах салбарын үзэсгэлэн яармаг нээгдлээ

АСЕМ-ын дээд түвшний уулзалтын хүрээнд зохион байгуулах Ази, Европын парламентын түншлэлийн есдүгээр уулзалт дөрөвдүгээр сарын 21,22-ны өдрүүдэд Улаанбаатар хотод болно. Уулзалтад 20 гаруй орны 100 гаруй парламентын гишүүд оролцох төлөвтэй байгааг албаныхан хэлж байгаа юм. Эдгээр төлөөлөгчдөөс 5 орны УИХ-ын дарга болон зургаан орны УИХ-ын дэд дарга хүрэлцэн ирэх юм байна. Эдгээр зочид төлөөлөгчид нь нэгдүгээр зэргийн хамгаалалттай зорчдог журамтай бөгөөд энэ өдрүүдэд замын хөдөлгөөний хэт ачааллаас урьдчилан сэргийлэх зорилгоор тээврийн хэрэгслийн улсын дугаарын тэгш сондгойгоор нь ялган замын хөдөлгөөнд оролцуулахаар нийслэлийн Засаг даргын захирамж гарсан.

Маргааш буюу 4 дүгээр сарын 21-ний Пүрэв гарагт тэгш тогоор төгссөн дугаартай тээврийн хэрэгсэл, баасан гарагт сондгой тоогоор төгссөн тээврийн хэрэгсэл замын хөдөлгөөнд оролцоно.

Энэ өдрүүдэд дугаарын хязгаарлалтын үндсэн бүсээс гадна Наадамчдын гудамж, Дүнжингаравын гудамжны Төв аймаг руу салдаг уулзвараас Их тэнгэрийн уулзвар хүртэлх замдуудад 08:00-20:00 цагийн хооронд хязгаарлалтад орсон дугаартай автомашин замын хөдөлгөөнд оролцохгүй.

Энэхүү хязгаарлалтад зочид төлөөлөгчдийн цуваа, дипломат байгууллагын, нийтийн үйлчилгээний том оврын автобус, троллейбус, стандартын шаардлага хангасан такси, тусгай дуут болон гэрэл дохиогоор тоноглогдсон, таних тэмдэг бүхий хэвлэл мэдээллийн байгууллагын тээврийн хэрэгсэл болон хойшлуулшгүй ажил үүрэг гүйцэтгэж яваа тээврийн хэрэгсэл хамаарахгүй. Түүнчлэн 2016 оны 04 дүгээр сарын 21, 22-ны өдрүүдэд хязгаарлалт тогтоосон гудамж, замуудад хүнд даацын ачааны авто машин /10 тонноос дээш/-ыг 06:00-22:00 цагийн хооронд замын хөдөлгөөнд оролцохыг түр хориглоно гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.

ажлын хэсгүүд

Сирийн асуудлаарх НҮБ-ын тусгай төлөөлөгч Стаффан Де Мистура Женев хотноо үргэлжлэн явагдсан Сирийн энхийн асуудлаарх яриа хэлэлцээний талаар ерөнхий мэдэгдлийг хийлээ. Тэрээр Сирийн Алеппо-д гал зогсоох гэрээг зөрчин, дайтаж эхлээд байгаа явдлын дараагаар тус улсын сөрөг хүчнийхэн Женевт явагдаж байгаа энхийн яриа хэлэлцээнд оролцох хугацаагаа хойшлуулахаар болсныг энэ үеэр зарлан мэдэгдлээ. Сөрөг хүчнийхний зүгээс Аллепод дайтаж эхлээд байгаа явдлыг Сирийн засгийн газар гал зогсоох гэрээг зөрчлөө гэж үзэж байгаа юм. Гэхдээ сөрөг хүчний төлөөлөгчид Сирийн улс төрйн шилжилтийн талаарх ”техникийн асуудлын” яриа хэлэлцээнд оролцох зорилгоор Женевт үлдэхээр болсон бөгөөд энхийн бусад яриа хэлэлцээ үргэлжлэн явагдах болно хэмээн Стаффан Де Мистура хэлсэн байна. Мөн эдгээр өдрүүдэд асуудлыг хэт улс төржүүлэхгүйгээр, бодитой бөгөөд нухацтай хандахыг онцолжээ.

АСЕМ-ын дээд түвшний уулзалтын хүрээнд зохион байгуулах Ази, Европын парламентын түншлэлийн есдүгээр уулзалт дөрөвдүгээр сарын 21,22-ны Пүрэв, Баасан гарагуудад Уланбаатар хотод болно.

