“Хөгжлийг дэмжих өгөгдөл” чуулган болж байна

Нийслэлийн Засаг дарга бөгөөд Улаанбаатар хотын Захирагч Э.Бат-Үүл “Нүүлгэн шилжүүлэлтийн төлөвлөгөөг хэрэгжүүлэх Хороо, а

2016 онд хэрэгжүүлэхээр төлөвлөж буй
авто зам, замын байгууламжийн төсөл, арга хэмжээ

Нийслэлийн Авто замын газар нь 2016 онд дараахь төсөл арга хэмжээг хэрэгжүүлнэ.

НЭГ. АСЕМ-2016 уулзалтын бэлтгэл ажлын хүрээнд 6 төсөл арга хэмжээ хэрэгжүүлнэ. Үүнд:

Гандийн гудамжны 1.6 км авто зам шинэчлэлт
Баянмонгол хорооллын 1.1 км авто зам шинэчлэлт
Их монгол улсын гудамжны 2.1 км авто замын өргөтгөл шинэчлэлт
Зайсангийн гудамжнаас Жапан таун хүртэлх 0.75 км авто замын өргөтгөл шинэчлэлт
Энхтайваны гүүрний зүүн талын туслах авто замаас Сөүл ресторан хүүхдийн паркын дундуур Олимпын гудамж, Гэндэнгийн гудамж хүртэлх 0.98 км авто замын зураг төсөл, барилгын ажил
Яармагийн гүүрнээс Чингэс хаан ОУНБуудал хүртэлх авто замын гэрэлтүүлэгчийг солих болон Богд уулын арын 17.5 км авто замын гэрэлтүүлгийг шинээр тавих эдгээр ажлыг Хөгжлийн банкны эх үүсвэрээр төсвөөс эргэн төлөгдөх нөхцөлтэй 2016 онд санхүүжүүлэх төсөл арга хэмжээ болон нийслэлийн төсвийн хөрөнгө оруулалтаар гүйцэтгэнэ.

ХОЁР. Хөгжлийн банкны эх үүсвэрээр төсвөөс эргэн төлөгдөх нөхцөлтэй 2016 онд санхүүжүүлэх 6 төсөл арга хэмжээ.Үүнд:

Улаанбаатар, Баянзүрх дүүрэг, 11 дүгээр хороо, Хонхор тосгон хүртэлх 1.79 км авто зам
Улаанбаатар, Сонгинохайрхан дүүрэг Орбитын уулзвараас Толгойтын эцэс Үйлдвэрчний эвлэлийн гудамж хүртэлх 3.6 км авто замын өргөтгөл шинэчлэл
УБ Налайх дүүрэг Төв замаас Городок хүртэлх 1 км хатуу хучилттай авто зам
Улаанбаатар, Баянзүрх дүүрэг, 21-р хороо Дарь Эх цогцолборын авто замын ажил
БЗД ФМ-104.5 радиогийн хажуугийн 250 м замыг асфальтан зам болгох, сансарын колонкийн арын төв зам хүртэл

ГУРАВ. Нийслэлийн төсвийн хөрөнгөөр 2016 онд шинээр хэрэгжүүлэх 1 төсөл, арга хэмжээ.Үүнд:

ХУД 7-р хороо 60 дугаар сургуулийн баруун уулзвараас Сонсголонгийн арын зам хүртлэх 1,2 км авто зам

ДӨРӨВ. Нийслэлийн Замын сангийн хөрөнгөөр 2016 онд он дамжсан болон шинээр хэрэгжүүлэх 4 төсөл, арга хэмжээ. Үүнд:

Чингэлтэйн гудамж, 7 буудлын уулзвараас Чингэлтэйн эцэс хүртлэх 3,3 км авто замын өргөтгөл, шинэчлэлт
Дамбадаржаагийн уулзвар-Шарга морьтын төмөрбетон гүүр-Хандгайт чиглэлийн 16,35 км авто замын өргөтгөл, шинэчлэлт
ХУД, 5-р хороо ХAAН банкны салбараас хойшхи 0,5 км авто зам
Баянзүрх дүүрэг Монел орчмын 0.8 км авто зам

ТАВ. Нийслэлийн өмчийн Концессын зүйлийн жагсаалтаар хэрэгжүүлэх төсөл, арга хэмжээ. Үүнд:

Он дамжин хэрэгжиж байгаа 3 төсөл, арга хэмжээ

Багануур дүүргийн 2.4.5 дугаар хорооны нутаг дэвсгэрт баригдах 6.44 км авто зам
Гүнтийн давааны авто замыг үргэлжлүүлэн 7.36 км авто зам барих ажил
Өвөр гүнтийн 11 км авто зам барих ажил

2015 онд батлагдсан гүйцэтгэгч нь шалгараагүй 5 төсөл, арга хэмжээ

Cалхитын амны 1.9 км хатуу хучилттай авто зам
Хуурай мухарын амны шинээр барих 2.0 км авто зам
Шадивлангийн авто замын өргөтгөл, шинэчлэлтийн ажил
Яргайтын богинын 1.3 км авто замын шинэчлэлт
Баянгол дүүргийн 1 дүгээр хороо Алтай хотхоны хорооллын доторх авто замыг дунд голын авто замтай холбох гүүр

Эдгээр ажлуудаас Cалхитын амны 1.9 км хатуу хучилттай авто зам, Алтай хотхоны хорооллын доторх авто замыг дунд голын авто замтай холбох гүүрийг барих гүйцэтгэгчийг сонгон шалгаруулах ажил хийгдэж байна.

