Guys хамтлагийн дуучин Замын-Үүдийн гаалиар их хэмжээний хар тамхи оруулж ирэх гэж байгаад тагнуулынханд баривчлагдсан талаар бид өмнө нь мэдээлсэн. Түүнийг энэ сарын 24-ний өдөр саатуулсан бөгөөд эрүүгийн хэрэг үүсгэн шалгаж байгаа юм байна.

Цагдаагийн байгууллагын эх сурвалжаас авсан мэдээллээр хар тамхи тээвэрлэж яваад саатуулагдсан этгээд нь Guys хамтлагийн дуучин Х.Бат-Ундрал юм байна. Өдгөө түүнийг ШШГЕГ-ын харьяа Урьдчилан хорих 461-р ангид саатуулан шалгаж байгаа аж.

МАХН-ын 76 нэр дэвшигчид өнөөдөр Төрийн ордоны урд өлсгөлөн зарлана. Сонирхолтой нь уг өлсгөлөнд Засгийн газрын аппаратад ажиллаж буй МАХН-ын хүмүүс болон Н.Энхбаяр тэргүүтэй намын удирдлагууд ч мөн оролцох юм байна.

Өлсгөлөн зарлах болсон шалтгаан нь МАХН-ын дарга Н.Энхбаяр болон дэд дарга Э.Эрдэнэжамъян нарыг сонгуульд оролцуулахгүй гэснийг эсэргүүцэж ийн өлсгөлөн зарлах гэж байгаа юм байна. Н.Энхбаярын хувьд ялтай байх хугацаа нь дуусч, хоёр ч өршөөлийн хуульд хамрагдсан гэж байгаа ч АТГ-ын зүгээс ялтай байх хугацаа нь дуусаагүй хэмээгээд байгаа юм. Харин Э.Эрдэнэжамъяаны хувьд дэд сайдаар ажиллаж байхдаа Интерпол руу захидал бичсэнээсээ болж төрд ажиллах эрхээ дөрвөн жилээр хасуулсан юм.

П.Анужин алдагдсан гэх бичлэг дээр МАН-тай тангараг тасарч, хонь, чоно болсон Н.Энхбаярт намынхаа бага хурал дээр яригдсан зүйлийг нэгд нэгэнгүй хэлж, “хошуу хүргэж” байгаа нь тод бичигдсэн байдаг. Энэ нь П.Анужинг ямар хэмжээний улс төрч, улс төрч хүний ёс суртахууны хэм хэмжээ нь хэр болохыг бэлхэн илтгэж байсан.

СХД-ийн АН-аас нэр дэвшигчид тодорлоо

Монголын жүдо бөхийн үндэсний шигшээ багаас өнөөдрийн байдлаар 13 тамирчин ”Рио-2016” зуны олимпийн наадамд оролцохоор болоод байгаа. Тэгвэл үүгээрээ тэд дэлхийд дөрөвдүгээрт эрэмблэгдэж байна.

Эхний гурван байрыг одоогоор Япон, Бразил, Францын тамирчид эзэлж байна. Харин манай улстай ХБНГУ тэнцүү тамирчинтайгаар яваа бол БНСУ, ОХУ, БНХАУ зэрэг гүрнүүд араас ахиж байна.

”Рио-2016” олимпийн наадамд оролцуулахаар зарласан 13 жүдоч энэ амралтын өдрүүдэд болох “Мастерс” тэмцээнд эрхийн болзлоо хадгалж чадвал Риог зорих эрх нь албан ёсоор баталгаажина.

Монгол Ардын намын Бага хурал энэ сарын 27-нд буюу маргааш болно.

Хурлын үр дүнд УИХ-д нэр дэвшигчдийн нэрс тодорхой болох юм. Хурлын явцыг сурвалжлуулахаар хэвлэл мэдээллийнхэнд мандат олгож байгаа ба бүрэн сурвалжлуулах эсэх нь одоогоор тодорхойгүй байна.

Мөн хуралдааны цагийг хараахан зарлаагүй байгаа юм.