Энэ үеэр зочид төлөөлөгчдийн аюулгүй байдал, гарч болзошгүй гэмт хэрэг, зөрчлөөс урьдчилан сэргийлэх, замын хөдөлгөөний ачааллыг бууруулах зорилгоор хэд хэдэн зохион байгуулалтыгн арга хэмжээ авах тухай Нийслэлийн Засаг даргын захирамж гарсан. Захирамжийн дагуу 4 дүгээр сарын 21, 22-ны өдрүүдэд томоохон зах, худалдааны төвүүд амрах бөгөөд эдгээр өдрүүдээс хойш ердийн цагийн хуваарийн дагуу ажиллана гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.


ЗОХИЦУУЛАЛТАД ХАМРАГДАХ ТОМООХОН ЗАХ, ХУДАЛДААНЫ
ТӨВҮҮДИЙН ЦАГИЙН ХУВААРИЙН ӨӨРЧЛӨЛТ


№
Худалдааны төвүүдийн нэр Аж ахуйн нэгжийн нэр Байршил Зохицуулалт хийх өдрүүд
04/21 04/22
Пүрэв Баасан
1 Нарантуул ОУХТөв Нарантуул ХХК Баянзүрх дүүргийн 14 дүгээр хороо Амарна Амарна
2 Өгөөмөр техникийн зах Даймонд ХХК Баянзүрх дүүргийн
14 дүгээр хороо Амарна Амарна
3 Бөмбөгөр- 1
Худалдааны төв Юмт бөмбөгөр ХХК Чингэлтэй дүүргийн 2 дугаар хороо Амарна Амарна
4 Бөмбөгөр- 2 худалдааны төв Эрдэнэбулган ХХК Чингэлтэй дүүргийн 2 дугаар хороо Амарна Амарна
5 Алтжин бөмбөгөр худалдааны төв Даян Өндөр ХХК Чингэлтэй дүүргийн 2 дугаар хороо Амарна Амарна
6 Дүнжингарав худалдааны төв Дүнжингарав ХХК Баянзүрх дүүргийн
14 дүгээр хороо Амарна Амарна
7 Сандэй худалдааны төв Сандэй плаза ХХК Баянзүрх дүүргийн
14 дүгээр хороо Амарна Амарна
8 Шөнийн зах Нармон ХХК Баянзүрх дүүргийн
14 дүгээр хороо Амарна Амарна

Тэрээр амьд сэрүүн байсан бол 53 нас хүрэх байжээ.

МАН-ын удирдах зөвлөл өчигдөр орой хуралдаж МАХН-тай эвсэхгүй байх шийдвэрийг гаргалаа. Үүний өмнө хоёр намын дарга нар уулзсан бөгөөд ямар нэгэн тохироонд хүрч чадаагүй байна. Тиймээс ийнхүү удтал яригдсан эвсэх асуудал нь талаар болж байгаа аж.

Н.Энхбаярын хувьд тохирсон тохирооноосс буцаж 51:25 биш 76 суудлаа 50:50 хувиар хуваах саналыг МАН-д тавьжээ. Мөн Нийслэлийн Иргэдийн хурлын сонгуульд ийм харьцаатайгаар оролцоно, МАН-тай адил тэгш эрхтэй байна гэх саналыг тавьсан бөгөөд үүнийг нь МАН-ынхан хүлээж аваагүй ажээ.

Ямартаа ч сүүлийн хоёр өдөрт шуугиан дэгдээгээд амжсан МАН, МАХН-ын эвсэх асуудал эцэслэгдлээ.

Улсын Их Хурлын Хүний эрхийн дэд хорооны хуралдаан өнөөдөр /2016.04.19/ болж Эрүүгийн хэрэг шалган шийдвэрлэх тухай /шинэчилсэн найруулга/ хуулийн төсөл, Хууль сахиулах тухай хуулийн төсөл, Шүүхийн шийдвэр гүйцэтгэх тухай хуулийн төслүүдэд хүний эрхийг хэрхэн хангаж байгаа талаар хэлэлцлээ.