НИТХ-ын 32/31 дүгээр тогтоолоор батлагдсан 2016 онд Нийслэлийн өмчийн Концессын зүйлийн жагсаалтаар шинээр хэрэгжүүлэх 38 төсөл, арга хэмжээ

Үүнээс зураг төсөл нь бэлэн болоогүй 15, зураг төсөл нь бэлэн болсон 23 ажил байна.
Бидний үзэж байгаагаар нэн тэргүүн ээлжинд дараах 5 зам, замын байгууламжийг эрэмбэлж байна. Үүнд:

Нарантуул ОУХТ-ийн баруун уулзвар болон төмөр зам дээгүүрх 435 у/м гүүрэн гарц
Морингийн давааны гэр хорооллоос Авто худалдааны цогцолбор хүртэл 3.6 км авто зам, 310 у/м гүүрийн хамт
Орбит-Баянголын уулзвар-аас Найрамдал зуслан хүртэлх 15.3 км авто зам, 24.7 у/м гүүрийн өргөтгөл, шинэчлэлт
Авто худалдааны цогцолбороос Тахилтын авто замтай холбогдох 3.6 км авто зам, 4-н замын уулзвар, Төмөр зам доогуурх гарц, хийгдсэн 1.6 км замын гэрэлтүүлэг, явган замын хамт, Нарны зам Өгөөмөр захын орчмоор төмөр зам доогуур нүхэн гарц барьж Дүнжингарав худалдааны төвтэй холбох замуудыг тус тус барьж ашиглалтанд оруулах саналтай байна.

ЗУРГАА. БНХАУлсын Засгийн газрын хөнгөлөлттэй зээлийн хөрөнгөөр хэрэгжүүлэх 4 төсөл, арга хэмжээ. Үүнд:

ЗЦГ-ын ойролцоо барих гүүрэн гарцын төслийн “тусгайлан зээлийн гэрээ” 2015 оны 11 сарын 10-ны өдөр байгуулагдсан.
Яармагийн шинэ гүүр барих, хуучин гүүрийг засварлах төслийн “тусгайлан зээлийн гэрээ” 2015 оны 11 сарын 10-ны өдөр байгуулагдсан.
Туул гол дээгүүрх Баянзүрхийн 288 у/м гүүр, Сонсголонгийн 289.4 у/м төмөрбетон гүүрийг шинээр барих ажлын гүйцэтгэгчийн сонгон шалгаруулалтын тендерийг 2016.02.26-нд нээнэ.
Улиастайн уулзвараас Налайх-Чойрын уулзвар хүртэлх 20.9 км авто замыг өргөтгөж, шинэчлэлтийн төслийн санхүүжилтийг Засгийн газрын 2015 оны 458 дугаар тогтоолоор баталсан. Сангийн яам Хятадын ЭСЯ-аас ажил гүйцэтгэх компаниудын нэрсийг яаралтай ирүүлэх хүсэлтээ хүргүүлээд байна. Төслийн ажлыг 2016.06 дугаар сард багтаан эхлүүлэх зорилт тавьж байна.

ДОЛОО. Ашиглагдаж байгаа замуудын өнөөгийн байдал цаашид авч хэрэгжүүлэх арга хэмжээний талаар мэдээлэл өгөх. Үүнд:

Нийслэл хотын авто зам, замын байгууламжийн засвар, арчлалтын ажилд зарж байгаа хөрөнгө хүрэлцээгүй, авто зам, замын байгууламжийн арчлалт, урсгал засварт зарцуулах санхүүжилтийг нормативаар тооцохгүй байгаагаас зам, гүүрүүд тооцоолсон хугацаанаас өмнө эвдрэлд орох явдал хэвийн үзэгдэл болж, Нийслэлийн авто замын сүлжээний ашиглалтын бэлэн байдлын төвшин төдийлөн сайжрахгүй, шинэчлэгдэж байгаа замуудын үр ашиг сайн харагдахгүй байна. Тиймээс энэ асуудлыг шийдвэрлэх гарц хайж зам, гүүрийн арчлалт, урсгал засварыг нормативаар санхүүжүүлэх тогтолцоонд шилжүүлэх нь зүйтэй гэж үзэж “Нийслэл хотын Авто замын засвар, арчлалтын ажлын зардлын суурь норм”-ыг Монгол Улсын зөвлөх инженерүүдтэй хамтран НАЗГ боловсруулаад байна.

Өвлийн олимпийн аварга Б.Сумъяа, түүний дасгалжуулагч багш Д.Энхбаяр нар эх орондоо өнөөдөр өглөө ирлээ.

Улсын Ерөнхий прокурорын газрын ХМОНХАлба энэ 7 хоногт онцлох зочноор Прокурорын байгууллагын Биеийн тамир спортын орон тооны бус зөвлөлийн дэд дарга Т.Баярсайханыг урьж, Биеийн тамир спортын зөвлөлийн үйл ажиллагаа, төлөвлөж байгаа ажил, арга хэмжээний талаар ярилцлаа.

Өмнө нь прокурорын байгууллагын хэмжээнд биеийн тамир спортын зөвлөл албан ёсоор байгуулагдаж байгаагүй. Спортын арга хэмжээнүүдийг байгууллагууд хариуцаад, зохион байгуулдаг байсан. Шинээр байгуулагдсан зөвлөлийн үйл ажиллагааны зорилго юу вэ?

Ерөнхий прокурорын 2015 оны 11 дүгээр сарын 23-ны өдрийн А/113 дугаартай тушаалаар Прокурорын байгууллагын хэмжээнд биеийн тамир, спортын арга хэмжээг зохион байгуулж байх ажлыг хариуцах орон тооны бус зөвлөлийг байгуулсан. Зөвлөлийн даргаар УЕП-ын туслах, Ял эдлүүлэх ажиллагаанд хяналт тавих хэлтсийн дарга Ц. Мөнхбат, дэд даргаар нь би ажиллаж байна, Нарийн бичгийн даргаар нь УЕПГ-ын Тамгын газрын хяналтын прокурор О.Машбат, гишүүдэд нь УЕПГ-ын хяналтын прокурор Т.Мөнхжаргал, Д.Болор-Эрдэнэ, Нийслэлийн прокурорын Тамгын хэлтсийн дарга Ш.Сүхбат, Баянзүрх дүүргийн прокурор О.Алтангэрэл, Чингэлтэй дүүргийн прокурор Л.Бадралт, Сонгинохайрхан дүүргийн прокурор Д.Отгонбаяр гэсэн бүрэлдэхүүнтэй байгуулагдсан.