Нийслэлийн Засаг дарга бөгөөд Улаанбаатар хотын Захирагч Э.Бат-Үүл “Ариутгал халдваргүйжүүлэлтийн ажил зохион байгуулах тухай” А/399 дүгээр захирамж гаргалаа. Захирамжийн дагуу Нийслэлийн хэмжээнд үхсэн мал, амьтны сэг зэмийг цуглуулан устгах, мал, амьтны гаралтай түүхий эд бүтээгдэхүүнээр үйлдвэрлэл, үйлчилгээ явуулдаг газрууд сүү, сүүн бүтээгдэхүүн худалдан авдаг цэгүүд боловсруулах үйлдвэр, цех, өлөн гэдэс, яс боловсруулах үйлдвэр, мах, хүнсний ногоо хадгалах зоорь, мал нядалгааны газар, ноос, ноолуур, арьс шир боловсруулах үйлдвэр, мал, амьтны хашаа, хороо, өтөг бууц, гахай шувууны байр, сангасны талбайн мал эмнэлгийн ариутгал халдваргүйжүүлэлтийн ажлыг 2016 оны 05 дугаар сарын 20-ны өдрөөс 06 дугаар сарын 20-ны өдөр хүртэлх хугацаанд зохион байгуулна.

Мал эмнэлэг ариун цэвэр, халдваргүйжүүлэлтийн арга хэмжээг бүх нийтийг хамарсан ажил болгон зохион байгуулж, ариутгал халдваргүйжүүлэлтийн ажилд шаардагдах зардлыг санхүүжүүлэхийг Дүүргийн Засаг дарга нарт үүрэг болгов.

Мал эмнэлэг ариун цэвэр, халдваргүйжүүлэлтийн ажлыг нэгдсэн удирдлагаар ханган зохион байгуулж, дүүргийн нутаг дэвсгэрт үйл ажиллагаа явуулдаг мал эмнэлэг, үржлийн аж ахуйн нэгжүүдэд ариутгал халдваргүйжүүлэлтийн бодис хуваарилан олгож, ажлын явц үр дүнг нэгтгэн нийслэлийн Удирдлагын зөвлөлийн хуралдаанаар хэлэлцүүлэн Улсын Мал эмнэлэг үржлийн газарт 2016 оны 07 дугаар сарын 01-ний өдрийн дотор хүргүүлэхийг нийслэлийн Мал эмнэлгийн газар даалгалаа.

Энэхүү захирамжийн хэрэгжилтэд хяналт тавьж ажиллахыг нийслэлийн Засаг даргын Экологи, ногоон хөгжлийн асуудал хариуцсан орлогч Т.Бат-Эрдэнэд, нийслэлийн Мэргэжлийн хяналтын газарт тус тус үүрэг болгов гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.

Хонь - (3/21-4/19)


Томоохон үйл явдлыг хүлээн шөнө нойргүй хоноход хүрнэ. Өглөө сайн унтаж амарч тайвшир. Хэрвээ цаг байвал хөөстэй ваннд ор. Зарим Хонь нэмж үл хөдлөх хөрөнгө авах талаар бодож, хэд хэдэн газраар орж судлах байх. Гэхдээ үл хөдлөх хөрөнгийн дамын худалдаачидтай холбогдохоос сэргийл. Овоорсон их ажлаа заавал дуусга.

Үхэр - (4/20-5/20)


Өнөөдөр дийлэнх асуудлаа ухаалгаар шийдэж чадна. Гэр бүлдээ цаг гарга. Хайртай хүндээ оройн хоол хийж өгөх юм уу, зоогийн газарт урьж тааламжтай сэтгэгдэл төрүүл. Гэр орныхоо тав тухтай байдлыг хамгаалахын тулд бага зэрэг хөдөлмөрлөх шаардлагатагай байна. Мөн тогтсон дадал зуршлаа үүрэг хариуцлага хэмээн ойлгож болохгүй. Энэ нь маш том эндүүрэл болохыг анхаар. Онцын шаардлагагүй зүйлийн төлөө худлаа ярих хэрэггүй. Сүүлд нь таныг эрсдэлд оруулж магадгүй.

Ихэр - (5/21-6/21)


Нэгэн зэрэг олон зүйл хийх гэсний хэрэггүй. Цахилгаан хэрэгсэлтэй болгоомжтой харьцаж, осол гэмтлээс сэргийл. Оюутнууд ямар нэг зүйлд сатааралгүй хичээлээ үр дүнтэй хийхийг хичээ. Олон төрлийн сэдвээр ном уншиж, мэдлэгээ зузаатгаж чадвал та гарцаагүй онц сурах болно. Хайр дурлалын харилцаанд зарим нэг бэрхшээл тохиолдоно. Түр зуур тус тусдаа байвал илүү дээр байж мэднэ.

