Австралийн тэргүүлэх их, дээд сургуулиуд, үүн дотор Сидней Их сургууль, Австралийн Үндэсний их сургуулийн гадаад оюутны асуудлыг хариуцдаг байгууллагууд авлигад автаж оюутны элсэлтийг хангахын тулд дүнг өөрчилдөг байжээ. Австралийн дээд боловсролын салбар дахь булхай, багш нарыг хахуульдах, дүн засварлах зэрэг нь олон улсын дээд боловсролын зах зээл дээрх тус улсын гадаад оюутны зах зээлийн нэр хүндийг унагахад хүргэж байна. Сэтгүүлчдийн хийсэн судалгаагаар гадаад оюутнууд Австралид ирэхдээ дөнгөж 4.5 гэсэн англи хэлний мэдлэгийн түвшинтэй ирдэг байна. Гэтэл дээд сургуульд элсэн суралцахын тулд 7 гэсэн үнэлгээтэй байх ёстой аж. Сэтгүүлчдийн хийсэн судалгаагаар Сиднейд байрладаг нэгэн компани оюутнуудын бичгийн ажил, компьютерээр авдаг шалгалтыг хүртэл өгч байсан байна. Иймэрхүү байдлаар шалгалтаа өгсөн 1000 гаруй гадаад оюутан байгаа аж. Хараат бус Авлигатай тэмцэх хорооноос нийтэлсэн материалд гадаад оюутнуудаас олж буй хөрөнгө нь их, дээд сургуулиудад авлигын нөхцөл үүсгэсэн хэмээн онцолжээ.

Ханой. 2011-2015 онд хэрэгжиж буй Авлигатай тэмцэх хөтөлбөр 3.7 их наяд донг хэмнэх боломж олгосон хэмээн уг хөтөлбөрийн хэрэгжилтийн талаарх хурал дээр мэдэгдсэн байна.

Албан тушаалын гэмт хэргийг шалгах хорооноос төрийн өндөр 23 албан тушаалтантай холбоотой хэргийг тусгай шүүхэд шилжүүлэв. 520 хуудас бүхий яллах дүгнэлтэд Ойн аж ахуйн яамны нарийн бичгийн дарга Шарад Чандра Пудел, Хууль зүйн хорооны нарийн бичгийн дарга Ранжан Кришна Арьяал нарыг албан тушаалын хэрэгт буруутгаж байгаагаас гадна Балба Улсын аялал жуулчлалын зөвлөлөөс гүйцэтгэх захирал Субаш Нироулаг 700 сая рупий шамшигдуулсан зэрэг асуудлууд багтжээ. Тус улсын аялал жуулчлалын зөвлөлийн бүрэлдэхүүнд Пудел, Арьяал нарыг байхад үүссэн асуудлыг Албан тушаалын гэмт хэргийг шалгах хорооноос судалж эхэлсэн байна. Улмаар Нироулаг сэжиглэн шалгажээ.

ӨМӨЗО-д тэтгэлгээр 100 оюутан сургана

Аюулгүй байдал, гадаад бодлогын байнгын хороо хаалттай хуралдана

Нийслэлийн Иргэдийн Төлөөлөгчдийн Хурлын 2013 оны 10/39 дүгээр тогтоолоор батлагдсан байршлуудад иргэдэд газар шинээр өмчлүүлэх үйл ажиллагааг цахим хэлбэрээр шат дараатайгаар зохион байгуулж байгаа. 2014 онд зохион байгуулагдсан эхний ээлж, 2015 оны 1 дүгээр сараас эхлэн зохион байгуулагдсан 2 дугаар ээлжийн цахим газар өмчлөлийн ажлаар нийт 24766 нийслэлийн иргэн газар өмчилж авсан байна. Харин газар өмчлөлийн цахим системийн 3 дугаар ээлж 05 дугаар сарын 01-нээс эхэллээ. Бүргэлийн хугацаа хуанлийн 15 хоног буюу 05 дугаар сарын 15-ны өдөр дуусна. З дугаар ээлжээр дараахь 11 байршилд иргэдийг бүртгэж байна.

З.Энхболд “Онлайн эрх чөлөө” эвслийн Сайд нарын 5 дугаар бага хуралд оролцов

Нийслэлд хэрэгжүүлэх бүтээн байгуулалтын зарим төсөл, арга хэмжээний талаар Засгийн газрын хуралдаанд танилцуулга хийлээ.

Хятадын төвд жуулчдыг татах, хөгжөөх цоо шинэ арга дэлгэрсэн тухай “Telegraph” агентлаг бичжээ.

1987 онд сиамын ихэр салгах мэс заслыг амжилттай хийж олонд алдаршсан Америкийн нэртэй мэс засалч Бен Карсон АНУ-ын Ерөнхийлөгчийн сонгуульд өрсөлдөнө гэдгээ зарлалаа.

Экс Ерөнхий сайд маргааш мэдээлэл хийнэ

Оросын мотоцикльчдын “Шөнийн чоно” клубынхан Их ялалтын 70 жилийн ойд зориулан ЗХУ-ын Улаан армийнхны явсан замаар аялж байна. Тодруулбал, мотоцикльчид нутаг нэгт дайчдын ялалт байгуулсан нутаг Европоор аялах төлөвлөгөө боловсруулжээ.