Өмнө нь спортын арга хэмжээ сайн дурын үндсэн дээр хэсэг хүмүүсийн санаачлагаар зохион байгуулагддаг байсан. Зөвлөл байгуулагдсанаар прокурорын байгууллагын хэмжээнд биеийн тамир спортын арга хэмжээг нэгтгэн зохион байгуулах, цар хүрээг нь тэлэх, прокурор, ажилтнуудынхаа бие бялдрыг хөгжүүлж, эрүүл мэндийг анхаарах зорилготой. Зөвлөл байгуулагдсанаас хойш багагүй ажил хийж байна. Бид төв орон нутгийн бүх нэгжүүдээс биеийн тамир спортын чиглэлээр цаашид зохион байгуулах ажлын санал, спортын зэрэг цолтой хүмүүсийн судалгааг гаргуулж авсан. Үүний үндсэн дээр хийх ажлын төлөвлөгөө гаргаж, Ерөнхий прокурорт танилцуулж, батлуулсан. Судалгааны явцад их сонирхолтой тоо баримт гарч ирсэн. Манай прокурорын байгууллагад спортын Олон улсын хэмжээний мастер 1, спортын мастер 8, спортын дэд мастерууд 11, гарамгай мэргэн 1, сумын заан 3, аймгийн начин 1 нийт спортын цол зэрэгтэй 76 прокурор, ажилтнууд байна. Үүгээр бид бахархаж байгаа. Бахархал бол бидний авч явах ёстой нэг үнэт зүйл. Спортод энэ сайн л гээд байдаг байснаас ийм олон зэрэг цолтой хүн байна гэж өмнө нь мэддэггүй байлаа.

Спортын зэрэг цолтой 76 хүн байна гэлээ. Эдгээр тамирчид маань спортын ямар төрлөөр зэрэг цол авсан байна вэ?

Сагсан бөмбөгийн спортоор 23 хүн, гар бөмбөгийн спортоор 12 хүн, теннисийн спортоор 11 хүн спортын зэрэг цолтой. Мөн сумын заан, аймгийн начин 4, сур харвааны спортын мастер 2, дэд мастер 2, шатрын дэд мастер 3, шагайн спортын гарамгай мэргэн 1 гээд нийт 76 хүн спортын зэрэг цолтой. Эдгээрээс Налайх дүүргийн прокурорын газрын жижүүр Г.Ариунболд Пауэрлифтингийн төрлөөр Олон улсын хэмжээний мастер, Дархан-Уул аймгийн прокурор П.Мөнхзул сагсны спортын мастер, Хөвсгөл аймгийн туслах прокурор О.Хадбаатар шатрын спортын мастер, Нийслэлийн прокурорын газрын хяналтын прокурор Л.Цогтхүү цанын спортын мастер, Сэлэнгэ аймгийн Мандал сум дундын прокурорын газрын хяналтын прокурор Х.Ундрах-Оргил самбо, жудогийн спортын мастер, Багануур дүүргийн нягтлан бодогч Л.Ганчимэг, Завхан аймгийн прокурорын газрын туслах ажилтан Т.Баянмөнх нар үндэсний сур харвааны спортын мастер, Говь-алтай аймгийн прокурорын газрын жижүүр Б.Болдбаатар хөнгөн атлетикийн спортын мастер, Сонгинохайрхан дүүргийн прокурорын газрын жижүүр Б.Мөнгөн чөлөөт бөхийн спортын мастер гээд спортын төрөл бүрээр зэрэг цолтой хүмүүс байна.

Зөвлөл байгуулагдаад багагүй хугацаа өнгөрлөө. Энэ хугацаанд ямар ажил хийж гүйцэтгэв, цаашид ямар ажил, арга хэмжээ зохион байгуулахаар төлөвлөж байна вэ?

Бид төлөвлөгөө батлууллаа. Энэ төлөвлөгөөгөөр бид их зүйл хийхээр болсон. Прокурорын байгууллагын нэгжүүдэд биеийн тамир спортын салбар зөвлөл байгууллаа. Аймаг, Нийслэл, Тээвэр, Дүүргүүдийн тамгын дарга нар спортын зөвлөлөө ахлаж байгаа. Салбар зөвлөлүүд ажлын чиглэлээ гаргаж байна. Бид 2 жилд нэг удаа прокурорын байгууллагуудын дунд спортын их наадмаа хийхээр төлөвлөөд байна. Одоо 4 сард Прокурорын байгууллагын спортын бага наадмыг бүсчлэн зохион байгуулна. Дараа нь 10 сард спортын их наадмаа хийнэ. 2014 онд хийж байсан их сайхан, хүн бүрийн хүсч хүлээсэн спортын наадам болдог. Улсын хэмжээний хуулийн төв байгууллагуудын дундах спортын тэмцээн 11 сард болдог. Энэ тэмцээнийг энэ жил Прокурорын байгууллага зохион байгуулна. Иймээс бид өөрсдийн спортын наадмаа урьдчилан хийж байгаа юм. Ер нь спорт гэдэг талаасаа биш нийтийн биеийн тамирыг хөгжүүлэх, прокурор, ажилтнуудынхаа бие бялдрыг хөгжүүлж,, эрүүл мэндийг анхаарах зорилгоор нэлээн ажил төлөвлөөд явж байна. Прокурор, ажилчдаас ч санал, санаачлагууд гарч байна. Тээврийн прокурорын газрын нэрэмжит теннисний тэмцээн болно. Мөн теннисийн спортын дэд мастер, Чингэлтэй дүүргийн Тамгын газрын дарга Д.Дамдинсүрэнгийн нэрэмжит теннисний тэмцээн, мөн шатрын тэмцээн гээд олон тэмцээн уралдаан болно. Дугуйн аялал хийхээр ч яригдаж байгаа. Улсын Ерөнхий прокурорын орлогч Г.Эрдэнэбатын санаачлан 2 дахь жилдээ явуулж байгаа Цэцээ гүн рүү аялах явган аялал хийх гэж байна. Энэ мэтчилэн олон сайхан арга хэмжээнүүдийг манай Зөвлөл прокурор, ажилчидтайгаа хамтран зохион байгуулна.