Мэлхий - (6/22-7/22)


Санхүүгийн бичиг баримт, тооцоогоо хянаж, илүү төлбөр хийгдсэн эсэхийг хяна. Зугаа цэнгэлд илүү мөнгө зарцуулахаас зайлсхийхгүй бол дараа нь та харамсах болно. Ухаалаг буд гараг этгээд Тэнгэрийн Вантай эв найртай байх энэ өдөр огцом түргэн зан, бодлогогүй үйлдэл энэ өдрийн илэрхийлэл байх болно. Шинийг санаачлах сэтгэлгээ хүчтэй байгаа ч худал хуурмаг хандпага гарч болох тул мэлхийн ордынхон бүх ажил хэрэгтээ үнэнч шударга, шулуун шууд байхыг сануулж байна.

Арслан - (7/23-8/22)


Гаднах төрхөндөө санаа зовох хэрэггүй. Та олон зүйлээр өөрийгөө хуурах гэж оролдож магадгүй юм. Хэн нэгийг дуурайх гэж оролдолгүй зөвхөн өөрийнхөөрөө байж чадвал бусдын дунд нэр хүндтэй байх болно. Аливааг байгаагаар нь хүлээн авч чадвал амьдрал саад бэрхшээлгүй, аясаараа үргэлжилэх болно. Таны барьж байгаа дэглэм үр дүнтэй эсэх нь мэдэгдэхгүй байгаа бол өөрчил. Дасгал хөдөлгөөн хийхийг зөвлөе.

Охин - (8/23-9/22)


Таны эрч хүч сул, мөн санхүүгийн хувьд нэлээд асуудалтай байгаа тул уулзалтаа хойшлуулах хэрэгтэй. Өнөөдөр танд оюун ухааныг тань сорьсон олон үйл явдал тохиолдоно. Ямар нэг зүйлээ өөрчлөхийг шийдсэн бол яг одоо бүхнийг шинээр эхлэхэд таатай өдөр болно. Цаг үрж, сэтгэл зовоосон асуудлаас аль болох хол байж өөрийгөө чөлөөл. Хүүхэд насны дурсамжаа эргэн санах нь сайхан сэтгэгдэл төрүүлнэ. Таныг жаргалтай болгож чадах тийм л зүйлийг хий.

Жинлүүр - (9/23-10/22)


Бусадтай холбоо тогтооход хүнд байж болзошгүй. Бусдын хов живээс хол байх нь эрүүл ухаанаа хадгалахад туслана. Жинлүүрийн ордны оюутнууд хөдөлмөрийн дадлага туршлаганд суралцах нь цаашид хэрэгтэй байх болно. Тайван бус байдлаас болж таны төвлөрөх чадвар бага зэрэг сулрана. Гэхдээ өөрийн туршлага мэдлэгээ дутуу үнэлэх хэрэггүй.

Хилэнц - (10/23-11/21)


Өнөөдөр Хилэнцүүд шаламгай, сэргэлэн цовоо байна. Буд гараг Нар, Тэнгэрийн ван хоёртой эерэгээр холбогдох тул таны оюун ухаан оргил цэгтээ ирнэ. Эдгээр гарагийн эерэг хандлагын ачаар асуудал шийдэх чадвар, зөн совин улам өснө. Мэдээлэл бүрийг гярхай дүгнэн цэгнэх чадвар өндөр түвшинд байна. Шинэ мэдлэгийн эрэлд гарсан зарим нь чухал зөвлөгөөн, семинарт очих байх.

Нум - (11/22-12/21)


Сэтгэл санаагаа тайвшруулж, бодлоо төвлөрүүлэн бясалгах, ганцаар байхыг хичээ. Ямар ч холбоо харилцаа таагүй үр дагавар авч ирэхийг од эрхэсийн байрлап харуулж байна. Хүлээцтэй, тэвчээртэй бай. Эс бөгөөс эрх чөлөөг хүсэн тэмүүлсэн дотоод эрч хүч тань бүхий л таатай уур амьсгалыг эвдэж, улмаар хайртай хүнтэйгээ харилцаагаа таслахад хүргэж мэднэ.