Хуралдааныг тус дэд хорооны дарга, УИХ-ын гишүүн Ц.Болд даргалж, УИХ-ын гишүүн Х.Тэмүүжин, Ц.Оюунгэрэл, Хууль зүйн сайд Д.Дорлигжав, Улсын ерөнхий прокурорын орлогч Г.Эрдэнэбат, Хүний эрхийн үндэсний комиссын дарга Ж.Бямбадорж, Шүүхийн шийдвэр гүйцэтгэх ерөнхий газрын дэд дарга Г.Туулхүү, Тахарын ерөнхий газрын дарга Ц.Азбаяр болон хүний эрхийн чиглэлээр үйл ажиллагаа явуулдаг Төрийн бус байгууллагын төлөөлөл оролцлоо.

Хэлэлцүүлгийн эхэнд Хууль зүйн сайд Д.Дорлигжав дээрх хуулийн төслүүдэд хүний эрхийг хангах чиглэлээр хэрхэн тусгасан талаар танилцуулсан юм.

Эрүүгийн хэрэг шалган шийдвэрлэх тухай хуулийн төслийг иргэд тэгш байх, хэргийн байдлыг тал бүрээс нь бодитой тогтоох, шүүгч хараат бус байх, гагцхүү хуульд захирагдах, эрүүгийн хэрэг шалган шийдвэрлэх ажиллагаа хууль ёсны байх зэрэг Үндсэн хууль болон бусад хууль зүйн салбарт тогтсон зарчмуудыг бодитойгоор хэрэгжүүлэх боломжийг судалж, боловсруулсан хэмээн сайд Д.Дорлигжав мэдээллийнхээ эхэнд дурдсан. Тэрбээр, Эрүүгийн хэрэг шалган шийдвэрлэх ажиллагааны оролцогчийн хууль ёсны эрхийг хангах шаардлагаар тодорхой зохицуулалтуудыг хуулийн төсөлд тусгасан. Ялангуяа яллагдагчийн гэм буруутай эсэхийг урьдчилан тогтоох, шүүхийн хүчин төгөлдөр шийдвэр гараагүй байхад гэм буруутай гэж олон нийтэд мэдэлэхийг хориглох, яллагдагч хэргээ шүүхэд шилжүүлж хэлэлцүүлэхийг шаардах, энэ талаар гомдол гаргах эрхтэй байхаар төсөлд шинээр тусгалаа гэлээ.

Хохирогчийн аюулгүй байдлыг хангах зорилгоор яллагдагчтай холбоотой тодорхой ажиллагаа явуулах тухай мэдээллээр хохирогчийг урьдчилан хангах зохицуулалт мөн хуульд шинээр тусчээ. Гэрч хохирогчийг хамгаалах арга хэмжээний талаар процессын хуульд туссан хэмээн сайд нэмж хэлсэн юм.

Мөн таслан сэргийлэх арга хэмжээг өөрчилж, аль болох цагдан хорих арга хэмжээг авахгүй байх үүднээс хувийн баталгаа гаргах, зорчих эрхийг хязгаарлах зэрэг таслан сэргийлэх арга хэмжээний төрлүүдийг шинээр оруулж, бүртгэлийн ажиллагаа явуулж, тухайн хүнийг гэмт хэрэг үйлдсэн гэх хангалттай баримт бий болсныг үндэслэж, эрүүгийн хэрэг үүсгэн яллагдагчаар татсаны дараа таслан сэргийлэх арга хэмжээг авдаг байхаар тусгажээ.

Цагдан хорих, таслан сэргийлэх арга хэмжээний хугацааг мөн богиносгосон байна. Эрүүгийн хэрэг шалган шийдвэрлэх ажиллагаанд хүний эрхийн зөрчил гарахаас сэргийлж, дууны болон дуу дүрсний бичлэг хийх зэргээр орчин үеийн техник тоног төхөөрөмжийг ашиглах, нөхцөл журмыг шинээр хуульд тусгасан гэлээ.

Мөн мөрдөн шалгах тодорхой ажиллагаа явуулах журам, холбогдох зөвшөөрөл авах үндэслэлийг нарийвчлан тусгаж, хойшлуулшгүй тохиолдолд хэрхэн ажиллах талаар тодорхойлжээ. Хуулийн төсөл батлагдсанаар хүний эрхийг хангаж, хамгаалах чиглэлээр тодорхой ахиц гарна гэж үзэж байна хэмээн сайд мэдээлсэн.