Биеийн тамир спортын арга хэмжээг зохион байгуулах ажлыг УЕПГ-ын Тамгын газраас их дэмжиж байгаа. Прокурорын байгууллагын 85 жилийн ойгоор хуульчдын дунд улсын хэмжээний шатрын тэмцээн болсон. Энэ тэмцээнийг жил бүр уламжлал болгон хийхээр Улсын Ерөнхий прокурорын тушаал гарч,зардлыг Улсын Ерөнхий прокурорын Тамгын газраас гаргахаар баталсан. Жил бүр хуульчид прокурорын тэмцээн болох гэж байна гээд ордог болоод байна. Энэ дашрамд хэлэхэд биеийн тамир спортын зөвлөл байгуулагдаад, эдгээр тэмцээн уралдааныг прокурорын байгууллага зохион байгуулаад явж байгаа нь Тамгын газрын дарга Ц.Арвинбуудайгийн сэтгэл, зүтгэлтэй холбоотой. Үүнд бид их талархаж байгаа.

Зөвхөн прокурор ажилчид руу чиглэснээс гадна прокуроруудынхаа ар гэр, үр хүүхдүүд рүү чиглэсэн ажлыг санаачлан хийж байгаа юм байна. Тухайлбал хүүхдүүдэд шатрын хичээл орж байна. Энэ талаараа?

Төлөвлөгөөнд ахмадууд болон прокурор ажилчдын хүүхдүүд рүү чиглэсэн ажлууд байгаа. Тухайлбал: Хагас сайн өдөр бүхэн ЯЭАХТХ-ийн дарга Ц.Мөнхбат хүүхдүүдэд шатрын хичээл зааж байна. Хүүхдүүддээ ямар ч байсан шатрын анхан шатны мэдлэг олгох зорилготой.

Биеийн тамир гэдэг бол хамт олныг бүрдүүлэх, ажлын бүтээмж дээшлүүлэх, эрүүл амьдрах зэрэг олон чухал ач холбогдолтой зүйл. Манай прокурорын газарт уулын аялал хийдэг хүмүүс их байна. Энэ хүмүүсийнхээ санаачлаганд түшиглээд энэ аяллыг өргөжүүлбэл ямар вэ?

Суугаа хүнд ажилтай прокурор ажилтнууд эрүүл мэндээ их анхаардаг болж. Прокурорууд суудлын ажлаас болж таргалах хандлага их байна. Тийм учраас хүмүүс санаачлагаараа ууланд авирах, дугуйгаар аялах, фитнэсс хийх нь ихэссэн байна. Энэ хүмүүсийг нийлүүлж баг болгож ажиллавал зүгээр байна. Улсын Ерөнхий прокурорын орлогч Г.Эрдэнэбатын санаачлан 2 дахь жилдээ явуулж байгаа Цэцээ гүн рүү аялах явган аялал хийх гэж байна.

Зөвхөн уулын аялал гэлтгүй спортын төрөл тус бүрээр нэгдэн хичээллэх боломжтой. УЕПГ-ын Тамгын газраас санаачлан прокурор ажилчдын дунд Иогийн хичээл орох гэж байна. Энэ мэтчилэн нэгж тус бүр өөрсдийн боломжинд тулгуурлан төрөл бүрийн арга хэмжээг санаачлан зохион байгуулах хэрэгтэй.

Биеийн тамир спортын арга хэмжээ зохион байгуулахад хөрөнгө мөнгө их шаардагддаг. Энэ бүхнийг яаж болгож байна вэ?

Хөрөнгө мөнгөний асуудлыг бид Тамгын газрын даргатай ярьж байгаа. Нэгдсэн арга хэмжээнүүдийг Тамгын газраас зохицуулж өгөх байх, Зөвлөлийн хэмжээний арга хэмжээг өөрсдөөсөө гаргах гэх мэтээр зохицуулж л байна. Жишээ нь: Нийслэлийн прокурорын газар 10 жилийн 6 дугаар сургуультай ярьж тохиролцон сургуулийн хүүхдүүдэд Гэмт хэргээс урьдчилан сэргийлэх яриа таниулгууд хийх, Прокурор ажилчид 7 хоногт 1 удаа тус сургуулийн заалыг авч байхаар Гэрээ байгуулсан, УЕПГ-ын прокурор, ажилчид “Алдар” спорт хорооны заалыг үнэ төлбөрийг багасгах талаар ярилцаж тохиролцсон, Иогийн хичээлийг байгууллага дээрээ авч, үнийг хямдруулсан гээд янз бүрээр л зохицуулж байгаа. Ер нь санаачлагатай байвал болохгүй зүйл байхгүй. Бид зөвхөн спортын арга хэмжээнээс гадна тамирчдаа алдаршуулъя, шагнал урамшуулалд тодорхойлж байя гэж бодож байгаа. Бүх хүмүүстээ хандаж хэлэхэд санаачлагатай байх хэрэгтэй. Спорт бол хэдхэн хүний асуудал биш. Өөр өөрсдийнхөө чиглэлээр дугуй нь дугуйгаа, шатар нь шатраа, теннис тоглодог нь теннисээ гээд боломжтой хэлбэрээр уралдаан тэмцээн, аялал , клуб зэргийг санаачлаад явдаг байя гэж уриалж байна.

Цаг уур орчны шинжилгээний газраас гаргасан тав хоногийн цаг агаарын урьдчилсан мэдээг хүргэж байна.



2016 оны 02 дугаар сарын 25-наас 02 дугаар сарын 29-нийг хүртэлх цаг агаарын урьдчилсан төлөв:



25-нд Хөвсгөлийн уулсаар, 26-нд зарим газраар цас орж, цасан шуурга шуурна. Салхи 25-нд зарим газраар, 26-нд ихэнх нутгаар, 27-нд говь, талын нутгаар секундэд 12-14 метр хүрч ширүүснэ. Завхан голын эхээр шөнөдөө 43-48 хэм, өдөртөө 28-33 хэм, Увс нуур болон Дархадын хотгор, Идэр, Тэс голын хөндийгөөр шөнөдөө 33-38 хэм, өдөртөө 18-23 хэм, Хэнтэйн уулархаг нутаг, Хараа, Ерөө, Туул, Тэрэлж, Хэрлэн голын хөндийгөөр шөнөдөө 23-28 хэм, өдөртөө 9-14 хэм, говийн бүс нутгийн өмнөд хэсгээр шөнөдөө 13-18 хэм, өдөртөө 1-6 хэм, бусад нутгаар шөнөдөө 18-23 хэм, өдөртөө 6-11 хэм хүйтэн байна. Хугацааны сүүлчээр дулаарна.