Матар - (12/22-1/19)


Матрынхан сэргэлэн гүйлгээ ухаантай учир ихэнх нь сэтгэл догдлон хөгжилдөнө. Шинэ арга замыг эрэлхийлж, энгийн үед удаан шийдэгддэг асуудлуудаа илүү түргэн шийднэ. Шинэ худалдаа үйлчилгээ нээх, бизнес төлөвлөгөөгөө хэрэгжүүлэхэд тохиромжтой цаг. Олон нийтийн үйл ажиллагаа, дуудлага худалдаа найдаж байснаас илүү болно. Нэвтрүүлэгч, илтгэгч болон хөтлөгч нар үзэгчдээс талархлыг хүлээнэ.

Загас - (2/19-3/20)


Ихэнхи Загаснуудын толгой гэгээлэг, бүтээлч санаа төлөвлөгөөнүүдээр дүүрэн байна. Хэдий тийм боловч сэтгэлийн хөөрөл тань энэ өдрийг замбараагүйдэлд хүргэж, уян зөөлөн хандлагыг тань алга болгох талтай. Өдөр бүр хийдэг гэрийн ажлаа хойшлуулах гэсний хэрэггүй бөгөөд зэрэг зэрэг юм хийх гэвэл таагүй үр дүнд хүргэж мэднэ. Мөнгөтэй холбоотой асуудалд ахиц гарах ба хайрттайгаа эсвэл ажлынхаа хүнтэй урт хугацааны зорилго, амлалтаа хэлэлцсэнээр илүү амархан байх болно.

Өнөөдөр буюу тавдугаар сарын 27-ны Баасан гарагт дараах байршлуудад цахилгаан эрчим хүч түгээдэг шугам тоноглолд урсгал засвар хийх тул та бүхэн хэрэглээгээ түр зохицуулна уу.

Сүхбаатар дүүрэг

10:30-17:30 цагт: 1, 15, 16, 17, 20-р хороо Бэлхийн 5, 7, 9, 11, 30, 31, 34, 35, 37, 39, 53, 54, ДД 80, 30, 23В, 23-р гудамж, Бэлх цуурайтын ам, Сэлбэ зуслан, Хадатын ам, Гүнж зуслан орчмоор, Цолмонгийн ам, Албан бус гэгээрэл хөгжлийн төв, 71, 58-р дунд сургууль, 36, 130, 166, 109-р цэцэрлэгүүд, Гал унтраах анги, Доод салхит, Дамбадаржаагийн 23, 30, 80-р гудамж, УСУГ, Хүүхэд элгэмсэг ирээдүй төв, Гэрэлтүүлэг, Дорнын илч ХХК, Бурхан шашинтны шинэ төв, Нуурын 1-2, 6, 7, 15-18, 22, 23-р гудамж орчмоор
11:00-13:00 цагт: УБДС ТӨХК-ийн 1, 4-р насос
13:00-15:00 цагт: 3-р хороо Зип трейд ХХК,

Багахангай дүүрэг

10.00-18.00 цагт: Үнэгтэй гэр хороолол,

Налайх дүүрэг

10.00-18.00 цагт: 2-р хороо Шинэ үе цэцэрлэг, 10-15, 35-39-р байр, ЗДТГ, Мэри ресторан, Шүүх, Шинэ 5 давхар байр, Шижир зул дэлгүүр, Хаан банк, Прокурор, Цогтүвшин дэлгүүр, Худалдан авах ажиллагааны газар, Хангамж үйлчилгээний хэлтэс.

09.00 цагт: БХЯ, Зам тээврийн яам хамтран зохион байгуулж буй ”Зүүн Хойд Азийн дэд бүтцийн стратегийн ач холбогдол, хөгжлийн чиг хандлага” сэдэвт Олон Улсын эрдэм шинжилгээний хурал ГХЯ-нд болно.


10.00 цагт: “Иргэддээ-Тусалъя” Хууль зүйн үнэ төлбөргүй зөвлөгөө өгөх өдөрлөг Чингисийн талбайд болно.

10.30 цагт: Хог хаягдлаар амьдрал ахуйд хэрэгцээтэй бүтээгдэхүүн хийж, түүнийгээ борлуулах замаар сурагчдын бүтээлч сэтгэлгээг хөгжүүлэн тэднийг амьдрах ухаанд сургах, байгаль орчноо хайрлан хамгаалж, эрүүл аюулгүй орчинд амьдарч сурах сэтгэлгээг төлөвшүүлэх зорилготой “Алдагдал, хаягдыг алт, мөнгө болгоё-Хүүхэд 2” төслийн үйл ажиллааг танилцуулах арга хэмжээ Цэнгэг усны нөөц, байгаль хамгаалах төвд болно.