Хууль сахиулах ажиллагааг цагдаа, шүүхийн шийдвэр гүйцэтгэх байгууллага, тахар, гааль, татварын гээд олон байгууллага хэрэгжүүлдэг. Эдгээр байгууллагаас хэрэгжүүлэх хууль сахиулах эрх зүйн давхардал хийдлийг Хууль сахиулах тухай хуулийн төсөлд хуулиар алга болгосон гэлээ. Хуулийн төсөлд хууль сахиулах ажиллагааны явцад хүний эрхийг хөндөх, хязгаарлах үндэслэл журмыг тогтоон, албадлага, хүч хэрэглэх журмыг нэг стандарт, нэг заавраар, зөрчил шалган тогтоох, шийдвэрлэх ажиллагааг ч нэгдсэн байдлаар журамласан гэлээ.

Шүүхийн шийдвэр гүйцэтгэх, ялын бодлогыг оновчтой, үр нөлөөтэй, олон сонголттой болгох, шүүхээс хорих ял оногдуулах явдлыг багасгах зорилтын хүрээнд шинээр батлагдсан Эрүүгийн хуульд заасан ялын төрөл, хэлбэр, онцлогт нийцүүлэн эрүүгийн хэргийн талаар гарсан шүүхийн шийдвэр гүйцэтгэх ажиллагааг шинээр журамлах шаардлага гарсан гэж сайд Д.Дорлигжав танилцуулсан.

Тухайлбал хорих ангийг нээлттэй, хаалттай хэлбэрт шилжүүлснээр хорих ялыг хувь хүний онцлогт тохируулан ялгамжтай эдлүүлэх, ялтан хооронд үүсэх сөрөг хандлагыг багасгах боломж бүрдэх төдийгүй зорчих эрхийг хязгаарлах шинэ төрлийн ялыг нэвтрүүлснээр хорих ял эдлэгсдийн тоо, хорих ял эдлүүлэх явцад хүний эрх зөрчигддөг зарим сөрөг үр дагавар буурна гэж үзэж байгаагаа сайд хэлсэн. Мөн өсвөр насны хүнд оногдуулсан ялыг сургалт хүмүүжлийн тусгай байгууллагад хүмүүжлийн чанартай албадлагын арга хэмжээг хүүхдийн асуудал эрхэлсэн төрийн захиргааны төв байгууллага хариуцан хэрэгжүүлэхээр заасан нь өсвөр насны хүнийг хорих ангиас өөр нөхцөлд хорих, залхаан цээрлүүлэх бус ерөнхий болон мэргэжлийн боловсрол эзэмжүүлэх, хөдөлмөрлөх, амьдрах ухаанд сурган ял эдлүүлэх боломжтой гэж үзэж байгаагаа сайд тайлбарласан.

Мэдээллийн дараа УИХ-ын гишүүд, хуралдаанд оролцогсод хуулийн төслийн талаар, хүний эрхийн зөрчлийн талаар холбогдох хүмүүсээс асууж тодруулан, байр сууриа илэрхийллээ.

Тухайлбал хэлэлцүүлгийн үеэр Төв аймгийн цагдан хорих газарт саатуулагдаад буй иргэн Б.Булганы эрх зөрчигдөж буй эсэх, сэжигтнийг хорих газруудыг сэлгүүлэн хорьж хүний эрхийг зөрчдөг асуудлаар Улсын Ерөнхий прокурорын газар, Шүүхийн шийдвэр гүйцэтгэх газар, Хүний эрхийн үндэсний комиссын удирдлагаас тодруулан мэдээлэл авсан.

Түүнчлэн хэлэлцүүлгийн үеэр хуулийн төслүүдтэй холбогдуулан ТББ-уудын төлөөллүүд байр сууриа илэрхийллээ хэмээн УИХ-ын Тамгын газрын Хэвлэл мэдээлэл, олон нийттэй харилцах хэлтсээс мэдээллээ.

байнгын хороо

Н.Энхбаяр гарман дээр морио сольсон учир нь давхар нүүдэл хийсэнтэй нь холбоотой. Тэрбээр өнгөрсөн бямба гаригт Солонгосоос ирснийхээ дараа АН-ын дарга З.Энхболдтой уулзан “МАН-тай нэгдлээ” хэмээн айлгасан гэх мэдээлэл бий. АН-ынхан Н.Энхбаярыг МАН-тай нийлүүлэхгүйн тулд түүний ялтайд тооцох хугацааг дуусгавар болгох утга бүхий тогтоолыг төслийг боловсруулан УИХ-ын Хууль зүйн байнгын хороогоор өнгөрсөн баасан гаригт дэмжүүлсэн юм.