УИХ-ын намрын чуулганаар батлуулсан хуулийн төсөл болон ямар үр дүнтэй ажилласан талаараа байнгын хороод ажлаа тайлагнаж байгаа.

Венесуэл улсад зика вирусын тархалт газар авч байна

БНХАУ-ын хилээр олон тооны яст мэлхий хууль бусаар гаргахыг завдсан хэрэг гарсан талаар тус улсын en.people.cn сайтад мэдээлжээ.

Хууль сахиулахын их сургуулийн багш нарын дунд “Онол, арга зүйн ээлжит сургалт зевлөгөөн” боллоо.

Монголын уул уурхайн хамгийн том, бас хамгийн чухалд тооцогддог “Mongolia Mining” олон улсын уул уурхайн үзэсгэлэнг ирэх дөрөвдүгээр сарын 6-8- нд “Буянт-Ухаа” спорт цогцолборт зургаа дахь удаагаа зохион байгуулах гэж байна.

Далайн хар салхины улмаас 30 орчим хүн амь үрэгдээд байна

ОБЕГ-аас улсын хэмжээнд гарсан гал түймрийн мэдээг ирүүллээ. Хот, хөдөөгүй гал түймрийн дуудлага буурахгүй байгаа юм. Тиймээс гал түймрээс сэрэмжтэй байхыг анхааруулж байна.

Нийслэлийн Налайх дүүргийн 7 дугаар хороо, Баянгол дүүргийн 11 дүгээр хороо, Cүхбаатар дүүргийн 19 дүгээр хороо, Шаргаморьтын зуслан зэрэг газруудад байшин шатсан бол Дорнод аймгийн Хэрлэн сумын 7 дугаар багийн “Бүсийн оношлогоо эмчилгээний төв”-ийн амбулторийн ариун цэврийн өрөө шатжээ. Сэлэнгэ аймгийн Мандал сумын Баян-Арцат багийн ерөнхий боловсролын 3 дугаар сургуулийн сантехникийн өрөө болон Увс аймгийн Улаангом сумын 5 дугаар багт байрлах Монгол банкны байранд гарсан галыг Онцгой байдлын газрын Гал унтраах, аврах ангийн албан хаагчид дор бүр нь шуурхай ажиллан унтраажээ.

Нийслэлд ч мөн олон нийтийн хөлийн гзаар байрласан Баянгол дүүргийн 18 дугаар хороо, “Таван-Эрдэнэ” хүнсний захын урд чингэлэг, Чингэлтэй дүүргийн 18 дугаар хороо, Чингэлтэйн шинэ эцэст авто замын хажууд автомашин шатсан дуудлагаар дээрх дүүргийн Онцгой байдлын хэлтсийн Гал унтраах, аврах ангийн албан хаагчид шуурхай ажилласан байна.

Нийслэлийн Сүхбаатар дүүргийн 3 дугаар хороо, Иргэдэд үйлчлэх төвийн хажууд цагдаагийн байр шатаж байна гэх дуудлагаар Чингэлтэй дүүргийн Онцгой байдлын хэлтсийн Гал унтраах, аврах 10 дугаар ангийн 6 албан хаагч очиж унтраасан зэрэг мэдээллийг ОБЕГ-аас өглөө.

Сүхбаатар аймгийн прокурорын газраас 2016 онд УЕПГ-аас дэвшүүлсэн зорилтын хүрээнд захиргааны хэрэг хянан шийдвэрлэх шүүх хуралдаанд оролцох талаарх ойлголтыг гүнзгийрүүлэх, захиргааны хэрэг, маргааны талаар нэгдсэн нэг нэг ойлголтонд хүрэх, энэ чиглэлээр хичээл, сургалт авах зорилгоор тус аймгийн Захиргааны хэргийн анхан шатны шүүхийн шүүгч нартай ажил хэргийн уулзалтыг 2016 оны 2 дугаар сарын 18-ны өдөр зохион байгуулсан байна.

Захиргааны хэргийн шүүхээс прокурор нийтийн эрх ашгийг төлөөлөн захиргааны хэрэг хянан шийдвэрлэх ажиллагаанд оролцуулахаар 2016 онд баримтлан ажиллах ажлын чиглэл тогтоосноо танилцуулан, захиргааны ерөнхий хуулиар дэс дараатай сургалт зохион байгуулж, прокурор, шүүгч нарын ажлын уялдаа холбоог сайжруулах талаар ярилцжээ.