Онцгой байдлын албанд гамшиг судлалаар магистрын зэрэг хамгаалсан анхны албан хаагчид дипломоо гардан авлаа. Гамшгаас хамгаалах менежментийн шинэчлэлийн бодлогын хүрээнд 2013 оноос Хууль сахиулахын их сургуульд Гамшиг судлалын магистрын сургалтыг эхлүүлсэн юм.

Нийслэлийн Онцгой байдлын газар, Боловсролын газраас UBS телевизтэй хамтран ерөнхий болосролын сургуулийн ахлах ангийн сурагчдын дунд “Найзаа үүнийг мэдэх үү?” уралдаант тэмцээнийг зохион байгуулах гэж байна.

Налайх дүүргийн 6 дугаар хороо, Байтаг богд амралтын газрын дэргэд Тэрэлж голд автомашин суусан гэсэн дуудлагыг НОБГ-т өгчээ. Дуудлагын дагуу дүүргийн Онцгой байдлын хэлтсийн Гал унтраах, аврах 28 дугар ангийн 10 албан хаагч, 1 автомашинтайгаар очиход голын дунд хэсэгт ”Mersedes benz-320” загварын автомашин суусан байсныг татаж гаргасан байна.

Үндсэн чиглэлийн биелэлтийг дэмжихгүй гэв

Нийслэлийн Засаг даргын Зам тээвэр, дэд бүтцийн асуудал хариуцсан орлогч Н.Гантөмөр Беларусь Улсаас Монгол Улсад суугаа Онц бөгөөд Бүрэн Эрхт Элчин сайд Станилав Чепурной, Монгол-Беларусийн Засгийн Газрын хамтарсан комиссын Беларусийн хэсгийн дарга А.С.Огородников болон бусад албаны хүмүүсийг хүлээн авч уулзлаа. Уулзалтаар Беларусь Улсын Аж үйлдвэрийн яамны дэргэдэх “Маз” ХК-ийн хэрэгжүүлж байгаа Улаанбаатар хотын нийтийн тээврийн хэрэгцээнд 20 автобус нийлүүлэх гэрээний хүрээнд хамтран ажиллах хэтийн төлөв болон хамтын ажиллагааны бусад асуудлуудыг хэлэлцэж, санал солилцов.

Гэр бүлийн хүчирхийлэл, ахуйн хүрээнд үйлдэгдэж буй гэмт хэрэг зөрчлөөс урьдчилан сэргийлэх, иргэдийн идэвх санаачилгад суурилсан “Хөршийн хамгаалалт” амгалан тайван байдлын тогтолцоог бүрдүүлэх зорилгоор нийслэлийн Засаг даргын 2015 оны А/112 дугаар захирамжаар байгуулагдсан ажлын хэсгийн гишүүд болон Хан-Уул дүүргийн Засаг даргын Тамгын газар, Цагдаагийн 2-р хэлтэс, 10-р хороо хамтран иргэдтэй уулзалт зохион байгуулж санал солилцоно.

БНН-ын дарга Б.Жаргалсайхан эфирт танхайрсан бичлэгийг түүнийг нэвтрүүлэгтээ оролцуулсан “Ийгл Ньюс” телевиз олон нийтэд цацлаа.

УИХ-ын гишүүн, Өргөдлийн байнгын хорооны дарга О.Баасанхүү өнөөдөр Төрийн албан хаагчдыг үндэслэлгүйгээр халсан талаар зохион байгуулсан хэлэлцүүлгийн үр дүнгийн талаар мэдээлэл хийлээ. Тэрбээр, “Төрийн албан хаагчдыг үндэслэлгүй ажлаас халсан гэх асуудлаар анх удаа нээлттэй сонсголыг тус байнгын хорооноос зохион байгууллаа. Тус сонсголд холбогдох байгууллага, албан тушаалтан, мөн 3 иргэнийг оролцуулж, талуудын байр суурийг сонслоо. Нээлттэй сонсголоос улбаалж эхний ээлжинд тухайн асуудлаар Засгийн газар, Төрийн албаны зөвлөл, Шүүхийн ерөнхий зөвлөлийн байр суурийг нь бичгээр авна. Ингэснээр сонсголын хүрээнд яригдсан асуудлыг албажуулж байгаа юм. Үүний дараа байнгын хороог хуралдуулж, хэд хэдэн чиглэлээр санал дүгнэлт гаргана. Юуны өмнө Шүүхийн шийдвэр гарчихаад байхад өнөөг хүртэл ажилд нь буцаан томилохгүй байгаа албан хаагчдад дээр шүүхийн шийдвэр биелэлтийг хангуулна. Хэрэв шүүхийн шийдвэрийг биелүүлэхгүй байгаа бол дараагийн шатны арга хэмжээ авна” гэлээ. Тэрбээр мөн өнгөрсөн сарын нэгээс энэ сарын нэгний хооронд иргэдээс Өргөдлийн байнгын хороонд 491 өргөдөл ирүүлсэн. Үүний 365 өргөдөл шийдвэрлэх шатандаа байгаа. Нийт өргөдлийн 17.7 хувь нь УИХ-ын, 73.3 хувь нь бусад байгууллагын бүрэн эрхэд хамаарах асуудал гэсэн мэдээллийг өглөө. Түүнчлэн ирэх долоо хоногт Боловсролын тухай хуулийн хэрэгжилт болон хотын дахин төлөвлөлтийн асуудлаар хэлэлцүүлэг хийхээр төлөвлөсөн гэв.