11.00 цагт: Уламжлалт анагаах ухааны Элэг судлалын клиник төвөөс БОНХАЖЯ-ны хууль бус шийдвэр болон гурван шатны шүүхийн шийдвэрийг тус яам хэрэгжүүлэхгүй байгаа асуудлаар ”Монгол Ньюс” Мэдээллийн төвд хэвлэлийн бага хурал зарлалаа.


11.00 цагт: Монголд анх удаа шатахууны импорт, агаарын бохирдлыг зогсоох технологи зохион бүтээсэн залуучууд өөрсдийн бүтээлээ танилцуулах арга хэмжээг Хэвлэлийн хүрээлэнд зохион байгуулна.


11.30 цагт: ”Монгол Ньюс” Мэдээллийн төвд Хүний эрх, хөгжлийн төлөө Азийн Форумын хүний эрхийн шинжээчид Монголын улс төрийн намуудын бодлого, үйл ажиллагаанд хүний эрхийн асуудлуудыг хэрхэн тусгаж буй талаар мэдээлэл хийнэ. Азийн Форум /Forum Asia/ нь НҮБ-д зөвлөх эрхтэй бүсийн хүний эрхийн байгууллага юм.


12.00 цагт: “Монгол технологийн хувьсгал” сэдвээр МУИС-ийн багш нар, Уламжлалт анагаах ухааны доктор профессорууд, “Батзүү” ХХК, Хэрэглэгчийн менежментийн академиас ”Монгол Ньюс” Мэдээллийн төвд хэвлэлийн бага хурал зарлалаа.


12.30 цагт: Нийслэлийн АН-ын Хуулийн албанаас Сонгуулийн хууль, тогтоомжийн зөрчилтэй холбоотой асуудлаар ”Монгол Ньюс” Мэдээллийн төвд мэдээлэл хийнэ.


14.00 цагт: ”Хатан туул голоо хамгаалах үндэсний хөдөлгөөн” болон Нийслэлийн цагдаагийн газрын алба хаагч нар Туул голын ойр орчим дахь хог хаягдлыг цэвэрлэнэ. Нээлтийн үйл ажиллагаа Зайсан дахь ”Миний зах-ын урд талбайд эхлэх юм.

Өнөөдөр болон Үндэсний зөвлөлдөх хорооны хуралдаанаар намын дотоод асуудал, сонгуульд хэрхэн оролцох арга, тактикаа боловсруулах юм байна. Мөн ҮЗХ-ны хурлаас оффшорт данстай гишүүдээ нэр дэвшүүлэх эсэх асуудлыг нухацтай ярилцах аж.

Үс шинээр үргээлгэх буюу засуулбал өвчин ирнэ

Малчид, иргэдэд зориулсан мэдээ:

Өнөөдөр нутгийн хойд хэсгээр хур тунадас орж, нутгийн өмнөд хэсгээр халуун, хуурай салхи шуургатай байна.



2016 оны 05 дугаар сарын 27-ны 09 цагаас 21 цаг хүртэлх цаг

агаарын урьдчилсан мэдээ:

Говийн нутгаар багавтар үүлтэй. Бусад нутгаар үүлшинэ. Баруун зүгийн нутгийн зарим газар, төв болон зүүн зүгийн нутгийн хойд хэсгээр хур тунадас орно. Бусад нутгаар хур тунадас орохгүй. Салхи говь, зүүн зүгийн нутгаар баруун өмнөөс, бусад нутгаар баруун өмнөөс хойш эргэж секундэд 5-10 метр, ихэнх нутгаар секундэд 14-16 метр хүрч шороон шуурга шуурна. Алтай, Хангай, Хөвсгөл, Хэнтэйн уулархаг нутаг, Туул, Тэрэлж голын хөндийгөөр сэрүүсч 8-13 градус, говийн бүс нутгаар 24-29 градус, бусад нутгаар 18-23 градус дулаан байна.

УЛААНБААТАР ХОТ: Үүлшинэ. Бороо орохгүй. Салхи баруун өмнөөс хойш эргэж секундэд 5-10 метр, зарим үед секундэд 14-16 метр хүрч шороон шуурга шуурна. 21-23 градус дулаан байна.