Хонь - (3/21-4/19)
Cap гайхалтай Дэлхийн ван болон үнэнч Сугар гараг руу шилжих нь үл ойлголцлыг үүсгэж, сэтгэл хөдлөлийг нэмэгдүүлнэ. Эргэн тойрны бүх хүмүүс илүү мэдрэмтгий болсон ч тэднийг тоох хэрэггүй. Хамт ажиллагчийн зан ааш таагүй байж магадгүй. Инээмсэглэ, тайван дөлгөөн бай. Өөртөө зориулж ямар нэг юм хий. Шинэ хувцас, гэр орноо чимэглэх урлагийн бүтээл худалдан авах зэрэг. Ажил хайх, цалингаа нэмэгдүүлэхэд тохиромжтой өдөр.
Дэлгэрэнгүй
Лхагва, 2016 оны 02 сарын 24
Үхэр - (4/20-5/20)
Энэ өдөр таны бүх зүйл сайхан байх болно. Гэхдээ залхуурч суух цаг үе биш. Мөнгөө хадгал. Удирдагч болон багш нарт ээлтэй өдөр болох нь ээ. Цаг зав гарвал хэсэг хугацаанд амар. Та хайртай хүнээсээ анхаарал халамж хүсэх нь. Урлагийн хүмүүсийн хувьд уран сэтгэмж өсөн нэмэгдэнэ. Хийх ажил албан үүргээ төлөвлө. Шинээр амьдралаа зохиох санаа төрнө. Энэ нь нэлээд цаг үеэ олсон сонголт юм.
Дэлгэрэнгүй
Лхагва, 2016 оны 02 сарын 24
Ихэр - (5/21-6/21)
Таны нойр хүрэхгүй шөнийн турш сэрүүн байх бөгөөд энэ боломжийг ашиглан чухал асуудлуудаа цэгцэлж чадна. Та хамтран ажилладаг хүндээ сэтгэл татагдах бөгөөд энэ нь таны бодлыг сарниулах болно. Хэрэв танд төвөгтэй санагдаж байвал зүгээр л ажлаа хийх нь хамгийн зөв сонголт. Ингэснээр магадгүй та түүний анхаарлыг илүү их татаж болох юм. Амралтын өдрөөр аялалд явахаар төлөвлө. Сэтгэлээ сэргээ.
Дэлгэрэнгүй
Лхагва, 2016 оны 02 сарын 24
Мэлхий - (6/22-7/22)
Мэлхийн ордынхны хувьд огцом зан гаргалгүй тэвчих өдөр. Биеэ барьж, тайван байх нь чухал. Хийж буй ажил үүрэгтээ анхаарлаа төвлөрүүлж, бизнесийн асуудалд эрч хүчээ хандуулах нь таны нийгэмд эзлэх байр суурь амжилтанд хүрэх гол зам юм. Өөрийн эрүүл сэтгэлгээ, Мэлхийнхний төрөлх гярхай зан, цэцэглэж буй удирдах чадвараа ашигла. Тэгвэл та өрсөлдөгчөө ялж, замд байгаа саад бэрхшээлийг давах болно. Дарвих дуртай зан чинь таныг ердийнхөөс 2 дахин их эрсдэл үүрүүлэх магадлалтай.
Дэлгэрэнгүй
Лхагва, 2016 оны 02 сарын 24
Арслан - (7/23-8/22)
Сэтгэл ханамж сул мэт боловч үнэн хэрэгтээ огт тийм биш. Харж, сонсож байгаа бүхэндээ итгэсний хэрэггүй. Телевизээр гарч байгаа бүхэнд алдартай хүмүүсийн төсөөллийг бодит байдал хэмээн андуурч болохгүй. Таны итгэмтгий байдал таатай зүйл бий болгохгүй. Цэвэр агаарт алхаснаар хэн нэгэнтэй таарах бөгөөд уулзалт маш үр дүнтэй байх болно. Хууль эрхзүйн асуудал таныг чилээх бөгөөд мэргэжлийн байгууллагаар шийдүүлэх нь өлзийтэй. Шаардлагатай зүйлээ хийж, гарах ёстой зарлагадаа тайван хандаарай. Зардалтай холбоотой шийдвэрээ шаламгай гаргах нь маш чухал.
Дэлгэрэнгүй
Лхагва, 2016 оны 02 сарын 24
Охин - (8/23-9/22)
Үг хэлж, ямар нэг зүйл хийхээсээ өмнө түр азнаж дахин бодож үзэхийг зөвлөж байна. Өнөөдөр ямар нэг эрсдэлтэй асуудалд орооцолдох магадлал маш өндөр байгаа тул болгоомжтой бай. Төлбөр тооцоогоо хянаж, зээл болон даатгалтай холбоотой асуудлаа цэгцэл. Ямар нэг үйл ажиллагаанд оролцох, сургалтанд суух, биеийн тамирын клубт явах зэрэгтээ хэр их мөнгө зарцуулахаа сайтар төлөвлө. Асуудал гарвал даруй шийдвэрлэхийг хичээ.
Дэлгэрэнгүй
Лхагва, 2016 оны 02 сарын 24
Жинлүүр - (9/23-10/22)
Сэтгэлийн шаналалаас илүү уур хилэнгээ барьж чадахгүй бол өөртэйгөө ярьж чадахгүй. Хариуцлагатай хүнтэй нөхөрлөж, тэдний юу чухал болохыг тунгаа. Таны сэтгэлийн шарх хоосон зүйл болохыг мэдэрнэ. Та дургүйцлээ хадгалахаас илүү мартах хэрэгтэй. Хэрэг явдлыг эргэцүүлэн бодоход хамтрагч чухал. Та сэтгэлээсээ уучлалт гуй. Тэгвэл сэтгэл тань сайхан болно. Бизнесийн уулзалт олон шинэ санаагаар дүүрэн байна.
Дэлгэрэнгүй
Лхагва, 2016 оны 02 сарын 24
Хилэнц - (10/23-11/21)
Энэ өдөр азын тэнгэр таныг ивээж гараа сунгах болно. Хожимдсон ч гэсэн цалин нэмэгдэх буюу шан харамж, бонус өсч, тушаал дэвших байх. Энэ бүгдийг бий болгосон хамт олны хичээл зүтгэлд таларх. Хилэнцийн өөдрөг байдал оргилдоо хүрч, ирэх хэд хоногт бас ийм байна. Сансар огторгуйн эерэг нөлөө, олгосон боломжийг бүрэн утгаар нь ашигла.
Дэлгэрэнгүй
Лхагва, 2016 оны 02 сарын 24
Нум - (11/22-12/21)
Ойр дотны хүнтэйгээ ам мурийх нь эцэстээ хурцадмал байдалд орж, харилцаагаа таслахад ч хүрч болзошгүй. Эрүүл мэндэдээ анхаар. Бие тавгүйтэж магадгүй байна. Харшил хөдөлж, нойрны хэм алдагдсанаар таны амьдралын хэмнэлд өөрчлөлт орно. Хэрвээ уламжлалт эмчилгээ хийлгэвэл өндөр үнэтэй эмчилгээ хийлгэх шаардлагагүй болно.

