2015.8.14, Баасан гараг / Билгийн тооллын: 30Зуны адаг харагчин хонь сарҮнэг одтой, хар нохой өдөр

Наймдугаар сарын 14 буюу өнөөдөр баруун зүгийн нутгийн баруун, зүүн зүгийн нутгаар, 15-нд баруун зүгийн нутаг, төвийн нутгийн баруун хэсгээр, 16-нд төв болон говийн нутаг, баруун зүгийн нутгийн зүүн хэсгээр, 17-нд төв, говь, зүүн зүгийн нутгаар дуу цахилгаантай бороо орно Салхи 14-нд Алтайн салбар уулсаар, 15,16-нд зарим газраар, 17-нд говь, талын нутгаар түр зуур 18-20 м/с хүрч ширүүснэ. 15-нд баруун зүгийн нутгаар, 16-нд нутгийн баруун хагаст, 17-нд нутгийн зүүн хагаст сэрүүсч Алтай, Хангай, Хөвсгөл, Хэнтийн уулархаг нутгаар шөнөдөө 1-6 градус, өдөртөө 13-18 градус, Дорнод Монголын тал нутаг болон говийн нутгийн өмнөд хэсгээр шөнөдөө 13-18 градус, өдөртөө 24-29 градус, бусад нутгаар шөнөдөө 7-12 градус, өдөртөө 18-23 градус дулаан байх ажээ.

Өвөлжилтийн бэлтгэл ажлыг хангах ХХАА-н сайдын тушаалаар малчид, тариаланчдад бага оврын тракторыг түүний дагалдах хэрэгсэл болох хадуур, тармуур, анжисны хамт урт хугацааны хүүгүй зээлээр олгох ажил үргэлжилж байна.

Хятадын Тяньжин хотод өчигдөр 23:30 цагийн үед хоёр хүчтэй дэлбэрэлт болж, ихээхэн хохирол учруулаад байна.

ЯДУУРЛЫН ТҮВШИН 50 ХУВЬД ХҮРЧЭЭ

АНУ-ын Пенсильвань мужийн тэргүүн мисс хорт хавдартай хэмээн жүжиглэж, олон нийтээс хандив цуглуулсан нь илэрчээ. 23 настай мисс Брэнди Вивр-Гэйтс залилан хийсэн хэргээр мягмар гарагт баривчлагдсан байна.

ОХУ-ын Буриадын цагдаагийн газраас хүчингийн хэрэг хийсэн гэмт этгээдүүдийг эрэн сурвалжилж эхэлжээ. Тэд Буриадын нэгэн тосгонд эцэг, эхтэйгээ уулзахаар ирсэн бүсгүйг машиндаа хүчээр суулган авч яваад хээр аваачиж хүчирхийлсэн гэнэ. Цагдаагийн газраас эрүүгийн хэрэг үүсгэн шалгаж эхэлсэн ч гэмт этгээдүүдийг Монголын иргэд байх магадлалтай гэж үзэж буй. Хэрэгтнүүд мөнгөлөг цагаан өнгийн “Тоёота Харриер” машинтай байсан бөгөөд хэргийн газраас зугтахад нь хохирогч бүсгүй машиных нь дугаарыг харж амжаагүй ажээ. Тиймээс тус хотын цагдаагийн газраас гэмт этгээдүүдийг эрэн сурвалжилж байна.

Алдарт уран зураач Пабло Пикассогийн суут бүтээлүүдийн нэг ”Залуу эмэгтэйн тэргүүн” уран зургийг Испани улсаас нууцаар хил давуулан гаргаж алдагдаад байсан юм. 24 сая еврогийн үнэтэй бүтээл эх нутагтаа эргэн иржээ.

УИХ дахь МАН-ын бүлгийн дарга С.Бямбацогт Хууль зүйн байнгын хорооны дарга Д.Ганбатад Өршөөлийн хуулийг хэрэгжүүлэх ажлын хэсэгт МАН-ын бүлэг оролцох боломжгүй гэдгээ мэдэгдсэн мэдэгдэл хүргүүллээ.

Өнөөдөр Чингис хотноо Хэнтий аймгийн ЗДТГ-аас Хэнтий аймгийн Өмнөдэлгэр сумын харьяат улсын арслан Энхтөгсийн Оюунболдод зориулсан “Хүндэтгэлийн наадам” хоёр дахь өдрөө үргэлжилж байна.

УИХ-ын ээлжит бус чуулганаар батлагдсан Өршөөлийн хуулийн талаар УИХ дахь МАН-ын бүлгийн дарга С.Бямбацогт, МАН-ын ерөнхий нарийн бичгийн дарга Ж.Мөнхбат, УИХ-ын гишүүн Ц.Нямдорж нар олон нийтэд хандан мэдээлэл хийлээ.

Улсын хэмжээнд 2015 оны эхний долоон сард 47083 эх амаржижээ. Үүнээс амьд төрсөн хүүхдийн тоо 47358 болж, өмнөх оны мөн үеийнхээс амаржсан эхийн тоо 196 буюу 0.4 хувиар, хүүхдийн тоо 229 буюу 0.5 хувиар буурсан байна гэж Үндэсний статистикийн хорооноос мэдээллээ.

1981 оны 7 дугаар сарын 29-ний өдөр гэгээн Паулийн сүмд болсон гэрлэх ёслолын дараа Букингхэмийн ордны хүлээн авалтан дээр авахуулсан гэрэл зургуудыг дуудлагаар худалдах гэж байна.

Шинэ сайд нарыг тодруулах ажлын хэсгийг Н.Энхбаяр ахална

Монгол улсын Засгийн газрын 2012-2016 оны үйл ажиллагааны хөтөлбөрт тусгагдсан “Зөв Монгол хүүхэд” хөтөлбөрийг хэрэгжүүлэх зорилгоор Нийслэлийн Баянзүрх дүүргийн Засаг даргын Тамгын газар, Нийгмийн хөгжлийн хэлтэс, Хүүхэд, гэр бүлийн хөгжлийн төв хамтран “Эх орон 36” арга хэмжээг зохион байгуулж, зорилтот бүлгийн 150 хүүхдийг зусланд амраалаа.

УИХ дахь МАН-ын бүлгийн дарга С.Бямбацогт болон тус намын ЕНБД Ж.Мөнхбат, УИХ-ын гишүүн Ц.Нямдорж нар Өршөөлийн хуулийн талаар байр сууриа илэрхийлж мэдээлэл хийлээ.

Цахим сүлжээгээр худалдаалагдаж буй эм эмийн бэлдмэлийг худалдан авахгүй байхыг анхааруулж байна.

Хятадын Шанси мужид хөрс гулссан талаар орон нутгийн эрх баригчид мэдээллээ. Хөрсний гулсалтын улмаас 66 оршин суугч сураггүй алга болоод байна.

Иргэдийн орон сууцыг түрээслэнэ гэж хуурч мэхлэн бусдад давхар түрээслэн онц их хэмжээний хохирол учруулсан “А”-г цагдаагийн байгууллагаас шалгаж байна. Иймд дээрх байдлаар байр түрээслэхээр мөнгөө өгч хохирсон, хохирогчоор мэдүүлэг өгөөгүй иргэд Мөрдөн байцаах газрын 209 тоотод ирж мэдүүлэг өгөх шаардлагатай байна.

Унадаг дугуйны зогсоолын сонирхолтой шийдлүүд