Өглөө 06 цагт Улаанбаатарт: 8 градус дулаан, харьцангуй чийг 45 хувь, агаарын даралт 857 гектопаскаль байлаа. Даралт өдөртөө өснө.

”Замын-Үүдийн гаалиар олны танил эрхэм их хэмжээний хар тамхи оруулж ирэх гэж байна” гэсэн мэдээлэл авсны дагуу тагнуулынхан очиж шалгалт хийжээ.

Сонгинохайрхан дүүргийн Ардчилсан нам яг одоо хуралдаж байна. Уг хуралдаанаар 2016 оны УИХ-ын сонгуульд тус тойргоос өрсөлдөх нэр дэвшигчдийг тодруулах сунгаа ид явж буй юм.

Сонгинохайрхан дүүрэг нь зургаан мандаттай найман нэр дэвшигч өрсөлдөж байгаа аж. Тодруулбал, УИХ-ын гишүүн Ш.Түвдэндорж, Л.Эрдэнэчимэг, Сонгинохайрхан дүүргийн Засаг дарга М.Чинболд, Эрүүл мэндийн дэд сайд асан Т.Болдбаатар, Сонгинохайрхан дүүргийн Ардчилсан намын дарга Ө.Пүрэвбаатар, Ерөнхий сайдын зөвлөх Б.Ургамалцэцэг, Кекүшюзан Д.Батбаяр, Шударга өрсөлдөөн хэрэглэгчийн төлөө газрын дарга асан О.Магнай нарын дунд ширүүн өрсөлдөөн болж байна.

Ардчилсан намын Үндэсний зөвлөлдөх хорооны хуралдаан маргааш товлогдсон. Түүнээс урьтаж аймаг, дүүргүүдийн Ардчилсан нам нэр дэвшигчдээ тодруулан, Үндэсний зөвлөлдөх хороонд оруулж батлуулах юм.

​Энэтхэгийн Засгийн газар 1964 оны есдүгээр сарын 15-наас Энэтхэгийн Техник ба Эдийн засгийн Хамтын Ажиллагаа хөтөлбөр хэрэгжүүлж эхэлсэн нь энэ жил 52 дахь жилийнхээ нүүрийг үзэх гэж байна. Үүний хүрээнд 1949 онд хөгжиж байгаа орны 70 оюутанд Энэтхэгт суралцах Засгийн газрын тэтгэлэг олгосноо зарласан. Үүнээс хойш тус тэтгэлгийг жил бүр заралсаар, зөвхөн 2013-2014 онд хөтөлбөрийн хүрээнд 10 мянган тэтгэлэг олгогджээ. Энэтхэгийн Засгийн газраас жил бүр 150 хүртэлх монгол иргэдэд богино хугацааны сургалтын тэтгэлэгт хөтөлбөрийг санал болгож, нислэг, байрлах зардал болон сургалтын хураамжтай холбоотой зардлыг бүхэлд нь санхүүжүүлдэг байна. 2016-2017 онд тус улсын Засгийн газраас Техник Эдийн засгийн хамтын ажиллагааны хөтөлбөрийн хүрээнд зарласан сургалтын мэдээллийг хүргэж байна.



Доорх холбоосуудаар холбогдож уг хөтөлбөрт хамрагдах боломжтой.



http://www.eoi.gov.in/ulaanbaatar/?1078?000

http://www.itec.mea.gov.in./



Анхаарах зүйл:

1. Анхан шатны шалгаруулалтын явцад Энэтхэгийн элчин сайдын яамнаас англи хэлний аливаа түвшний сургалтад тэтгэлэг олгохыг дэмждэггүй тул хэлний сургалт сонгохгүй байх нь зохимжтой.

2. Өргөдөл гаргагч англи хэлний хангалттай түвшний мэдлэгтэй байх зайлшгүй шаардлагатай. Материал хүлээн авахдаа элчин яамнаас ярилцлага хийж түвшинг тодорхойлдог.

3. Ажил олгогчоос дэмжсэн тодорхойлолт шаардлагатай бол Банк зөвхөн ажил, албан тушаалтай уялдсан, цаашдын карьерийн хөгжилтэй илэрхий холбогдох сургалтууд сонгосон тохиолдолд шууд удирдлагын дэмжлэгийг харгалзан тодорхойлох болно.