Дэлгэрэнгүй
Лхагва, 2016 оны 02 сарын 24
Матар - (12/22-1/19)
Өнөөдөр болон маргааш гэр бүлд сэтгэл хөдөлгөсөн олон үйл явдал тохиолдох ба амьдарч буй орчны нөхцөл таалагдах болно. Та өөрийн гараар хийж бүтээхийг хүсч байгаа болохоор барьж эхлэхээсээ өмнө юу юу байх хэрэгтэйг сайн тооц. Ямар нэг материал дутах эсвэл мэдлэг дутагдвал хүндрэл үүснэ. Өөрийн арга барилаа давуу тал болгон ашиглаж гэр бүлээ дайл. Нөлөө бүхий хүн амьдралдаа өөрчлөлтийг хийхэд танд туслана.
Дэлгэрэнгүй
Лхагва, 2016 оны 02 сарын 24
Бумба - (1/20-2/18)
Завгүй амьдрал үргэлжилсээр. Олон дуудлага, цахим захиа ирэх тул ажлын цагаа зохицуулах хэрэгтэй. Тэгэхгүй бол чухал зүйлээ мартаж магад. Найз нөхөд, хөршүүд өнөөдөр таны амьдралд гол үүрэг гүйцэтгэнэ. Байшин, ажлын байраа засварлах, хөрөнгө худалдаж авахыг хүсч буй бол туршлагатай хүний зөвлөгөөг сонсоход гэмгүй. Толгойгоо биш зүрх сэтгэлээ дага. Өнөө орой зурагтын өмнө эрүүл хүнс идэхийг хичээ.
Дэлгэрэнгүй
Лхагва, 2016 оны 02 сарын 24
Загас - (2/19-3/20)
Санхүүгийн асуудлууд тань эхнээсээ цэгцэрч эхэлнэ. Мөн бодол эргэцүүлэлдээ анхаарах сайн цаг. Өнөөдөр загаснууд маш их аз жаргалтай байна гэдэгт итгэ. Танд тусалж чадах хэн нэгэнд сайхан сэтгэгдэл төрүүлэх боломжийг алдахгүй байж чадна. Хэрэв та энэ оройг сайхан өнгөрүүлэх ажлыг зохион байгуулах сонирхолтой байгаа бол яриа хөөрөө сайтай хэдэн найзаа урих талаар бодох хэрэгтэй. Ухаалаг байснаар та зочдынхоо яриаг өдөөж, тэднээс хэрэгтэй зүйлээ олж авах болно.

МУГЖ С.Батсүх энэ сарын 5-нд “Орчлонг аргадах цагаар хүргэн бэрүүдийн хүргэх бэлэг” нэртэй тоглолтоо хийхээр бэлтгэл ажилдаа орсон байна. Олон тоглолт хийдэггүй, гавьяат маань жилдээ нэг удаа жинтэй чанартай тоглолт хийж, уран бүтээлээ тайлагнадаг уламжлалтай билээ.

Уран бүтээлийн олз арвинтай яваа тэрбээр хамгийн сүүлд гэхэд “Хаяа сайтай хадмууд” нэртэй их донжлог хэмнэлтэй, өвөрмөц клиптэй дуугаа сонсогч түмэндээ сонордуулсан байгаа бөгөөд фэнүүдээсээ өндөр үнэлгээ авч чадсан байна. Гавьяат уран бүтээл хийхээсээ гадна хурим найранд их уригдаж ая дуугаа өргөж, хуран цугларсан олныг дуу хуураараа баясган цэнгүүлж, худ ургийг учран золгуулж, уулзан танилцуулдаг ачтай буянтай нэгэн гэнэ шүү. Тэр ч бүү хэл, амьдралд гал голомтоо бадраасан олон сайхан хосуудын хуримын гэрч болдог гавьяат маань энэ удаагийн тоглолтоороо хосууд болон хадмуудыг баярлуулж, сюрпирз барихаар шийдсэн бололтой. Тийм дээ ч “UB палас”-ын тоглолтын их танхмийн эхний гурван эгнээ суудлыг худ ураг нарт зориулсан урилгатай, тусгай суудал болгон бэлтгэж байгаа сурагтай. Мөн түүнээс гадна хоёр талынхаа хадмуудыг хамгийн олноор хамруулсан хосуудыг урилгын суудалд суулгахаар болжээ. Тиймээс хосуудыг итгэл сэтгэл, ижилхэн дээлээрээ гоёж, хоёр талынхаа ижий аавыгаа болон ах дүүсээ дагуулан тоглолтод хүрэлцэн ирэхийг хүндэтгэлтэйгээр урьж байна.

Дашрамд сонирхуулахад гавьяат жүжигчин С.Батсүхийн “Орчлонг хайрлаарай” дууг гадаадын иргэд дуулах хүсэл сонирхолтой байдаг бөгөөд гурван ч гадаад эр дуулсан нь гавьяатын сэтгэлийг ихэд хөдөлгөжээ.

Дээрх бичлэгийг шэйр хийсэн цахим хуудсын нэгэн найз нь “Таны дууг гоё дуулсан байна.

Манай Монголын хүргэчүүд юм байх даа. Ирэх сарын 5-нд болох “Орчлонг аргадах цагаар хүргэн бэрүүдийн хүргэх билэг” тоглолтонд тань амжилт хүсьe. Хоёр талынхаа хадмуудыг олноор нь хамруулсан хосуудыг урилгын суудалд суулгана гэсэн үнэн үү? Тэгвэл би 60 билeт захиална” гэжээ.

Төв аймгийн Баянчандмань суманд олныг сэтгэлийг хирдхийлгэсэн аймшигт бузар хэрэг өнгөрсөн 2015 оны 9-р сарын 24-нд гарсан билээ.

Тодруулбал, Баянчандмань сумын Засаг даргын орлогч Б.Ханбаатар гэгч нь 26 настай Б гэх бүсгүйг зодож, ёс бусаар хүчирхийлсэн байж болзошгүй хэрэг гарсан. Хэргийг Сонгинохайрхан дүүргийн цагдаагийн хэлтэс шалгаж дуусаад харьяалалын дагуу прокурорт шилжүүлсэн.

Прокуророос Төв аймгийн Баянчандмань сумын ЗДТГ-ын дарга Г.Ариунболд энэ хэрэгт хамаагүй, гэрчээр оролцож байгаа. Харин Засаг даргын орлогч Б.Ханбаатар гэгч энэ хэргийг ганцаараа үйлдсэн хэмээн үзжээ. Улмаар энэ хэрэгт Б.Ханбаатарыг Эрүүгийн хуулийн хэд хэдэн зүйл ангид заасны дагуу яллах дүгнэлт үйлдэн Баянгол, Хан-Уул, Сонгионхайрхан дүүргийн эрүүгийн хэргийн анхан шатны шүүхэд шилжүүлжээ. Одоогоор хурлын тов гараагүй байгаа ажээ. Хохирогч Б-гийн биеийн байдал сайн дээрдээгүй хоёр ч удаагийн хагалгаанд орсон байдалтай байгаа бөгөөд сэтгэл санааны гүн шоконд орсон байгаа юм.

Улаанбаатар хотод 2016 онд хэрэгжүүлэх авто зам, хот тохижилт, ногоон байгууламж, инженерийн шугам сүлжээний засвар, арчлалт, хөрөнгө оруулалтын ажлуудыг Ази Европын орнуудын дээд хэмжээний АСЕМ-ын уулзалтын бэлтгэл ажлын хүрээнд хийх бүтээн байгуулалтын ажлуудтай уялдуулан, зохион байгуулах нийслэлийн Засаг даргын захирамж гарлаа.
Захирамжаар АСЕМ-ын уулзалтын “Нэгдсэн төлөвлөгөө”-г боловсруулан баталж, хэрэгжилтийг хангуулан ажиллахыг Улаанбаатар хотын Ерөнхий менежер бөгөөд Захирагчийн ажлын албаны дарга Б.Бадралд даалгасан юм.

“Нэгдсэн төлөвлөгөө”-г хэрэгжүүлэх зорилго бүхий “Шуурхай үйл ажиллагааны түр журам”-ыг баталж, Шуурхай удирдлагын штабын зохион байгуулалт бүтэц, хяналтын хэсгийн болон захиалагч болон гүйцэтгэгчийн эрх үүрэг, нийслэлийн хэрэгжүүлэгч агентлаг болон харьяа байгууллагуудын үүрэг оролцоо, тохижилтын ажилд хяналтыг хэрхэн тавихыг тодорхой тусгав.
“Нэгдсэн төлөвлөгөө”-нд тусгагдаагүй барилга байгууламж, инженерийн шугам сүлжээний ажил эхлүүлэх, үргэлжлүүлэх зөвшөөрөл авсан иргэн, аж ахуй нэгж, байгууллагуудын мэдээллийг тухай бүр “Шуурхай удирдлага зохицуулалтын төв”-д мэдэгдэж ажиллахыг нийслэлийн Ерөнхий төлөвлөгөөний газарт, зөвшөөрөлгүй, дур мэдэн үйл ажиллагаа явуулсан иргэн, хуулийн этгээдийн үйл ажиллагааг зогсоож, хариуцлага тооцож ажиллахыг Улаанбаатар хотын Цагдаагийн газарт, Мэргэжлийн хяналтын газарт тус тус үүрэг болгосон юм.
“Нэгдсэн төлөвлөгөө”-г хэрэгжүүлэх “Шуурхай үйл ажиллагааны түр журам”, “Шуурхай удирдлагын штаб”-ын үүрэг даалгаврыг мөрдөн ажиллахыг холбогдох байгууллагуудад даалгав.
Мөн АСЕМ-ын уулзалтын бэлтгэл ажлын хүрээнд дараах 13 гудамжийг тохижуулахаар төлөвлөөд байна. Тохижилтын ажлын явц гүйцэтгэлд Шуурхай удирдлагын штаб, холбогдох томоохон байгууллагуудыг оролцуулсан хяналтын 22 ажлын хэсгээс хяналт тавин ажиллана.
Тохижилт хийх 13 гудамжны нэрс:

Энхтайваны өргөн чөлөө
Их тойруугийн гудамж
Чингисийн өргөн чөлөө
Нийслэл хүрээ өргөн чөлөө
Зайсангийн гудамж
Наадамчдын зам
Их сургуулийн гудамж
Сүхбаатарын гудамж
Олимпийн гудамж
Их Монгол Улсын гудамж
Гэндэнгийн гудамж
Жамьян гүний гудамж
Намяньжугийн гудамж-ийг иж бүрэн тохижуулахаар тохижилтын эскиз зургийг боловсруулж байна. Тохижилтын эскиз зургийг Нийслэлийн Ерөнхий төлөвлөгөөний газар болон Гудамж төсөл хамтран боловсруулж дуусаад байна гэж Улаанбаатар хотын Захирагчийн ажлын албанаас мэдээллээ.

Эрүүгийн цагдаагийн газрын Хар тамхитай тэмцэх хэлтсийн алба хаагчид их хэмжээний хар тамхи улсын хил нэвтрүүлсэн хэргийг илрүүлэн шалгаж байна.

Эх сурвалжийн мэдээлж буйгаар Р.Гончигдоржоос гадна З.Нарантуяаг Цэцийн даргаар томилох магадлал өндөр байгаа гэнэ. З.Нарантуяагийн хувьд УИХ-ын дарга З.Энхболдын “хүн” гэгддэг бөгөөд Санхүүгийн зохицуулах хорооны даргаар ажиллаж байгаад өнгөрсөн нэгдүгээр сард ажлаа хүлээлгэн өгсөн юм. Тэрбээр ажлаасаа чөлөөлөгдөх хүсэлтээ өгөхдөө Сонгуулийн тухай хуулийн 126 дугаар зүйлийн 126.5 дахь хэсэг, Төрийн албаны тухай хуулийн 23 дугаар зүйлийн 23.2 дахь хэсэгт тус, тус үндэслэсэн гэдэг. Түүнийг чөлөөлж өгөхийг УИХ-ын дарга З.Энхболд өөрөө гишүүдээс хүсч сүрхий юм болж байв. Үүнээс үзвэл тэрбээр сонгуульд нэр дэвшихийн тулд ажлаасаа чөлөөлөгдсөн байна.