МАХН сонгуультай холбоотой асуудлаар 17.00 цагт буюу яг одоо намын төв байрандаа шуурхай хэвлэлийн хурал зарлаад байна. Хэвлэлийн бага хурал хараахан эхлээгүй байна. Уг хурлаар МАХН-аас нэр дэвшигчид өлсгөлөн зарлахаар болсон тухай мэдээлэл хийх аж. Хэвлэлийн хуралд МАХН-ын дарга Н.Энхбаяр, бусад удирдлагууд оролцох юм.

Өлсгөлөн зарлах болсон шалтгаанаа намын дарга Н.Энхбаяр болон бусад гишүүдийг нь нэр дэвшүүлэхээс татгалзсан шийдвэртэй холбон тайлбарлалаа. Бид энэ талаар эргэн мэдээлэх болно.

2016 оны 05 дугаар сарын 26-ны өдрийн гадаад валютын дуудлага худалдаагаар банкууд 1989.50-1994.00 төгрөгийн ханшаар 1.9 сая ам.доллар худалдан авах, 1997.81-1997.83 төгрөгийн ханшаар 8.0 сая ам.доллар худалдах, 303.00-303.20 төгрөгийн ханшаар 4.5 сая юань худалдан авах, 304.70 төгрөгийн ханшаар 0.65 сая юань худалдах санал тус тус ирүүлсэн бөгөөд Монголбанк энэ удаагийн дуудлага худалдаагаар ирүүлсэн саналыг биелүүлээгүй болно.
2016 оны 05 дугаар сарын 26-ны өдрийн ээлжит гадаад валютын своп, форвард хэлцлээр Монголбанк банкуудаас ирүүлсэн 21.7 сая ам.доллар худалдан авах төгрөгийн своп хэлцэл, 25.0 сая ам.доллар худалдах ам.долларын своп хэлцэл байгуулах саналыг тус тус биелүүллээ.

Монгол Улсын Их Хурлын дарга Зандаахүүгийн Энхболд өнөөдөр /2016.05.26/ Холбооны Бүгд Найрамдах Герман Улсын Бундестагийн гишүүн, Бундестаг дахь Христосын Ардчилсан Холбоо намын бүлгийн дарга Герда Хассельфелдт, Бундестагийн гишүүн, Бундестаг дахь Христосын Ардчилсан Холбоо намын бүлгийн дэд дарга Макс Штраубингер нарыг хүлээн авч уулзав.
Хатагтай Герда Хассельфелдт, Улсын Их Хурлын даргыг цаг гарган хүлээн авч уулзсанд талархал илэрхийлэв. Тэрээр, анх удаа Монгол Улсад ажиллаж байгаагаа танилцууллаа. Монгол Улсын ардчилсан хувьсгалын үйл явцыг өндрөөр үнэлдэг болохоо тэмдэглээд, амжилттай болсон нийгмийн шилжилтийн хөгжлийг дэмжиж байдгаа илэрхийлэв.
Уулзалтын үеэр талууд улс төр, эдийн засаг болон цаг үеийн асуудлаар харилцан ярилцаж, санал солилцов хэмээн Улсын Их Хурлын Тамгын газрын Хэвлэл мэдээлэл, олон нийттэй харилцах хэлтсээс мэдээлэв.

Монгол Улсын Их Хурлын Өргөдлийн байнгын хороо өнөөдөр /2016.05.26/ бага, дунд ангийн багш нарын нийгмийн баталгааны талаар уулзалт-хэлэлцүүлэг зохион байгуулав.

Ерөнхий боловсролын сургуулийн бага болон дунд ангийн багш нарын цалингийн хэмжээг нэмэгдүүлэх, нийгмийн асуудлыг анхаарах талаар багш нараас санал, хүсэлт тус байнгын хороонд ирүүлсний дагуу Боловсрол, соёл, шинжлэх ухааны яамны холбогдох албан тушаалтнуудыг байлцуулж энэхүү хэлэлцүүлгийг зохион байгуулж буйгаа Байнгын хорооны дарга Ж.Батзандан уулзалтын эхэнд тэмдэглээд хүрэлцэн ирсэн багш нарын төлөөллийн саналыг сонссон юм.

Тус уулзалтад нийслэл болон хөдөө орон нутгийн багш нараас гадна өндөр насны тэтгэвэртээ суусан ахмад багш нарын төлөөлөл Төрийн албаны тухай, Боловсролын тухай болон Хөдөлмөрийн тухай хуулиудын зарим заалтад нэмэлт, өөрчлөлт оруулах талаар саналаа хэлж, байр сууриа илэрхийлсэн юм. Тухайлбал, Ерөнхий боловсролын сургуулийн бага болон дунд ангийн багш нар 25 жил ажиллаж байж 608 мянган төгрөгийн цалин авч байна. Хэдийгээр тухайн багшийн хөдөлмөрийн шинж чанар, мэргэжлийн онцлогт тохирсон цалин, нэмэгдэл хөлс, нэмэгдэл, нөхөх олговор, шагнал урамшуулал авах зэрэг эрх зүйн орчин хуульд заасан байдаг хэдий ч энэ нь бодит амьдралд хүрэлцэхгүй байна. Иймд цалингийн доод хэмжээг нэмэгдүүлбэл багш нарын үндсэн цалингаас тооцох нэмэгдэл хөлсний хувьд тооцох мөнгөн дүн дагаад өснө гэсэн саналтай байгаагаа илэрхийлэв. Түүнчлэн, 1995 оноос өмнө өндөр насны тэтгэвэрээ тогтоолгосон багш нарт нэг удаагийн мөнгөн тэтгэмж олгуулах талаар хүсэлт гаргасан юм.

Улсын Их Хурлын гишүүн Ж.Батзандан хэлэхдээ, сургууль, цэцэрлэгийн ялангуяа бага ангийн багш нар хүнд нөхцөлд ажилладаг төдийгүй бага насны хүүхдийг сурган хүмүүжүүлэхэд ур чадвар, туршлага шаардсан нарийн мэргэжил юм. Иймд, тэдний мэргэжлийн онцлогт тохирсон нэмэгдэл хөлс илүү өндөр байх ёстой гэсэн санал гаргасан юм. Түүнчлэн тус байнгын хороонд ирүүлж буй өргөдөлд багш нар илүү цагийн мөнгөө тогтоолгож чадахгүй байна гэсэн гомдол байгааг холбогдох албан тушаалтнуудаас тодруулга авлаа.

Боловсрол, соёл, шинжлэх ухааны яам болон Нийслэлийн боловсролын газрын албаны хүмүүс тайлбарлахдаа, хууль тогтоомжид зааснаар сургуулийн өмнөх болон бага, дунд ангийн багш нар төрийн үйлчилгээний албан тушаалын ангилал, зэрэглэлд багтдаг. Иймд, хууль тогтоомжид бага ангийн багш гэсэн томьёлолыг албан ажлын онцгой нөхцөлд нэмж оруулбал тэтгэмж олгох бүрэн болоцоотой. Харин илүү цагийн нэмэгдлийн хувьд сургууль, цэцэрлэгийн багш, бусад албан хаагчдад үр дүнгийн урамшуулал олгогдож байгаа. Энэ нь 2012 оны 05 дугаар сарын 09-ний өдрийн хуулиар нэмэгдсэн заалт юм. Хэдийгээр бага ангийн багшийн зааж буй хичээлийн цаг нь цөөн мэт харагдаж байгаа боловч, тухайн багш анги хүлээлгэж өгөх, дэвтэр шалгах, дараа өдрийн хичээлийн хөтөлбөр бэлдэх зэрэг олон ажил байдаг бөгөөд энэ бүхнийг тооцож үзвэл өдрийн 12 цаг ажиллаж байгаа нь үнэн. Иймд яамны зүгээс энэ бүхнийг харгалзан үзэж нарийвчалсан судалгаа хийж байгаа гэлээ.

Ийнхүү багш болон абаны хүмүүсээс гаргасан саналыг сонссоны дараа Байнгын хорооны дарга Ж.Батзандан дүгнэлт хийж, илүү цагийн мөнгийг бодож тооцох аргачлалыг боловсронгуй болгох, урамшуулалын тогтолцоог тодорхой болгож шинэчлэх, 1995 оноос өмнө өндөр насны тэтгэвэрээ тогтоолгосон багш нарт нэг удаагийн мөнгөн тэтгэмж олгуулах, мөн Боловсролын тухай хуулийн 43.1.7.а-д “сум, тосгон..” гэдгийн өмнө “нийслэл” гэдэг үг нэмж оруулах талаар Засгийн газарт чиглэл өгөхөөр тогтлоо гэж Улсын Их Хурлын Тамгын газрын Хэвлэл мэдээлэл, олон нийттэй харилцах хэлтсээс мэдээлэв.